لِتنجح مسيرة يوم الخميس

هذا ما قاله كمال عِبيد
قال نحن لا نرفُض قيام أي مسيرة سلمية ، شريطة أن يلتزِم القائمون بتحمُّل مسئولِيّتها و التعهُّد بتحمُّل أيّة أضرار تنتج عنها و هُم رفضوا الإلتزام بما طلبنا.
يعني ناس الحركة الشعبِيّة سايقِنّكم على عماكم تطلعوا و تخرِّبوا و تتعرَّضوا لردع القانون (وهو تصرُّف طبيعي ضد التخريب) و ما عايزة تلتزم بما قد ينتج عن ذلك.
يعني إستكترت فيكم حتى مُجرّد إلتزام يا حطب النار
على التلفاز اليوم شاهدت تظاهُرةً في تُركِيا للأكراد يتظاهرون ضِد سوء معاملة معتقل لهم محكوم بالمؤبّد ، الشرطة فرّقت المُظاهرة بالقوّة و نتج عنها قتيل من المتظاهرين و جريح من الشُرطة و كان قول و تبرير المُعلِّق و المسئول التركي:
تركيا دولة قانون و نحن لا نرفض قيام مسيرة سلمية للتعبير عن الرأي و المطالبة بالحقوق و لكن لابد من تصديق قانوني لها.
إنتهى

أها يا شباب المسيرة

الحركة الشعبِيّة يبدو أنّها ترفُض دفع قيمة تعويض تحطيم فترينة قزاز في السوق العربي ، ناهيك عن خسائر أفدح مِن ذلِك.
و لأنُّو أصلاً الهدف هو:
إحذروا: المعارضة تبحث عن شهيد بأي ثمن وبأي طريقة
فإذا عايزين تظاهُرة الخميس تنجح يجي واحِد مِنّكم بالله يوقِّع على ما طلبه كمال عِبيد
سعبة دي؟
مُش قلتو سِلمِيّة؟ و ضامنيييييييييييين إنّها سِلمِيّة؟
شان ما يجينا واحد زي أخوكم دة ويقول:

لابد من ضمان .. دفع الديات .. علاج الجرحى .. و رعاية اس...اء مسيرة الاثنين ...

أها قلتو شِنو؟
مين يجي و يوقِّع؟
ما عايزين تضمنوا حقوق الشعب و الناس في حال حدث تخريب ؟
و تتحدّثوا عن حقوق لكم مهضومة؟
أيستقيم الأمر يا هؤلاء!!!!؟

نقبل توقيعات الآتية أسماءهم:
1- عاطف مكّاوي.
2- محمد حسن العُمدة.
3- حيدر الزين.
4- الصادق ضرار.
5- تيسير عووضة.
6- عصام جبر الله.
7- د. حيدر بدوي.
8- لنا مهدي.
9- تراجي مصطفى.

بالعدم:
1- محمد عادل.
2- أنور دفع الله.


الآتية أسماءهم لا تُقبل توقيعاتهم:
1- مصطفى محمود.
2- بشاشا.
3- دينق.
4- هبّاني.



هل مِن مُوقِّع أو من يُريد أن يُرشِّح نفسه للتوقيع نيابة عن المتظاهرين؟

مُلحق كشف:
نقبل توقيع الأتِية أسماءهم:
10- doma.
11- عُمر عبد الله فضل المولى.
12- إنعام عبد الحفيظ.

مُلحق كشف:
الآتية أسماءهم لا تُقبل توقيعاتهم:
5- كوستاوي.

Quote: هل مِن مُوقِّع أو من يُريد أن يُرشِّح نفسه للتوقيع نيابة عن المتظاهرين؟

والله الجلطة ياها الجاياني لغايــة يوم الخميس من بوستاتك دي

تعويضات شنو ياالبندفعها ليكم .. عوضوهم من قروش البترول العملوها كلها فلل وعمارات

في جزيرة النخيل بالامارات وحسابات مدكنة في ماليزيا ومزارع وباقات شربوت - او كما قال ..



بوست غيــر موفق اطلاقاً ويستحق عدد واحد صورة نضاليــة ...




صورة من النوع ابو جرار - دا سعودة لصورة اللوري وكدة

السيد / علاء الدين السلام عليكم
السؤال الذي يطرح نفسه هل الحكومة على استعداد بقبول الرأي الآخر وهل لديها رغبة حقيقية في التحول الديمقراطي (هو سلمي بالطبع) وهل المسيرات السلمية فعلا تهدد أمن المواطنين وتضايقهم في معايشهم وهل سبق للمؤتمر الوطني أن أخذ الإذن من الشرطة لتسيير مظاهرة ؟ وهل المعارضة مطالبة بالرفع لكمال عبيد برغبتها في التظاهر من أجل المطالبة بإحقاق حق . كنا فاكرين إنو الإجراءات القانونية دي عند شرطة السودان وليس شرطة المؤتمر الوطني .

انا انفع اوقّع؟

Quote: 12- إنعام عبد الحفيظ.

ياخ انعام دي اسحب اسمها



اولا هي __ والحمد لله بسلامتهامن حادث الامس _ مسخرة نفسها لعمل الخير وليس التخريب




وثانيا هي قيادية في الحزب الاتحادي الديمقراطي الاصل وهو خارج تحالف جوبا

يا سعادتك
ياخي واللهِ عارفين إنعام زولة خير و لثقتنا فيها مُمكِن نقبل ضمانتة للناس ديل
شان كِدة جِبنا إسمها
كضامِن مقبول لدينا

سلام مريم
يِنفع و نُص و خمسة
وليه لأ
بس كُل المطلوب مِنِّك يا بِت الحُسين الحضور للشرطة و كِتابة تعهُّد رسمي بذلك بنفسِك و بضمانات كافية إذا كُنتِ فرد
أو لو تابعة لحزب يجوا ناس الحِزِب بتاعكم و يقوم بهذا الإجراء نيابة عنِّك
أها قلتي شنووووووووو؟

السيد جعفر / و عليك السلام
كلامك في وادي و موضوعي في التاني
المؤتمر لمن ناسو طلعوا مسيرة أو غيرو كان الغرض واضح و يبدو منه إنو لا في نوايا تكسير ولا تدمير و لا تخريب .
في زول بيكسِّر ما بناهو؟
معقولة بس؟
و عموماً مفروض برضو ياخدوا إذن
المُهِم سيبنا من ما هو خارج إطار موضوعنا
أها ممكن نجد من يلتزِم لنا بتعويض الشعب عن أيّة أضرار قد تصيبه؟
لأنو لو لقينا إلتزام أول ناس حنقيف معاكم نحن "أمنجِيّة المِنبر و كيزانِه و أذيالِهِم"
أها توقِّعوا؟

حيدر الشين
عايِن هِنا دة
إنتو يعني عايزين تكسِّروا و تخرِّبوا
لأنّك بتعترف إعتراف صريح بإنُّو نعوِّض الناس من قروش "بترولنا" يعني ناوين تخريب
أها ياخي هو مجرّد إلتزام و تعهُّد مِنّكم بتعويض الناس عن أي خسائر في المُمْتلكات أو المكتسبات أو الأرواح
و ما فوكّا حاجة واللهِ طالما إنّكم ضامنييييييين إنّها مسيرة سِلمِيّة
غايتو يا حيدر أوعِدك بعد الإنتخابات و فوز مُرشّحنا بها ، برحلة لمدة تلاتة يوم في جزيرة النخيل على حساب وزارة المالِيّة
عشان بعدين لمن عمّار يشوف شغُلو معاك ضميري ما يأنِّبني
و ليك علي من هسي أدفِن ليك هِناك باقة شربوت تحت النخلة العاشرة من العلى اليمين و إنت داخل الجزيرة بالبوّابة الشمالِيّة
تقيف لط و تجينا جاااااااااااهِز

بِنُطُّو يا شيخ العوض انا عارفم ليك
ما ناس مسئولِيّة
عايزين كل الإتبنى دة يجوا يهِدُّوهوا نكاية في الكيزان و حريقة في الشعب
و يجوا يقولوا ليك أها إنجازاتكم شنو بعد يرقِّدوهو هبُّوت
لو فِعلاً مسيرة سِلمِيّة تعالوا وقّعوا نيابة عن من تُمثِّلونهم و تعهُّداً للشعب بعدم الإضرار بممتلكاته و مكتسباته

علاء

بالله بشاشا وهباني وديكو ديل وقفم لينا في صف الكشف الطبي

فيصل يا لغم
ديل مُستبعدين من الكشِف خالِص ياخ
إنت شكلك ما تابعت الأسماء و الكشوفات و المقبولين من عدمه

Quote: نقبل توقيعات الآتية أسماءهم: 1- عاطف مكّاوي. 2- محمد حسن العُمدة. 3- حيدر الزين. 4- الصادق ضرار. 5- تيسير عووضة. 6- عصام جبر الله. 7- د. حيدر بدوي. 8- لنا مهدي. 9- تراجي مصطفى. بالعدم: 1- محمد عادل. 2- أنور دفع الله.

البالاحمر ديل كان تقلبهم
الحبيب محمد عادل فوق
والحبيب العمدة مكان محمد عادل

عاشت وحدة قوى الشعب العاملة ...




فوق للمزيد من التوقيعات ...

مُلحق كشف:
نقبل توقيع الأتِية أسماءهم:
12- دينا خالِد

مُلحق كشف:
الآتية أسماءهم لا تُقبل توقيعاتهم:
6- محمد علي حسن.
7- أحمد أمين.

حليلك با بوستي الما إتهنّيت بيك