منـــاضـــــلي الكيبـــــــورد !!!!

دي اكثر الإساءات شيوعا في البورد اليومين ديل ...

تكتب مداخله يجيك واحد ناطي من الكيزان يقول ليك "مناضلي الكيبورد"
سمح هو بيكتب مداخلتو دي كيف ياربي؟؟؟؟
طيب بدل يضيع زمنو الغالي في الرد على "مناضلي الكيبورد"
ما يستفيد منو ويمشي يصيغ ليهو فتوى كاااربه يتخارج بيها بعدين ..
ولا يلبس كاكي ويمشي يحرس القصر ولا المجلس ولا البرلمان!!!

مع كامل الاحترام لكل وسائل الاعلام المقروءه والمسموعه..
لكن النت اصبح الاكثر فاعليه وسرعه في نشر الخبر وتلقي المعلومه..
يعني نضال الكيبورد دا بقى اقوى من الرصاص..
بقى سلاح بنواجهكم بيهو ويكشف ويفضح افعالكم المشينه ودكتاتوريتكم..

وستكون المقاومة شامله ..
مسيرات .. مظاهرات .. هاتفات .. نضال كيبورد .. حصار شامل لفضح ممارساتكم ضد هذا الشعب الصابر.

تخريمه بالفصحى:
الم تعلموا يا هؤلاء ان منبر سودانيزاونلاين اصبح الان احد المصادر المعتمده لاستقاء المعلومة ومعرفة ما يجري في الساحه السياسية السودانية.

تخريمه بالعاميه:
وكت اصلوا طقطقة الكيبورد دا بقت نبذه انتو مالكم عينكم للغلط وتعملوا فيهو...
هسي كدا انتو بتنبذوا في روحكم كمان ...
ولا ياربي يمكن عشان "طقطقتكم" في الله وكيبوردكم "اسلامي"

Quote: مع كامل الاحترام لكل وسائل الاعلام المقروءه والمسموعه.. لكن النت اصبح الاكثر فاعليه وسرعه في نشر الخبر وتلقي المعلومه.. يعني نضال الكيبورد دا بقى اقوى من الرصاص.. بقى سلاح بنواجهكم بيهو ويكشف ويفضح افعالكم المشينه ودكتاتوريتكم.. وستكون المقاومة شامله .. مسيرات .. مظاهرات .. هاتفات .. نضال كيبورد .. حصار شامل لفضح ممارساتكم ضد هذا الشعب الصابر.

صح لسانك يا حبيبة
ولا نامت أعين الجبناء!
لنا

لنا مهدي ...
حبيبة الكل...

والله داركم اول امس كانت عامرة وتشرح النفس ....
كل الوان الطيف السوداني ...
وحده جميله وعجيبه رغم اختلاف التوجهات السياسيه ..
لكن دا الجو الصحي والصاح .. في النهايه الهدف السودان.

مزعلاني شديد جملة مناضلي الكيبورد الحايمه اليومين ديل ..
وبعدين بيقولوها ليك كدا زي النبذه ..

تحياتي يا جميله..

رندا.. تحياتي.. بدر افتقدناه في سماء الدوحة.

يا سلام يا فيصل الزبير ..

والله ليكم وحشه ..
غايتو بلدنا اليومين ديل ما بتنفات ..
ياريتكم لو كنتو هنا ...

انا حالفه ما برفع ايدي من الكيبورد دا تاني طول ما عندي باسوورد..
بس الله يكفيني شر الهكر

Quote: ولا ياربي يمكن عشان "طقطقتكم" في الله وكيبوردكم "اسلامي"

يا ناس مالكم عاوزين تجيبوا لينا الهواء ..
إقوموا ناس الهيئة ديل إجونا ناطين ببيان وإحرموا عليناعضوية سودانيزأو لاين ..
ولا يا رندا عجايب ..
لك التحية ..

كلام مليان يا رندا :

Quote: دي اكثر الإساءات شيوعا في البورد اليومين ديل ... تكتب مداخله يجيك واحد ناطي من الكيزان يقول ليك "مناضلي الكيبورد" سمح هو بيكتب مداخلتو دي كيف ياربي؟؟؟؟ طيب بدل يضيع زمنو الغالي في الرد على "مناضلي الكيبورد" ما يستفيد منو ويمشي يصيغ ليهو فتوى كاااربه يتخارج بيها بعدين .. ولا يلبس كاكي ويمشي يحرس القصر ولا المجلس ولا البرلمان!!! مع كامل الاحترام لكل وسائل الاعلام المقروءه والمسموعه.. لكن النت اصبح الاكثر فاعليه وسرعه في نشر الخبر وتلقي المعلومه.. يعني نضال الكيبورد دا بقى اقوى من الرصاص.. بقى سلاح بنواجهكم بيهو ويكشف ويفضح افعالكم المشينه ودكتاتوريتكم.. وستكون المقاومة شامله .. مسيرات .. مظاهرات .. هاتفات .. نضال كيبورد .. حصار شامل لفضح ممارساتكم ضد هذا الشعب الصابر. تخريمه بالفصحى: الم تعلموا يا هؤلاء ان منبر سودانيزاونلاين اصبح الان احد المصادر المعتمده لاستقاء المعلومة ومعرفة ما يجري في الساحه السياسية السودانية. تخريمه بالعاميه: وكت اصلوا طقطقة الكيبورد دا بقت نبذه انتو مالكم عينكم للغلط وتعملوا فيهو... هسي كدا انتو بتنبذوا في روحكم كمان ... ولا ياربي يمكن عشان "طقطقتكم" في الله وكيبوردكم "اسلامي"

رندا سلامات
اضيفى واحده تانيه
مناتلى الكيبورد

ويا قولك هى وقت المناتله الكيبورديه دى متفهة قدر ده
وما عندها قيمةالمناتله معاها لزومها شنو؟؟؟؟؟

وايضا بالفصحى
الا يعلم هؤلاء ان غدا لناظره قريب
حتى ولو كان هذا الغدا بحساب الف سنة
مما يعدون

الله فى

والله يا عروه هم طلعوا فتوى قالوا المظاهرات حرام..

تفتكر ما ممكن يكونو مطلعين فتوى لعضويتهم الهنا ديل انو الطقطقه في الكيبورد لغير الكيزان حرام

او يطلعوا فتوى تانية يحرموا فيها الكيبورد دا مره واحده...
ويعتبرو مندرج تحت قائمة البدع وعليه فان كل بدعه ضلاله وكل ضلاله في النار..


غايتو في ظل الفرفره وحراق الروح الحاصل ليهم دا .. اي فتوى ممكن تطلع.

الاحباء
عاطف وسهام ..

رايكم شنو لما يجي واحد يبرر ويقول ليك انا ما قلتها بمعنى نبذ انا بقصد بيها ناس معارضة الفنادق !!!!
يا اخوانا ...
علاقة الفنادق بالكيبورد شنو؟؟؟؟
بالتحديد كيبوردنا دا ..هنا في سودانيزاونلاين...

والله دا كيبورد اغبش وكل همو انو رطل السكر ما يبقى بي تلاته جنية..

Quote: النت اصبح الاكثر فاعليه وسرعه في نشر الخبر وتلقي المعلومه..

عايزة سبب أكتر من ده ؟؟؟؟

أرفعى كراعك من البنزين شوية شرطة المرور ... أقصد
هيئة علماء السودان بتجيك .

ابوالعزايم ...

عندي رخصة سواقه ... اقصد


هم هسي ما فاضين لينا .... عندهم طلبيه شغالين فيها!!!

نفاق : يقولون....(مناضلي الكيبوردات) ! ......(وهم يستخدمون نفس هذه الكيبوردات) لقول ذلك !

نفاق : يقولون...(مناضلي الكيبوردات) ! ...وهم يستخدمو...كيبوردات) لقول ذلك !

يا رندا
هم بيكونو ناسيين إنو زي ما في مناضلين كي بورد، برضو في خونة كي بورد
طيب هم ما مقتنعين بي جدوى الكتابة والنضال عبر الإسفير أو الكيبورد كمما أحبو تسميته
الجابهم هنا شنو ؟

طارق المكي ..
سلامات..

ما دا الشي البيحير ذاتو..

لكن على رايك ..
مناضلي كيبورد
وخائني كيبورد

وفي النهايه الصفه تنسب وفقا للغايه والهدف

يا رندا
هم بيكونو ناسيين إنو زي ما في مناضلين كي بورد، برضو في خونة كي بورد
طيب هم ما مقتنعين بي جدوى الكتابة والنضال عبر الإسفير أو الكيبورد كمما أحبو تسميته
الجابهم هنا شنو ؟

Quote: والله دا كيبورد اغبش وكل همو انو رطل السكر ما يبقى بي تلاته جنية..

و ليه يعنى؟؟؟
هو رطل السكر أحسن من الدولار !!! ؟؟؟
(من 12.5ج إلى 2700ج) قافذ الدانة ما بلحقوا





-----
تحياتنا عطرة و ندية لرندا





ش

باشمهندس..
سلام وكل عام وانت بخير والاسرة بالف خير يارب.

الدولار .. السكر .. العيش .. اللحمه ..
نقول شنو ونخلي شنو؟؟
قول يا لطيف!!!

سلام

أهلآ بعودة راندوك
تعبي المنبر بالهتاف والمواقف الناصعة و واعية
تزيده حيوية وعافية

Quote: تعبي المنبر بالهتاف والمواقف الناصعة و واعية

نصاعة المواقف و وعيها الله أعلم .. بس بالهتاف دي حاجة أكيدة.

اوووو ملاسي ...

بالله الشرك قبض ..
"جقر" ... انا احمد الله

اها تاني بنشوفك هنا متين؟؟
اصلوا انت ال Capacity بتاعتك سطر ومعاهم وش

النبي كان تحرمنا طلتك البهيه

ابو البنيات..
ازيك ياخي وازي رشيده ...
والبت المصيبه ماهيتاب ...

قلنا عامل السن وكدا بقينا ما بنقدر على الجري الكتير والسك سك ..
اها قلنا نكتر من نضال الكيبورد ونسد بيهو الفرقه .. وحاتك لقيناهم كل كلمه والتانية "مناضلي الكيبورد .. مناضلي الكيبورد".
نسوي شنو ذاتو معاهم ما عارفين .. والله حيرونا!!!!

Quote: والله حيرونا!!!!

والله يا رندا محيرين نفسكم براكم ...

ود الباوقه...
حبابك..

والله انتو الحيرتونا..
نناضل معاكم بالكيبورد ... زينا زيكم ... طقه بي طقه..
تجوا تقولوها لينا في وشنا التقول عيبه..

اها قلنا يمكن كيبورديكم دا اسلامي ...
النبي ما تدي اختك واحد..


ياخي كل سنه وانت طيب.

well said Randa...

هزينا الجبروت والطغيان انشاء اللة نبقي مناضلينSMS

مريم بت الحسين ..
زارتني البركة والله يا قول حبوباتنا ..

محمد الامين ..
والله ان شاء الله بي SMS

خلي كيبورد طول في عرض ..

رندا يا شجرة الطيب (العود) الفايح سلامات

طاب المقام وحسن المقال وليتهم يفقهون
"نضال البورد" من أشرف النضال... وأخطره
يهابونه لأنه يصيبهم في مقتل ويعريهم ويكشف عوراتهم
والتي ظنوا أن حسن ملبسهم وتدثرهم قد يخفي فظائعهم
التي إرتكبوها بحق الشعب والتاريخ
لا إرادة لهم... وتنقصهم سعة الصدر

لنكتب... ولنكشف ولنعري ونعزل ولننال شرف النضال الأسفيري
أو ما يعرف بـ "نضال البورد"



ودمتي...

سلامٌ عليك يا صديقي ..
محمد الخليفه...ازيك انت وعساكا طيب..

Quote: طاب المقام وحسن المقال وليتهم يفقهون "نضال البورد" من أشرف النضال... وأخطره يهابونه لأنه يصيبهم في مقتل ويعريهم ويكشف عوراتهم والتي ظنوا أن حسن ملبسهم وتدثرهم قد يخفي فظائعهم التي إرتكبوها بحق الشعب والتاريخ لا إرادة لهم... وتنقصهم سعة الصدر لنكتب... ولنكشف ولنعري ونعزل ولننال شرف النضال الأسفيري أو ما يعرف بـ "نضال البورد"

تاني حرف فوق لي كلامك دا انا مابزيدو ..

اقعد عافيه..

الاخت الفاضلة رندا حاتم ، كيفك والاسرة ، مبروك الطلة ، غايتو الفيك اتعرفت انتى الان تناضلين من الداخل ، تحياتى للاسرة الكريمة .

ـــ
البوست دا عاجبني شديدعشان كدا رفعت فووووق ..

رندا حاتم
البت الحديقه....مرحيا بعودتك القويه

يا زوله انت اكيد حيلهم دي ما بتنطلي عليك

وحاتك غايظهم عطائنا المجاني لابناء شعبنا


بينما هم يدفعون ملايين الدولارات لعملائهم هنا.



باقي لك لو ماعارفين اهمية الانترنت كان دفعوا؟؟؟



الباس ورد قوة يا رندا
حافزي عليه ووزطفيه للافضل كما تفعلين دوما.

اهمي شيء نرفع البوستات البترفع ضغطهم ولو بنقطه

جيوشهم جراره هنا ونحن قلة ولكن وفاءنا كبير

لذا قادين على تلميع رسالة الاقليه المخلصه هنا

وهي ممثلة الاغلبيه المغيبه في الوطن.


كوني بخير ايتها الثائره الحره النقيه المخلصه للغالبيه

من بؤساء شعبنا الشرفاء.

لك التحية أختي رندا على هذه المثابرة والجهد الكبير.
هم يعلمون أن (أقل) جهد وأبسط كتابة تظل مؤثرة للغاية، وإلا ما كتبوا حرفا واحدا هنا، وما لجأوا إلى تمييع القضايا تارة بالتثبيط الذي يتوهمون وتارة بالسخف والإنصرافية. لم يعوا دروس التاريخ بل لم يتوفروا عليه ليدركوا أن الغضب الشعبي ضد الظلم والقهر حين يبلغ مداه فلا يستطيع أحد أن يقف أمامه.
جيش الإنقاذ وشرطتها ليسوا أقوى من جيش الصين وشرطتها، ونحن لسنا أضعف من الطلاب الذين أحرجوا بكين عام 1989 في ميدان تيانامين
جيش الإنقاذ وشرطتها ليسوا أقوى من (الباسيج) و(الحرس الثوري) في إيران، ونحن لسنا أضعف من إصلاحيي إيران الذين حشروا حكومة نجاد في زاوية ضيقة.
جيش الإنقاذ وأجهزة أمنها ليسوا أقوى من تلك التي كانت لألمانيا الشرقية، والإنقاذ لا تملك (سورا) كـ(جدار برلين)، لكنه - بإرادة الجماهير تحطم في نوفمبر 1989.
جيش الإنقاذ وأجهزة أمنها قد تكون أكثر بطشا، لكنها ليست أذكى من أجهزة أمن الطاغية نميري، لكنه هُزم في نهاية المطاف بإرادة الشعب العظيم.
كل حرف يكتب هنا له تأثيره، ولأنهم يعلمون ذلك جيدا، فإنهم يحاولون تحويل المنبر إلى سخف طارد لأي شخص يتوخى الموضوعية وحريص على هذا الوطن العظيم.
سيذهبون وسيبقى الوطن وسيبقى الشعب .

والله يا رندا كلامك فى الصميم وتسلم البطن الجابتك

ود عجبتني جداً، وضحكتا فيها لمن عيوني دمعو

Quote: اوووو ملاسي ... بالله الشرك قبض .. "جقر" ...

لوووووووووووووووووووووووووووووووووول

هسِع أكان وقفت لي تِحِت عمود نور في شارِع الأزهري ، جنب وِكالة سلامة وقنبت أكورِك : يا ناس هوووي ناس الحكومة سوو كدي وفعلو كدي وقتلو قدُر كدي وسرقو و و و و و و البِهَبِب لي منو؟ عِلا هِنا ده ... صوتي مسموع ... واصِل ... لِلسودان ولِغيرو ... علشان كِده مُشْتركين معانا ناس مُنظمين وعارفين بسوو في شنو؟ القلم لو ما حااااار ومؤثِر ... الصُحُف البِقفِلوها الصباح الصباح دي فوق كم؟ الصحفِيين اليبشْتروهُم ديل لشنو؟ التعري هِنا بِالمُسْتندات ... بِالوثائِق ... بِنَوثِق لِكُل سرِقة بِتْم ... كُل زول بِقْتُلوهو ... كُل مكيدة بِعْمِلوها ... ما مُهِم النتيجة الآنِية ... المُهِم لامِن يِحين لحظتُم ... لامِن تِنهد دَولتُم ... يِكون عِند الناس ... فِكرة ... مُسْتند ... مرجع ... كشف حِساب ... ده البِرعِبُم ... مُعْظمنا كانو في السودان وعاشو في زنازينُم المُعْلنة والمخفِية ... ولامِن خرجنا جيناهُم بِجوازات سفر لو تفيت في وش الكان بِعْتقِلك ما يِقدر يِقول بِغِمْ ... كتبنا وبِنكْتِب وحنكْتِب وحنْسلِم القلم لِلبعدينا ...

كَونو إنكُم حاكمين ده ما معناتا إنكُم أقوى مِنا ... معناتا الله في سماهو ما أمر < بِنَزع مُلْكَكُم > ... لامِن يِبدأ الحِساب ... حنبدأ مِن قانون < مِن أين لك هذا > وإنتو ماشين ... محاكِم في الميادين العامة ومُتلفزة وبِقُضاة ومُحامِيين سودانِيين وعرب وأفارقة ومِن كُل أنحاء العالم ...

أنا مِن كمين سنة بِقيت أقري أولادي وأشرح ليهُم وأفسِر ليهُم وأوضِح ليهُم كُل القهر والعذابات السَوتا والبِتْسويها حكومة الإنْقاذ ، وأولادي تقريبًا حافظين أشكال كُل ناس حكومة الإنقاذ الصف الأول والتاني مُنهُم ... علشان تبقى الشُعلة دايمًا بِلهيبا ... ما تِنْطفي بِموتي أو بِزهايمر يِصيبني

طمَمتو بطني ، الله يِلْعنكُم مِحِل ما تقبِلو

قولوا ليهم:
"مجاهدوا المايكروفونات"

ابو محمد

كلمة لي الله وكلمة للناس
وابراءا للذمه
يشهد الله انك رجل ما عرفت عنه الا كل الخير والمروءه وعفة اللسان والخلاف الذي لا يسقط الى الدرك الاسفل كما يفعلون

الف تحية ليك ... من الداخل

عماد الطيب
يعجبوك وليداتك يا يابا ...

اجاملك في السمح ..
لما وليدك يجي يعرس ويكون شغال في احسن وظيفة وبيصرف راتب يملا العين وداخل ومارق وقادل في بلدو على كيفو
لا خايف لا مسجون لا مخنوق بي لقمة عيشو
بلدو عاجباهو وحكومتو ماليه عينو ...

النبي قول آآآآميييين

بوست سمح خلاس !!






--------------

جعله الله في ميزان حسناتك اختنا رندا

الاخت
رندا حاتم

شكرا علي البوست انتي فتحتي شهيتنا القربت تتقفل

بقدرماحاولت ما انجرف لي مستوي الفهم و التهم الجاهزة

دي .. لاكن ردك دا و قع لي في جرح و ذي ما العسل بلم الضبان خليهم كاينات لا تحتمل الجو الصحي

عندهم زخيرة جاهزة و سلاح الاسلحة و بقت علي الكيبور و( نحنافي الشكل البدون يدين ياهو الكيبور دا

يدنا )

الناس ديل عارفين خطورة مناضلي الضللة الباردة ومرة (الكيبورد)

و عارفين براك اوباما بدون الكيبورد و الحملة المنظمة ما كان قامت ليهو قومة

و قبل كدا قلتا لي كوستاوي .. ديل خايفين من نقرة اصبع فلعمري كيف يحتملوا الهتاف آآ

و اتمني البوست دا يكون مرفوع علي اكتافنا و لي قدام تشكري يا مناضلة الكي بورد و ليس شرف تدعيه .

محمد الفاتح خالد

فوق
لأهمية البوست ولتعرية (مجاهدي) الكي بورد و(الخلايا) العاملة (نايمة)!!

أختي الفاضله
لك مني التحية والتجلة
دعينا نحاجهم بما يفهموه - إن كان ذلك ممكنا - فحديث الرسول ( ص ) :" من رأى منكم منكراً فليغيره بيده فإن لم يستطع فبلسانه فإن لم يستطع فبقلبه وهذا أضعف الإيمان" صدق رسول الهدى إذن القلب فيه كان اضعف أدوات التغيير، واليد وأدواتها(ومن أدواتها الكيبورد) كانت أقواها، ونحن والحمد لله نفعلهم جميعاً على اختلاف مشاربنا ومنازعنا، فلا تثريب علينا أختي الفاضلة، أتمنى أن أكون قد أبنت
مع خالص تحياتي
د. صلاح البشير

Quote: هم هسي ما فاضين لينا .... عندهم طلبيه شغالين فيها!!!

ههههههههههههه
والله ضحكت من الاعماق
شكرا أخت رندا
واصلى نضالك
يكفى إنو ناس الحيكومة قرأوا مذكرة المسيرة السلمية عبر النت عندما عرضه الريس بكرى أبوبكر

كيبورداويين حتى النصر

رندا يا شجرة الطيب (العود) الفايح سلامات.
( التحـية دي سـرقتها من الأخ محمد يسـن خليفة )

***- ياحليل زمان،
***- وناس زمان،
***- ياحليل سنوات الأربعينيات والخـمسينيات، وناسات الزمان داك..
ماكان في كيبوردولامناضلين كيبوردات. تقسيمات السودانيين السياسة كانت واضحة، ده حزب أمة وده وطني اتحادي، وديل حزب شعب ديمقراطي، وداك احمر شيوعي، وناس الاخوان المسلمين والميثاق الاسلامي معروفين وظاهرين. كل واحد كان بعبر عن كلامه بكل وضوح وبلا دس ولاخوف، ماكانت هناك في مصطلحات زي بتاعت الايام دي ( ده مناضل، وده كوز،وده أمن،وديل مناتلين)!!!، جرائد الأيام ديك كانت نظيفة في صـراعاتها ودفاعها عن سياساتها وبلا مهاترات ولاسـب الا في حالات الانتخابات!!،والكتاب في الصحف دي كانوا في منتهي الأدب والالتزام بالاخلاق ومراعاة العرف العام، رؤساء الاحزاب الوطنية كانوا براقبوا بدقة سياسات صـحفهم الحزبية والتزامها بالموضوعية والبعد عن الاسفاف والتشهيـر بالاخرين،

***- انفلت العيار سنة 1971 بعد تاميم النميري للصحـف، واصبحـت تابعة للاتحاد الاشتراكي، وماتكتب الا ومايمـلأ عليها،وبعـد سنة 1985 والأنتفاضة الشعبية عادت الصحـف لاصحابها ولكن تغيرت اتجاهاتها وتغيرت ايضآ طريقة اسلوب تناولها للاحـداث، وظهرت صـحف ممولة من جـهات اجـنبية وتدعم وجهات نظر تلك الدول، وظـهرت ايضآ صـحف لايعرف احـدآ من هـو صاحـبها الحـقيقي!!!!

***- كل شـيئ تغير الأن، واختفت المصطلحات السياسية القديمة وحلت محـلها مصطلحات صنعتها المواقع الالكترونية...وكل تظـهر عشرات الالقاب التي تستمر لفترة قصيرة وتختفي ....وتجـئ بعـدها عشرات اخري!!!

***- قعدت احسب من سنة 1989 وحتي اليوم كم مصطلح سياسي عندنا الأن، والحسبة لسه ماكملت لكن الرقم العندي هو 217 مصطلح سياسي (والساقية لسه مدورة)!!!

السلام علي ست الدار ,عجبني كلامك يارندة يسلم فمك .وكلام بلعامية كدا هي الناس دي يا كافي البلاء لا ترحم ولا عايزة رحمة اللة تنزل ,يعني لما الناس كانت محرومة من حق الكلام وخشومها مكممة, وربنا فتح لينا الطريقة الكيبوردية دي عشان نعبر بيها عن لسان اهلنا الطيبين ,برضو واجعاهم ,لانهم عارفين انو النضال بيلكيبورد دا بقي اقوي وصوتو أعلي من البمبان والكلاشنكوف ,و الدنيا كلها بتقرا وبتعرف بيلبحصل علي أهلنا
بوست موفق

يديك العافية والكيبورد السريع

رندا

مسيعيد تسالني منك

والمكاتب في شوق اليك

عاش نضال الشعب السوداني

بوست مميز و ممتاز أختنا رندا
و قد كنت أفكر قبل أيام أن أبتدر ذات النقاش، لذات الأسباب التي سقتها في مبتدأ الحديث هنا، و ذلك أن مجاهدي و أمنجية الكيبورد يعايرون مناضلي الكيبورد بهذا العبارة (مناضلي الكيبورد) و كأنها كسرة عين لهم، و شفقت جداً لما لمسته من انكسار بعض المناضلين/ات حين يخاطبون بهذه العبارة ذاهلين عن أن من يخاطبهم يخاطبهم عبر الكيبورد ذات نفسه!!!
و لكن كان مدخلي لهذا التحليل ينظر لهذا الموضوع من زاوية أخرى أرجو أن تأخذيها في الإعتبار، فهي تفسر من جانب آخر سر هذا الهلع.
يذهب ألفين توفلر في كتابه تحول السلطة إلى أن مفهوم السلطة تحول من القوى المادية (و على رأسها الجيوش) إلى القوى الرمزية (و على رأسها المعرفة)
و بهذا يمكن القول أن المعرفة صارت سلطة بحد ذاتها دون وسيط تحتاجه لفرض ذاتها، و لهذا نرى هلع الأنظمة الشمولية من توثيق إنتهاكات حقوق الإنسان، بغض النظر عن حالة السودان لو ذهبت إلى التجربة المصرية القريبة سوف ترين كيف أن قوة النظام ضعفت هناك في مجالات الإنتهاكات لأن الفاعلين و الناشطين صاروا يفضحون ممارسات النظام خصوصاً أثناء المظاهرات و المسيرات، و يمكن إجراء كثير من المقارنات و المقاربات.
أقرب هذه المقارنات و المقاربات هو ما حدث أثناء مسيرة الإثنين ذات نفسها، أنظري إلى الإعلام السلطوي و كيف تحدث عن هذه المسيرة السلمية بإعتبارها تفلتات و محاولة إثارة الإضطرابات و البلبلة، و لو أخذنا هذا المنبر كدراسة حالة فسوف ترين المثير الذي يكشف عن قوة المعرفة و هي هنا في هذه الحالة (مناضلي الكيبورد)، لقد تبجح ساقطي الكيبورد (الطرف الآخر) عن المظاهرة الفاشلة و التي لم يهتم بأنها أحد و التي تمخضت عن خمسة و عشرين فرداً، و أنظري إلى تماديهم و استهتارهم و محاولاتهم البائسة في التشويش و صرف أنظار الناس عن تلك الملحمة البطولية.
و أنظري بعد قليل كيف انهال سيل الصور و مقاطع الفيديو و التجارب و الروايات التي فضحت كذب (ساقطي الكيبورد) و التي جعلتهم في موقف لا يحسدون عليه فلجأوا إلى الساقط من القول و الفعل و أنظري إستجداء السلطان بهيئة جلسائه لتخرج لنا ذلك البيان الشهير، و المحصلة الآن مناضلي الكيبورد مرفوعي الرأس و فخورين، أما الساقطين فحالتهم تحنن العدو مكسورين و مذلولين.
إضافة أخرى: إذا كان النظام نجح عبر العنف المادي في إفشال المسيرة السلمية فقد سقط في مواجهة المسيرة الإسفيرية.

الاحباء
الاخوة المتداخلين جميعا...

اشكال النضال لا تقتصر على المواجهه بل هي اخر مراحل النضال
انما اولى مراحل النضال والتعبئة الحقيقية تتم عبر التنسيق الداخلى ولم الشمل وتوضيح الرؤى
لا يمكن ان يكتب النجاح لشئ دون تنظيم او اعداد

نضال الكيبورد او النضال المنبري او النضال الاسفيري من اهم النضالات في هذه المرحله
لانو الشارع لما مرقنا ليهو وقلنا مسيرة سلمية الحصل شنو؟؟؟؟
العالم كلو وعبر المنبر ح يشوف التوثيق المرئي والمسموع للانتهاكات اللاانسانية والتي تمارسها الطغمه الحاكمة في حق هذا الشعب الصابر.

التحيه لكل المناضلين وهم....
يهتفون في المظاهرات والمسيرات السلميه
يعتصمون امام السفارات مطالبين بحقوقهم
يوقدون الشموع احتجاجا
يضيئون انوار سياراتهم نهارا
يوزعون اوراق احتجاجهم في الازقة والشوارع
يكتبون في الصحف والمجلات والمنابر وعبر النت
يعبرون عن غضيهم واحتجاجهم بكل ما اوتو من وسيلة سلميه و متاحة

وعاش نضال الكيبورد يقض مضاجع الخونه...

وعاش نضال الشعب السوداني الصابر.

يا رندا سلام،
ده أحد شعارات مواقع المجاهدين الكيبورديين

جهاد ساهل وماهل، لا بيحتاج لزاد مجاهد ولا بيحتاج لحفر خندق، كل ما يحتاجه هو كيبورد سنين، وكم موقع ديني - لزوم الـCopy and Paste، محفوظات في الـFavorites

Quote: التحيه لكل المناضلين وهم.... يهتفون في المظاهرات والمسيرات السلميه يعتصمون امام السفارات مطالبين بحقوقهم يوقدون الشموع احتجاجا يضيئون انوار سياراتهم نهارا يوزعون اوراق احتجاجهم في الازقة والشوارع يكتبون في الصحف والمجلات والمنابر وعبر النت يعبرون عن غضيهم واحتجاجهم بكل ما اوتو من وسيلة سلميه و متاحة وعاش نضال الكيبورد يقض مضاجع الخونه... وعاش نضال الشعب السوداني الصابر.

تسلمى ايتها الباسقة
ويسلم كيبورديك

يا ام حاتم

التحايا

والتحايا عبرك للوالدة الفاضلة

الاستاذة / امنه.....

اتمني انها تكون بكامل الصحة والعافية .

ومرحبا بعودتك للمنبر

قلم واعي وطموح ومحاور ويحترم الاخر

تستحقين الاحترام من الجميع

سلام.

Quote: بالله الشرك قبض .. "جقر" ... انا احمد الله

عسل بس ..... والشرك ما عندك لكن.

عارفة .. أحلى حاجة في نضال الكي بورد ده، المسألة ما دايرة تفرّغ. يعني ممكن الواحد كل ما يلقى ليهو فرصة يدخل النيت .. ويعمل ليهو (نضالاية) أو (نوضيلة) صغيرونة كدة .. ويعمل (صاين آوت) ويمشي يشوف رزقو وين.

.

صباحك قهوة بي هيل يا حبيبا ...
وكل الكتبو حرف "رصاصة نضال"

جيت ارفع البوستات استعدادا لي يوم بكره....
لقيتك ما قصرت "عتلت" لي واحد ...
ما تقصر ايامك انت يابا

Quote: وحدة وييييييييييييي وحدة وييييييييييييي سودان جديد وييييييي سودان جديد وييييييي

تحياتي

Quote: تخريمه بالفصحى: الم تعلموا يا هؤلاء ان منبر سودانيزاونلاين اصبح الان احد المصادر المعتمده لاستقاء المعلومة ومعرفة ما يجري في الساحه السياسية السودانية.

تأكيدا لكلامك هذا فقد شاهدت قناة العربية وهي تعرض
أحد بوستات منبر سودانيزاونلاين وقد تأكدت من ذلك تمامامن صورة نيلسون مناديلا
(المابتغباني) في بروفايل صاحب البوست الذي كانت تتصفحه لبنى الحسين
ولو أن الوقت وسع القناة قليلا لكنت رأيت صورة جيفارا تزين بروفايل مناضل آخر صاحب بوست
تتصفحه لبنى

بوستة جميل يا أستاذة

Quote: عماد الطيب يعجبوك وليداتك يا يابا ... اجاملك في السمح .. لما وليدك يجي يعرس ويكون شغال في احسن وظيفة وبيصرف راتب يملا العين وداخل ومارق وقادل في بلدو على كيفو لا خايف لا مسجون لا مخنوق بي لقمة عيشو بلدو عاجباهو وحكومتو ماليه عينو ... النبي قول آآآآميييين

ياسلام يارندا أأأأأأأأأأأأأأأأأأأأأمييييييييييييييييييين

عماد اقصد نجلاء ههههه

Quote: يديك العافية والكيبورد السريع

والله ده أجمل دعاء أسمعه!
يا عزيزي محمد عباس (Nasr) رجائي إنك تعممه ليشمل
كل " مناضلي الكيبورد" بأذن الكريم


وتسلــم...

تسلم يارائع

ـــ

Quote: عماد الطيب يعجبوك وليداتك يا يابا ... اجاملك في السمح .. لما وليدك يجي يعرس ويكون شغال في احسن وظيفة وبيصرف راتب يملا العين وداخل ومارق وقادل في بلدو على كيفو لا خايف لا مسجون لا مخنوق بي لقمة عيشو بلدو عاجباهو وحكومتو ماليه عينو ... النبي قول آآآآميييين

حقيقة أجمل دعوة سمعتها ومن (بؤك) ذي ما بيقولوا المصاري وإلي الله السامع دااك

النبي عزيز ومكرم (كيفكن) ما بعزو


آآآآميييين آآآآميييين آآآآميييين

تسلمي ويسلم الوطن معاك

رندا حاتم

تحياتي - ما يحدث الآن هو تيار العصر الذي لا محالة نافذ وقد لا يعلمون بأن من يسبح عكس تيار لا محالة غارق لذا إذا وجد منهم عقلاء أن يبحثوا عن التعايش بالحسني .

بحيراوي