Post: #1 Title: (اسد السودان) (مالك عقار) يمين صفعتك دي اقوى من حرقة (المك نمر)لاسماعيل باشا هيييع! Author: Tragie Mustafa Date: 12-10-2009, 04:03 AM
اها ازيال المؤتمر قال بحدثونا عن الفوضى....وبيستنكروا العنف
هييييييع
اها امشوا أسالوا اسيادكم كباركم الذين علموكم السحر
متين قلب لهم الطاوله بوجههم جميعا!!
في اجتماع رسمي!!عديييييل كده!!
وماذا قال لعمر البشير عندما زاره في الدمازين!!
لعلمكم لولا سلفاكير وتسامحه
مالك عقار ده الكان حيسويها فيكم
يمين تحكوا بيها لجنا الجنى.....
ثاني ابقوا رجال واهبشوا الرجال الزي ديل!
Post: #2 Title: Re: (اسد السودان) (مالك عقار) يمين صفعتك دي اقوى من حرقة (المك نمر)لاسماعيل باشا هيييع! Author: Tragie Mustafa Date: 12-10-2009, 04:11 AM Parent: #1
عارف يا كمرد مالك عقار يا ساد زمانك
الناس شبكونا زمان يدروسا فينا ليل نهار المك نمر و الانتقام التاريخي
وفعلا كانت تقشعر ابداننا ونحن اطفال
ونتخيل رميت الغليون(كدوس الملعون اسماعيل باشا بوجه ملك سوداني
وزعيم عشائري زي المك نمر)!!
وما كنا ندري ان الزمن سيدور وتيراب المك العظيم يجيب لينا دلاديل زي ديل
باركين اليوم كله في صالون الشيخ الياقوت وما بعرف الفكي ابو ليمونه
والفكي ابو بطيخه.....!!
ورجلا مثل المك نمر يقدر الشجاعه و الشجان....لذا لم تكن من اخلاقه استفزاز الناس
فمن اين آتى هؤلاء؟؟؟؟
اللا بعرفوا اصول ولا اخلاق وفاكرين ممكن يستفزوا الرجال ويسكتوا!!
اها يا مالك عقار انت سلالة ذاك المك العظيم
فاخلاقك هي اخلاقه وليسوا هؤلاء التنابله...المنعمين اللابدين في المكيفات
وباركين في بيوت(الفقرا)...صدقني احس بان عظام المك نمر قد ارتاحت في قبره
وهو يرى بانه الآن في رجال في السودان يحملون جيناته فعلا.....لان جيناته الشجاعه
كانت جينات جدوده الافارقه الذين انكروهم هؤلاء المزروين للتاريخ.
هيييييع يا مالك...عقار....المجد لكم وانتم تستطرون التاريخ من جديد.
Post: #3 Title: Re: (اسد السودان) (مالك عقار) يمين صفعتك دي اقوى من حرقة (المك نمر)لاسماعيل باشا هيييع! Author: Tragie Mustafa Date: 12-10-2009, 05:47 AM Parent: #2
هيييييع الاسد النتر!!
Post: #4 Title: Re: (اسد السودان) (مالك عقار) يمين صفعتك دي اقوى من حرقة (المك نمر)لاسماعيل باشا هيييع! Author: العوض المسلمي Date: 12-10-2009, 05:52 AM Parent: #3
غضبك من اموم وعرمان ظااااااهر , والدليل شكر شديد في اسد السودان عقار ؟؟
Post: #5 Title: Re: (اسد السودان) (مالك عقار) يمين صفعتك دي اقوى من حرقة (المك نمر)لاسماعيل باشا هيييع! Author: Tragie Mustafa Date: 12-10-2009, 06:03 AM Parent: #4
يا المسلمي
لكن لقيتك بس الطيب مطصفى
تجيد محاولات الصيد في الماء العكر....
Quote: غضبك من اموم وعرمان ظااااااهر
باقان وياسر اغضب منهم ليه؟؟؟؟
ماوفوا بما عاهدوا عليه وتقدموا الصفوف
وشكرناهم من اول البارحه للسماء.
الا الكف ده انا مكيفني في حناني ذاتو(هههههه)
يا اخي انا متنشيه جنس انتشاء....وعارفهو فاقع مرارتكم
عشان كده الا اعيد واكرر لما توقولوا الروب.
Post: #8 Title: Re: (اسد السودان) (مالك عقار) يمين صفعتك دي اقوى من حرقة (المك نمر)لاسماعيل باشا هيييع! Author: العوض المسلمي Date: 12-10-2009, 08:03 AM Parent: #5
الظاهر عليك بتحبي المشاكل زي عيونك ,,لانه حنانك ما بتكيف الا بالكفوف والضرب !!! ما قلتي لينا مالك عقار ده سوي شنو ولا عمل شنو للسودان ولا لولاية النيل الازرق ؟؟ هل كل الشكر ده لانه في لحظة غضب ضرب شخص مسئول يؤدي في واجبه ؟؟؟ اذا الاسد بهذه الطريقة يكون علي الدنيا السلام ... شخصيا اثمن دور اموم وعرمان واقر لهما بالحمكة وحسن التصرف , فقد اثبتا انهما فعلا قيادة حقيقية يرجي منها الكثير ,,, سلام تراجي ...
Post: #6 Title: Re: (اسد السودان) (مالك عقار) يمين صفعتك دي اقوى من حرقة (المك نمر)لاسماعيل باشا هيييع! Author: مريم بنت الحسين Date: 12-10-2009, 06:06 AM Parent: #3
تراجي ازيك.. ومشتاقين أنا ما فاهمة حاجة والله.. فهميني عليك الله، انا مرات ما بكون متابعة كويس
Post: #7 Title: Re: (اسد السودان) (مالك عقار) يمين صفعتك دي اقوى من حرقة (المك نمر)لاسماعيل باشا هيييع! Author: Tragie Mustafa Date: 12-10-2009, 06:18 AM Parent: #6
مريموه كيفنك؟؟وعيدك مبارك انت ونادر والكتكوت ولدك.
تخريمه: تابعت بوستكم انت واسمارتي عن تجارب امومتكم وهو رائع وكان بودي الحضور لولا مشغولياتي. وفي الصيف زرت بلجيكا والتقيت اخو نادر ناصر وزوجته الرائعه نهله ولهم ولد صغير رائع وحلو وبتاع مزيكا درجه اولى ربنا يحفظه. وجبينا سيرتكم بالخير طبعا وعرفت انكم اهل.
بالله يا مريم عندي بوست بسأل فيه عن اخونا د.ياسر الشريف رجاء طمأنتنا عليه.
Post: #9 Title: Re: (اسد السودان) (مالك عقار) يمين صفعتك دي اقوى من حرقة (المك نمر)لاسماعيل باشا هيييع! Author: طلال جبير جابر Date: 12-10-2009, 11:29 AM Parent: #1