Post: #1
Title: تبع ياتو تصنيف؟
Author: rani
Date: 12-09-2009, 09:12 PM
بسم الله نبد
عمرك بين ال18 و الستين؟
سوداني او مولود لأب سوداني داخل او خارج السودان؟
يجب ان تخضع للجنة الاختيار العامة و بعد ذلك للجنات فرعية متخصصة
و التصنيف سيكون كالاتي
عندك شهادات و واسطة: حبابك ألف
ماعندك شهادات وعندك واسطة: برضو حبابك ألف
عندك شهادات و خبرة و ماعندك واسطة: سيب رقم تلفونك في الاستقبال و اكيييييييييد حاتسمع مننا
ماعندك شهادات و لا واسطة: امشي انتحر
شين و صوتك حلو: تبقى فنان
شين و صوتك ماحلو: برضو فنان
سمج و دمك يلطش و تجيد فن مصمصة الشلاليف و غرويد العيون و الأاااااأآآآآآت: اذن انت مذيع سوداني
سمحة و غبية:- نوعين الاول سمحة و نحيييفة: مذيعة في النيل الازرق
التاني سمحة و سمينة: هارموني او الشروق
شينة و سمينة: تلفزيون السودان
شينة و مسيخة: مضيفة جوية
شينة و قليلة ادب: طالبة جامعة
عدم احساس جلد تمساح: ناس سودانير
قنعان من روحك و عايز تدعم المنتج المحلي: تركب سودانير
سبع صنايع و البخت ضايع: موظف حكومة، مدرس، سواق تكسي
سبع صنايع و البخت الرائع: موظف اتصالات
امك داعية ليك: ياخدوك في دال
رجل المستحيل: كستمر كير
المستحيل بي عينو: خدمة سودانية ترقى لمستوى لا بأس
عزيز قوم ذل: طبيب
مصاص دماء: تشتغل في جهاز المغتربين
سياسي عمرك فوق المية (ديناصور): معارضة
خالي مؤهلات و مستهبل: سفير للسودان بالخارج
خالي مؤهلات و أهبل: مسؤول
كترتا و مسختا: مستشار
عايز تشتهر: اخترع ليك حركة خزعبلاوية لتحرير السودان
حمار شغل: الفئة دي مافي عندنا
مدهوك معجون معفوص ممغوس موجع مقطع مرقع جيعان وسخان قرفان تلفان سجمان رمدان غالبك التسوي: مبروك انت مواطن سوداني
مع الاعتذار لكل من الشعب السوداني و اخواني و اخواتي ممن مسته النوت دي من قريب أو من بعيد اعفو لينا يا جماعة
----------0-0----------
وصلتني عن طريق الايميل من طرف الصديق طارق محمد نور
|
Post: #2
Title: Re: تبع ياتو تصنيف؟
Author: عبداللطيف حسن علي
Date: 12-09-2009, 09:21 PM
Parent: #1
تصبح علي خير
في حاجة غلط !
|
Post: #3
Title: Re: تبع ياتو تصنيف؟
Author: rani
Date: 12-09-2009, 09:47 PM
Parent: #2
Quote:
تصبح علي خير
في حاجة غلط ! |
وانت من اهله يا عبداللطيف..
قلت لي في حاجة غلط؟
ودي
|
|