Post: #1
Title: أخخخخخخخ وطرشقت علينا اجازه في داعي للتشاور
Author: أبو عبيدة البصاص
Date: 12-09-2009, 01:32 PM
.
.
.
كان يكون
خمـــــيس وجمــــــــعه وســــــبت
في داعي للتشاور يمين اكان الواحد في التلاته يوم دي
يسافر البلد وكرر سيناريو عيد الضحيه
اخخخخخخخ جلت
ياخي ممكن تعيدو النظر في التاجيل ده
اها التاجيل ده تب ما نافع معانا
اكان عاوزين اصواتنا وتاييدنا ما تاجلوها
عشان نمشي نضرب باقي اللحمه
على فكره الشربوت الفي التلاجه
بتكون خواصه الكيميائيه اتغيرت ولانشرب ساي
مش حكومتكم الجايه دي فيها مفتي ديار ولا لغوهو
|
Post: #2
Title: Re: أخخخخخخخ وطرشقت علينا اجازه في داعي للتشاور
Author: د.نجاة محمود
Date: 12-09-2009, 01:40 PM
Parent: #1
البصاص سلامات ليك وحشة والله
انت يا زول قول ما عايز تفارق البطانية
انتو يا الانتهازين بتاعين الاجازات الله يكفينا شركم
كيف ال البصاص جميعا
|
Post: #3
Title: Re: أخخخخخخخ وطرشقت علينا اجازه في داعي للتشاور
Author: أبو عبيدة البصاص
Date: 12-09-2009, 06:06 PM
Parent: #2
.
.
.
يادكتوره
ياخي يمين في البلد دي الايام كل شي يحير حتى البرد
في حله في وفي حله مافي
والمسيره في مدني زي تحري هلال رمضان ناس يقولوا
شافوها وواحدين يقولوا يطرشنا
يادكتوره
القصه مخستكه من اصلا
هسي اقوم انفتح ليك في المشرفين البرصوا
في المواضيع جنب بعض رغم الفارق الزمني
زي عاوزين يقولوا شنو ما بعرف
لكن بعد كلو حارقاني الاجازه الطرشقت علينا
زمان عثمان ميرغني شبك البلد ..حكومه الاجازات ..حكومه الاجازات ..حكومه الاجازات
لحدي ما خلي كمال عبد اللطيف يبقى لينا في الزراره الاخيره حتى ايام التشريق نتمها
في المكتب ...
يجو ديل بعد كلو يطرشقوا لينا تلاته ايام
عشان شنو يتشاوروا يتشاوروا في شنو ولي شنو
مش بي مسيرتكم لغيتوا ضمنياً نوابكم القاعدين عمم ساي
في البرلمان وأكدتو انهم ما قادرين يديروا مع المؤتمر الوطني
مفاوضات قويه تحقق ليكم حاجاتكم عشان كده مرقتوا الشارع
يادكتوره الناس دي قدر ما نبرمج نفسنا عليهم يخزلونا
هسي في داعي بلغوا المسيره ...
وطيب لو انتو لغيتوها في الاول معلنين عنها ليه
ولا كل القصه عنتريه وانا اخوك يا السره
اها لو نفضنا ايدنا من الناس ديل وبقينا عليكم بس كدي قولوا
لي تعتمد عليكم كيفن اكان بتصدروا القرارات وتعلنوها وبعدين
تتشاوروا فيها ...
اها ما في طريقه تقوموا المسيره دي بكره عشان الحكومه
تلحق تاجز لينا .. وكمان محمد ابقوته صاحبي داك ما يطلع كضاب
قدام امو الاعتمد عليكم وقال ليها انه فاطر معاها يوم الخميس
اها شفتو كيف انتو بي قرارتكم المتسرعه دي بتخزلوا في قاعدتكم
البتمثلوها
يادكتوره
ما نستيك انتي انتي بتتنسي
الحمد الله البصاصين زي الورد والكوين بصاصه كمان
الا البصاصه الجديده ملازماني طول الوكت بتعاين في
الاون لاين لحدي ما طلعن ليها شيبات ..
كوني بخير
البصاص
|
Post: #4
Title: Re: أخخخخخخخ وطرشقت علينا اجازه في داعي للتشاور
Author: أبو عبيدة البصاص
Date: 12-09-2009, 07:27 PM
Parent: #3
.
.
.
انا كنت عاوز اقول شنو .. ما اتذكر برجع تاني
اب
|
Post: #5
Title: Re: أخخخخخخخ وطرشقت علينا اجازه في داعي للتشاور
Author: اسامه هاشم
Date: 12-09-2009, 07:43 PM
Parent: #4
البصاص
بيت الشورى ما خرب ( خربانة من كبارها) طبعا التشاور
دا نزعة تأصيلية .. يعني الجماعة ماشين في التراك الصحيح
وبرضو يا حليل الخميس الضاع وضيع معاهو بكاسي ابقوتة
الفاتحة كبودا ومنتظر محمد ود ابقوتة
|
Post: #7
Title: Re: أخخخخخخخ وطرشقت علينا اجازه في داعي للتشاور
Author: أبو عبيدة البصاص
Date: 12-10-2009, 09:35 PM
Parent: #5
| Quote: وبرضو يا حليل الخميس الضاع وضيع معاهو بكاسي ابقوتة |
خلينا في الخميس الضاع والبكاسي البطاطريه نامت
اما التراكات دي خليني منها يمين عامله زي شتانا
ما تعرف بكره بتكون عامله كيف
هسي عليييييك الله اكان الاجازه ظبتت اكان تلقانا
مقابلين الفقر الاسمو النت ده ...
وووا اسفاي على البكاسي ما خلفت ورها
كمين ترعه وكم كنار
|
Post: #6
Title: Re: أخخخخخخخ وطرشقت علينا اجازه في داعي للتشاور
Author: علاء الدين يوسف علي محمد
Date: 12-09-2009, 07:43 PM
Parent: #4
و أنا المجهِّز كمِرتي السنينة و ألمِّع فيها من الصباح عشان صورة السيرة و كِدة
ياخ هسي بكرة ما حيسيروا يعني؟
إنشاء الله سيرة طهور للبحر ساي ماف؟
سلام يا بصّاص
|
Post: #8
Title: Re: أخخخخخخخ وطرشقت علينا اجازه في داعي للتشاور
Author: أبو عبيدة البصاص
Date: 12-10-2009, 09:38 PM
Parent: #6
علاء الدين
كاميرة شنو يازول البتنضفه
يمين ود ابقوته نام بدون عشاء
|
|