Post: #1
Title: مصطلح كيزاني عجيب!
Author: Ashraf el-Halabi
Date: 12-08-2009, 07:00 AM
"فلان ركب عربة الشرطة بمحض إرادته"
!!!
|
Post: #2
Title: Re: مصطلح كيزاني عجيب!
Author: Ashraf el-Halabi
Date: 12-08-2009, 07:11 AM
Parent: #1
يجي في الأخبار إن فلان تم اعتقاله من المكان الفلاني
وفي التفاصيل يقول الخبر إنو الفلان دا اقتيد بعربة الشرطة
فينبري واحد من مناصري حكومة القتلة واللصوص وينفي التفصيلة دي ويقول "إن فلان دا ركب عربة الشرطة بمحض إرادته"!!
|
Post: #3
Title: Re: مصطلح كيزاني عجيب!
Author: Ashraf el-Halabi
Date: 12-08-2009, 07:28 AM
Parent: #2
كيف ملكي يمشي يركب عربية شرطة بمحض إرادته!
وراكبها ماشي وين؟
هي عربية الشرطة دي حا توديه مكان تاني غير القسم!؟
والا عربية الشرطة دي مرخصة في خط!
والا ناس الشرطة ديل سايقين تكاسي!؟
|
Post: #4
Title: Re: مصطلح كيزاني عجيب!
Author: Ashraf el-Halabi
Date: 12-08-2009, 07:39 AM
Parent: #3
قبل كدا لما تم اعتقال أكتر من 30 صحفي من أمام البرلمان جا واحد من العضوية (يدعي إنو صحفي) وقال نفس العبارة المستفزة دي!
لو لقيت وقت حا أجيب كلامه من الأرشيف
|
Post: #5
Title: Re: مصطلح كيزاني عجيب!
Author: عبد الواحد أبراهيم
Date: 12-08-2009, 01:11 PM
Parent: #4
Quote: قبل كدا لما تم اعتقال أكتر من 30 صحفي من أمام البرلمان جا واحد من العضوية (يدعي إنو صحفي) وقال نفس العبارة المستفزة دي!
لو لقيت وقت حا أجيب كلامه من الأرشيف |
Ashraf el-Halabi
عاطر التحايا يا اخى ديل كرهونا اللغة ذاتها وهم اصلو عندهم شنو غير الكذب .
مظاهرة 17نوفمبر 2008 منت ضمن الحضور ومن المنظمين ايضا وكان التجمع الصحفى يفوق ال500صحافى وصحافية
الغريب فى الامر ان الهلع اصاب قياداتهم الامنية " تقول نحن جاين بدبابات " المهم تم اعتقال ما يمكن اعتقاله حسب العربات
المتوفرة للشرطة وقتها ومن ثم تم اقتيادنا الى قسم بامدرمان ،مكثنا فيه حتى الرابعة والنصف دون ان تستطيع السلطات توجيه
ايى اتهام لنا وفى نهاية الامر جا وكيل النيابة الاعلى وقال يا جماعة استروا حالنا واطلعوا (نحن لا نملك اى حق قانونى فى ايقافكم
كما ايضا لا نملك اى حق قانونى فى احتجازكم لذلك سياتى اطلاق سراحكم دون امكانية توضح حقكم القانونى فى معرفة اسباب
الاحتجاز )
يا عزيزى بعد داك كانت المفاجأة انو واحد زميل فتح بوست وقال انو ا الزملاء الصحافيين ركبوا عربة الشرطة (براهم)
لكنا القمناه حجرا فى فيه م يستطيع العودة مجددا الى ممارسة مثل تلك الاكاذيب .
|
Post: #6
Title: Re: مصطلح كيزاني عجيب!
Author: Elawad
Date: 12-08-2009, 05:11 PM
Parent: #5
ليه يا أشرف مستغرب... أصلا ما سمعت بالراجل (أكيد كوز) الاشتكى صاحبو للقاضي و قال ليهو والله يا مولانا الزول دا ضربني بوشو في يدي!!!
هسع الجماعة البركبو في عربات الشرطة بمحض إرادتهم ديل حقو يشوفو ليهم تهمة... إزعاج سلطات ولا التحرش بموظف أثناء أداء واجباته الرسمية.
|
Post: #7
Title: Re: مصطلح كيزاني عجيب!
Author: محمد هشام
Date: 12-08-2009, 05:20 PM
Parent: #6
المعروف لدى الجميع ان المواطن اذا ركب عربية بوليس سااااااااااي كدا مفروض البوليس يشيلو يجدعو منها
لكن زول يركب ساي والبوليس يسوقو يدقو ساي
دي قصة غريبة
|
Post: #8
Title: Re: مصطلح كيزاني عجيب!
Author: سيف النصر محي الدين محمد أحمد
Date: 12-08-2009, 09:54 PM
Parent: #7
بوليسنا زينة و حالف ما يدلينا .
|
Post: #9
Title: Re: مصطلح كيزاني عجيب!
Author: Ashraf el-Halabi
Date: 12-09-2009, 07:19 AM
Parent: #5
| Quote: تم اعتقال ما يمكن اعتقاله حسب العربات المتوفرة للشرطة وقتها |
كدا الشغلة يا عبد الواحد بقت فرض كفاية بمحض سعة العربات!
أنا ما عارف الكيزان ديل خايفيين من شنو!؟
ما يقولوا "أيوا، اعتقلناهم رجالة ساكت ومن غير أي سند قانوني"
كنا حسبناها بمنطق القوة اللي هي ظاهرياً الآن في صالحهم
وكان تكون أقل استفزاز من الجملة السخيفة دي.
|
Post: #10
Title: Re: مصطلح كيزاني عجيب!
Author: Ashraf el-Halabi
Date: 12-09-2009, 07:29 AM
Parent: #9
| Quote: هسع الجماعة البركبو في عربات الشرطة بمحض إرادتهم ديل حقو يشوفو ليهم تهمة... إزعاج سلطات ولا التحرش بموظف أثناء أداء واجباته الرسمية. |
تصدق يا العوض قدر ما حاولت اتخيل حكاية ملكي ما مطلوب القبض عليه يركب في عربية الشرطة دي خيالي قصر!
يعني الواحد بعد يركب يقول للعسكري شنو؟
"فندق المريديان بلاي" !
|
Post: #13
Title: Re: مصطلح كيزاني عجيب!
Author: Ashraf el-Halabi
Date: 12-09-2009, 08:01 AM
Parent: #10
| Quote: المعروف لدى الجميع ان المواطن اذا ركب عربية بوليس سااااااااااي كدا مفروض البوليس يشيلو يجدعو منها |
والله يا محمد هشام دا فهمنا كلنا للبوليس لكن بعد "بمحض إرادته" الكترت دي أنا قلت يمكن البوليس شغال بحديث فضل الظهر!
|
Post: #14
Title: Re: مصطلح كيزاني عجيب!
Author: Ashraf el-Halabi
Date: 12-09-2009, 08:07 AM
Parent: #13
| Quote: بوليسنا زينة و حالف ما يدلينا . |
جابت ليها بصات سيرة كمان يا دكتور!
والله بوليسنا اتطور!
يا بو السيوف المصطلح دا محتاج نقطة واحدة ويتأهل لبوست الجارقن
|
Post: #11
Title: Re: مصطلح كيزاني عجيب!
Author: Salwa Seyam
Date: 12-09-2009, 07:33 AM
Parent: #9
سلام يا اشرف
ما تستغرب .. لو الإنقاذ دى استمرت شويه حتسمع عبارة " فلان دخل الزنزانة وقفل نفسو بمحض ارادته "
|
Post: #12
Title: Re: مصطلح كيزاني عجيب!
Author: Ahmed musa
Date: 12-09-2009, 07:38 AM
Parent: #11
في لقاء الناطق الرسمي للشرطة مع قناة الجزيرة
قال أن عرمان نط في البوكس وركب بملء إرادته
فرفعت المذيعة حاجبها (ماعارف دهشة ولا سخرية) وعادت وسألته
طيب أشرطة الجزيرة هل تمت مصادرتها أم سلمها طاقم الجزيرة بملء إرادته ؟؟؟
فتلجلج الناطق وطلب مهلة 10 دقائق والإتصال بصديق !!!
|
Post: #15
Title: Re: مصطلح كيزاني عجيب!
Author: سيف النصر محي الدين محمد أحمد
Date: 12-09-2009, 08:37 AM
Parent: #12
امس في جريدة الخرطوم مصدر مسؤول في شرطة ولاية الخرطوم قال انهم استلموا 100 عربية جديدة و كمان قال انهم حيفتحوا مركز بوليس في كل حي من احياء الولاية و عددها 1300 حي .
غايتو يا اشرف بعد كده لو زول اتعذر بحكاية انو ما لقى مواصلات حقو ينضرب بالجزمة على دماغو .
_________________________________________________________________
المصطلح ده مفروض يدخل الجارقن طوالي ما دام ورد بنفس المتن عن طريقين و رجاله من رجال الصحيح :
صحفي و ناطق بأسم جهاز حكومي !
|
Post: #18
Title: Re: مصطلح كيزاني عجيب!
Author: Ashraf el-Halabi
Date: 12-10-2009, 00:23 AM
Parent: #15
أضرب في خمسة عربات بس يا دكتور
6500 عربيةشرطة!!
بعد كدا الشغلة دي حا تحتاج ميناء بري عديل !
كنت مفتكر حكاية انو الناطق الرسمي استخدم المصطلح العجيب دا دي تهاويل مناضلين أسافير ساكت,
لكن طالما الخبر جابو مولانا أحمد موسى يبقى المصطلح ثبت شرعا
|
Post: #17
Title: Re: مصطلح كيزاني عجيب!
Author: Ashraf el-Halabi
Date: 12-10-2009, 00:02 AM
Parent: #12
Quote: في لقاء الناطق الرسمي للشرطة مع قناة الجزيرة
قال أن عرمان نط في البوكس وركب بملء إرادته |
عرمان لو كرر النطة دي في المظاهرة الجاية يا بو حميد حا يبقى الناطط الرسمي باسم الحركة الشعبية
|
Post: #16
Title: Re: مصطلح كيزاني عجيب!
Author: Ashraf el-Halabi
Date: 12-09-2009, 10:05 PM
Parent: #11
| Quote: ما تستغرب .. لو الإنقاذ دى استمرت شويه حتسمع عبارة " فلان دخل الزنزانة وقفل نفسو بمحض ارادته " |
سلامات سلوى
المباحث المصرية زمان لما يموت متهم عندهم نتيجة التعذيب يطلعوا بيان في الجرائد
وعندهم اكلاشيه ثابت يقول "لقي المتهم حتفه حين حاول الفرار وقفز من شباك الطابق الرابع لقسم الشرطة الفلاني"
في حين انو القسم الفلاني دا دور أرضي فقط !
|
|