Post: #1
Title: أفرضوا عشنا بدون ديمقراطية .. حنموت يعني ؟؟؟
Author: فتح الرحمن محمد
Date: 12-10-2009, 05:32 PM
الديمقراطية البينادوا بيها ناس (يهتدون ) ، ( يلبدون ) ، ( ينفصلون ) دي ما أخير نعيش بدونها ؟
خلاص بقت على الديمقراطية ؟ ماناس بدون ديمقراطية عايشين وفي آمااااااااااااان الله .. السعوديين .. القطريين .. البحرينيين .. العمانيين .. مالهم ؟ مااحسن ناس .. شالوا منهم الديمقراطية وريحوهم للآخر .. لاعندهم مظاهرات .. لاغلبة لاوجع راس كتير ..
وبعدين وينا الديمقراطية البينادوا بيها دي ؟ ماكانوا حاكمين وفيهم ناس حاكمين ( نص بلد) سووا فيها شنو عشان الناس تقول في ديمقراطية ؟ أبسط حاجة ينتزعوا حياة بني آدم زيهم برصاصة ولاعكاز عسكري في مظاهرة من البينادوا بيها عشان يكون أول عتبة في سلمهم الجايين بيه على السلطة ؟ ياهو دي الديمقراطية ؟
خليك من المواطن ، العسكري وبتاع الأمن ده اأخوك .. ود خالتك .. عمك ذنبو شنو ؟ عايز تحكم قدامك صناديق الإقتراع فوز وورينا ديمقراطيتك دي .. خلونا من مظاهرات الشعب هو الخاسر الأكبر فيها ..
وبالجد بلا معارضة بلا قرف !!!
|
Post: #2
Title: Re: أفرضوا عشنا بدون ديمقراطية .. حنموت يعني ؟؟؟
Author: عزام حسن فرح
Date: 12-10-2009, 06:01 PM
Parent: #1
فتح الرحمن محمد
| Quote: وبعدين وينا الديمقراطية البينادوا بيها دي ؟ |
لكِن شعب أغلبو بِيِعِْتقِد في < المهدي > و< الميرغني > و< كرامات > المشايِخ ما بِسْتحِق ديمُقراطِية ... لأن الديمُقراطِية فِعل مُتحضِر ... وعاوِز ناس مُتحضِرين وعاقلين ... إذا كان < الصادِق المهدي > عاوِز يِقْنِعنا في كِتابو < يسْألونك عن المهدِية > بإنو القائِد مُحمد أحمد الدُنْقُلاوي هو نفسو < المهدي المُنتظر > و< الميرغنِينة > بِقولو الشاف الشافنا بدخُل الجنة ، تقوم تقول لي ديمُقراطِية ...
زمان لامِن الواحِد يِكون دايِر يتعرف على زول ، بِقول ليهو إنت ساكِن وين؟ هسِع بِقول ليهو إنت شايِت وين؟ هسِع يا خوي إنت شايِت وين
|
Post: #3
Title: Re: أفرضوا عشنا بدون ديمقراطية .. حنموت يعني ؟؟؟
Author: فتح الرحمن محمد
Date: 12-10-2009, 06:12 PM
Parent: #2
عشان كدة الشعب بقى الخاسر الأكبر لإستغلال السادة لهذا الجهل ..
لي غادي ..
|
Post: #4
Title: Re: أفرضوا عشنا بدون ديمقراطية .. حنموت يعني ؟؟؟
Author: عزام حسن فرح
Date: 12-10-2009, 06:20 PM
Parent: #3
فتح الرحمن محمد
سمِح ... كِسِبنا وخِسْرو
|
|