Post: #1 Title: المطرب محمد فؤاد يحيي حفلاً بالخرطوم !!!!!!!! Author: Ahmed musa Date: 12-06-2009, 07:32 PM Parent: #0
نحن شعب طيب بالجد بمعنى تاني نحن شعب ساذج منو محمد فؤاد ده ؟؟؟؟ والله تسمع نويحه في اليوتيوب وتجنيه على السودانيين ونجي نستقبله إستقبال الفاتحين أنا من الآن بعلن تكوين أي شكل لمناهضة زيارة المأفون ده للسودان
Post: #2 Title: Re: المطرب محمد فؤاد يحيي حفلاً بالخرطوم !!!!!!!! Author: Ahmed musa Date: 12-06-2009, 07:34 PM Parent: #1
Quote: يستعد تليفزيون "الحياة" لإقامة حفل غنائي في الخرطوم، عقب عطلة العيد، يحييه المطرب محمد فؤاد في إطار حملة تقوم بها القناة لعودة العلاقات بين الشعبين السوداني والمصري لطبيعتها على خلفية أحداث مباراة المنتخبين المصري والجزائري الأخيرة.
وكان محمد فؤاد أعلن عقب المباراة منذ ما يقرب من أسبوع، أنه يريد إقامة حفل غنائي في السودان، ولكنه لم يكن قد وجد الدعم إلى أن تبنت قناة "الحياة" هذه الفكرة.
يشار إلى أن المطرب المصري قال في حديث مع إحدى القنوات المصرية عقب نهاية المباراة في أمدرمان إن مناصري المنتخب الجزائري يلاحقون المشجعين المصريين في شوارع الخرطوم حاملين المدي والسكاكين، قبل أن يتراجع عن ذلك، ويؤكد سيطرة القوات السودانية وحمايتها للبعثة المصرية.
Post: #8 Title: Re: المطرب محمد فؤاد يحيي حفلاً بالخرطوم !!!!!!!! Author: GamarBoBa Date: 12-06-2009, 07:59 PM Parent: #4
هنا اعلن بكامل قواي العقلية انني سأحضر هذا الحفل اذا مدّ الرب في الآجال وسأحرص كامل الحرص أن يكون معي بعض الاصدقاء سنرفع لافتات قماشية طويلة جدا سنكتب عليها :نحن بنمووووووت انا في مكان ما اقدرش اقول ليكم عليه في التلفون
محمد فؤاد هذا رجل كذاب ونصاب
راجل واطي
Post: #11 Title: Re: المطرب محمد فؤاد يحيي حفلاً بالخرطوم !!!!!!!! Author: مزمل خيرى Date: 12-06-2009, 09:13 PM Parent: #4
احمد موسى .. سلامات
Post: #5 Title: Re: المطرب محمد فؤاد يحيي حفلاً بالخرطوم !!!!!!!! Author: Ahmed musa Date: 12-06-2009, 07:55 PM Parent: #3
Quote: أول مره أتَيقَن مِن إنو نِحنا شعب تافِه
وبعدين شوف الإحتفاء بهذا المريض عشان تآمن فعلاً إننا شعب ساذج يا عزام لكن ربك كريم
Post: #6 Title: Re: المطرب محمد فؤاد يحيي حفلاً بالخرطوم !!!!!!!! Author: عزام حسن فرح Date: 12-06-2009, 07:55 PM Parent: #3
حلايِب ... ضاعت الفشقة ... ضاعت أرقين ... حتضيع غناي تافِه بِقول على الهواء مُباشرة < اصحو الرئيس > أكتر مِن مُشخصاتي وراقِصة ومسؤول قالو : < دي مُش بلد >
Post: #7 Title: Re: المطرب محمد فؤاد يحيي حفلاً بالخرطوم !!!!!!!! Author: عزام حسن فرح Date: 12-06-2009, 07:57 PM Parent: #6
- تخَيل لو ما كُنت سوداني - إنت حيوان ولا شنو؟ ما كُنت حأكون أمريكي راكِبلي شيفُرليت
Post: #9 Title: Re: المطرب محمد فؤاد يحيي حفلاً بالخرطوم !!!!!!!! Author: عزام حسن فرح Date: 12-06-2009, 08:05 PM Parent: #7
مُمكِن أفهم إنو حكومة الإنقاذ إتْفرض عليها مَوضوع الحفلة دي ... لكِن الما مُمكِن أفهمو لو الشعب السوداني الفضل يِحضر الحفل بِنِية الترفية والسَمع ... واحِد شتم أُمك ، تمشي ليهو إنْدايتو ... مُش السودان ده أُمنا ... الرِق ما لون ... الرِق إحْساس ... طبع ... خِصال
Post: #10 Title: Re: المطرب محمد فؤاد يحيي حفلاً بالخرطوم !!!!!!!! Author: Mohamad Shamseldin Date: 12-06-2009, 09:06 PM Parent: #9
الحكومة في ستين داهية .... و الناس المستفيدين من الحفلة ماديا في مليون داهية
معقوله السودان ده عدم الراجل و لا شنو يا جماعة...؟
و الله يا جماعة الحفلة دي لو قامت ... الواحد حا يكون فقد الأمل في السودان تماما.... و نكون نستاهل انو يحكمنا البشير
Post: #12 Title: Re: المطرب محمد فؤاد يحيي حفلاً بالخرطوم !!!!!!!! Author: اشرف عبدالودود Date: 12-06-2009, 09:30 PM Parent: #10
وربما ستكرمه الدولة ..!!
Post: #13 Title: Re: المطرب محمد فؤاد يحيي حفلاً بالخرطوم !!!!!!!! Author: Sayed Bekab Date: 12-06-2009, 09:48 PM Parent: #12
شعب ساذج
Post: #14 Title: Re: المطرب محمد فؤاد يحيي حفلاً بالخرطوم !!!!!!!! Author: الوليد محمد الامين Date: 12-07-2009, 00:01 AM Parent: #13
الأخ الكريم احمد موسي والاخوة الكرام
من المؤسف ان يحدث ذلك ،
واتفق مع الاخ الذي رأي ان الحكومة قد تكرمه !
قبل ان نتحسر علي الشعب فلننظر لما بين يدينا ،
ما الذي ادي الي ذلك ؟
هؤلاء الذين سيذهبون الي مثل هذا الحفل للفنان الخائب - اتحدث هنا عن ولولوته وبكائه و " احنا بنموووووووت " -
أقول هؤلاء الذاهبون اليه هم ابناؤكم واخوانكم واقاربكم ،
يشاهدون الثقافة المصرية الفجة عبر المسلسلات والافلام في القنوات وفي تلفزيون السودان ،
تعرض صناعات -او قل منتجات - بلادهم - ان وجدت - عليهم بالدعايات المصرية : خديجة وئعت م البلكونة ، والمهندس شنو كدا ما عارف ، ومغن سمج يصرخ داعيا للسراير : هلا هلا
هلا ، هو ذات المغني الذي صرح ذات لقاء صحفي انه يعبر عن " نفط الجماهير " فتأمل !،
ما علينا ، تلك مصر وتلك ثقافتها ، فليكن !
الاذاعات الخاصة ال FM تبث اغاني الخواء المصرية طيلة اليوم ،
ياخي جرايدنا الفقيرة دي محرريها الفنيين تلقي الواحد فرحان خاتي ليك صورتو مع ممثل وياسلام لو كانت ممثلة من مصر ،
قصدي انو الحاصل دا نتاج لاستلاب وانكسار ممنهج سكتنا عنو زمنا طويلا وهسه بنحصد في اثارو ،
كلامي هنا انو كل واحد في اطارو الضيق يحارب السقوط والاسفاف دا ، في البيت ، في الشارع ، وفي تنبيه الناس للسموم البتبثها اذاعات الركاكة والفجاجة ،
والله كريم غايتو !
Post: #15 Title: Re: المطرب محمد فؤاد يحيي حفلاً بالخرطوم !!!!!!!! Author: عمر سعد Date: 12-07-2009, 02:43 AM Parent: #14
سلام
اذا تاكد الكلام ده تماما فلنقد حمله شرسه لا هواده فيها لافشال الحفل وافشال دخولهل للسودان
اكدو فقط هذا لكلام مواعيد الحفل متى ومن الراعى فى السودان عشان نقبل عليهم
ونفضحهم محل ما يمشو ....
Post: #16 Title: Re: المطرب محمد فؤاد يحيي حفلاً بالخرطوم !!!!!!!! Author: Ahmed musa Date: 12-07-2009, 06:27 AM
الآن أنا أشعر بالإطمئنان فمازال ببلادي شرفاء يحبون ترابه ولا تغرهم الخدعة الإعلامية ولا يرضون بمقولة دُق الإضينة وأعتزرلوا
Post: #17 Title: Re: المطرب محمد فؤاد يحيي حفلاً بالخرطوم !!!!!!!! Author: هشام آدم Date: 12-07-2009, 06:41 AM Parent: #16
Quote: اذا تاكد الكلام ده تماما فلنقد حمله شرسه لا هواده فيها لافشال الحفل وافشال دخولهل للسودان
اكدو فقط هذا لكلام مواعيد الحفل متى ومن الراعى فى السودان عشان نقبل عليهم
ونفضحهم محل ما يمشو ....
فعلاً يجب رفض دخول محمد فؤاد (وأيّ مصري حاول تشويه صورة السودان) ويجب إفشال الحفل حتى يعلم هذا الكذاب المدعي أنه غير مرحّب به على أرض السودان وبين شعبه الطيّبين. وليعلم أن كرامتنا هي من تُسيّرنا لا عواطفنا. يجب فعلاً إفشال هذا الحفل ولنسأل أنفسنا أولاً: ترى ما هي أسباب ودواعي إقامة هذا الحفل في هذا التوقيت؟
أرجوكم أخوتي في الداخل أعملوا ما في وسعكم لإفشال هذا الحفل المدسوس ومقاطعة هذا الكذاب المُدعي