|
|
 عفاف خالد... (Re: حبيب نورة)
|
زفاف النيل مركبة و موجة
وحس مقداف بكورك لي ضفاف الشوق
وإنتي عفاف خلد في دفتر الأيام
والصوت البنده من بعيد
ويهتف
أركز للبجيبها الريح
وينادي جميع الطنبارة
أختي الرملة ما تقعد بكان الهش الممطورة ما بتبالي من الرش
عشان تفضل الجمرة بتحرق واطيها
والنعمة بتعرف عاطيها
وتبقي عفاف خالد
يكون خالد عفاف زمناً مكرفس وشُّو
وناشف في الجروف خدارو وقشُّو
يفتِّش غيم
يضاري جفافوا
ويبِل رِيقوا
ويطفي حريقوا
ويرشُّوا ....!
يا القصب الندي الساكن الجروف وضفاف
يا شتلة نضار..... خاتية المحل و نشاف
السبب المخلِّي القليب دايماً يجِن رجّاف
عزاً قديم خالد.... مكتوب معاهُ عفاف
البلد .. متقريفة لي جيتك
طعم السنين بانجقلي
تقاسي المُر
تخُم .. وتصُر
من الوجعات
وشيشا تصُر
تعالي بِزِح مغس الزمن يا يمة
نشوف زمناً حنين وبسُر
.....
| |
 
|
|
|
|
حبيب نورة
فيس بوك
تويتر
انستقرام
يوتيوب
بنتيريست