أيُّها الناس إسمعوا و عوا (يوجد تسجيل صوتي)

تقرير لايف الآن عن الحركة الشعبية (شريك في الحكم و فصيل في المعارضة)
ثم مداخلة خطيرة لدكتور لام أكول قال فيها ما يجعل المعارضة و من ساند الحركة يتقزّمون أمام أنفسهم خجلاً من حالِهم و مِمّا يُفعل بِهِم.
و قبله حديث أخطر لبونا ملوال و ما تيعرّض له من مضاياقت في الجنوب
أعمل على تحويل التسجيلات لملفات صوت لسرعة إنزالها

ما تتاخر يا علاء لانه بكرة عندنا مدارس ياااااااخ ..

تمّ التحويل من فيديو إلى صوت و جاري التحميل بالموقع
مسافة السِكّة بس يا شيخ العوض
سِكّة بكري في التحميل
الليلة الجماعة إتهروا مِنِّي بما فيهو الكفاية
لكن أوعِدكم دي آخر جُرعة ليومنا دة
باكر بنبدأ صفحة جديدة
أقصد وصفة طِبِّية جديدة للعلاج

بالله يا عمكـ 3 حبات صباح و3 مساء
لانو الحالة دى متأخرة جدا

كويس يا علاء ومنتظرين ,,
وما تنسي بكرة تجيب معاك بطانية لبوست عمك وهبة ده

هلى كل القوى الوطنية والشرفاء المبيت يوم الأربعاء بمدينة أمدرمان

نأسف على التأخير لبطء الموقع
هُنا حديث بونا ملوال و أحد قادة الأحزاب الجنوبية ثم تقرير عن الحركة و مواقفها
يليه إنشاء الله لقاء مع د. لام أكول
كان الموقع ساعدنا بالتحميل

اللقاء المباشر في أخبار العشرة مساءاً مع د. لام أكول

علاء
تغش في روحك
ما يا تلفزين السودان المؤتمرجي
ويا الشرقو بتاع جمال الوالي
ويا ما بعرف من نيل ازرق لهارموني لكل اوهام الكيزان

طظ في تصريحاتهم
وطظ في ابيل الير ذاته ومعاهو لام كول كمان.

يعني شنو قايل عشان جنوبين بيخوفنا؟؟؟
م اشتراهم المؤتمر الطوني زي ما اشترى شمالين كثار
يعني غريبه يلقى ليه شوية جنوبين يقبلوا يبيعوا روحهم؟؟؟


وضح مصدر التسجيل.
وبرضو ما حيغير شيء بس عشان نختهم في القائمه السوداء.

يا علاء ما تحيد عن الامانة ياخى !!

لما هو تقرير وعاملوا تلفزيون السودان القومى القروشو مدفوعه
مننا كلنا كسودانيين .. ليه بجيب وجهة نظر واحده بس ويتبناها
كحقيقة ؟؟؟ لية ما مشى وبنفس الامانة تكبد الحصول على وجهة النظر الاخرى ؟؟

عشان فعلا وفعلا نستفيد ونقدر نحكم ،،، لكن ورود الخبر بهذه الطريقة
يهدم كل ما جاء فيه لاى شخص عاقل ، ويجعله مجرد مزايدات سياسية للام كول
المطرود من الحركة .. ولبونا الذى انحاز الى جانب الحكومة من زمان ..

ما شفتو التقارير الاخبارية دى بتتعمل كيف فى بقية القنوات والاذاعات ؟؟
حتى فقط لدواعى المهنية !! وبالرغم من تبنى قناة الجزيرة مثلا لنفس وجهة نظر
الحكومة ،، لكن برضو هى عارفة انها عشان تحترم روحها ومهنيتها لازم تعرض
وجهة النظر الاخرى .

وما فى يا علاء فى الدنيا جهة اعلامية بتحترم روحها وانت سيد العارفين
بتبث خبر ضد جهه وتتبناه كحقيقة مطلقة بهذه الطريقة الفجة
الفطيرة تتصور حتى اذا كانت هذه الاذاعة هى اذاعة المؤتمر الوطنى
برضو الناس البشتغلوا فيها مفروض يغلبوا جانب المهنية واخلاق المهنه على
كل التزاماتهم الحزبية وانحيازاتهم العرقية والاثنية والدينية .. لحظة تعاملهم مع الخبر
ولحظة بحثهم عن الحقيقة .. ويبطلوا طريقة التعامل مع جمهورهم ومستميعيهم او قراءهم
او مشاهديهم وكانهم اصحاب قنابير طويلة ..

شخصيا لطالما احترمت ناس القاعده كصوت اخر انا مختلفة معاه

لانهم بعبروا عن قناعاتهم بوضوح .. بن لادن بوزع الاشرطة عبر الاعلام بصوته
وبمتلك الشجاعه ليقول انه دا رايو هو .. من اراد ان يتفق معه فليفعل ومن اراد
ان يختلف فليفعل .. مافى بث اراء على انها تقارير اخبارية
اقترح عليهم ان يحذو حذوه ..




ـــــــــــــــــــــــ
يا علاء حتى تصرفات الحركة الشعبية وان صدقت لاتكون مبرر لما يفعلوه هم
مش كدا ؟؟ يعنى عشان الزول البعارضنى ارتكب الغلط ، دا ممكن يكون تبرير لغلطى ؟؟؟
خلينا انا وانت وكل الناس الما عندها ناقة ولا جمل فى هذه الاحزاب خلينا نحاول
نكون عين تالته ( لو ممكن تكون هناك تالته ) .. امكن نقدر نساهم حبه فى هداية
الطرفين الى سواء السبيل ..

حولاااااااااااااااا يا علاء .. يا دووبى سمعت بقية التقرير
الذى اعقب التصريحات .. معقولة ياخ ؟

معقولة دا يكون تلفزيون قومى ؟؟ يشتم حزب بعينه ؟
لمصلحة منو . ؟ انا ما بقبل منو يشتم بلسانو القومى
حتى المؤتمر الوطنى نفسه كحزب موجود فى الساحه ، لو دايرين يشتمو المؤتمر الوطنى ذاتو كحزب
تلقانى انا هنا برضو وبكتب ليك انو دا علط وانو دا سلوك ما ممكن يصدر
من تلفزيون قومى .. ممول من دافع الضرايب السودانى لانو ممكن يكونوا فى منهم كتار
مؤتمر وطنى وما موافقين على شتيمتو صاح ..؟؟

بعدين ياخ دا ما شغل الاجهزة القومية موافق انت على الكلام دا ؟؟
ما للاحزاب بفضل للاحزاب يتطالعوا فى الخلا بشرف كبير

لكن كونوا المؤتمر الوطنى يسخر اجهزة الدوله لنشر افكار حزبه دا غلط .
يسخر الاجهزة القومية لاجنداتو الحزبية وشتم خصومو انا وانت على الاقل مفروض
نجهر الصوت بانو دا غلط !! يستغل اموال الدوله ونفوذها عشان يطالع بيها
انداده من البرامج السياسية للاحزاب المختلفه فى ذاك الخلا دا غلط برضو .

هسه التقرير دا لو جاء على لسان المؤتمر الوطنى كاعلان مدفوع القيمة
فى التلقزيون القومى والله ما عندى مانع اسمعه واتدبر فيما جاء فيه
لكن بى شكلوا دا ولا بعيرو اى مصداقيه .. لانو ما بنى على باطل فهو باطل !





ــــــــــــــــــــــــــــــــ
الاوضاع دى ما بتتصحح والقيم السليمة دى ما ح تسود
الا بناس يرفصوا الغلط من حيث هو غلط وبس
مفروض ندق عليها اى على الصاح بمبدئية شديده
فالايام دول لو الليلة سخروها الفى يدهم القلم فتزكروا انو القلم بكرة
ممكن يكون فى يد غيرهم .. وعشان الافلام الهندية دى ما تتكرر وتتغير اشكالها
بتغير من فى يدو القلم تعالوا نرفضها من ناحية مبدئية بغض النظر عن فاعليها !

تراجي
و دُنّانتي الطنّانة دينا
سلامات
نأسف لعدم التمكن من الرد أو حتى رفع البوصت نسبة لبعض المشاغل في العمل
بجيكم واحدة واحدة للرد

دُنّانتي
سلام تاني
كدي جيبي لي برنامج واحد من تلفزيون جنوب السودان أورد أي تغطية إعلامية تتحدّث عن غير الحركة الشعبِيّة في الجنوب.
لذلك لا ألوم التلفزيون فيما ذهب إليه
بس سيبينا زي ما قلت لتراجي من منو القال ، خلينا في القالوهو صح ولاّ ما صاح بالذات مسألة الحُرِّيّات اللي الحركة دايساها تِحِت جزمتة في الجنوب و جاي تتشدّق بيها في الشمال


دينا
واللهِ واللهِ واللهِ و رُغم رفضي لهم
بس لو الكان الحصل قِدّام البرلمان (أعني السيرة إيّاها)
لو كانت من الأحزاب الشمالِيّة لكنت تعاطفت معهم و لما أهرقت كل مدادي القرفان من عمايل الحركة على صفحات هذا المِنبر
لأنُّو كان ممكن نقول ديل مكبوتين و لا رأي لهم و دي الحقيقة لأنُّو ما عندهم فهم و لا برنامج و لا خُطط
لكن تتظاهر لي الحركة و هي شريك حُكم؟
تتطالب بديموقراطية و هي مجهِضاها تماماً في الجنوب؟
يا دينا حرام عليك ياخ
أنا واثق عقلِك أرجح من إنو تلعب بيهو الحركة بالحركة البايخة العملتة في الأحزاب و الشمال و قصدها تعطيل الإنتخابات ليس إلا
أيّاً كان رأينا في الإنتخابات
بس لو العايز يعطِّلها من أحزاب الشمال (البدون قاعدة حقيقية بسبب فشلهم)
لو واحد منهم البطن ما فيها حاجة
لكن من الحركة اللاهطة قروش البترول بالمليارات و ما عملت مِنّهم أي حاجة للمواطن الجنوبي
ياخي لأ

تراجي
دة بونا ملوال
ولو ما بتعرفي منو بونا ملوال و ما عارفة تاريخو ياريت تسألي
بعدين ياخ سيبينا من حكاية مايكات التلفزيون المؤتمرجي و أييييييييييي حاجة
و قول ديل ذااااااااااااتم بونا ملوال و لام أكول مؤتمر وطني
دة كلللللللللللللو ما موضوعنا
موضوعنا القالوهو دة صاح ولاّ ما صاح؟
ردي على سؤالي دة بصراحة
لو صاح يبقى اللعنة على الحركة اللي عايزة تتجبّر في الجنوب و تشتغل بسياسة الحزب الواحد و تسعى للتعدد في الشمال زي ما قال لام أكول
ولو ما صاح جيبي لينا ما ينفي كلام لام أكول إنو حزبو شغّال في الجنوب و مسموح ليه يمارس حقو الديموقراطي هِناك
و ليك علي لو كلامك بالدليل انا أشرِف على إنزاله في كل الصحف اليومية ولو بالقروش لتكذيب لام أكول و فضحه
سيبينا من الآلة و في يد مِنو
خلينا في الكلام الإتقال صاح ولاّ ما صاح
تمام؟

إسمعوا وعوا جيِّداً
عارفكم بتسمعوا
لا يهم أن تُعلِّقوا المهم أن تسمعوا

Quote: بالله يا عمكـ 3 حبات صباح و3 مساء لانو الحالة دى متأخرة جدا

حسب نصيحة اختصاصي أمراض المناطق الحارة فيما يخص الحمى أم برد . أو الرجافة (من جبل الرجاف) .

يبدأ علاجهم بالراجمات .. ثم وليس آخيراً .. بالزيتية .. فإن نفعهم ذلك فبها.. وإلا يصار إلى دبغهم بالقرض الأخضر ..

القرض بداوي المرض كما قال الفكي ود أب قناية ..


سلام يا علاء الدين ..

قرقشة للتحية بس ..

اليوم مشغول شوية .. ما دخلت كتير المنبر ..

بس ما قصرتوا ..


جاد

هلا يا جاد
تسلم على المرور
ياخي الجماعة سيرتم الأولى ماااااااااا جابت حقّها شايفم عِرفوا وزنهم الحقيقي و لبدوا
كِدة أحسن ليهم يحفظوا ما تبقّى من ماء الوجه الذي أُريق أمام البرلمان
تسلم يا حبيب

فوق عشان خاطر إضنينكم

وشان خاطِر الما سِمِع

والما شاف يشوف

شفنا الوهمة بتاعتكم دي
إنشاء الله تسجيلي الجبتو ليك هِناك يكون عجبك