اولا مبروكين عليكم ويربوا عزكم انا من المنطقة وتربطنى صلة قرابة وثيقة بكل هذه الاسماء ولكن السوال ما هى القيمة السياسية لانضمام اعضاء قدامى للموتمر الوطنى اعتقد الوصف الصحيح هو تجديد البيعة فكل الاسماء الواردة اسماء معروفة بولائها للموتمر الوطنى وتفتقر للخبرة الساسية والعمل السياسى الهم الا زيادة عدد واصوات فى صناديق الاقتراع اما فى العمل السياسى الذى لا اعتقد انه مجرد لبس العمة والشال وعكاز جعلييين هولاء نكرة فى الحياة السياسية ولايعتمدون الا على الاسماء التى ورثوها من ابائهم المناضلين الشرفاء وهومن الاجيال الصامدة بالحركة الاتحادية سواء بالحزب الاتحادى الديمقراطى او الوطنى الاتحادى لا يملكون غير هذا الرصيد ماذا اضاف انضمام مبارك على جاد الله للموتمر الوطنى لاشى ولم ينقص الحزب الاتحادى الذى كان من قيادته نعم اكتسب السيد مبارك الاموال والعربات الفارهة ولكنه خسر نفسه وتاريخه بعد كان اسمه تهتز له رمال وقلع المتمة جنوبها اصبح يدخل بيوت المناسبات فى الظلام ويخرج منها متسللا بعض ان فقد زعامته واحترامه فى المنطقة ولماذا لم تتحدثوا عن ترشيح صلاح ابراهيم
Post: #3 Title: Re: ناظر عموم الجعليين واسرته ينضمون للمؤتمر الوطني Author: Deng Date: 12-08-2009, 10:27 PM Parent: #1
مسكين عمر صديق، بقى يكوس لأي خبر يمكن أن يسعده وسط كل هذه الاخبار المخيفة. أها زولك ده أنضم لوحده ولا جايب معاه كل الجعلين للمؤتمر الوطني؟
Post: #6 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-08-2009, 10:41 PM Parent: #3
Quote: مسكين عمر صديق، بقى يكوس لأي خبر يمكن أن يسعده وسط كل هذه الاخبار المخيفة. أها زولك ده أنضم لوحده ولا جايب معاه كل الجعلين للمؤتمر الوطني؟
دينق اين هي الاخبار المخيفة؟
طبعا كل الجعليين اكبر من ان يحتويهم حزب واحد ويمكنك النظر الي كافة الاحزاب وقياداتها
Quote: وفقا لمصدر عليم بالمؤتمر الوطني سيتم ظهر اليوم بالمركز العام بالمؤتمر الوطني اعلان انضمام الناظر ابراهيم محمد إبراهيم فرح ناظر
عموم الجعليين واسرته للمؤتمر الوطني وهذه الخطوة تعتبر اضافة حقيقية للمؤتمر الوطني عامة وبصورة خاصة في محلية المتمة
عمر صديق الله يديك العافية
ينضم تانى؟
كم مرة يعنى؟؟
ذاكرتنا ليست مثقوبة
قبل كم سنة اعلنتم انضمامه للمؤتمر.
يقوم تانى يجى ينضم.
Post: #7 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-08-2009, 10:44 PM Parent: #4
الخليفة ود محجوب تحياتي
لاعلم لي بما اوردته من انضمامه سابقا
وغدا انشاء الله ساذهب لحضور المناسبة بالمركز العام وساتيك بالاجابة
Post: #8 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-08-2009, 11:18 PM Parent: #7
مما يحفظه التاريخ من مدح ناظر عموم الجعليين المغفور له باذن الله حاج محمد ابراهيم فرح هو ما قاله شاعره حمدان: من البسلي لا السبلوقة دي دار ابوك يا ابو رسوة كدك فوقا التدوره تقابلو بي انبساطه و روقا و التجفاه دفنك ليهو لا المخروقا
Post: #9 Title: Re: ناظر عموم الجعليين واسرته ينضمون للمؤتمر الوطني Author: كمال سالم Date: 12-08-2009, 11:31 PM Parent: #8
Quote: ناظر عموم الجعليين واسرته ينضمون للمؤتمر الوطني
بالله ؟
هو بالله العشرين سنه الفاتت دى كلها الجعليين مامعاكم ؟ مبروك عليكم !!
Post: #18 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-09-2009, 08:03 AM Parent: #10
Quote: انتو زولكم دا كل ما يقوم من النوم ينضم ولا شنو
برضو جميل انو الانضمام للمؤتمر الوطنى يكون جهوى امسكوا فى الرئاسة شديد الله اداكم
اين الجهوية هنا
Post: #12 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-09-2009, 00:07 AM Parent: #9
Quote: هو بالله العشرين سنه الفاتت دى كلها الجعليين مامعاكم ؟ مبروك عليكم !!
قلنا ناظر عموم الجعليين
Post: #13 Title: Re: ناظر عموم الجعليين واسرته ينضمون للمؤتمر الوطني Author: Bashasha Date: 12-09-2009, 00:55 AM Parent: #12
ظراف لكن يا اذلام النظام!
لا اخير يبايعو باقان!
شفتو استصغار هؤلاء لعقول الناس كيف؟
ولكن في ظروف الاحباط هذه، والهزيمة المنكرة اللتي حاقت بهم صباح الاثنين، ماذا تراهم فاعلون غير هذه الالعاب البهلوانية؟
Post: #14 Title: Re: ناظر عموم الجعليين واسرته ينضمون للمؤتمر الوطني Author: تولوس Date: 12-09-2009, 04:33 AM Parent: #13
ليس قدحا في احد وبما اني جعلي وانتمي الي هذه القبيلة العريقة في النسب والاسهام في الوطن فاني لا اعرف ان لها ناظر او لها نظارة... انما كان قديما مك ولا غير
Post: #15 Title: Re: ناظر عموم الجعليين واسرته ينضمون للمؤتمر الوطني Author: Tragie Mustafa Date: 12-09-2009, 04:48 AM Parent: #14
Quote: انتو زولكم دا كل ما يقوم من النوم ينضم ولا شنو
(ههههههه) يا هاشم نوريت
ما تحوكها يا جماعه باين الزول ده بيجدد البيعه كل سنه
خلوا يتجدع في الانتباهه هو منو غيرها بجيب الاخبار العبيطه دي.
Quote: ليس قدحا في احد وبما اني جعلي وانتمي الي هذه القبيلة العريقة في النسب والاسهام في الوطن فاني لا اعرف ان لها ناظر او لها نظارة... انما كان قديما مك ولا غير
يا تلوس ما تحكها يا اخي
ديل جعلين موديل 2009 مك شنو انت من زمن مك قالوا لك ناظر خلاص ناظر مشيها لهم.....انت ما عارفهم ديل اصحابك ساقطين جغرافيه وتاريخ!!
Post: #16 Title: Re: ناظر عموم الجعليين واسرته ينضمون للمؤتمر الوطني Author: Mohamad Shamseldin Date: 12-09-2009, 06:27 AM Parent: #15
الاخ عمر لماذا ينضم ناظر قبيلة الجعليين للمؤتمر الوطني ؟؟ أين كان هذا الرجل عندما بايعت قبيلته البشير ألم تبايع هذه القبيلة ... بل و كل قبائل السودان البشير علي السمع و الطاعة... يا هذا...أم ان قبيلة الجعليين نفضت يدها عن البيعة و بقي الناظر وحيدا
Post: #17 Title: Re: ناظر عموم الجعليين واسرته ينضمون للمؤتمر الوطني Author: إسماعيل وراق Date: 12-09-2009, 06:34 AM Parent: #16
ما أعلمه أن إبن الناظر وصديقينا صلاح إبراهيم حاج محمد سوف يترشح لمنصب الوالي بولاية نهر النيل والرجل عضو بالمكتب السياسي للإتحادي الديموقراطي.
Post: #19 Title: Re: ناظر عموم الجعليين واسرته ينضمون للمؤتمر الوطني Author: إسماعيل وراق Date: 12-09-2009, 08:15 AM Parent: #17
Quote: ليس قدحا في احد وبما اني جعلي وانتمي الي هذه القبيلة العريقة في النسب والاسهام في الوطن فاني لا اعرف ان لها ناظر او لها نظارة... انما كان قديما مك ولا غير
الحبيب تولوس اين اراضيك
الجعليين لهم ناظر وهو حاج محمد إبراهيم المشهور بود البيه.
Post: #49 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-09-2009, 07:27 PM Parent: #16
الاخ محمد شمس الدين
تحياتي
لم تحدث بيعة للبشير من قبيلة الجعليين
وكما اوضحت في مداخلة سابقة ان الناظر انضم من قبل واليوم انضمت اسرتهم وقد اوردت الاسماء في هذا هذا البوست
Post: #20 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-09-2009, 10:06 AM Parent: #14
الاخ تولوس تحياتي
لايكفي عدم معرفتك بالامر ان تنفيه
وزيارة واحدة لشندي المتمة ستعطيك المام كامل بتاريخ اهلك
وبالعدم فان ابن الناظر في السعودية يمكنك من التعرف عليه
Post: #21 Title: Re: ناظر عموم الجعليين واسرته ينضمون للمؤتمر الوطني Author: أبو ساندرا Date: 12-09-2009, 10:20 AM Parent: #20
هل إنضمام شخص ما بأسرته سلوك وتصرف ديمقراطي ؟ اليس من حق أفراد أسرة المعني تحديد إنتماءاتهم بمعزل عنه
هل علي إرغام سانردا وأخواتها وشقيقاتي على الإنضمام للحزب الشيوعي السوداني
ياخ فكونا
Post: #23 Title: Re: ناظر عموم الجعليين واسرته ينضمون للمؤتمر الوطني Author: خالد علي محجوب المنسي Date: 12-09-2009, 10:30 AM Parent: #21
بعيداً عن السياسة أستوقفتني هذه الأبيات التي قالها الشاعر حمدان من منطقة قندتو في ناظر عموم الجعلين الشيخ حاج محمد إبراهيم فرح
سمعت بيك وشكرووك لي وعجبني شكرتّك صمد المتعات الصف تهزّو نترتّك الشنب المبرم من شوفتو ليك يتفرتّك وا أسفي الشديد من بدري ما عاشرتك
من البسري لي السبلوقة حجر دار أبوك يا أب رسوة كدّك فوقّا الحالاك .. تسوقو بي سماحة وروقّا والكازاك .. حفرك ليهو لي المخروقّا
أسد الكُداد القارح حجر غابتو تب منع البفر والسارح من نهراتّك ... الفارس يحيض والدارة تصبح طارح قمر السبعتين مو الهللا ود أمبارح
كلمة الضِل حاشاك من نشيت ما ساخيللا سترة الحال تبذل مال وضحيللا
تحياتي ود صديق عمر
Post: #52 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-09-2009, 08:35 PM Parent: #23
Quote: بعيداً عن السياسة أستوقفتني هذه الأبيات التي قالها الشاعر حمدان من منطقة قندتو في ناظر عموم الجعلين الشيخ حاج محمد إبراهيم فرح
سمعت بيك وشكرووك لي وعجبني شكرتّك صمد المتعات الصف تهزّو نترتّك الشنب المبرم من شوفتو ليك يتفرتّك وا أسفي الشديد من بدري ما عاشرتك
من البسري لي السبلوقة حجر دار أبوك يا أب رسوة كدّك فوقّا الحالاك .. تسوقو بي سماحة وروقّا والكازاك .. حفرك ليهو لي المخروقّا
أسد الكُداد القارح حجر غابتو تب منع البفر والسارح من نهراتّك ... الفارس يحيض والدارة تصبح طارح قمر السبعتين مو الهللا ود أمبارح
كلمة الضِل حاشاك من نشيت ما ساخيللا سترة الحال تبذل مال وضحيللا
تحياتي ود صديق عمر
ود المنسي
شكرا كثيرا علي هذا التراث الجميل
وانضشاء الله تعود لنا قريبا في ربوع شندي
Post: #53 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-09-2009, 08:57 PM Parent: #52
ود المنسي ودي هدية ليك قالها في اللقاء احد احفاد ود البيه في معرض حديثه عن المنطقة:
نحن أسـود غـوب كضب البداني وكرنا وما بـكتر سـرور الليهــو نحنا فكرنا ان شفنا السلاح تبينا جانــا سكرنا نحن إن هجنا سبحان من يصفي عـكرنا ++++++++++++++++++++++
Post: #51 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-09-2009, 07:44 PM Parent: #21
Quote: هل إنضمام شخص ما بأسرته سلوك وتصرف ديمقراطي ؟ اليس من حق أفراد أسرة المعني تحديد إنتماءاتهم بمعزل عنه
هل علي إرغام سانردا وأخواتها وشقيقاتي على الإنضمام للحزب الشيوعي السوداني
ياخ فكونا
ابو ساندرا تحياتي
هذه اسرة ممتدة علي نطاق محليتي شندي والمتمة والخرطوم والابيض
وهم لم يرغمهم احد
Post: #22 Title: Re: ناظر عموم الجعليين واسرته ينضمون للمؤتمر الوطني Author: Yassir Tayfour Date: 12-09-2009, 10:24 AM Parent: #20
يا عمر صديق! والنظرو على عموم الجعليين منو؟ أها إستشار الناس النظروهو عليهم ديل في شأن بيعته المدفوعة؟ ____ والله لو قام المك نمر من قبرو مافي جعلي حر، ما بيرضى الحقارة بيبراهو شبر للمؤتمر الوطني..
Post: #24 Title: Re: ناظر عموم الجعليين واسرته ينضمون للمؤتمر الوطني Author: إسماعيل وراق Date: 12-09-2009, 10:31 AM Parent: #22
Quote: هل إنضمام شخص ما بأسرته سلوك وتصرف ديمقراطي ؟ اليس من حق أفراد أسرة المعني تحديد إنتماءاتهم بمعزل عنه
هل علي إرغام سانردا وأخواتها وشقيقاتي على الإنضمام للحزب الشيوعي السوداني
ياخ فكونا
يا أبو ساندرا المغزى من البوست وإعلان إنضمام المذكور للمؤتمر الوطني (إن صدق الخبر) هو تشويش ذهن أبناء المنطقة خاصة أن إبن الناظر مرشح لمنصب الوالي من قبل الإتحادي الديموقراطي.. علشان كدا لازم يأتوا بأحد أفراد أسرته في مثل هذا التوقيت.
Post: #25 Title: Re: ناظر عموم الجعليين واسرته ينضمون للمؤتمر الوطني Author: معاوية عوض الكريم Date: 12-09-2009, 10:31 AM Parent: #22
عمر صديق .. الي الامام ولا تلتفت .
Post: #60 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-09-2009, 10:26 PM Parent: #25
Quote: عمر صديق .. الي الامام ولا تلتفت .
الاخ معاوية
تحياتي
وشكرا للدعم
Post: #56 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-09-2009, 09:46 PM Parent: #22
Quote: يا عمر صديق! والنظرو على عموم الجعليين منو؟ أها إستشار الناس النظروهو عليهم ديل في شأن بيعته المدفوعة؟ ____ والله لو قام المك نمر من قبرو مافي جعلي حر، ما بيرضى الحقارة بيبراهو شبر للمؤتمر الوطني..
ياسر طيفور
الناظر عند ناس شندي والمتمة حاليا لقب تشريفي وهو متوارث ولكنه لايعني ان كل الجعليين يامرون سياسيا برايه وقد ذكر هذا المعني في مداخلة سابقة في هذا البوست
وكل جعلي فعلا حر في خياره السياسي
Post: #26 Title: Re: ناظر عموم الجعليين واسرته ينضمون للمؤتمر الوطني Author: مريم بنت الحسين Date: 12-09-2009, 10:42 AM Parent: #20
الاخ عمر تحية..
خبر فيه إيحاءات عنصرية، وعصبية قبلية....
Post: #27 Title: Re: ناظر عموم الجعليين واسرته ينضمون للمؤتمر الوطني Author: خالد علي محجوب المنسي Date: 12-09-2009, 10:51 AM Parent: #26
Quote: والله لو قام المك نمر من قبرو مافي جعلي حر، ما بيرضى الحقارة بيبراهو شبر للمؤتمر الوطني..
أخي عمر صديق لك الأحترام والتقدير
كان ناظر عموم الجعلين والده حاج محمد وزمنا الحاضر لا أصبح ناظر ولا مك كل شاة معلقة من عرقوبها
الجعليين كل منهم حر في رأيه إتحادي ولا أنصاري ولا شيوعي ولا مؤتمر شعبي ولا وطني وحركة شعبية كانت أو تابع جبهة الشرق ولا مناوي
مافي جعلي واحد بتبع لي ناظر ولا مك في زمننا هذا لو كان قصدك أن كل قبيلة الجعليين سوف تكون خلف أبن ناظر عموم الجعلين
رحم الله والده كان رجل يحل ويربط
لك التحية والتقدير
Post: #61 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-09-2009, 10:31 PM Parent: #27
Quote: الجعليين كل منهم حر في رأيه إتحادي ولا أنصاري ولا شيوعي ولا مؤتمر شعبي ولا وطني وحركة شعبية كانت أو تابع جبهة الشرق ولا مناوي
مافي جعلي واحد بتبع لي ناظر ولا مك في زمننا هذا لو كان قصدك أن كل قبيلة الجعليين سوف تكون خلف أبن ناظر عموم الجعلين
رحم الله والده كان رجل يحل ويربط
لك التحية والتقدير
الاخ ود المنسي تحياتي
اتفق معك في ماقلت تماما
وهذا بالطبع لاينفي المكانة الادبية له ولكل سكان حوش ودالبيه في شندي عند اهلنا الجعليين
Post: #28 Title: Re: ناظر عموم الجعليين واسرته ينضمون للمؤتمر الوطني Author: سامي صلاح محمد Date: 12-09-2009, 11:01 AM Parent: #26
Quote: ناظر عموم الجعليين واسرته ينضمون للمؤتمر الوطني
عمر صديق جريت وين خليت الأسئلة دي كلها ساي
ليكم يوم و لو أعلنتم إنضمام الجن الأحمر ذاتو
Post: #29 Title: Re: ناظر عموم الجعليين واسرته ينضمون للمؤتمر الوطني Author: أحمد الشايقي Date: 12-09-2009, 11:50 AM Parent: #28
Quote: يا عمر صديق! والنظرو على عموم الجعليين منو؟ أها إستشار الناس النظروهو عليهم ديل في شأن بيعته المدفوعة؟ ____ والله لو قام المك نمر من قبرو مافي جعلي حر، ما بيرضى الحقارة بيبراهو شبر للمؤتمر الوطني..
Quote: الجعليين لهم ناظر وهو حاج محمد إبراهيم المشهور بود البيه.
النظرو منو على عموم الجعليين؟! يا اسماعيل آخر مك للجعليين كان جدنا عبد الله ود سعد، بعديها الداير ينضم للمؤتمر ولا الجن الأحمر يمشي بدون "تنظير" وبدون عموم دي .. لأنها ماعندها علاقة بتاريخ الجعليين.
والسلام
سيف اليزل
.
Post: #32 Title: Re: ناظر عموم الجعليين واسرته ينضمون للمؤتمر الوطني Author: إسماعيل وراق Date: 12-09-2009, 12:39 PM Parent: #31
Quote: النظرو منو على عموم الجعليين؟! يا اسماعيل آخر مك للجعليين كان جدنا عبد الله ود سعد، بعديها الداير ينضم للمؤتمر ولا الجن الأحمر يمشي بدون "تنظير" وبدون عموم دي .. لأنها ماعندها علاقة بتاريخ الجعليين.
كلمة عموم دي يا أخوي سيف اليزل عرف سائد في السودان خاصة مصطلحات الإدارة الأهلية مثلاً تجد ناظر عموم الكبابيش ناظر عموم الكواهلة وهكذا.. أما بالنسبة لنظارة حاج محمد إبراهيم فهذا امر معروف للكثيرين ..
أتمنى التركيز على نقطة إعلان خبر إنضمام إبراهيم حاج محمد تزامناً مع ترشح الأخ صلاح حاج محمد إبراهيم.. اتمنى تفكيك هذه المعادلة.
ختاماً لك ودي.،
Post: #33 Title: Re: ناظر عموم الجعليين واسرته ينضمون للمؤتمر الوطني Author: Ahmed musa Date: 12-09-2009, 01:16 PM Parent: #32
Quote: ناظر عموم الجعليين واسرته ينضمون للمؤتمر الوطني
والله يا عمر صديق الماعون ضاق زمان كان ناظر عموم الـ .... وقبيلته هسع بقى ... وأُسرته ولو بحثت تلقاه ... و(جزء) من أُسرته ... مرة قريت خبر عن مبايعة قبيلة الشأياب بالبحر الأحمر للمؤتمر الوطني وكنت وأسرتي بالخرطوم فقابلت الذي بايع بإسمنا وهو إبن عم لنا وسألته هل فوضتك لتبايع بإسمي فضحك وقال لي (أنا بايعت المؤتمر الوطني إنت أمشي بايع الحركة وجيب من هناك ونجيب من هنا ونجي نوزع لأهلنا !!!) بعدها فصلوه من منصبه !!!!!
Quote: عموم الجعليين واسرته للمؤتمر الوطني وهذه الخطوة تعتبر اضافة حقيقية للمؤتمر الوطني عامة وبصورة خاصة في محلية المتمة
اضاف حقيقية! والاضافات السابقة مضروبة! زى الخبر دا مكانه جريدة حضارة السودان 1922 قبل ثورة اللواء الابيض وليس الانترنت!! هو الزمن دا الاب انصار سنة والولد جمهورى! تقول لى ناظر واسرته! اسرته ليه هو ملك الزولو متزوج مية ومخلف تسعمية! جنى
Quote: كلمة عموم دي يا أخوي سيف اليزل عرف سائد في السودان خاصة مصطلحات الإدارة الأهلية مثلاً تجد ناظر عموم الكبابيش ناظر عموم الكواهلة وهكذا.. أما بالنسبة لنظارة حاج محمد إبراهيم فهذا امر معروف للكثيرين ..
أتمنى التركيز على نقطة إعلان خبر إنضمام إبراهيم حاج محمد تزامناً مع ترشح الأخ صلاح حاج محمد إبراهيم.. اتمنى تفكيك هذه المعادلة.
أخونا اسماعيل تحياتي ..
يا أسماعيل .. أنا تداخلت هنا لتصحيح معلومة، وموضوع البوست لا يهمني، وما تقول به من عرف سائد، لايشمل قبيلة الجعليين متعددة البطون .. وتاني بقول ليك مافي حاجة إسمها ناظر عموم الجعليين، ونظارة حاج محمد إبراهيم هذه لقب يمكن أن يطلق عليه من قبلك أو آخرين أو يطلقه هو على نفسه أو يختاره صاحب البوست، لكن قبائل الجعليين غير معنية به على كل حال، ليس قدحا في مقام الرجل .. لكن الحقيقة يجب أن تقال. يعني بالجعلي الفصيح كده ياصاحب .. مافي حاجة إسمها ناظر عموم الجعليين أما موضوع البوست والمراد به فلكم الحق في تناوله .. إن شاء الله تعملوه مخلل.
الحبيب القريب الي القلب اسماعيل تحياتي وكل شوقي لك ولكل الاخوان انا يا اسماعيل وراق ياخي من منطقة المحمية وانتمي الي سقادي شرق ولي اهل في كل مناطق الجعلين بيحث انتمي الي عدة بطون في القبيلة انتمي المسلماب والعمراب من ناحية ابي والي العمراب فقط من جهة امي وجدي هوالشيخ حامد اب عصا ولي اعمام واخوال من السعداب وايضا هم لهم النصف من العمراب ولي ايضا اعمام واخوال من الجميعاب ومن من الفادنية ... يعني انا من صميم هذه القبيلة من ناحية الاب والام واقيم مع الكثير من اهلي في شرق السودان وهذا لاينفي صلتنا الوثيقة واللصيقة بكل الاهل في ولاية نهر النيل ... ومرة اخري مع احترامنا لكل الشخوص لان الامر وطني ووقوي اؤكد لك ان ابدا لم توجد نظارة للجعلين طيلة فترة ممالكهم السابقة وحتي التاريخ الحديث وانما هو مك في فرع القبيلة من اهلي السعداب
Post: #44 Title: Re: ناظر عموم الجعليين واسرته ينضمون للمؤتمر الوطني Author: MOHAMMED ELSHEIKH Date: 12-09-2009, 06:11 PM Parent: #41
يا اخوتي الأمر لا يعدو انو كم نفر كدى(حوالي 30) من المعروفين با نتمائهم للمؤتمر الوطني من زمان و المنفعجية و ايضا من أهل خدمات البلد حضروا(او قل ذهبوا)الخرطوم لمقابلة نافع لأمر يخصهم (تجديد بيعه او سمه)و لم يكن الناظر برفقة هذا الوفد الأحتفالي و مع انه تربطه علاقات عادية باهل المؤتمر و أسرية, و بينهم تبادلات اجتماعية فأن الناظر أرجأ زيارته لليوم الثاني( وانا أعتقد عن قصد)و كان قد ارسلت له عربية في اليوم السابق ولم يستقلها بل فضل ركوب باصات شندي (الكلام دا اليوم) و كعادته قابل نافع و غيره و لم يكن هناك أي مما ذكره الأخ عمر صديق وانمالقاءاءات اجتماعواسرية عاديةكانت تتم في السابق و تتكرر يذهب نافع للناظر في شندي او يجي الناظر الخرطوم يقابل نافع تم استغلال المناسبة كعادة اهل المؤتمر و تجييرها لصالح حزبهم. من ذلك نخلص انه ليس هناك انضمام ولا يحزنون و ابناء الناظر محمد بالأمارات و صلاح بالرياض من غلاة الأتحاديين وانا ما عارف الكلام دا جبتو يا اخ عمر من وين حتى ان ابن عمي و نسيبي ود الباوقة قام بالتهليل و التكبير قبل أن يتبين من الخبر من مصادره الخاصة بالرياض
Post: #83 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-10-2009, 10:29 AM Parent: #44
Quote: يا اخوتي الأمر لا يعدو انو كم نفر كدى(حوالي 30) من المعروفين با نتمائهم للمؤتمر الوطني من زمان و المنفعجية و ايضا من أهل خدمات البلد حضروا(او قل ذهبوا)الخرطوم لمقابلة نافع لأمر يخصهم (تجديد بيعه او سمه)و لم يكن الناظر برفقة هذا الوفد الأحتفالي و مع انه تربطه علاقات عادية باهل المؤتمر و أسرية, و بينهم تبادلات اجتماعية فأن الناظر أرجأ زيارته لليوم الثاني( وانا أعتقد عن قصد)و كان قد ارسلت له عربية في اليوم السابق ولم يستقلها بل فضل ركوب باصات شندي (الكلام دا اليوم) و كعادته قابل نافع و غيره و لم يكن هناك أي مما ذكره الأخ عمر صديق وانمالقاءاءات اجتماعواسرية عاديةكانت تتم في السابق و تتكرر يذهب نافع للناظر في شندي او يجي الناظر الخرطوم يقابل نافع تم استغلال المناسبة كعادة اهل المؤتمر و تجييرها لصالح حزبهم. من ذلك نخلص انه ليس هناك انضمام ولا يحزنون و ابناء الناظر محمد بالأمارات و صلاح بالرياض من غلاة الأتحاديين وانا ما عارف الكلام دا جبتو يا اخ عمر من وين حتى ان ابن عمي و نسيبي ود الباوقة قام بالتهليل و التكبير قبل أن يتبين من الخبر من مصادره الخاصة بالرياض
الاخ محمد الشيخ تحياتي
وراجع صحف اليوم وفيها سجد تفاصيل اللقاء من الصحفيين حسب ما ورد في المؤتمر الصحفي
ياخي اتلهي .. والله كانت مهزلة..ومحرقة لاطفالكم.... شوفوا حاجة تانية ولا اقول ليك ...اجري امشي الدوحة و وقع الاتفاق مع الحكومة عشان ما يعدموا عيالكم الصغار
Post: #82 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-10-2009, 10:23 AM Parent: #40
Quote: من البسلي لا السبلوقة دي دار ابوك يا ابو رسوة كدك فوقا التدوره تقابلو بي انبساطه و روقا و التجفاه دفنك ليهو لا المخروقا
أبشر بالخير يا عمر الصديق ..
أولاد جعل عزهم معروف مذخور كابراً عن كابر ..
سلام من هذه النافذة للأخ الحبيب إسماعيل وراق ..
وبقية الأحباب ضيوف البوست ..
جاد
شكرا الاخ جاد ونردد مع البلولة تحياته لك:
قبوب زايد مشيتلو وطفت فيهو نجاد مطر بي القشوش زي اعجمي السجاد حايمتو الكريم والفارس النجاد تاني بعودا لو سمح الزمن ياجاد
Post: #42 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-09-2009, 05:57 PM Parent: #39
الاخ ود محجوب تحياتي
كما وعدتك ذهبت الي المركز العام وحضرت لقاء البيعة وفعلا وجدت الامر كما قلت انت حيث ان الناظر كان قد انضم من قبل وانما الذين انضموغا حاليا هم اسرته وبعض القيادات التاريخية بمنظقتي شندي والمتمة
قصة إعادة إعلان إنضمام ناصر الجعليين هذه إن صحت فهي مثل
إعلان أن الرئيس يفتتح طريق مدني الخرطوم .
هذا المنبر ملئ بالشرفاء من الجليين الذين عانوا الأمرين ;-
1 - أسوأ معاملة من نظام الإنقاذ .
2 - إنتماء عمر البشير لقبيلتهم .
فشل نظام الإنقاذ رغم محاولاته المستميته فشل في إرجاع شعب
السودان إلى نظام العشائر لتقاتل كل عشيرة الأخرى و ينشغل المجتمع
بالحروب القبلية ولكن لقد خاب فاله الناظر اليوم للتماسك القوي
الذي عبرت عنه جماهير و أحزاب الشعب السوداني في الندوة السياسية
الكبرى في دار حزب الأمة القومي يتأكد أن مستقبل السودان أفضل
من ماضيه .
Post: #54 Title: Re: ناظر عموم الجعليين واسرته ينضمون للمؤتمر الوطني Author: محمد حسن العمدة Date: 12-09-2009, 09:08 PM Parent: #50
Quote: وتاني بقول ليك مافي حاجة إسمها ناظر عموم الجعليين، ونظارة حاج محمد إبراهيم هذه لقب يمكن أن يطلق عليه من قبلك أو آخرين أو يطلقه هو على نفسه أو يختاره صاحب البوست، لكن قبائل الجعليين غير معنية به على كل حال، ليس قدحا في مقام الرجل .. لكن الحقيقة يجب أن تقال. يعني بالجعلي الفصيح كده ياصاحب .. مافي حاجة إسمها ناظر عموم الجعليين
دا كلام صاح مافي حاجة اسمها ناظر عموم الجعلين
وحتى وان كان ذلك صحيحا فهو يعتبر رده من جملة ردود المؤتمر اللاوطني وسكلبة واضحة بعد ارهاصات الانتفاضة والتحول الديمقراطي .. في ندوة دار حزب الامة ظهرت القومية بدلا عن القبلية التي لن تفيد المؤتمر شيئا ...
Post: #71 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-10-2009, 00:44 AM Parent: #54
Quote: دا كلام صاح مافي حاجة اسمها ناظر عموم الجعلين
وحتى وان كان ذلك صحيحا فهو يعتبر رده من جملة ردود المؤتمر اللاوطني وسكلبة واضحة بعد ارهاصات الانتفاضة والتحول الديمقراطي .. في ندوة دار حزب الامة ظهرت القومية بدلا عن القبلية التي لن تفيد المؤتمر شيئا ...
دا كلام مابخش راس ناس شندي والمتمة
Post: #58 Title: Re: ناظر عموم الجعليين واسرته ينضمون للمؤتمر الوطني Author: دينا خالد Date: 12-09-2009, 10:09 PM Parent: #50
وووووووووووووووووووووووووووو !
وكانوا وين الناظر واسرتو العشريييين سنة الفاتو ديل ؟؟؟
منى ومن المؤتمر الوطنى ارفض ليهم طوالى !
ــــــــــــــــــــ عمك يكون قايل فيها تاشيرات لى هولندا ؟؟ جيب اسرتو دا ماااااا ساى .. بكون عشمان فى لوترى او لم الشمل مش اسمو كدا يا مهجريين ؟؟
Post: #80 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-10-2009, 09:49 AM Parent: #58
Quote: وووووووووووووووووووووووووووو !
وكانوا وين الناظر واسرتو العشريييين سنة الفاتو ديل ؟؟؟
منى ومن المؤتمر الوطنى ارفض ليهم طوالى !
ــــــــــــــــــــ عمك يكون قايل فيها تاشيرات لى هولندا ؟؟ جيب اسرتو دا ماااااا ساى .. بكون عشمان فى لوترى او لم الشمل مش اسمو كدا يا مهجريين ؟؟
المؤتمر الوطني لايرفض احدا
بل يسعي اليه والي كل سوداني للانضمام
Post: #70 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-10-2009, 00:41 AM Parent: #50
Quote: عمر صديق
قصة إعادة إعلان إنضمام ناصر الجعليين هذه إن صحت فهي مثل
إعلان أن الرئيس يفتتح طريق مدني الخرطوم .
هذا المنبر ملئ بالشرفاء من الجليين الذين عانوا الأمرين ;-
1 - أسوأ معاملة من نظام الإنقاذ .
2 - إنتماء عمر البشير لقبيلتهم .
فشل نظام الإنقاذ رغم محاولاته المستميته فشل في إرجاع شعب
السودان إلى نظام العشائر لتقاتل كل عشيرة الأخرى و ينشغل المجتمع
يقول المثل يا حامد
يغني المغني وكل يفسر علي هواه
Post: #68 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-10-2009, 00:07 AM Parent: #48
Quote: اكرر ان هؤلاءال27 هم من اتباع المؤتمر الوطني السابقين و أتو لغرض احتفالي. وأؤكد ان الناظر لم يأت هنابصورة انه عضو بالمؤتمر الوطني
Post: #102 Title: Re: ناظر عموم الجعليين واسرته ينضمون للمؤتمر الوطني Author: MOHAMMED ELSHEIKH Date: 12-10-2009, 01:31 PM Parent: #68
Quote: ممكن تسأل الاستاذ صلاح ابراهيم حاج محمد
كل ما قلته من الأخ صلاح و كنت معه على الهاتف 40 دقيقةقبل ان اقول كلامي دا و هو قادم من السودان قبل ثلاثة ايام و شرح لي كل شيء اها تاني الا اكلم الناظر ذاتو اخليهو يتصل عليك.
كما وعدتك ذهبت الي المركز العام وحضرت لقاء البيعة وفعلا وجدت الامر كما قلت انت حيث ان الناظر كان قد انضم من قبل وانما الذين انضموغا حاليا هم اسرته وبعض القيادات التاريخية بمنظقتي شندي والمتمة
شكرا عمر صديق على امانتك .
الناظر ابراهيم حاج محمد هو رجل على خلق ودين ومثال للطيبة والاخلاق والتواضع.وهو خريج غردون وجاب السودان كضابط ادارى .
بس يا عمر برضو الذكرتهم ديل تسجيلات قديمة. فما الجديد؟؟؟؟
تحياتى
Post: #72 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-10-2009, 00:49 AM Parent: #35
Quote: اسرته ليه هو ملك الزولو متزوج مية ومخلف تسعمية!
لا هو ملاك دار جعل بالشهامة والكرم وحسن الاخلاق
Post: #69 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-10-2009, 00:14 AM Parent: #33
Quote: والله يا عمر صديق الماعون ضاق زمان كان ناظر عموم الـ .... وقبيلته هسع بقى ... وأُسرته
الاخ احمد موسي
تحياتي
مع تقديري لكم لكن نحن عندنا الادارة الاهلية اصبح تشريفية ومع ذلك فان المواعين عندنا في اتساع لان هذه الاسرة ممتدة في اكثر من ثلاث
ولايات
والمتحدث باسم المنضمين في المؤتمر الصحفي سالوه هل تقدمتم بمطالب للمنطقة فقال لا وليس ذلك من شيمتنا
Post: #67 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-10-2009, 00:00 AM Parent: #31
Quote: تحيات لصاحب البوست
كتب اسماعيل:
Quote: الجعليين لهم ناظر وهو حاج محمد إبراهيم المشهور بود البيه.
النظرو منو على عموم الجعليين؟! يا اسماعيل آخر مك للجعليين كان جدنا عبد الله ود سعد، بعديها الداير ينضم للمؤتمر ولا الجن الأحمر يمشي بدون "تنظير" وبدون عموم دي .. لأنها ماعندها علاقة بتاريخ الجعليين.
والسلام
سيف اليزل
الاخ سيف اليزل
تحياتي
عند انشاء القانون الانجليزي الخاص بالادارة الاهلية تراضي الجعليين علي جده ابراهيم بك فرح ليتولي النظارة
وماذا يعني انضمام أو شراء شخص وأسرته؟؟ هل يظن المؤتمر الوطني أنه قد ضمن بذلك ولاء القبيلة؟؟ هل ستدور المعركة الانتخابية القادمة على هذا المستوى المتخلف؟ المستوى القبلي؟؟
أنا جعلي ولا أظن ان للناظر المذكور تاثير حتى على أفراد أسرته.
هذا إن صح الخبر، ولم يكن من الفبركات التي خبرناها لعشرين عاما حتى ((قرفنا)).
الجعليون قبيلة لها دور تاريخي مقدر والافراد المنتمين اليها كثر فاين يصب ولاءهم هم مثلهم مثل كل قبائل السودان في الولاء فاعتقد جازما ان فيهم من ينتمي للحركة الشعبية مثل الوزير كمال الوسيلة وهو وزير الصحة بولاية نهر النيل وهو من جوير ود ضبعة وهو جده لزم وغير ذلك فهناك من ينتمي لهذه القبيلة انصار سنة وصوفيون وشيوعيون وانصار حزب امة وختمية وغير ذلك فهي قبيلة توزع افرادها لمختلف الولاءات ونسيت منهم مؤتمر وطني وبذلك تكون قبيلة رفدت الحياة السياسية في السودان وعمّ خيرها لكل احزاب السودان
Post: #66 Title: Re: ناظر عموم الجعليين واسرته ينضمون للمؤتمر الوطني Author: سارة علي Date: 12-09-2009, 11:36 PM Parent: #65
ناظر العموم بايع قبل كدة... معناها الخبر مفروض يكون(اسرة جعلية تبايع المؤتمر الوطني).. اها.. انحنا استفدنا شنو من الخبر دة؟؟ يا جماعة لو طلع في استفادة وانا ما شفتها كلموني... عشان من يوم بكرة الم اسر حلتنا ونمشي نبايع.. اسرة ..اسرة وشعارنا .. ليست اسرة.. ولا اسرتان.. بل أسر حلة كااااااملة متتالية.. ومنها كل يوم نفتح بوست..
وبصراااااحة كدة بوستيك دة بدون صور ماااا بينبلع...
ــــــــــــــــــــــــــــــ ما تسالوني حتبايعي منو.. اسئلة تعسفية ما معانا
Post: #73 Title: Re: ناظر عموم الجعليين واسرته ينضمون للمؤتمر الوطني Author: لطفي علي لطفي Date: 12-10-2009, 00:51 AM Parent: #66
Quote: هييييييييييييييييع ..
احفاد الملك نمر .. يا لها من اضافة نوعية لحزب المؤتمر الوطني ..
اخونا عمر مودتي وتشكراتي على ايراد الاخبار المفرحة ...
كع ...
هل هو اهتمام بالعددية ام بالنوعية
قال بل انتم يومئذ كثير و لكنكم غثاء كغثاء السيل لا يبالي الله بكم و هو الزبد الذي تأتي به السيول
لطفي
Post: #74 Title: Re: ناظر عموم الجعليين واسرته ينضمون للمؤتمر الوطني Author: المسافر Date: 12-10-2009, 05:30 AM Parent: #73
Quote:
بعيداً عن السياسة أستوقفتني هذه الأبيات التي قالها الشاعر حمدان من منطقة قندتو في ناظر عموم الجعلين الشيخ حاج محمد إبراهيم فرح
سمعت بيك وشكرووك لي وعجبني شكرتّك صمد المتعات الصف تهزّو نترتّك الشنب المبرم من شوفتو ليك يتفرتّك وا أسفي الشديد من بدري ما عاشرتك
من البسري لي السبلوقة حجر دار أبوك يا أب رسوة كدّك فوقّا الحالاك .. تسوقو بي سماحة وروقّا والكازاك .. حفرك ليهو لي المخروقّا
أسد الكُداد القارح حجر غابتو تب منع البفر والسارح من نهراتّك ... الفارس يحيض والدارة تصبح طارح قمر السبعتين مو الهللا ود أمبارح
كلمة الضِل حاشاك من نشيت ما ساخيللا سترة الحال تبذل مال وضحيللا
بلا سياسة بلا لمة
قمر التمام الهيلو السماحة متمة وفوق السبعتين دار البدر متمة إن دار البدورو دوارو متمة دار أبوك قبل الديار متمة
Post: #75 Title: Re: ناظر عموم الجعليين واسرته ينضمون للمؤتمر الوطني Author: المسافر Date: 12-10-2009, 05:43 AM Parent: #74
قمر السبعتين فوقنا هلا ونور من قبل الشروق فاق بياح ونور الليل الغشيم من شوفوتو حل ونور والساري الهميم في ليلو شرف ونور
( بلا سياسة بلا غمة )
Post: #76 Title: Re: ناظر عموم الجعليين واسرته ينضمون للمؤتمر الوطني Author: المسافر Date: 12-10-2009, 06:12 AM Parent: #75
قمر السبعتين هل وأدور ودار إن ضوا الشروق راجيه منو ودار وإن لاذ المغيب يلاقي منو بدار وسحب الركام ساحت وولى كدار
( بلا سياسة بلا رمة )
Post: #77 Title: Re: ناظر عموم الجعليين واسرته ينضمون للمؤتمر الوطني Author: عزام حسن فرح Date: 12-10-2009, 06:41 AM Parent: #76
عمر صِديق ... صباح الخير يا خوي ... علك طَيِب
Quote: عند انشاء القانون الانجليزي الخاص بالادارة الاهلية تراضي الجعليين علي جده ابراهيم بك فرح ليتولي النظارة
وخلفه ابنه حاج محمد ابراهيم الي ان توفاه الله في عام 1959 وخلفه الناظر الحالي ابراهيم حاج محمد الذي استمر الي حين الغاء الادارة الاهلية في عهد مايو
في الحالة دي عِنوان بوستك ده حركات مِنك ساي < ناظر عموم الجعليين واسرته ينضمون للمؤتمر الوطني > على الأقل علشان < شفافِية > وكِده ... يعني تَعَنْوِنو بـ< [U]إبن[/U] ناظر عموم الجعليين [U]السابِق[/U] واسرته ينضمون للمؤتمر الوطني > أو حاجة بِتفيد الحقيقة
Post: #78 Title: Re: ناظر عموم الجعليين واسرته ينضمون للمؤتمر الوطني Author: مريم بنت الحسين Date: 12-10-2009, 06:56 AM Parent: #77
الاخ عمر الإيحاء ليس منك، فأنت فقط مجرد ناقل للخبر...
لكن الإيحاء من كاتب الخبر.. ومن توقيته.. ورغبته في استثارة حمية قبيلة الجعليين! وفيها تشجيع على القبيلة خاصة وان عمر البشير ينتمي إليها...
بصراحة أكثر، هدا طرفي منّه ناظرهم ده... وانا ما بقبل بأي حال إنه يمثّلني... ولا يمثّل أسرتي الممتدة...
ومنو الفوّضة اساسا عشان يبايع للجعليين...
وشكرا لك
Post: #93 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-10-2009, 12:17 PM Parent: #78
Quote: الاخ عمر الإيحاء ليس منك، فأنت فقط مجرد ناقل للخبر...
لكن الإيحاء من كاتب الخبر.. ومن توقيته.. ورغبته في استثارة حمية قبيلة الجعليين! وفيها تشجيع على القبيلة خاصة وان عمر البشير ينتمي إليها...
بصراحة أكثر، هدا طرفي منّه ناظرهم ده... وانا ما بقبل بأي حال إنه يمثّلني... ولا يمثّل أسرتي الممتدة...
ومنو الفوّضة اساسا عشان يبايع للجعليين...
وشكرا لك
الاخت مريم
تحياتي
وهم لم يبايعو باسم القبيلة لانهم اوردو اسماء المنضمين للمؤتمر واللذين حضروا بانفسهم
ولم يتحدثوا نيابة عنكم اللهم الا من يقتنع برايهم ويوافقهم في الوقوف مع المؤتمر الوطني اومساندته
Post: #79 Title: Re: ناظر عموم الجعليين واسرته ينضمون للمؤتمر الوطني Author: Ahmed Elyas Date: 12-10-2009, 06:57 AM Parent: #77
دا كلام صاح مافي حاجة اسمها ناظر عموم الجعلين اخر مك للجعليين هو المك نمر البشير ليس جعليا
Post: #97 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-10-2009, 01:06 PM Parent: #79
الاخ احمد الياس
تحياتي\
شكرا علي المرور
Post: #92 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-10-2009, 12:08 PM Parent: #77
Quote: عمر صِديق ... صباح الخير يا خوي ... علك طَيِب
Quote: عند انشاء القانون الانجليزي الخاص بالادارة الاهلية تراضي الجعليين علي جده ابراهيم بك فرح ليتولي النظارة
وخلفه ابنه حاج محمد ابراهيم الي ان توفاه الله في عام 1959 وخلفه الناظر الحالي ابراهيم حاج محمد الذي استمر الي حين الغاء الادارة الاهلية في عهد مايو
في الحالة دي عِنوان بوستك ده حركات مِنك ساي < ناظر عموم الجعليين واسرته ينضمون للمؤتمر الوطني > على الأقل علشان < شفافِية > وكِده ... يعني تَعَنْوِنو بـ< [U]إبن[/U] ناظر عموم الجعليين [U]السابِق[/U] واسرته ينضمون للمؤتمر الوطني > أو حاجة بِتفيد الحقيقة
الاخ عزام تحياتي
وكل اهل الشمال ورغم الغاء الادارة الاهلية ظلوا يطلقون القابها من ناظر الي شيخ القرية
احرام علي في حالة المؤتمر الوطني وحلال علي الاخرين من كل حزب
Post: #90 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-10-2009, 11:47 AM Parent: #76
الاخ المسافر تحياتي وشكرا علي الرباعيات التي نقلتنا الي عالم السحرالبياني والجمال والطبيعة
Post: #87 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-10-2009, 10:55 AM Parent: #73
Quote: هل هو اهتمام بالعددية ام بالنوعية
قال بل انتم يومئذ كثير و لكنكم غثاء كغثاء السيل لا يبالي الله بكم و هو الزبد الذي تأتي به السيول
الاخ لطفي تحياتي
هؤلاء فيهمم ميزات نوعيبة وعددية وعلي الاقل سيكون لانضماهم اثر بالغ(دائرتين في الجيب)
Post: #85 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-10-2009, 10:38 AM Parent: #66
Quote: ناظر العموم بايع قبل كدة... معناها الخبر مفروض يكون(اسرة جعلية تبايع المؤتمر الوطني).. اها.. انحنا استفدنا شنو من الخبر دة؟؟ يا جماعة لو طلع في استفادة وانا ما شفتها كلموني... عشان من يوم بكرة الم اسر حلتنا ونمشي نبايع.. اسرة ..اسرة وشعارنا .. ليست اسرة.. ولا اسرتان.. بل أسر حلة كااااااملة متتالية.. ومنها كل يوم نفتح بوست..
وبصراااااحة كدة بوستيك دة بدون صور ماااا بينبلع...
ــــــــــــــــــــــــــــــ ما تسالوني حتبايعي منو.. اسئلة تعسفية ما معانا
بايعي وفارقي وماسخي علي كيفك
Post: #84 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-10-2009, 10:33 AM Parent: #65
Quote: الجعليون قبيلة لها دور تاريخي مقدر والافراد المنتمين اليها كثر فاين يصب ولاءهم هم مثلهم مثل كل قبائل السودان في الولاء فاعتقد جازما ان فيهم من ينتمي للحركة الشعبية مثل الوزير كمال الوسيلة وهو وزير الصحة بولاية نهر النيل وهو من جوير ود ضبعة وهو جده لزم وغير ذلك فهناك من ينتمي لهذه القبيلة انصار سنة وصوفيون وشيوعيون وانصار حزب امة وختمية وغير ذلك فهي قبيلة توزع افرادها لمختلف الولاءات ونسيت منهم مؤتمر وطني وبذلك تكون قبيلة رفدت الحياة السياسية في السودان وعمّ خيرها لكل احزاب السودان
الاخ مطر قادم تحياتي
وشكرا للكلام الجميل المتوازن
وقد قلت في بداية البوست في ردي علي دينق نفس هذه المعاني
Post: #81 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-10-2009, 10:14 AM Parent: #59
Quote: وماذا يعني انضمام أو شراء شخص وأسرته؟؟ هل يظن المؤتمر الوطني أنه قد ضمن بذلك ولاء القبيلة؟؟ هل ستدور المعركة الانتخابية القادمة على هذا المستوى المتخلف؟ المستوى القبلي؟؟
أنا جعلي ولا أظن ان للناظر المذكور تاثير حتى على أفراد أسرته.
هذا إن صح الخبر، ولم يكن من الفبركات التي خبرناها لعشرين عاما حتى ((قرفنا)).
ديل مابشتروهم
وفوق لقا فوق عدم دائما مخرف صيفهم
Post: #86 Title: Re: ناظر عموم الجعليين واسرته ينضمون للمؤتمر الوطني Author: إسماعيل وراق Date: 12-10-2009, 10:50 AM Parent: #81
تصحيح لمعلومة شائعة جداً:
عمر حسن أحمد البشير بديري وجعلي من ناحية أمه.،
كسرة:
يا جماعة خلونا في القومية الرحبة الواسعة وأعتقد أنها أفضل من المواعين الضيقة خاصة في ساس يسوس.
Post: #100 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-10-2009, 01:17 PM Parent: #86
Quote: يا جماعة خلونا في القومية الرحبة الواسعة وأعتقد أنها أفضل من المواعين الضيقة خاصة في ساس يسوس.
كلامك صاح ان كانت هنالك عصبية ودعوي جاهلية
والا
فان القبائل والشعوب وسيلة للتعارف والتعاضد والتراحم
Post: #88 Title: Re: ناظر عموم الجعليين واسرته ينضمون للمؤتمر الوطني Author: سيف اليزل الماحي Date: 12-10-2009, 10:56 AM Parent: #81
.
الاخ عمر صديق سلامات ..
ياخي هل تسمح لي أن أسالك .. وأنا بعد محرج من شبهة السؤال؟
خالص تحياتي
سيف اليزل
.
Post: #89 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-10-2009, 11:30 AM Parent: #88
Post: #104 Title: Re: ناظر عموم الجعليين واسرته ينضمون للمؤتمر الوطني Author: MOHAMMED ELSHEIKH Date: 12-10-2009, 01:41 PM Parent: #98
Quote: ومن ناحية اخري حضرت اللقاء لانني اعرف تاثيره علي المؤتمر الوطني بشندي والمتمة
الأخ عمر بما انك حضرت اللقاء و نقلته هنا آمل ان تقول لينا بالضبط ما قاله او صرح به الناظر ابراهيم في هذا اللقاء خصوصا أنه محور هذا البوست وانا على ثقة تامة في نقلك للحقائق. مع خالص ودي
Post: #105 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-10-2009, 01:51 PM Parent: #104
الناظر لم يتحدث
تحدث نيابة عنه بروفيسر مامون حاج علي ابراهيم
وايضا تحدث اخوه فاروق حاج محمد وقال نحن بيعتنا للمؤتمر الوطني زي اسلام سيدنا عمر
الصور مع زميل صحفي لم اخذها يوم امس لاسباب فنية وحاجيبها انشاء الله
Post: #111 Title: Re: ناظر عموم الجعليين واسرته ينضمون للمؤتمر الوطني Author: محمد حسن العمدة Date: 12-10-2009, 08:38 PM Parent: #98
Quote: دا كلام مابخش راس ناس شندي والمتمة
كدا معليش تقول ناظر ناس شندي والمتمة لكن ما تجيب سيرة الجعليين الجعليين ديل حدهم في الجنوب والجنوب الشرقي ووسط الجزيرة والنيل الابيض وفي كردفان برضو في جعليين وفي دارفور برضو في جعليين اتكلم فقط عن ناظر شندي والمتمة لكن ليس هنالك ناظر لعموم الجعليين
Post: #101 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-10-2009, 01:26 PM Parent: #99
قيادات من الجعليين تنضم للوطني
الخرطوم: أميرة الحبر : هنادي عثمان - تصوير: اسحق إدريس
أعلنت قيادات شعبية بارزة من قبيلة الجعليين في منطقتي شندي والمتمة أمس انضمامها وتأييدها للمؤتمر الوطني تتقدمها أسرة إبراهيم حاج حمد ناظر عموم الجعليين وأسرة عبد الله جاد الله.ورحب المؤتمر الوطني، بانضمام المجموعة، ووصف لقاء تم بينهم ود. نافع علي نافع مساعد رئيس الجمهورية، نائب رئيس المؤتمر الوطني لشؤون الحزب أمس بالتاريخي، وأكد د. قطبي المهدي مسؤول المنظمات بالمؤتمر الوطني فخرهم وإعزازهم بدعم ومساندة أعيان الجعليين. وقال: «هذا حدث مهم، وبانضمامهم ازداد المؤتمر الوطني قوةً
___________________________ الراي العام
Post: #103 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-10-2009, 01:41 PM Parent: #95
Quote: الإنتخابات قائمه قائمه والوطني فائز فائز بإذن الله إنت قايل فرفرتهم دي كلها لي شنو ماعارفين إنو موقفهم (زباله)
محمد فرح
تحياتي
يازول الزبالة مالها
لولاها بيوتنا كانت المطر كسرتها
Post: #106 Title: Re: ناظر عموم الجعليين واسرته ينضمون للمؤتمر الوطني Author: MOHAMMED ELSHEIKH Date: 12-10-2009, 02:07 PM Parent: #103
Quote: تحدث نيابة عنه بروفيسر مامون حاج علي ابراهيم
شكرا على نقل هذه الحقيقة ثانيا: البروف هو اخ مسلم من زمن الجامعة و أعتقد هو الجبهجي الوحيد الملتزم من المجموعة التي ذكرتها و ممكن يقول اي حاجة تخص المؤتمر. نحن محور البوست حقنا الحاج ابراهيم و اسرته. انت قلت انه لم يقل شيئا.هل يعقل ان كبير القوم يأت و يعلن انضمام هذه الكوكبة و ما يقول بغم؟ و ما يركب العربية اللي رسلوها ليهو و يجي بالمواصلات؟ با قي لك البيعة دي ما فيها انه(بتشديد النون) و أعلام لا داعي له؟ تانيا: أعرف اتنين من ابنائه وهم محمد ابراهيم بالأمارات و صلاح ابراهيم بالرياض_الأمين العام لفرع الحزب الأتحادي الديمقراطي بالخليج- لم ينضموا بعد للمؤتمر الوطني. اذن ما ليك حق تقول الناظر و أسرته. كان ممكن تتحدث عن مجموعة من أهالي قرية (كذا) اعلنوا بيعتهم للمؤتمر الوطني و فيهم أقارب الناظر ابراهيم حاج محمد. ولا شنو؟
Post: #107 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-10-2009, 05:04 PM Parent: #106
طيب فاروق اخوه ماليهو حق ويقول ان اسرتهم انضمت والاتاذة حكت والاساذ عامر جمال الدين
وعبد الله علي جاد الله الذي قال ان كل الحضور هو اما عمهم او خالهم والناظر موجود وقائمة المنضمين موجودة في اعلي
البوست
طيب ابناءه الذين ذكرتهم وقل انك تعرفهم اسماءهم هل اوردناها هنا
خبر الانضمام وعرفناهو المعني به الحزب الاتحادي .....
المصدر العليم ده ماوراك الرصة حاتكون كيف....؟؟
بالنسبة لدوائر شندي والمتمة فى البرلمان ومنصب الوالي؟؟
Post: #115 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-11-2009, 11:09 PM Parent: #114
Quote: المصدر العليم ده ماوراك الرصة حاتكون كيف....؟؟
بالنسبة لدوائر شندي والمتمة فى البرلمان ومنصب الوالي؟؟
دا مابيت القصيد ذاتو ياود سوميت
ترقبوا ابريل القادم
Post: #116 Title: Re: ناظر عموم الجعليين واسرته ينضمون للمؤتمر الوطني Author: سيف اليزل الماحي Date: 12-12-2009, 09:00 AM Parent: #115
.
عمر صديق كتب :
Quote: ياخ الاجابة بي ناحية اخري انا جعلي مسيكتابي
ياخ مرحب بيك في الأهل والعمومة، يعني إنتو شمال قبة جدنا أبوشريعة والله بختكم يعني جدنا يسبح وإنتو تستغفرو هههههه .. ليحفظ الله أهلنا في المسيكتاب.
لكن يااللخو بيني وبينك بطون الجعليين "المعلومة" الممتدة الكبيرة والكثيرة تناثر عقد مكوكيتها بعد رحيل فارسها الأشم عبد الله ود سعد خليفة جدنا الشامخ المهيب المك نمر ولكنها ماتزال عنوانا للنبل والفطنة والشهامة والشجاعة والفراسة، الفراسة التي تجعل من عبارة ناظر عموم الجعليين، لقب يستحقه كل جعلي قح .. لمن يهمه الأمر .. ذلك دون أدنى مسئولية على قبائل الجعليين، ولذلك ليبايع الناظر الأول .. ويبايع الناظر الثاني .. ويبايع الناظر الثالث .. ليبايعكم ألف ناظر، لكن .. لتبقى قبائل الجعليين حرة للأبد.
دون أن ينقص ذلك من قدر القبائل الأخرى وصفاتها الكبيرة.
مع اكيد إحترامي
سيف اليزل
.
Post: #117 Title: Re: ناظر عموم الجعليين واسرته ينضمون للمؤتمر الوطني Author: محمد ادم الحسن Date: 12-12-2009, 09:11 AM Parent: #116
السيد عمر صديق
أنا فاتح بوست له علاقة بموضوعك دا
بستأذنك أضع فيه الرابط لو تكرمت. ولك شكري
Post: #120 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-12-2009, 02:53 PM Parent: #117
Quote: السيد عمر صديق
أنا فاتح بوست له علاقة بموضوعك دا
بستأذنك أضع فيه الرابط لو تكرمت. ولك شكري
الاخ محمد ادم
تحياتي
واذنك معاك في كل بوستاتي السابق منها واللاحق ولو عرفت الرابط بزورك انشاء الله
Post: #118 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-12-2009, 02:26 PM Parent: #116
Quote: ياخ مرحب بيك في الأهل والعمومة، يعني إنتو شمال قبة جدنا أبوشريعة والله بختكم يعني جدنا يسبح وإنتو تستغفرو هههههه .. ليحفظ الله أهلنا في المسيكتاب.
لكن يااللخو بيني وبينك بطون الجعليين "المعلومة" الممتدة الكبيرة والكثيرة تناثر عقد مكوكيتها بعد رحيل فارسها الأشم عبد الله ود سعد خليفة جدنا الشامخ المهيب المك نمر ولكنها ماتزال عنوانا للنبل والفطنة والشهامة والشجاعة والفراسة، الفراسة التي تجعل من عبارة ناظر عموم الجعليين، لقب يستحقه كل جعلي قح .. لمن يهمه الأمر .. ذلك دون أدنى مسئولية على قبائل الجعليين، ولذلك ليبايع الناظر الأول .. ويبايع الناظر الثاني .. ويبايع الناظر الثالث .. ليبايعكم ألف ناظر، لكن .. لتبقى قبائل الجعليين حرة للأبد.
دون أن ينقص ذلك من قدر القبائل الأخرى وصفاتها الكبيرة.
مع اكيد إحترامي
سيف اليزل
الاخ سيف اليزل تحياتي
لاياعزيزي نحن في المسيكتاب جنوب جوار جدنا الفكي حسين
والمسيكتاب شمال دي فرع منا وبرضو اهلنا
والشيخ ابوشريعة بنحب مدايحو خاصة :
مادام الوجود يابر ويا تواب صلي علي نبيك الصادق الاواب
Quote: والله بختكم يعني جدنا يسبح وإنتو تستغفرو هههههه ..
ياخي شمال ولا جنوب .. يعني ماقاعدين تستغفرو؟ هههههه عموما .. سعدنا بمعرفتكم .. والتحيات لأهلنا في المسيكتابية "على قول أهلنا بغرب شندي" كما نود أن نفيدكم أن اختلاف الرأي لايفسد الود قضية.. كما تعلمون.
أها بعد الدم والأرض والتاريخ والأستغفار والذي منو؟ عملت لينا شنو في موضوع "ناظر عموم الجعليين" .. يا الخزين!
هذا مع تحياتي
سيف اليزل
.
Post: #121 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-12-2009, 03:23 PM Parent: #119
Quote: ياخي شمال ولا جنوب .. يعني ماقاعدين تستغفرو؟ هههههه عموما .. سعدنا بمعرفتكم .. والتحيات لأهلنا في المسيكتابية "على قول أهلنا بغرب شندي" كما نود أن نفيدكم أن اختلاف الرأي لايفسد الود قضية.. كما تعلمون.
أها بعد الدم والأرض والتاريخ والأستغفار والذي منو؟ عملت لينا شنو في موضوع "ناظر عموم الجعليين" .. يا الخزين!
هذا مع تحياتي
سيف اليزل
الاخ سيف اليزل تحياتي
ونستغفر في كل لمحة ونفس عدد ما وسع علم الله
وبعدين انت يا اخوي زعلان علي نظارة الجعليين عشان اتحولت الزعامة من السعداب لي النفيعاب !!!!!!!!!
كلهم وا حد ومحل فخرنا واعزازنا
كدي امش منتديات دارجعل
امس كانت عندهم رحلة لي شلال السبلوقة (منطقتنا) حا تلقي صور جميلة جدا جدا
Post: #122 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-13-2009, 01:44 AM Parent: #121
وفد زعماء السودان الذي زار ملك بريطانيا1919 لتقديم التهاني بمناسبة الانتصار في الحرب العالمية الاولي
ناظر عموم الجعليين ابراهيم بك فرح ويظهر في الصورة حيث موقعه الثاني قي الوقوف من ناحية الشمال
Post: #123 Title: Re: ناظر عموم الجعليين واسرته ينضمون للمؤتمر الوطني Author: سيف اليزل الماحي Date: 12-14-2009, 08:20 AM Parent: #122
.
كتب عمر صديق:
Quote: وبعدين انت يا اخوي زعلان علي نظارة الجعليين عشان اتحولت الزعامة من السعداب لي النفيعاب !!!!!!!!!
أخونا عمر أخلص تحياتي ..
يا اللخو مافينا زعل طبعاً، ولو إنتقلت "المكوكية" حتى "للنفيعاب" .. لأنو الشيخ إبراهيم البيه هو واحد من أكرم جدودي دم ولحم وعضم .. ولا فخر.
وبالمناسبة جدكم الفكي حسين أولادو منو؟ لأنو الفكي حسين المعروف بجزيرة ساردية والمسيكتاب وما حولها، هو كمان جدنا "لزم" وبرضو دم ولحم وعضم .. ولا فخر.
ممكن نطلع قرايب .. بختك هههههه.
أكيد إحترامي
سيف اليزل
.
Post: #124 Title: Re: ناظر عموم الجعليين واسرته ينضمون للمؤتمر الوطني Author: عمر صديق Date: 12-14-2009, 09:54 PM Parent: #123