المطرب نجم الدين الفاضل. مسيرة أربعين سنة بأغنيتين ....

1[B]- قطعة سكر ...


2- يا حليلك يا أسمر ...

3- ليالي الأنس لذاذ بلحيل .
4- من يوم هويناك ما نسيناك

عمر ...كل سنة وأنت طيب يا حبيب .

3

Quote: - ليالي الأنس لذاذ بلحيل . 4- من يوم هويناك ما نسيناك

ديل يتخيل لي اغنية واحدة..

ماش يا فتحي قول ثلاثة ...

Quote: يا حليلك يا أسمر

أغنية الراحل الأستاذ العاقب محمد حسن

Quote: أغنية الراحل الأستاذ العاقب محمد حسن

معقولة ؟؟؟؟؟

طيب اغنية يا اسمراني اللون حقت منو يا معاوية...

Quote: أغنية الراحل الأستاذ العاقب محمد حسن

نعم... الأغنية لحنها المرحوم العاقب محمد حسن لنجم الدين الفاضل ..

Quote: ديل يتخيل لي اغنية واحدة.. ماش يا فتحي قول ثلاثة ...

لالالا يا عمر ...ديل أغنيتين .. ما تتلاعب بالتسجيل ..

Quote: لالالا يا عمر ...ديل أغنيتين .. ما تتلاعب بالتسجيل ..

اخونا فتحي ...

يوجد مراقبون ما تخاف ..

عيدك سعيد... مشتاقون ..

.
.

ود الباوقة الزول ده طلعتوا من ياتو مخزن وياتو إرشيف ؟

لا حول ولا قوة إلا بالله قديم إنت ياخي

غايتو وأنا صغير كنت متذكر أغنيتو ياحنان ياحنة وكنت بسأل الوالدة ربنا يطول عمرها أقول ليها يعني شنو ياحنان ياحنة؟ وبالي يمشي لي الحناء المعروفة .

تعرف ياود الباوقة مرة وأنا قاعد مع أصدقاء خليجيين واحد منهم بغير في القنوات جاب قناة السودان وكان شغالة أغنية ومكتوب تحت في الشريط المتحرك أغنية سودانية تعبر عن (المحنة) فقاموا ضحكوا كلهم وإستغربوا وقالوا لي بالغتوا يازول أتاري كلمة (محنة) بالكسر عندهم معناها كعب بالحيل ياود العم . ومعاهم حق المفروض الكملة تكون (الحنين) لكن نسوي شنو لي ناس التلفزيون العربيهم زي عربي محمد عادل.

كل سنة وإنت طيب .

.
.

Quote: ياحنان ياحنة

يا اخوي دي ذاتا ما اغنية قطعة سكر...


الازهري ..

كل عام وانت بالف خير ..

بالطريقة دي حا يطلع ( ملوص )

.
.

ياود الباوقة

أنا متأكد أغنية ياحنان ياحنة يازهور في جنة دي حقت الزول ده .

مالكم دايرين تملصوه أي حاجة في السقط والبرد الحاصل ده ؟




.
.

يا ود الباوقة

انت في مسيرتك دي كلها

والا اغنية وحدي ما عندك


الفلقصة عليك شنو ?
عيد مبارك

ياود الباوقة

سلام

ياخوي حتي الاتنين ديل ماجايبن تمن

الفرمالة الوحيدة

ليالي الانس لذاذ بالحيل

وبرضو....

ماحقتو

كدي سيبك منو...!!!!

بكره الرش كييييييييييف....؟

.
.

ياود الباوقة ده واحد إسمو خالد نجم الدين الفاضل ماعارفو ولده ولا إسم ساكت



.
.

الازهري ياحبيب

كيفنك....؟

مشتاقين وقلنا نسلم وكده .....!!!!

تجدك في اسعد اللحظات يازول يارائع

.
.

الف شكر ياهرون ياحبيب يارائع

مشتاقين أكتر ياصفوة ياجميل

ربنا يملاك عافية ومن تحب ويكرمك في الدراين بجاه الحبيب الذي ترجى شفاعته وكل سنة وإنت طيب .

أهديك هذه الاغنية الجميلة جداً بصوت فنان الجميل المبدع شريف الفحيل :



تقبل خالص الود والمحبة والتقدير
.
.

.
.

ياهرون شوف الولده ده مبدع كيف :

.
.

إحتلينا بوست ود الباوقة


أسمع دي كمان ياهرون :



الشاب ده صوته جميل جداً جداً

.
.

واهداءات مقبولة يالازهري اخوي

شريف الفحيل نجم نجوم الغد

ومستقبل باهر باذن الله .

ودي عشانكـ

مساء الخير يا الامير .....اسمع برواااااااااااقة.......!!!!


ومساك كلو خير

كل عام والجميع بخير
نجم الدين الفاضل اعتقد انه اغترب من الوطن ودى ليها سلبيات كبيرة
على مسيرة المطربين كالبعد من الوسط الفنى فى الوطن والمعجبين والعدادات

Quote: تعرف ياود الباوقة مرة وأنا قاعد مع أصدقاء خليجيين واحد منهم بغير في القنوات جاب قناة السودان وكان شغالة أغنية ومكتوب تحت في الشريط المتحرك أغنية سودانية تعبر عن (المحنة) فقاموا ضحكوا كلهم وإستغربوا وقالوا لي بالغتوا يازول أتاري كلمة (محنة) بالكسر عندهم معناها كعب بالحيل ياود العم

يا الازهرى يااخوى الخليجيين ديل بتقعدوا معاهم كيف وكيف زاتهم بقوا اصدقاء
شفت عشان ضحكوا كلهم دى لا يوجد اى احتمال لمصادقتهم

الفيديو اعلاه يؤكد ولع هذا الشعب بالاستهزاء بالاخرين
حتى مشايخهم لا يتورعون عن هذا الفعل كانما لم تمر عليهم
هذه الاية من قبل
يَا أَيُّهَا الَّذِينَ آمَنُوا لَا يَسْخَرْ قَومٌ مِّن قَوْمٍ عَسَى أَن يَكُونُوا خَيْرًا مِّنْهُمْ وَلَا نِسَاء مِّن نِّسَاء عَسَى أَن يَكُنَّ خَيْرًا مِّنْهُنَّ وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ بِئْسَ الاِسْمُ الْفُسُوقُ بَعْدَ الْإِيمَانِ وَمَن لَّمْ يَتُبْ فَأُوْلَئِكَ هُمُ الظَّالِمُونَ
صدق الله العظيم
الاية رقم 11 سورة الحجرات

الفين سلام وكل سنة والجميع بخير

اعتقد ان المطرب لو خلد اغنية واحدة فهذه لن تعيبه ابدا
فربما لحن واحد يكون افضل من عشرات الالحان

هذا الموضوع يذكرنى باصحاب العمل الواحد الخالد ابد الدهر

لك تحياتى وللخالد نجم الدين الفاضل

ويا حليلك يا اسمر...

ود الباوقة

عيدك مبارك الراجل عندو اغنيات كتيرة

ما سمعت بود الباقير ما قلت خبير

وما سمعت

يمة الزول مالو ما ورانا

اعتقد ان له اكثر من 15 اغنية

والرجل كان نجم الشباك في الثمانينات

Quote: يمة الزول مالو ما ورانا

دي ما حقتو يا خليل ...

Quote: إحتلينا بوست ود الباوقة

الازهري ..

البوست دا عافي ليهو ليكم لله والرسول

بس نزلوا لي اغنية قطعة سكر يعني تكون

زي خلو رجل ...

Quote: سلام ياخوي حتي الاتنين ديل ماجايبن تمن الفرمالة الوحيدة ليالي الانس لذاذ بالحيل وبرضو.... ماحقتو كدي سيبك منو...!!!!

هارون دياب ..

والله لخبطوني لخبطة شديدة ود باقير وليالي الانس

هل هي اغنية واحدة ولا كلو واحدة براها ..

Quote: بكره الرش كييييييييييف....؟

بكرة ان شاء الله مرشوشين ..

هارون عيدك مبارك ...

Quote: الفلقصة عليك شنو ?

فيصل ...

ود باقير بيبقى ليك شنو ...

Quote: مالكم دايرين تملصوه أي حاجة في السقط والبرد الحاصل ده ؟

والله يا الأزهري يا اخوي .. الزول دا مولص نفسو براه..

كل ما تجيبوا أغنية نلقاها متفرعة من الأخرى ...

ود الباوقة يا لذيذ

لقيتها ما جايبها همها قبلت على نجم الدين

الزول بالمناسبة صاحبي وراجل غناااااااااااااي

بس الانقاذ ضيعت غناه

Quote: أسمع دي كمان ياهرون :

نصبر بس ....

Quote: ود الباوقة يا لذيذ لقيتها ما جايبها همها قبلت على نجم الدين الزول بالمناسبة صاحبي وراجل غناااااااااااااي بس الانقاذ ضيعت غناه

الماجابت همها شنو ؟

دا ما قلنا ما غناي ..
لكن معقولة اربعون عاما واغنيتين ..

دكتورنا اظهر بالله ...

Quote: بس الانقاذ ضيعت غناه

دكتورنا ..

نفترض الانقاذ ضيعتو طيب العشرين سنة


الفاتت السبب فيها منو ...

حوار للفنان نجم الدين الفاضل منقول من صحيفة الرائد به ردود لبعض الأسئلة التي طرحها الأخ ود الباوقة ...





الفنان نجم الدين الفاضل لـ (الرائد): ضحيت بوظيفتي في (البنك) بسبب الغناء

حوار: انتصار جعفر: قدمت حفلاً في اسكتلندا تحول إلى "مناحة"
• في البدء نسأل عن حي ودنوباوي العريق ومدى مساهمته في بلورة بداياتك الفنية...؟
 حي ودنوباوي من أعرق وأشهر أحياء أم درمان معروف بالنشاط والحركة والحيوية والترابط الاجتماعي الإنساني النبيل بين أفراده. فنحن تربينا مع موسى (ود نفاش) صاحب النكات المعروفة ومع بشرى وهبة لاعب المريخ المقاتل وعمنا شاخور والرئيس الراحل جعفر نميري والإمام الهادي والصادق المهدي والأستاذ حسين خوجلي والدكتور الصادق الهادي المهدي دفعتي في الدراسة وهكذا ودنوباوي بؤرة للنشاط والعطاء الإنساني لو تحدثت عنه بالتفصيل فالأمر يحتاج إلى مجلدات وكتب!!!
• ممن وجدت التشجيع والرعاية؟
 منذ الصغر كنت أعشق الغناء وكنت مثل الكثيرين الذين بدأوا بتلحين الأناشيد المدرسية وأردد أغاني الفنانين الكبار وكنت قد صنعت آلة عود خاصة بي من (جالون زيت الفرامل وسلك الدراجة) وكنت وما زلت أعزف باليد الشمال.. بالإضافة إلى أننا تربطنا صلة قرابة رحم بآل البنا لذلك كل الأسرة شجعتني عندما أدركت مدى تعلقي بالفن ويمكنني النجاح والتميز فيه..
• هل يوجد فنان يعزف على العود بنفس طريقتك هذه؟
 نعم من أبرزهم عبد اللطيف خضر ود الحاوي وسليمان الأكرد.
• المعروف عنك أنك تركت وظيفة البنك وتفرغت للفن تماماً هل لأن الفن لا يقبل الشراكة أم ماذا...؟
 بالتأكيد الفنان لابد أن يكون حراً وطليقاً لا يتقيد بشيء معين خاصة في مجال الوظيفة لأن الأسفار سواء كانت بالداخل أو الخارج وأحياء الحفلات يتطلب السهر والإرهاق ورؤساؤك في العمل ما كل مرة يتقبلوا أعذارك وغيابك عن العمل.. لذلك قدمت استقالتي من البنك.. ويمضي في حديثه قائلاً: اذكر قمت برحلة فنية إلى مسقط العاصمة العمانية مع الأستاذ الفنان أحمد المصطفى والفنان صلاح بن البادية والفنان الفرجوني والتي كان مقرر لها أسبوعاً كان ذلك في منتصف ثمانينيات القرن الماضي ولكنها امتدت لأكثر من ثلاثة أشهر فقد تلقينا دعوة لأحياء حفلات للجالية بالكويت ومنها إلى الهند ومنها إلى أبو ظبي ومنها إلى لندن ثم عدنا للسودان وأقمنا حفلات داخل كل المدن السودانية بمناسبة أعياد الاستقلال ابتداءً من بورتسودان وانتهاءً بالفاشر والجنينة.. وهكذا، لذلك الوظيفة تقيد وتكبل الفنان وتحد من حركته الفنية..
• غيابك عن الساحة الفنية مؤخراً هل كان بسبب الاغتراب والهجرة؟
 لم اغترب أو أهاجر بالمعنى الحرفي ولكنني كثير الأسفار خارجياً خاصة لمدينة أبو ظبي وذلك بحكم وجود أشقائي وبعض من أفراد أسرتي.. وتقريباً أمكث بها قرابة نصف العام لأحياء الحفلات بها لذلك يعتقد الجميع بأنني مغترب بها..
• أسفارك الخارجية ألم تنتج عنها أعمال فنية..؟
 بصراحة لم ينتج عنها عمل بعينه كاملاً ولكن ساهمت في معظم أعمالي وذلك لأني أحفظها وأرددها في الغربة حيث الهدوء فهي تخرج ناضجة..بالإضافة إلى أنني أشعر بسعادة غامرة وأنا أغني لإخواننا المغتربين لأنك تحس الشوق والحنين في عيونهم وعشقهم للبلد وهم يشمون فينا رائحة تراب البلد و يكونون في غاية السرور عندما يسمعوا بفنان سوداني أتى إليهم لدرجة أنهم ينتهزونها فرصة للتلاقي.. وهنا دعني أذكر لك هذه الطرفة في منتصف تسعينات القرن الماضي ذهبت لإحياء حفل في اسكتلندا فكان كل الحضور الضخم الذي حضر الحفل في حالة بكاء تام فما كان مني إلا أن أوقفت الحفل وقلت لهم يا جماعة أنا جيت لإسعادكم وليس لعذابكم!!! وكان من ضمن الحضور الدكتور الفاتح الحويرص وشاركني بالعزف على آلة الكي بورد العازف أحمد عبد الرحمن المقيم في لندن وأشرف على هذا الحفل الأخ سعد عبد اللطيف المقيم باسكتلندا.. فهم يدركون جيداً رسالة الفن السامية وتشعر أنهم يتنفسون عبره.
• نعود بك إلى المهرجانات الثقافية واكتشافها لأصوات جديدة أثرت الساحة الفنية...؟
 نعم المهرجانات الثقافية كان لها القدح المعلى في إبراز أجمل الأصوات والمواهب الفنية الأصيلة.. حيث كان المهرجان الأول في عام (73 – 1974م) والذي فاز بالمرتبة الأولى الفنان المرحوم خوجلي عثمان بأغنية (أسمعنا مرة) وفي عام 1977م كان ضمن المهرجان في ليلة الواعدين والمبدعين والتي ظهر فيها معي الأستاذ عبد العزيز المبارك ومجذوب أونسة وفي ليلة الواعدين ظهر الفنان عثمان الأطرش والفنان المرحوم عبد المنعم الخالدي والأمين عبد الغفار ومحمود تاور ومصطفى سيد أحمد وعز الدين عبد الماجد وعلى العمرابي والأزهري.
وأذكر أني أديت فيها أغنية (أمشي يا أحزاني فوتي) من كلمات نجم الدين عبدالله ومن ألحان ود الحاوي وهي أغنية مسرح حيث يقول مطلعها:
أمشي يا أحزاني فوتي
عودي يا أيام زماني
أزرعي الأكوان محبة
وفرحي القلب البعاني
• من كان يسيطر على الساحة وقتها..؟
 العمالقة الأساتذة زيدان إبراهيم وصلاح مصطفى وصلاح ابن البادية.. ولكنني أود أن أقول وبمنتهى الصراحة بأن الفنان مصطفى سيد أحمد من أبرز وأفضل الفنانين الذين تمخضوا من المهرجانات الثقافية فهو صاحب مدرسة متفردة واستطاع أن يمتاز بلونية غنائية رائعة.
• هل الحراك الفني الحادث الآن يوازي المهرجانات الثقافية..؟؟
 لا توجد أي أوجه شبه أو مقارنة بين هذي وتلك فالمهرجانات كانت أقوى وأجمل ولذلك يجب عودتها مرة أخرى لأنها هي الأنفع والأجدى للساحة الفنية.
ولكنني أحي مجهودات الأخ الأستاذ السموءل خلف الله على جرأته وقوة عزيمته فكرة ميلاد الأغنيات وهي تخلق التنافس القوي بين الفنانين لاتحاد أعمال غنائية جميلة لأن هذا مفيد وصحي للساحة الفنية وبالإضافة إلى أن الضرورة تقتضي ذلك..
• ما هو رأيك في الساحة الفنية والصراع بين الشباب والفنانين الكبار..؟
 حقيقي لكل زمان ناسه ونحن عندما بدأنا نغني وجدنا أمامنا أساتذة أجلاء أمثال أحمد المصطفى وعثمان حسين وصلاح مصطفى وزيدان إبراهيم وغيرهم من الأساتذة الأجلاء فهم وبكل المقاييس عمالقة الفن في بلادي. فتعلمنا منهم وعملنا بتوجيهاتهم وإرشاداتهم. وبكل احترام وتقدير ولكن حالياً الحاصل العكس تماماً بالرغم من بعض الأصوات الشبابية المميزة والجادة فقد تحتاج إلى التوخي والدقة والاختيار الصحيح للمفردة والألحان حتى تكون سامية وخالدة في وجدان الناس.. وبحماس يقول: إلى زماننا هذا الناس تعشق وتردد أغاني عثمان حسين وذلك لجمالها وروعتها وصلاحيتها لكل زمان ومكان.. لذلك على الشباب إيجاد لونية وشخصية فنية خاصة بهم لأن الأغنيات مثل (البصمة) تنطبع في أذهان الناس بصوت صاحبها الحقيقي.. ولا أعتقد أنها تضيف للفنان الشاب جديداً... أضف إلى ذلك على الأسر اختيار الفنان الجيد لإحياء مناسباتهم الخاصة بأغنيات رصينة تشبه عاداتنا وتقاليدنا الحلوة السمحة بدلاً من الأغنيات الهابطة صاحبة المفردات الهشة الضعيفة.
• هل تطبيق قانون الملكية الفكرية يخرجنا من عنق الزجاجة..؟
 بالتأكيد يعطي كل فرد حقه كاملاً ولكنني أرى ضرورة تطبيقه في أعمال هذه الفترة والمستقبل أما ما كان في الماضي يعتبر تراثاً. وحالياً التوأمة التي حدثت بين اتحاد الشعراء واتحاد المهن الموسيقية خطوة جادة لتنظيم وتوفيق الأوضاع الفنية وأتمنى أن يجد اتحاد المهن الموسيقية مزيداً من الصلاحيات حتى يتمكن من حل قضاياه..
• من خلال مسيرتك الفنية العامرة بالعطاء ما هي أبرز ملامح هذه المسيرة..؟
 بابتسامة قال: الأعمال كثر ولكن أذكر منها أغنيات (يا حليلك يا أسمر) كان ذلك في عام 1977م وهي من كلمات الأستاذ السر قدور وألحان الفنان الراحل المقيم العاقب محمد الحسن. (سحروك ولا أدوك عين) من كلمات إسحاق الحلنقي واللحن للأستاذ ود الحاوي و (بهجة أيامنا وحلاتها) من كلمات الشاعر جعفر محمد عثمان وألحان الملحن عمر الشاعر. و (قالوا قطع السكر) وهي من كلمات وألحان أبو قرون عبد الله قرون. و (أبيتونا) من كلمات تاج السر عباس وألحان الفنان العاقب محمد الحسن.
• هل خضت تجربة الألحان....؟
 نعم لي بعض الأغنيات وهي قليلة جداً التي قمت بتلحينها منها أغنية (عتاب) من كلمات أبو قرون عبد الله أبو قرون (وحشتني عيونك) من كلمات تاج السر وحالياً يرددها الفنان الشاب عاطف السماني وكانت عنوان لإحدى ألبوماته وأغنية أنا أتأخرت سامحيني من كلمات الشاعر عزمي أحمد خليل ربنا يرد غربته.
• وماذا عن الألبومات التي أنتجتها..؟
 لم أنتج سوى البوم واحد كان ذلك قبيل عشرة أعوام خلت بعنوان أغنية (يا حليلك يا أسمر) كان هو الماستر ولكن للأسف المضروب في السوق حيث نجد ألبومات كثيرة للفنانين لم يسجلوها أصلاً وهذا حدث لي شخصياً كنت في السعودية وجدت شريطاً لي قلت لصاحب المحل السعودي هذا الألبوم لي وعندما، نظر لجوازي تأكد من ذلك وقال لي خذه مجاناً ولكنني دفعت له سعره الذي كان بخمس ريالات سعودية!!!.. وحالياً اكتملت اللمسات الأخيرة لإصدار ألبومي الثاني وهو من إنتاج شركة سارة يحمل عنوان (لون الدهب) وهي من كلمات إسحاق الحلنقي وألحان محمد عبد القادر عثمان (ودعني ونساني) من كلمات حسن البيلي وألحان محمد عبد القادر عثمان (وجار علينا الزمان) من كلمات وألحان محمد متولي وبجانب بعض من الأغنيات القديمة مثل أغنية غاب عن عيني ربيعك مالوا
والربيع غاب وأنت جمالو
وهي من كلمات الشاعر عبد الرحمن الريح وكان يؤديها الفنان صالح عرفة.. بجانب العديد من الأغنيات الجديدة.
•يوجد عمل متميز يرتبط بالفنان فأي من أغنياتك كانت كذلك..؟
 أغنية (قالوا قطع السكر) كانت بالنسبة لي جواز المرور والانطلاق لما وجدته من شهرة واسعة وقبول حسن من قبل الجمهور وأحمد الله كثيراً على ذلك وهي من كلمات وألحان الأستاذ أبو قرون عبد الله أبو قرون التي تربطنا به صلة أسرية. بالإضافة إلى أن الأغنية مليئة بأسماء البنات وكل واحدة تعتقد أن الأغنية كتبت خصيصاً لها وهو شعور جميل جداً.