Post: #1 Title: انتو المسيرة دي (Invisible) الليلة الكاميرات ديك كلها مشت وين Author: وليد محمد المبارك Date: 12-07-2009, 02:32 PM
؟
بالمناسبة عجبني جدا باقان اموم الليلة اول مرة يتصرف كسياسي محنك همه على وطن
وما عجبني ياسر عرمان كان منفعل زيادة عن اللزوم وزكرني ( محمد فؤاد)
اهما حاجة
وين الشيوخ العاوزين يحكمونا
الليلة لبدتو مالهم ؟ كل المعتقلين اليوم هم من القيادات الشباب
تاني قولوا لينا الصادق والترابي وغيرو
Post: #2 Title: Re: انتو المسيرة دي (Invisible) الليلة الكاميرات ديك كلها مشت وين Author: وليد محمد المبارك Date: 12-07-2009, 02:48 PM Parent: #1
وبعد ان عُرف اتجاه الرياح
خرج الترابي والصادق كالعادة الى الفضائيات
وهاااااااااااااااك يا تصريحات
Post: #3 Title: Re: انتو المسيرة دي (Invisible) الليلة الكاميرات ديك كلها مشت وين Author: مريم بنت الحسين Date: 12-07-2009, 03:00 PM Parent: #2
وليد انت الجوه السودان تقول كده! امسك موبايلك صوّر لينا...
البوست ده عجبني.. لانه النصيحة لله، وقت إنت عجبك باقان أموم.. معناها الموضوع ما هيّن تب..!
انا عجبوني الشباب.. الشيوخ ديل اساسا مافي زول شغال بيهم
Post: #4 Title: Re: انتو المسيرة دي (Invisible) الليلة الكاميرات ديك كلها مشت وين Author: وليد محمد المبارك Date: 12-07-2009, 03:07 PM Parent: #3
هو خلونا نصل يا مريم الموضوع ده من الساعة 8:25 جاط
شمينا باقي البمبان ساكت
نمرة واحد نمرة اتنين اخوك بروتاريا موبايلو نوكيا موديل 1200
يعني في داعي للاحراج ده
باقان الليلة كان سياسي بمعنى كلمة سياسي
10/10 باقان الليلة
Post: #5 Title: Re: انتو المسيرة دي (Invisible) الليلة الكاميرات ديك كلها مشت وين Author: وليد محمد المبارك Date: 12-07-2009, 03:43 PM Parent: #4
بدت الصور تجي
Post: #6 Title: Re: انتو المسيرة دي (Invisible) الليلة الكاميرات ديك كلها مشت وين Author: على ميرغني Date: 12-07-2009, 03:55 PM Parent: #1
استاذ وليد تحياتي موقف باقان اى نعم مثل موقف سياسي مدرك للشئ العايزو لكن اعتقد انو في النهاية المغلوب على امرو المواطن السوداني في الشمال وفي الجنوب يعني في الشمال المؤتمر الوطني عامل فينا زي ماعايز وفي الجنوب برضو الحركة الشعبية عاملا نفس الشئ تصدق انو جوبا ذاتها شهدت مظاهرات اليوم
وح اخليك تخمن السبب شنو واعود ليك بعد شوية
Post: #7 Title: Re: انتو المسيرة دي (Invisible) الليلة الكاميرات ديك كلها مشت وين Author: وليد محمد المبارك Date: 12-07-2009, 04:00 PM Parent: #6
مرحب علي ميرغني
على الصعيد الشخصي لا اثق في باقان لكن حقيقي اليوم كان موقفه واضح ومبدئي وسليم
في اتنظارك
لاني ما عرفت السبب
Post: #8 Title: Re: انتو المسيرة دي (Invisible) الليلة الكاميرات ديك كلها مشت وين Author: omer osman Date: 12-07-2009, 04:12 PM Parent: #7
Quote: على الصعيد الشخصي لا اثق في باقان لكن حقيقي اليوم كان موقفه واضح ومبدئي وسليم
سليم كيف ياوليد زول بخالف في القانون ويطلع في مسيرة بدون تصريح ويعترض رجل شرطة برتبة (اللواء) اثناء تأدية واجبه في
تنفيذ القانون وحماية الاشخاص والممتلكات .......... باقان عمل كل المسرحية البايخة دي عشان الشرطة تلقي القبض عليهو ويقدم
ذلك باعتباره نموذج لوجود قوانين مقيدة للحريات ............... والشرطة ليست غافلة عن هذا السيناريو لكنها في ذات الوقت لم
يكن من الممكن ان تسمح له بهذا التهريج .............
Post: #9 Title: Re: انتو المسيرة دي (Invisible) الليلة الكاميرات ديك كلها مشت وين Author: محمد مكى محمد Date: 12-07-2009, 04:23 PM Parent: #8
Post: #11 Title: Re: انتو المسيرة دي (Invisible) الليلة الكاميرات ديك كلها مشت وين Author: وليد محمد المبارك Date: 12-07-2009, 04:26 PM Parent: #9
شكرا مكي
Post: #10 Title: Re: انتو المسيرة دي (Invisible) الليلة الكاميرات ديك كلها مشت وين Author: وليد محمد المبارك Date: 12-07-2009, 04:23 PM Parent: #8
ياجنابو
انا سمعت تصريح باقان في العربية والجزيرة
وفي القناتين موقفة كان واضح وسليم قال لن انه بدعوا لمسيرة سلمية وكرر سليمة دي وعض عليها بنواجزه وقال ما عاوز اي زول يخرج عن الجادة وعن السلمية اكتر من كده موقف يكون سليم كيف
كلامي ده قياسا على تصريح منقول في قناتين اعلاميتين سمعته باضاني دي
كان ممكن لباقان يضرب في وتر العرقية ويشعلهها للدين لكنه ما عمل كده وكان في مقدورة يعمل كده
_________________ بالنسبة لي موضوع المسيرة وشرعيتها وما ادراكما ده موضوع تاني بنجيه في وكته
Post: #14 Title: Re: انتو المسيرة دي (Invisible) الليلة الكاميرات ديك كلها مشت وين Author: وليد محمد المبارك Date: 12-07-2009, 04:35 PM Parent: #12
شكرا كوستاوي
Post: #13 Title: Re: انتو المسيرة دي (Invisible) الليلة الكاميرات ديك كلها مشت وين Author: على ميرغني Date: 12-07-2009, 04:31 PM Parent: #7
تظاهر بجوبا اليوم طلاب وتلاميذ المدارس تضامنا مع اضراب المعلمين عن العمل بسبب عدم تلقيهم مرتباتهم لفترة طويلة وطبعاًفي الخرطوم تظاهر تتلخ وفي جوبا برضة تظاهر تلقا وزي ما قلت ليك الوطني والحركة زي الزول البعاين في الموية ماتعرف الاصل منو والصورة منو بس الاثنين كوم فساد وظلم واحد تحت شعار المشروع الحضاري والتاني تحت شعار السودان الجديد
Post: #15 Title: Re: انتو المسيرة دي (Invisible) الليلة الكاميرات ديك كلها مشت وين Author: وليد محمد المبارك Date: 12-07-2009, 04:38 PM Parent: #13
والله يا وليـــد رهاني عليك اصلو ما خاب ولن يخيب وانا واثق ،،،
يآخ فسماً بالله لو اترشحت لرئاسة جمهورية لكنت اول ناخبينك ..
عارف يا وليد انا عندي راي قاطع في الكيزان ولن اقبلهم في يوم من الايام مهما ادعو لانهم قوم جلبو على الكذب وعليه شبو ورضعوا .. وعندي رأي كبير في قوى المعارضة ناس الصادق والميرغني ومن شابههم من ضيعوا ديمقراطتنا السابقة..
الحركة الشعبية بالتاكيد كانت ستكون غيــر لو كان قرنق موجود للىن لكن اعتقد إنه خليفة قرنق صراحة مفروض كان يكون باقان اموم وليس سلفا فسلفاكير شخصيته احسها - وانا بعيد - ضعيفة جداً بمواجهة صعاليك الكيزان ..
شكراص للبوست ومعك نتمني ان نشوف الكثير من التوثيق الموثق بالميديا ليوم 7 ديسمبر بدل الاعتماد علي الاقوال والكلمات الشافهية ..!!
شكرا على ردك الضافي وأنا عارفة إنت بتفكر كيف وحاجاتك بتعبر عنها كيف ولو تتذكر زمان قلت ليك ناقصك تطلع برة البلد شوية أهو شوف طلعت وجيت جايب ليك كلمة جديدة وماني خايفة عليك
______________ ماكنت بتلفت كتير ياوليد لانه الحكاية منظمة لكن اليومين الفاتو ديل أكاد أجزم إنه في ناس موظفين عدييييل في سودانيز اونلاين لغرض محدد
