Post: #1
Title: مبروك للمريخاب لكن بصراحة الهلال كان الافضل بمراحل
Author: هشام المجمر
Date: 12-04-2009, 08:12 PM
Parent: #0
هذه كرة القدم
خسر الفريق الافضل و انتصر الفريق صاحب المجهود الاقل
و زى ما قالو درهم حظ ولا قنطار شطارة
اكرم تألق و انقذ المريخ من هزيمة محققة
الهلال كان يستحق التعادل على أسوأ تقدير
كأس الدورى عام 2009 للهلال و قد أثبت أنه أفضل فريق فى الدورى
|
Post: #2
Title: Re: مبروك للمريخاب لكن بصراحة الهلال كان الافضل بمراحل
Author: هشام المجمر
Date: 12-04-2009, 08:17 PM
Parent: #1
اكرم الهادى كان اليوم فى برج حظه
تألق كثيرا
لكن نعيب عليه الاستهبال وحركات الغش و الخداع التى مارسها بادعاء الاصابة و طلب التغيير وهو يعرف انه سيواصل
|
Post: #3
Title: Re: مبروك للمريخاب لكن بصراحة الهلال كان الافضل بمراحل
Author: هشام المجمر
Date: 12-04-2009, 08:24 PM
Parent: #2
الشوط الثانى كان شوطا من جانب واحد
تسيده الهلال بكامله و اضاع فيه مهاجموه اكثر من 5 فرص مضمونة كانت كفيلة بوضع المريخ فى مكانه الحقيقى
|
Post: #4
Title: Re: مبروك للمريخاب لكن بصراحة الهلال كان الافضل بمراحل
Author: عصام دهب
Date: 12-04-2009, 08:31 PM
Parent: #3
هاردلك يا هشام ..
| Quote: لكن بصراحة الهلال كان الافضل بمراحل |
و مع عدم إقتناعي بما ذكرت لكن العبرة بالخواتيم ..
المريخ لعب و أنتصر و أستبسل و حافظ على نصره ..
ـ
|
Post: #5
Title: Re: مبروك للمريخاب لكن بصراحة الهلال كان الافضل بمراحل
Author: هشام المجمر
Date: 12-04-2009, 08:35 PM
Parent: #4
شكرا يا عصام
ولكن اذا لم تكن مقتنعا بما قلت ارجع للاحصائيات وخصوصا الشوط الثانى
احسب عدد الركنيات
عدد الهجمات
والكرات التى اخرجها الهادى
والعارضة
وو تلك التى اخرجها المعز
احسب زمن السيطرة على الكرة
تجد كل شئ فى صالح الهلال ما عدا النتيجة
و تصبح مقتنعا بما قلت
|
Post: #6
Title: Re: مبروك للمريخاب لكن بصراحة الهلال كان الافضل بمراحل
Author: سيف عبد العزيز
Date: 12-05-2009, 00:44 AM
Parent: #5
هشام المجمر
أولا كل سنة وانت طيب وبعدين هاردلك
وزى مابيقولوا القحة ولا صمة الخشم ويا أخوى انحنا غلبنا
انتو لعبتو سمح ولا اتسيطروا فى النهاية انحنا غلبنا.....هاهاهاها
سلامى للبنيات ولأختى الغالية بت عم بكرى ودمت
|
Post: #7
Title: Re: مبروك للمريخاب لكن بصراحة الهلال كان الافضل بمراحل
Author: عبده عوض
Date: 12-05-2009, 01:23 AM
Parent: #6
هاردلك حبيبنا هشام ..
ياهو حال الكورة ..
بس بختلف معاك في الحساب !!
Quote: احسب عدد الركنيات
عدد الهجمات
والكرات التى اخرجها الهادى
والعارضة
وو تلك التى اخرجها المعز
|
كان جينا للحساب ..
الدوري ما حقكم ولا حاجة ..
أحسب ضربات الجزاء الوهمية الظالمة لصالح الهلال ضد الفرق الأخرى والتي حصل عن طريقها حوالي 12 نقطة ..
والظلم الذي تعرض إليه المريخ في مباريات كثيرة ..
أين سيكون الهلال اليوم لو كانت هناك عدالة في المنافسة ..
البطولة هذا العام قتلت في مهدها بسبب ظلم التحكيم وإنحيازه الواضح للهلال في مباريات كثيرة ..
وأثرت بصورة واضحة على الترتيب العام وتحديد البطل ....
|
Post: #8
Title: Re: مبروك للمريخاب لكن بصراحة الهلال كان الافضل بمراحل
Author: هشام المجمر
Date: 12-05-2009, 07:13 AM
Parent: #7
يا عبدو عوض سلام
هل تسببت ضربات جزاء الهلال فى دخول 16 هدفا فى مرمى المريخ؟
لا توهم نفسك بحكاية ضربات الجزاء
لأن المريخ فقد الدورى بسبب تعادلاته الكثيرة الناتجة عن سوء دفاعه
|
Post: #9
Title: Re: مبروك للمريخاب لكن بصراحة الهلال كان الافضل بمراحل
Author: ابراهيم الصغير
Date: 12-05-2009, 07:26 AM
Parent: #8
كرة القدم اهداف ...
ثم منو القال انو الهلال احسن من المريخ ؟؟؟
ديل استخدموا كل اساليب العنف والارهاب ضد الحكم واللاعبين...
لعبوا علي الاجسام اكثر من لعبهم علي الكرة ...
اكثر قائدهم من الاحتجاج بسبب او بغير سبب ...
يستاهل نصفهم الطرد ...
المهم انتصرنا ...
وامس عرفنا منو سيد البلد ومنو سيد اللبن
|
Post: #10
Title: Re: مبروك للمريخاب لكن بصراحة الهلال كان الافضل بمراحل
Author: haroon diyab
Date: 12-05-2009, 07:32 AM
Parent: #9
| Quote: وامس عرفنا منو سيد البلد ومنو سيد اللبن |
|
Post: #11
Title: Re: مبروك للمريخاب لكن بصراحة الهلال كان الافضل بمراحل
Author: هشام المجمر
Date: 12-05-2009, 07:37 AM
Parent: #10
يا الصغير
سلام
اظنكم سريعا نسيتو دقة التلاتة واحد
و امبارح مرقكم حظكم العالى و عدم توفيق مهاجمى الهلال
والله المريخاب ما عدا القلة ما بيمرقوا الحقيقة
ما تصدقو انو فريقكم الحالى ده فريق يمكن أن يمثل المريخ فى الموسم القادم
و تكونو غافلين لو صدقتو أن انتصار الصدفة ده بيجعلكم افضل من الهلال
يا ريت تصدقو و تقرضو على كده
عشان الدورى الممتاز الموسم الجاى يبقى بتاعنا
ونلاقيكم فى بطولة افريقيا و برضو ندقكم الدقة ديك الما حتنسوها طول حياتكم
|
Post: #14
Title: Re: مبروك للمريخاب لكن بصراحة الهلال كان الافضل بمراحل
Author: ابراهيم الصغير
Date: 12-05-2009, 07:43 AM
Parent: #11
المجمر ازيك ..
اولا التلاته الغلبتني بيها في الابطال دي بسبب التحكيم الذي غض الطرف عن اكثر من 10 مخالفات
وطرده احمد الباشا بغير سبب وفي حالة لا تستحق البطاقة الصفراء او حتي الانذار الشفاهي
ثانيا نحن فريقنا دا عاجبببببببببببببببنا وساري بالنا ...
مستقرين ماليا ولاعبيننا بياخدوا مستحقاتهم اول باول ...
والقروش راااااقدة
والوالي دا لو داير البرنس بتاعكم دا بيأشر ليه بحزمة ساي ويرجعها جيبو بيلعبو في المريخ
ولو داير يسجل جمال الوالي ذاتو بيسجلو
وايداهور قاعد ومنتظركم في كأس الضبح
|
Post: #15
Title: Re: مبروك للمريخاب لكن بصراحة الهلال كان الافضل بمراحل
Author: حسن طه محمد
Date: 12-05-2009, 07:45 AM
Parent: #11
هشام
ازيك وكل سنة وانت والاسرة بخير
بما شاهدته أمس الهلال لا يستحق حتي كاس الدوري رغم افضليته الواضحة في شوط المباراة الثاني.
الهلال تسيد الشوط الثاني ولكن دون تنظيم
المريخ نسبة امتلاكه للكرة في الشوط الثاني 20% ولكن تنظيمه في الملعب وانتشار لاعبيه كان الافضل.
عزانا ان الهلال في النهاية تسلم الكاس.
شاهدت المباراة مع اخي هارون دياب وبمعية جمع غفير من محبي الكرة.
واعترف ود الهارون ان الهلال كان الافضل
ولكن مريخيته لازم تطغي غصبا عنه.
اجما ما في المباراة الكاميرات المتحركة
تطور يا هشام... برضو كويس !!!!
|
Post: #17
Title: Re: مبروك للمريخاب لكن بصراحة الهلال كان الافضل بمراحل
Author: على محمد على بشير
Date: 12-05-2009, 07:52 AM
Parent: #10
Quote: احسب عدد الركنيات
عدد الهجمات
والكرات التى اخرجها الهادى
والعارضة
وو تلك التى اخرجها المعز
احسب زمن السيطرة على الكرة
تجد كل شئ فى صالح الهلال ما عدا النتيجة
|
هاردلك يا هندسه
بعدين تعال .. انتا بقيت ما بتعرف التكتيك والا شنو ؟
امس لعب المريخ مباراه تكتيكيه من طراز فريد
والهلال لعب بى رزق اليوم باليوم
المريخ لعب فى الشوط الاول مهاجما الهلال وصدت له العرضه هدف
والقائم صد الهدف الثانى وتلاعب بدفاع الهلال كما يريد واحرز
هدف وجاء فى الشوط الثانى بتكتيك مغاير تماما .. فقد ارجع
مجاهد للدفاع وثبت السعودى وقلق كمحاور امام الدفاع وارجع
وارغو للوسط وحد من طلعات مصعب الهجوميه وجعله يساند موسى
الزومه فى الجانب الايسر وجعل وارغو يساند بله جابر فى اليمين
لذلك تجد ان شكل الهلال اصبح هجومى فى الشوط الثانى وذلك مرده
الى تراجع المريخ دفاعيا للمحافظه على نصره وليس قوة الهلال الهجوميه
ودليلى على ذلك خرمجة مهاجمى الهلال ووسطه واطرافه فى الشوط
الذى تقول ان الهلال تسيده .. فاداء الهلال واغلب لاعبيه فى الشوط
الثانى كان مخجلا للغايه ويسوده الارتباك واخطاء تمرير لا تليق بلاعبى
فريق قمه وفائز بدورى بلاده وقد اصابت تلك التمريرات الخاطئه
جماهير الهلال بالجلطه
خاصه وان الهلال لم يظهر عليه انه يلعب وفق اى تكتيك او استراتيجيه
بعد ان ضيق عليهم المريخ الخناق وسد عليهم المساحات الخلفيه التى
كان ينطلق فيها امبيلى وكاريكا ومن بعدهم سادومبا .. وحتى المساحات
التى كان يتحرك فيها هيثم مصطفى او لاحقا مهند الطاهر قام وسط المريخ
بسدها امامهم لذلك لم يجد الهلال اى مساحه للعب وتنظيم الهجمات وظهر
متباعدا مرتبكا وافتقد للهجوم من الاطراف وظهر عليه الارتباك فى لحظات
امتلاكه للكره ولو لعب الهلال بهذا الشكل لمدة عام كامل لما احرز التعادل
فى المريخ .. وقد اجاد البرازيلى كاربونى وضع خطة المباراه بالاندفاع هجوما
فى الشوط الاول والتراجع وتقفيل المساحات امام الهلال فى الشوط الثانى
بينما اخفق ( كابوس ) فى وضع خطه واضحة المعالم للمباراه بجانب التشكيل
الخاطئ منز البدايه
هاردلك مره تانيه يا هندسه .. ولقائنا كاس السودان
|
Post: #12
Title: Re: مبروك للمريخاب لكن بصراحة الهلال كان الافضل بمراحل
Author: Mahmoud Mustafa Mahmoud
Date: 12-05-2009, 07:40 AM
Parent: #8
المريخ وبدون هزيمة حل ثانياً..
بينما - ولدهشة علم الحساب زاتو - الهلال بهزيمة واحدة شال الدوري..
في مجموع لقاءات الفريقين بالمنافسة كان نصيب المريخ 4 نقاط من أصل 6 نقاط..
مبروك للمريخ فوزه المستحق...
مبروك للهلال دوري سوداني الذي لم يكن ممتازاً بأي حال من الأحوال..
لكن يا مجمر.. كلامك دا كلام زول حارقو الغلب ساااااااكت..
|
Post: #13
Title: Re: مبروك للمريخاب لكن بصراحة الهلال كان الافضل بمراحل
Author: khaleel
Date: 12-05-2009, 07:42 AM
Parent: #12
مجمر
الهلال كعب منذ مباراة مازيمبي وبه خلل
واحتمال كبير كاس السودان في غصب الله
|
Post: #18
Title: Re: مبروك للمريخاب لكن بصراحة الهلال كان الافضل بمراحل
Author: haroon diyab
Date: 12-05-2009, 07:52 AM
Parent: #13
ياهشام
نقول سميناها رضينا
| Quote: عشان الدورى الممتاز الموسم الجاى يبقى بتاعنا |
طيب.....
الموسم الفات ليه مابقي حقكم.....؟
كاس السودان اربعة مواسم ليه مابقي حقكم....؟
السد....السد.....الرش ....الرش ليه مابقي حقكم.....؟
يااخوانا الله ده شافو بالعين ......؟
يعدين زي ماقال ابراهيم الصغير
صاحب العقل الكبير ( باختياره الصفوة )
فريقنا وعاجبنا.....!!!!
نظام واحد حالق دقنو التاني زعلان مالو.....؟
|
Post: #16
Title: Re: مبروك للمريخاب لكن بصراحة الهلال كان الافضل بمراحل
Author: ابراهيم محمد الحسن
Date: 12-05-2009, 07:48 AM
Parent: #12
هشام ،،
| Quote: و اضاع فيه مهاجموه اكثر من 5 فرص مضمونة كانت كفيلة بوضع المريخ فى مكانه الحقيقى |
إنتو (خمسة) ما ذنبي لسة مهضربة بيكم؟
على راي أولاد بمبة ،،
(مين يشهد للعروسة؟)
|
Post: #19
Title: Re: مبروك للمريخاب لكن بصراحة الهلال كان الافضل بمراحل
Author: هشام المجمر
Date: 12-05-2009, 07:53 AM
Parent: #12
لا و الله يا محمود لا حارقنى الهزيمة ولا حاجة
اولا المباراة كانت شبه ودية
الدورى محسوم قبل ثلاثة اسابيع
ثانيا من مجموع 26 مباراة فى الدورى الممتاز قبل هذه المباراة
انتصر الهلال فى 13 و تعادل الفريقان فى ستة و فاز المريخ فى اربعة
فاز الهلال ببطولة الدورى الممتاز بشكلها الجديد 9 مرات بينما نالها المريخ 4 مرات
الهلال متفوق فى كل شئ و بكل الحسابات
حتى افريقيا كان الهلال الافضل
عندما التقينا بان الجد واخدتو علقة ما حصلت
بطلو توهم انكم افضل
انظرو للحسابات تعرفو انكم فعلا وصيفاب
|
Post: #20
Title: Re: مبروك للمريخاب لكن بصراحة الهلال كان الافضل بمراحل
Author: هشام المجمر
Date: 12-05-2009, 08:03 AM
Parent: #19
يا على محمد على بشير
سلام
وشكرا على التحليل الموضوعى لكن تكتيك المريخ فى الشوط الثانى لم يكن جيدا كما قلت وساعده الحظ وحده على الخروج بهذه النتيجة زيادة على عدم تركيز المهاجمين
لم يستطع فريق المريخ و دفاعه سد الطريق اما هجوم الهلال و لو فعل لقلنا انا المريخ كان الافضل
وصل مهاجمو الهلال لمرمى المريخ فى خمسة مناسبات واضحة كانت كفيلة بقلب النتيجة راسا على عقب
التكتيك الجيد يعنى انك تغلق الطريق تماما الى المرمى
و هذا مالم يحدث
الحكم نام على ضربة جزاء سيف مساوى و اخرجها بقدرة قادر خارج ال 18 ولم يطرد اللاعب رغم ان المهاجم كان متوجها للمرمى و لم يكن امامه لاعب آخر
لمن تديكم احمدو الله و اسكتوا ساى
|
Post: #21
Title: Re: مبروك للمريخاب لكن بصراحة الهلال كان الافضل بمراحل
Author: حبيب نورة
Date: 12-05-2009, 08:07 AM
Parent: #19
يا راجل!!!
ياخي الدقن في العارضة ساهي كانن جابن ليكم هارت
دة غير حالتين طرد مستحقات
وعلي راي المثل
المشتهي المسيمير يطير
|
Post: #22
Title: Re: مبروك للمريخاب لكن بصراحة الهلال كان الافضل بمراحل
Author: هشام المجمر
Date: 12-05-2009, 08:12 AM
Parent: #21
يا هارون
سلام
كاس السودان ده بطولة ميتة
بقت حية بس بسبب مزمل ابو القاسم عشان يقنع المريخاب أنو فريقهم عمل حاجة
يا اخى دى بطولة بيلعب فيها الفريق اربعة مباريات مع فرق لم تسمع بها من قبل يلقى نفسه فجأة فى النهائى
غير انها بطولة اختيارية
مزمل لما شاف الفشل محمد المريخ فى بطولة الممتاز
نفخ فى روح البطولة الميتة بتاعت الحمام الميت:
انتو يوم الحقيقة يوم التلاتة واحد ساة الراجل بتسوى تشغ كنتو وين؟
|
Post: #23
Title: Re: مبروك للمريخاب لكن بصراحة الهلال كان الافضل بمراحل
Author: هشام المجمر
Date: 12-05-2009, 08:57 AM
Parent: #22
| Quote: الهلال كعب منذ مباراة مازيمبي وبه خلل |
و المريخ اكعب يا خليل
عموما نحن فى نهاية موسم طويل وشاق بدا فى فبراير السنة الفاتت و استمر لغاية شهر 12 السنة دى
اللعيبة كافحوا فى كل الاتجاهات
و تفوقوا على المريخ فى اى بطولة حتى الآن
نالو الممتاز
وو صلو لدور الاربعة فى بطولة كبار افريقيا
فى حين خرج المريخ بالباب الخلفى من دورى المجموعات
هذا رغم ان المريخ صرف فى لاعب واحد فقط 3 مليون دولار و صرف فى كيلاتشى مليون دولار
الهلال انجز ما انجز بفضل لاعبيه المحليين فى اغلب الاحوال فهدافه هو مدثر كاريكا
الهلا شطب دفاعا باكمله
وسجل دفاعا جديدا اثبت انه الافضل فى السودان بفارق عشرة اهداف دخلت فى شباك الغريم
لذلك هذا الموسم هو موسم الهلال بدون شك
ولا عزاء للمريخاب لأن هذا ما سيذكره التاريخ رغم انتصار الامس
|
Post: #24
Title: Re: مبروك للمريخاب لكن بصراحة الهلال كان الافضل بمراحل
Author: عمران حسن صالح
Date: 12-05-2009, 09:01 AM
Parent: #22
| Quote: وامس عرفنا منو سيد البلد ومنو سيد اللبن |
ده الكلام البخلي الواحد يعضي كراعو زاته
لامن اخدتو 3 قبل فترة قليلة وبتوثيق من كل افريقيا ما عرفتو سيد البلد من سيد اللبن منو ؟؟
عالم غريبة ..
|
Post: #25
Title: Re: مبروك للمريخاب لكن بصراحة الهلال كان الافضل بمراحل
Author: keiga2000
Date: 12-05-2009, 09:42 AM
Parent: #24
Quote: مع عدم إقتناعي بما ذكرت لكن العبرة بالخواتيم ..
المريخ لعب و أنتصر و أستبسل و حافظ على نصره ..
|
ابومرح
|
Post: #26
Title: Re: مبروك للمريخاب لكن بصراحة الهلال كان الافضل بمراحل
Author: هشام المجمر
Date: 12-05-2009, 05:03 PM
Parent: #25
Quote: ده الكلام البخلي الواحد يعضي كراعو زاته
لامن اخدتو 3 قبل فترة قليلة وبتوثيق من كل افريقيا ما عرفتو سيد البلد من سيد اللبن منو ؟؟
عالم غريبة .. |
فعلا يا عمران
و امس مرقهم حظهم
لو جه قون واحد كان التلاتة محمداهم
|
Post: #27
Title: Re: مبروك للمريخاب لكن بصراحة الهلال كان الافضل بمراحل
Author: abdelfattah mohammed
Date: 12-05-2009, 05:28 PM
Parent: #26
رغم إنني هلالي، غير إني غير مقتنع بالمبررات التي ذُكرت!!
مساوي كان ـ فيما مضى ـ أفضل لاعب في الهلال، أما بالأمس فكان الأسوأ، ترى ما علاقة ذلك بإشاعات قُرب إنتقاله للمريخ؟؟
كامبوس،،،، لماذا إستبدل أسامة التعاون وترك مسَّاوي السيء البارحة؟!
أسئلة وغيرها سأعود إليها بلتروية
مبروك الفوز لندنا المريخ ومبروك لنا كأس الدوري
|
Post: #28
Title: Re: مبروك للمريخاب لكن بصراحة الهلال كان الافضل بمراحل
Author: وليد محمد المبارك
Date: 12-05-2009, 05:34 PM
Parent: #27
هاهاهاهاهاهاهاهاهاهاهاهاهاهاهاهاهاهاهاها
هاهاهاهاهاهاهاهاهاهاهاهاها
المريخ الفريق الوحيد الذي هزم كل فرق الدوري
ولم يهزمه منها اي فريق
تصور كيف لو كان تحسب نقاط المبارة بي 2 نقطة عند الفور
وواحدة عند التعادل
اول مرة فريق يجي تاني الدوري بدون هزيمة في نفس الدوري المهزوم فيه اوله
انعدمت البلنتيات فانعدم فوز الهلال
ولعيبتكم اصبوا يجيدون افتعال المشاكل اكتر من لعب الكورة
خصوصا علاء الدين وعمر بخيت
|
Post: #29
Title: Re: مبروك للمريخاب لكن بصراحة الهلال كان الافضل بمراحل
Author: هشام المجمر
Date: 12-05-2009, 08:53 PM
Parent: #28
مصداقا لكلامك يا وليد
اصدر الاتحاد العام بيانا نزع فيه بطولة الدورى من الهلال وحولها للمريخ
وقال فيه أن نظام البطولة منذ هذا العام سوف يتغير لأنه لا يعقل أن يحرم منها الفريق الذى لم يهزم وو لجت شباكه 17 هدفا
و يفوز بها الفريق الذى هزم مرة واحدة وولجت شباكه سبعة اهداف
يلاش وهم يا وليد
انتو ناس كبار
و عارفين
هل السبعة عشرة هدفا الدخلت مرماكم كانت بسبب البلنتات المنحت للهلال؟
ما هو دفاعكم السجم
ربنا نجاكم امبارح من الفرتقة
و اتمنى من الله أن تاتو بنفس الفريق السنة الجاية عشان ما تقوم ليكم قايمة
|
Post: #30
Title: Re: مبروك للمريخاب لكن بصراحة الهلال كان الافضل بمراحل
Author: هشام المجمر
Date: 12-05-2009, 09:14 PM
Parent: #29
الهدف الذى دخل مرمى الهلال امس هدف يحكى تماما انه يوم الحظ المريخى
ورغم السيطرة المريخية النسبية فى الشوط الاول
الا ان الهلال سيطر على الثانى سيطرة كاملة
و كان منظر المريخ كمنظر اى فريق من متوسط الجدول يريد أن يحافظ على تقدمه امام بطل الدورى
و ساعدهم الحظ فيما ارادو
الهلال لم يكن جيدا بالدرجة التى نرضى عنه
ولكنه كانم افضل بكثير من المريخ
من يريد
دون غلاط
يرجع لشريط المباراة
لابد وان ادارة الهلال فطنت الآن للخلل الموجود والذى يتمثل فى ضرورة وجود مهاجم اجنى سريع و قناص بجانب سادومبا و مدثر كاريكا
مع تدعيم خط الوسط بصانع العاب أيسر سريع ايضا
كرة القدم الحديثة لا تعرف البطء
اما المريخ
يحتاج
لطاقم دفاعى كامل
و صانع العاب ماهر
مع لاعب محور استثنائى
المريخ به كلاتشى و ايداهور ووارغو
ولكنه لا يستفيد منهم بسبب الخلل الواضح فى الدفاع و الوسط
|
Post: #31
Title: Re: مبروك للمريخاب لكن بصراحة الهلال كان الافضل بمراحل
Author: معاوية محمد الحسن
Date: 12-06-2009, 06:40 AM
Parent: #30
الاخ الباشمهندس هشام
كيفك ياحبيب
وكيف تكون النتيجة مامهمة ليكم
ياخي ماشفت لاعبين الهلال وهم ينزعون الميداليات من رقابهم
وماشفت كيف كان كان هيثم غاضباً وهو يرفع الكاس ويرميه لمدير الكرة
وماسمعت بمشكلة الارباب مع رئيس لجنة التحكيم بعد المباراة
طيب ماسمعت بشكوى الهلال فى وارغو
ده كلو خليهو ماسمعت بمحمد المجمر يوم الكرة نام من الساعة عشرة.
صدقنى ياهشام الهلالاب تمنوا لو خسروا البطولة ولم يخسروا من المريخ
خاصة انو الجاب القون هو كلتشي وتفوق بيهو على ولدكم
|
Post: #32
Title: Re: مبروك للمريخاب لكن بصراحة الهلال كان الافضل بمراحل
Author: محمد التيجاني
Date: 12-06-2009, 09:24 AM
Parent: #31
الاخوة الاعزاء معاوية وهارون دياب
مبروك الفوز المعنوي
|
Post: #33
Title: Re: مبروك للمريخاب لكن بصراحة الهلال كان الافضل بمراحل
Author: على محمد على بشير
Date: 12-06-2009, 09:46 AM
Parent: #31
| Quote: وماسمعت بمشكلة الارباب مع رئيس لجنة التحكيم بعد المباراة |
|
Post: #34
Title: Re: مبروك للمريخاب لكن بصراحة الهلال كان الافضل بمراحل
Author: هشام المجمر
Date: 12-06-2009, 10:30 AM
Parent: #33
Quote: صدقنى ياهشام الهلالاب تمنوا لو خسروا البطولة ولم يخسروا من المريخ
خاصة انو الجاب القون هو كلتشي وتفوق بيهو على ولدكم |
سلام يا معاوية
لا والله
احسن لينا البطولة لأنها تسجل فى تاريخنا
اما ان يهزمنا المريخ او لا فهذه ليست بمشكلة كبيرة
كماذكرت سابقا
الهلال فاز على المريخ فى الدورى الممتاز 13 مرة والمريخ 5 مرات فقط
ال 13 مرة دى دى فيها رباعية ( 4/1) و ثلاثيتان (3/صفر) و ثلاثة واحد وعدة ثنائيات
ما فعلناه فى المريخ بالدورى الممتاز يكفينا لأعوام قادمة
|
Post: #36
Title: Re: مبروك للمريخاب لكن بصراحة الهلال كان الافضل بمراحل
Author: وليد محمد المبارك
Date: 12-06-2009, 10:46 AM
Parent: #34
ما سيسجله التاريخ
ان هناك فريق لم يهذم قط ولم ينال الكاس
في حين ان من نال الكاس
هزم من نفس الفريق
بعدين تعليقك على اخلاق اسامه التعاون وعلاء الدين وعمر بخيت شنو؟
|
Post: #37
Title: Re: مبروك للمريخاب لكن بصراحة الهلال كان الافضل بمراحل
Author: وليد محمد المبارك
Date: 12-06-2009, 10:48 AM
Parent: #36
اها كمان انت مصداقا لي كلامك ده
الاتحاد العام قرر انه يعتبر المريخ مغلوب في المباراة الاخيره
عشان المجمر قال الهلال كان الاحسن
يا عمو روح بلا احسن بلا وهمة معاك
احسن حاجة كتنو فيها عدم الاخلاق الرياضية
مفروض يدوكم جائزة اللعب غير النظيف
|
Post: #35
Title: Re: مبروك للمريخاب لكن بصراحة الهلال كان الافضل بمراحل
Author: عمر الفاروق
Date: 12-06-2009, 10:43 AM
Parent: #33
وليد المبارك :
كل سنة وانت طيب ياخ ..
بس كالعادة جابتني فلسفتك السااااي دي وكالعادة الناس بلعتا ليك وماف زول وقف ليك فيها ..
Quote: تصور كيف لو كان تحسب نقاط المبارة بي 2 نقطة عند الفور
وواحدة عند التعادل |
أها تعال ورينا إنت يا ابو تصور !!!!
لا علييييك الله كان ما اتصورت لينا ..
الرسول فيك يا وليد اتصوووووور..
تتصوور تتبروز تتعلق..
أها ما وريتنا حا يحصل شنو لو الإتحاد عمل نظريتك دي ممكن يجد شنو في الموضوع !!!
والله يا وليد انا ما حسبتها كتير ولأني عارفك مخك مخ مريخاب حا تكون مشيت حسبتها من قولة تيييت وقعدت تحسب فيها الهلال لعب كم كورة فاز في كم وتعادل في كم وخسر كم والمريخ لعب كم وفاز في كم وتعادل في كم وقاااامت كده حسبتك دي بي قدرة قادر طلعت ليك انو المريخ ممكن يكون بطل الدوري مش؟؟
غايتو انا ما تعبت كتير وحسبتها بي بساطة شديدة ما أخدت معاي اكتر من ثانيتين ..
المريخ تعادل في 6 مباريات يبقا فاقد ليهو 6 نقاط ..
الهلال خسر مباراة وتعادل في مباراة يبقا فاقد ليهو 4 نقاط ..
اها ده تصووري انا يا وليد ..يلا تعال ورينا تصورك إمكن عندك فهم جديد حا يغيير من الوضع ويخلي المريخ الأول والهلال التاني..
بالمناسبة يا وليد علييييك الله ما تتفلسف وتدخل لي مواضيع جانبية ورأيك يا عمر في المباراة واحيينا غلناكم و و و دي خليها بنجيها بي وقتها اسة اسة اسة بس عايزك تتصور لي تصوورك ده وتاني ما عايز اييييييييي شي..
تخريمة :
ليك حق تسكن جمب استديو فوتوغرافيا
|
Post: #38
Title: Re: مبروك للمريخاب لكن بصراحة الهلال كان الافضل بمراحل
Author: عمر الفاروق
Date: 12-06-2009, 10:57 AM
Parent: #35
بالمناسبة يا وليد انا إتصورت ليك الهلال ده الإتحاد بيعاملوا براااهو في حالة الخسارة وبيشيل منو تلاتة نقاط ما نقطتين اها برضو لقيت الشغلانة ابت تلفق مع تصورك ده ..
والله متشووق كيف اسمع واشووف تصورك ده !!
ياخ إنت صواااااااااااااااار..
|
Post: #39
Title: Re: مبروك للمريخاب لكن بصراحة الهلال كان الافضل بمراحل
Author: محمد فرح
Date: 12-06-2009, 11:02 AM
Parent: #38
في النهاية كل الناس حيتذكروا انو فريق الهلال شال الدوري السنة دي بعد هزيمة مرة من الأحمر الوهاج
|
Post: #40
Title: Re: مبروك للمريخاب لكن بصراحة الهلال كان الافضل بمراحل
Author: Hussein Mallasi
Date: 12-06-2009, 11:10 AM
Parent: #39
خطورة واحدة – زيادة - يا صلاح إدريس و كان سيحة لحقّك الهلال.
|
Post: #41
Title: Re: مبروك للمريخاب لكن بصراحة الهلال كان الافضل بمراحل
Author: هشام المجمر
Date: 12-06-2009, 11:32 AM
Parent: #40
فيصل سيحة اشهر حكم مريخى فى تاريخ الكرة السودانية
الحكم الوحيد الذى صفر على مهاجم منفرد بالمرمى ( اسامة الثغر وكان منفردا بحامد بريمة) و عندما اوقف اللعب لعبها دروب بول قائلا أن الصفارة انطلقت منه بالخطا وخرجت الجرائد المريخية بعدها تشيد بشجاعة الحكم
عموما لا يصح لصلاح ادريس وهو رئبس لنادى كبير و عظيم أن يتحدث لرئيس لجنة التحكيم مهما كانت الاسباب
الحماقة و الرئاسة لا يلتقيان يا صلاح ادريس
|
Post: #42
Title: Re: مبروك للمريخاب لكن بصراحة الهلال كان الافضل بمراحل
Author: وليد محمد المبارك
Date: 12-06-2009, 11:39 AM
Parent: #38
خلاس يا عمر اتصور انها بنتيجة المباريات المباشرة
شفت تاني الدوري بدون هزيمة دي
جديد لنج عليكم
شفت تاني الدوري الغلب اي فريق في الدوري وما اتغلب من اي فريق في الدوري
برضو جديده عليكم
شفت اول الدوري المغلوب من تاني الدوري
دي ما جديده عليكم
تشيلوا الدوري بنقاط الولايات
لكن نقاطنا نحن
نهي
|
Post: #43
Title: Re: مبروك للمريخاب لكن بصراحة الهلال كان الافضل بمراحل
Author: وليد محمد المبارك
Date: 12-06-2009, 11:42 AM
Parent: #42
| Quote: عموما لا يصح لصلاح ادريس وهو رئبس لنادى كبير و عظيم أن يتحدث لرئيس لجنة التحكيم مهما كانت الاسباب |
طيب ما تعلق لينا على تصرف التعاون وهو بضرب سفاري بدون كورةوقد كررها في الكروة الفاتت ضرب كلتشي بونية بدون كورة
وعمر بخيت وهو بعفص في السعودي برضو بدون كورة
علاء الدين ده ما حا نحسبوا ليك
|
Post: #44
Title: Re: مبروك للمريخاب لكن بصراحة الهلال كان الافضل بمراحل
Author: وليد محمد المبارك
Date: 12-06-2009, 11:44 AM
Parent: #43
يا عمر بره الموضوع
تمبس وود الصائم وود البشرى
قاعدين هنا
رايك شنو اشتري ليهم شباطا
ولا ما بشبهوك
هاهاهاهاهاهاهاهاهاهاهاهاهاهاااااااااااااااااي
المدام قالت لي ما عندك صحبك جاي تاني ؟
قلت ليها في ثلاثه جو
قال لي وقاعد تسوي شنو
ورح عفرا
|
Post: #45
Title: Re: مبروك للمريخاب لكن بصراحة الهلال كان الافضل بمراحل
Author: هشام المجمر
Date: 12-06-2009, 11:55 AM
Parent: #44
Quote: تشيلوا الدوري بنقاط الولايات
لكن نقاطنا نحن
نهي |
صدقت يا وليد
والدليل انو فى 13 موسم
و26 مباراة
فاز الهلال على المريخ فى 13
و تعادلا فى 6
وفاز المريخ فى 5 فقط
يعنى من مجموع 78 نقطة ممكنة فى لقاءات الفريقين
فاز الهلال ب 45
والمريخ 21
برضو تقول لى نقاط الاقاليم
|
Post: #46
Title: Re: مبروك للمريخاب لكن بصراحة الهلال كان الافضل بمراحل
Author: وليد محمد المبارك
Date: 12-06-2009, 12:04 PM
Parent: #45
كدي عليك الله اديني تفاصيل الدوري ده من 2000 لحدي هسع
في اخر 3 سنوات في الدوري ده غلبتني كم مرة ؟
|
Post: #47
Title: Re: مبروك للمريخاب لكن بصراحة الهلال كان الافضل بمراحل
Author: هشام المجمر
Date: 12-06-2009, 12:10 PM
Parent: #46
الموسم القبل الفات
آخر مباراة فى الدورى هلال مريخ
كان نتيجتها 3/2
ولا نسيت؟
|
Post: #48
Title: Re: مبروك للمريخاب لكن بصراحة الهلال كان الافضل بمراحل
Author: وليد محمد المبارك
Date: 12-06-2009, 12:23 PM
Parent: #47
ما تكمل
ولا خلاس وقفت في 3/2
الموسم ده ما كورتين
وبعده في موسمين
اديني تفاصيلها كلها
وما تنسى معاك تفاصيل كاس السودان
عشان نعرف في اخر 3 سنوات في الدوريين المعتمدين النتائج كانت شنو ؟
|
Post: #49
Title: Re: مبروك للمريخاب لكن بصراحة الهلال كان الافضل بمراحل
Author: هشام المجمر
Date: 12-06-2009, 12:34 PM
Parent: #48
انت يا وليد قلت آخر 3 سنين
6 مباريات فى الممتاز
3 تعادلات
انتصارين للمريخ
انتصار واحد للهلال
الاندية ابطال الدورى
3/1 للهلال شافها العالم كلو
ولا نسيت؟
|
Post: #50
Title: Re: مبروك للمريخاب لكن بصراحة الهلال كان الافضل بمراحل
Author: وليد محمد المبارك
Date: 12-06-2009, 12:49 PM
Parent: #49
وكاس السودان مالو
هاهاهاهاهاهاهاهاهاهاهاها
ابيت تعدو
بالمناسبة برضو في كاس السودان ده في مفارقة زي
حقت انه تاني الدوري بدون هزيمة
الهلال لم يهزم المريخ في مبارة في الشوطين في كاس السودان من نسخته الجديد في اول التسيعينات
والمفارقة العجيبة
انو الهلال ما دخل ولا قون في المريخ
شوفت التاريخ بحسبوه كيف
|
Post: #51
Title: Re: مبروك للمريخاب لكن بصراحة الهلال كان الافضل بمراحل
Author: هشام المجمر
Date: 12-06-2009, 12:53 PM
Parent: #50
يا وليد خلاص بطل
جبتو لينا اللوم
امش اقرأ مقالى عن مستقبل العمل السياسى فى السودان
|
Post: #52
Title: Re: مبروك للمريخاب لكن بصراحة الهلال كان الافضل بمراحل
Author: وليد محمد المبارك
Date: 12-06-2009, 12:56 PM
Parent: #51
خلاس كويس
|
Post: #53
Title: Re: مبروك للمريخاب لكن بصراحة الهلال كان الافضل بمراحل
Author: الحاج حمد الحاج
Date: 12-06-2009, 01:07 PM
Parent: #52
يا هندسة هاردلك و انا دائما اتابع تحليلاتك الفنية القيمة..
و تتذكر في مباراة تعادل كان مفروض تتغلبوا فيها أقل شئ 4/ صفر!!؟؟
Quote: اكرم الهادى كان اليوم فى برج حظه
تألق كثيرا
لكن نعيب عليه الاستهبال وحركات الغش و الخداع التى مارسها بادعاء الاصابة و طلب التغيير وهو يعرف انه سيواصل |
يا هندسة دي بتحصل في كل ملاعب العالم و من كل حراس المرمى..
Quote: الشوط الثانى كان شوطا من جانب واحد
تسيده الهلال بكامله و اضاع فيه مهاجموه اكثر من 5 فرص مضمونة كانت كفيلة بوضع المريخ فى مكانه الحقيقى |
و اكيد ضاعت من المريخ فرص مضمونة و زي ما قلت هذه كرة القدم
تحياتي
|
Post: #54
Title: Re: مبروك للمريخاب لكن بصراحة الهلال كان الافضل بمراحل
Author: حسن طه محمد
Date: 12-06-2009, 01:58 PM
Parent: #53
Quote: يا هندسة دي بتحصل في كل ملاعب العالم و من كل حراس المرمى..
|
اخي حاج حمد
-اولا مبروك رغم ان الانتصار كان بطعم مر.
- بتحصل فعلا ولكن بذكاء شوية
- خليك مع نجمتنااللي في السماء وليس في الارض .... نجمة الشعبية
|
|