ود الطهور.....مصطفى ولدي...(توجد صور وطرائف)

Post: #1
Title: ود الطهور.....مصطفى ولدي...(توجد صور وطرائف)
Author: Mahmoud Mustafa Mahmoud
Date: 12-03-2009, 12:42 PM

الطرائف بدأت من يوم الحنة (الحناء)...

حيث علق سيادته صبحية الحنة بأن:

ياخ حنتي زاتها حرقت.. (يعني كانت بالليل حمراء والصباح بقت سوداء)..

أمه قالت ليهو : ما حرقت يا حلو...حنتك شالت..

قال ليها : شالت شنو؟؟

فكان دور العبد لله مدعوماً بالخيال غير العلمي:

يا مصطفى ياخ الحنة بتشيل من "سواد الليل" حتة .. خلاص؟؟

تابعونا بالله...

وأديكم الصورة الأولى هنا:

Post: #2
Title: Re: ود الطهور.....مصطفى ولدي...(توجد صور وطرائف)
Author: انور التكينة
Date: 12-03-2009, 12:56 PM
Parent: #1

ما شاء الله و تبارك الله
ربنا يخليهو و يعليهو و يسعدكم بيهو

مبروك يا مصطفى يا عريس

Post: #3
Title: Re: ود الطهور.....مصطفى ولدي...(توجد صور وطرائف)
Author: محمد علي ياسين
Date: 12-03-2009, 02:22 PM
Parent: #2

مبروووووك وكل عام وأنتم بألف خير

Post: #4
Title: Re: ود الطهور.....مصطفى ولدي...(توجد صور وطرائف)
Author: كمال ادريس
Date: 12-03-2009, 06:57 PM
Parent: #3

ياصاحب بالغتا مع الزول ده ياخ

مصطفى محمود مصطفى محمود

الله يحفظو مبروك عليهو ويضوق العرس كمان.

كل سنة وانت طيب

Post: #5
Title: Re: ود الطهور.....مصطفى ولدي...(توجد صور وطرائف)
Author: عبد الفتاح زوما
Date: 12-03-2009, 08:12 PM
Parent: #4

الاستاذ / ابو مصطفى
لكم جميعا اطيب التهانى واجمل الامنيات
مليار باقة تهنئة للصغير مصطفى
عقبال تفرحو بحنة عرسو ان شاء الله

Post: #10
Title: Re: ود الطهور.....مصطفى ولدي...(توجد صور وطرائف)
Author: Mahmoud Mustafa Mahmoud
Date: 12-04-2009, 00:32 AM
Parent: #5

الأخ عبد الفتاح زوما..

مرحب بك هنا ولو إنها جات متأخرة..

Quote: مليار باقة تهنئة للصغير مصطفى
عقبال تفرحو بحنة عرسو ان شاء الله

شكراً على التهنئة الغليدة وبحياتك إن شاء الله نفرح بالعيال كلهم..

دمت بخير

Post: #9
Title: Re: ود الطهور.....مصطفى ولدي...(توجد صور وطرائف)
Author: Mahmoud Mustafa Mahmoud
Date: 12-04-2009, 00:28 AM
Parent: #4

النسخة اللندنية من الجميل ولدنا كمال إدريس..

كيفك يا حبيب..السقط الما خمج جاييك عاد..دحين شوف ليك مباصرة فتوى تجاسف بيها

كاس كاسين وإلا سوف تفتقد دفء جدة وقراريصها وعصائدها أم بوخاً يلوي..

Quote: ياصاحب بالغتا مع الزول ده ياخ

مصطفى محمود مصطفى محمود

الله يحفظو مبروك عليهو ويضوق العرس كمان.

بالنسبة للإسم أشارطك شراط عديل يا كمال.. الولد دا يلحق يجيب ليهو ولد إلا يسميهو محمود..

جعليين يا عمك.. العوارة اللي عندنا عند غيرنا يسموها شطارة..

سوف أحكي لك قريباً كيف كانت الممرضات الفلبينات (معجبات) بمصطفى.. والحنة والجرتق..

وكيف فضحنا برفض الغيار عندما علم أن الممرضة الهندية هي من ستقوم بعملية الغيار..

أنقر الهندية ما رجفت؟؟ بي قلبي قلت ليها قولي "ما شاء الله".. لووول

والله ليك وحشة يا عم كمال..

Post: #8
Title: Re: ود الطهور.....مصطفى ولدي...(توجد صور وطرائف)
Author: Mahmoud Mustafa Mahmoud
Date: 12-04-2009, 00:16 AM
Parent: #3

Quote: مبروووووك وكل عام وأنتم بألف خير

أوووووووووووووووه...الخبير الأجنبي شخصياً هنا؟؟

شكراً على المرور (الجافي)..ومداخلتك تحمل في طياتها الكثير والكثير من الملامة والعتاب..

على العموم..حبابك ألف

وكل سنة وإنت والأسرة الكريمة بألف خير..

وحمداً لله على السلامة

Post: #6
Title: Re: ود الطهور.....مصطفى ولدي...(توجد صور وطرائف)
Author: Mahmoud Mustafa Mahmoud
Date: 12-04-2009, 00:12 AM
Parent: #2

الأستاذ أنور التكينة.. أو عمو أنور نيابةً عن مصطفى

شكراً على التهنئة..

وبما إنك فنان وغاوي تصوير..

خذ هذه مع تحياتي وتقديري..

لو عندك عروسة حلوة..جهزها من هسي.. ولدنا القيافة دا ما يفوتكم

Post: #7
Title: Re: ود الطهور.....مصطفى ولدي...(توجد صور وطرائف)
Author: SHIBKA
Date: 12-04-2009, 00:16 AM
Parent: #6

ماشاء الله ربنا يحفظو

Post: #11
Title: Re: ود الطهور.....مصطفى ولدي...(توجد صور وطرائف)
Author: Mahmoud Mustafa Mahmoud
Date: 12-04-2009, 00:43 AM
Parent: #7

الغالية شبكة..

Quote: ماشاء الله ربنا يحفظو

الله ما ضراك يا بت أمي..

ربنا يحفظك إنتي كمان.. ونجيك في السمح إن شاء الله..

نهدي ليك صورة؟؟ حااااااااااضر:

إهداء خاااااص لخالتو شبكة.. قصرنا معاك؟؟

Post: #12
Title: Re: ود الطهور.....مصطفى ولدي...(توجد صور وطرائف)
Author: SHIBKA
Date: 12-04-2009, 00:53 AM
Parent: #11

مصطفى وابو مصطفي

Quote: إهداء خاااااص لخالتو شبكة.. قصرنا معاك؟؟

ما قصرتو معاي

تاني ماشاء الله

Post: #13
Title: Re: ود الطهور.....مصطفى ولدي...(توجد صور وطرائف)
Author: Mahmoud Mustafa Mahmoud
Date: 12-04-2009, 11:42 AM
Parent: #12

جمعتكم مباركة يا ناس..

ود الطهور عدادو رامي قال ليك.. والحصالة بتاعتو قربت تتم الألف ريال..

قلت ليهو يا مصطفى بتفكر تشتري شنو هسي؟؟

أجاب إجابة مدهشة طبعاً..

هو يا بابا اللابتوب زي بتاعك دا بيكون بي كم كدا؟؟

قلت في سري: الله يرحم أيامنا يا ولدي.. أيام كانت أقصى أماني ود الطهور إنه يشتري دجاجة من الفريق..

أو بالكتير خالص.. غنماية..

غايتو..

ما عارف.. لكن صورة أصغر بوردابية في العالم ..متاب .. أظنها مناسبة جداً في الحتة دي..

جمعة مباركة..

Post: #14
Title: Re: ود الطهور.....مصطفى ولدي...(توجد صور وطرائف)
Author: abdulhalim altilib
Date: 12-04-2009, 12:23 PM
Parent: #13

أخي العزيز / محمود مصطفى
تحياتي،

ألف مبروك لعريسنا مصطفى
وعقبال ما نبارك ليهو العرس
والحنة المحروقة صحي صحي ،
ونفرح بيهو معاكم كمان .

ألف مبروك وربنا يحفظو ويغطيهو .

مودتي ،

( ليمو )

Post: #15
Title: Re: ود الطهور.....مصطفى ولدي...(توجد صور وطرائف)
Author: Mahmoud Mustafa Mahmoud
Date: 12-04-2009, 03:58 PM
Parent: #14

Quote: ألف مبروك لعريسنا مصطفى
وعقبال ما نبارك ليهو العرس
والحنة المحروقة صحي صحي ،
ونفرح بيهو معاكم كمان .

ليمو يا ليمو يا سيد الناس..

نجيك في السمح إن شاء الله وشكراً على التهنئة والأمنيات الطيبة..

عقبال نفرح بيهم جميعاً بحياتك وحضورك الجميل..

Post: #16
Title: Re: ود الطهور.....مصطفى ولدي...(توجد صور وطرائف)
Author: مريم عبد الله
Date: 12-04-2009, 04:03 PM
Parent: #15

دا اليوم الدايرنو ليك يا مصطفى مبروك عليك

عقبال حنة عرسك ويفرحوا بيك اهلك

و عقبال ما تلخ ليك امك ضريرة الجرتق

الف مبروك يا ابو العريس ويا ام العريس

ماشاء الله عليه وربنا يغتي ليكم عليه

Post: #17
Title: Re: ود الطهور.....مصطفى ولدي...(توجد صور وطرائف)
Author: Abd Alla Elhabib
Date: 12-04-2009, 04:19 PM
Parent: #16

Quote: ياخ حنتي زاتها حرقت.. (يعني كانت بالليل حمراء والصباح بقت سوداء)..
أمه قالت ليهو : ما حرقت يا حلو...حنتك شالت..
قال ليها : شالت شنو؟؟

لـوووول
ياخ ده ألـذ زول !!
الله يخـليكم لي بعـض ويسـعدكم.

Post: #18
Title: Re: ود الطهور.....مصطفى ولدي...(توجد صور وطرائف)
Author: عبد القادر شادول
Date: 12-04-2009, 04:58 PM
Parent: #17

مبروك عليكم و عقبل العرس و النجاح و الاولاد و كلو بي حضور والدية و اشرافهم

Post: #21
Title: Re: ود الطهور.....مصطفى ولدي...(توجد صور وطرائف)
Author: Mahmoud Mustafa Mahmoud
Date: 12-04-2009, 05:24 PM
Parent: #18

عمنا عبد القادر شادول...

شكراً على شعورك الطيب ودعواتك الجميلة..

نجيكم في السمح إن شاء الله..

مودتي..

Post: #20
Title: Re: ود الطهور.....مصطفى ولدي...(توجد صور وطرائف)
Author: Mahmoud Mustafa Mahmoud
Date: 12-04-2009, 05:21 PM
Parent: #17

Quote: Quote: ياخ حنتي زاتها حرقت.. (يعني كانت بالليل حمراء والصباح بقت سوداء)..
أمه قالت ليهو : ما حرقت يا حلو...حنتك شالت..
قال ليها : شالت شنو؟؟

Quote: لـوووول
ياخ ده ألـذ زول !!
الله يخـليكم لي بعـض ويسـعدكم
.

حبيبنا عبد الله الحبيب..

الله يخليك إنت كمان ويسعدك دنيا وآخرة..

شكراً على الحضور اللطيف..

Post: #19
Title: Re: ود الطهور.....مصطفى ولدي...(توجد صور وطرائف)
Author: Mahmoud Mustafa Mahmoud
Date: 12-04-2009, 05:17 PM
Parent: #16

خالتو مريم..

عيدكم مبارك وكل سنة وأنت بخير وصحة تااااااااااااامة

Quote: دا اليوم الدايرنو ليك يا مصطفى مبروك عليك

عقبال حنة عرسك ويفرحوا بيك اهلك

و عقبال ما تلخ ليك امك ضريرة الجرتق

شكراً على الكلام الجميل دا والشعور الراقي دا..والفيديو الجميل الذي أثرى البوست

وأضاف أجواء فرحة سودانية حقيقية عندنا هنا..

ونجيكم في السمح إن شاء الله..

Post: #22
Title: Re: ود الطهور.....مصطفى ولدي...(توجد صور وطرائف)
Author: Mahmoud Mustafa Mahmoud
Date: 12-05-2009, 07:08 AM
Parent: #19

امبارح كانت في شكلة كبيرة جداً مدورة في البيت..

ذهبت لزيارة أحد الأصدقاء..وناس البيت الظاهر جوهم ضيوف وإضطروا يستلفوا خمسين ريال من حصالة

ود الطهور .. سي مصطفى..وليتهم لم يفعلوا..

الزول حردان العشاء..وقال ما عايز الحصالة زاتها..إلا تكون مكملة الألف ريال..شوفوا الإفتراء..

اللهم طولك يا رووووووح...

غايتو

Post: #23
Title: Re: ود الطهور.....مصطفى ولدي...(توجد صور وطرائف)
Author: nazar hussien
Date: 12-05-2009, 07:22 AM
Parent: #22

ألف مبروك لتوفا...وعقبال حنة العرس....في خيمة في فندق 17 نجمة..
ويغنوا فيها أولاد أولاد البنا...(ديل بس لأني ضامن للوقت داك حا يكون عندهم أولاد غنايين)
وفي العقد أولاد حاج الماحي ( ديل برضو زي مايكروسوفت ) للوقت داك بجيبو اولاد
حاج الماحي (طاريستا)...

أما طرائف اولاد الطهور...فانا حضرت طهور ولد اختي...وهو معجب
بخاله (كعازف اورغ)...فلما الولد جمع زي عشرة ألف جنيه بالقديم
سأل أمو...انت يا ماما الرقشة بي كم؟؟؟ قالت ليه بي ألف جنيه
قال ليها لا ما ركوب...هي زاتا بي كم؟؟ قالت ليه بدور بيها شنو؟؟؟
قال عايز يشتريها ويشبح فوقها خالو بي اورغنو من فوق ...

Post: #24
Title: Re: ود الطهور.....مصطفى ولدي...(توجد صور وطرائف)
Author: عفاف الصادق بابكر
Date: 12-05-2009, 07:42 AM
Parent: #23

ماشاءالله ربنا يحفظه ويغطيهو ..
مبروك عليك .. وعقبال ما تشوفوا حنة عرسه ..

Post: #25
Title: Re: ود الطهور.....مصطفى ولدي...(توجد صور وطرائف)
Author: مجدي عبدالرحيم فضل
Date: 12-05-2009, 08:02 AM
Parent: #24

مصطفي محمود مصطفي محمود (مبروووك العرس الصغير عقبال العرس الكبير) رغم أنو أبوك عمل ميت ما أدنا خبر ولا حزنون بنشيل ليك يا جميل .

حسي قصي ده لمن أعرس ليهو مابعزمك تبقي واحده بواحده عيني ذي الدرون الكان بيحلمو بيهو ناااس الهلال

دي مناسبتين نبارك لك في كلاهما الخير وعقبال ماتشوفوا ببدلة العرس والتخرج يا صحبي .

،،،،أبوقصي،،،،

Post: #28
Title: Re: ود الطهور.....مصطفى ولدي...(توجد صور وطرائف)
Author: Mahmoud Mustafa Mahmoud
Date: 12-05-2009, 08:21 AM
Parent: #25

أووووووووووووه... أخونا أبو قصي..

حقك علينا.. وجميع بورداب جدة.. (لم يعلم أحد) على وزن شنو كدا ما عارف...

Quote: دي مناسبتين نبارك لك في كلاهما الخير وعقبال ماتشوفوا ببدلة العرس والتخرج يا صحبي .

آمين.. وبحياتك إن شاء الله.. لكن كورة وارغو الدقت في القائم دي والله قربت تعمل لي شلل نصفي...

مبروك للمريخ الذي لم يعد كسيحا...

Post: #29
Title: Re: ود الطهور.....مصطفى ولدي...(توجد صور وطرائف)
Author: الجندرية
Date: 12-05-2009, 09:15 AM
Parent: #25

مبروووووووووك عقبال الكبيرة

Post: #32
Title: Re: ود الطهور.....مصطفى ولدي...(توجد صور وطرائف)
Author: Mahmoud Mustafa Mahmoud
Date: 12-05-2009, 12:38 PM
Parent: #29

Quote: مبروووووووووك عقبال الكبيرة

أووووووووووووه خالتو أماني الجندرية ...

بحياتك يمة..

نلقاك يا أخت الحبيبة..ونرجاك في الفرحة القريبة..

وبشراك يا أم السنااااااااااااا

وعشرات حبابك...سلامات..

كيفكم والعيال والخالة أم أسامة بخير؟؟

عيدكم مبارك والعفو لله والرسول..

Post: #27
Title: Re: ود الطهور.....مصطفى ولدي...(توجد صور وطرائف)
Author: Mahmoud Mustafa Mahmoud
Date: 12-05-2009, 08:17 AM
Parent: #24

Quote: ماشاءالله ربنا يحفظه ويغطيهو ..
مبروك عليك .. وعقبال ما تشوفوا حنة عرسه ..

آمين وبحياتك إن شاء الله يا أستاذة عفاف..

شكراً على التهنئة

Post: #26
Title: Re: ود الطهور.....مصطفى ولدي...(توجد صور وطرائف)
Author: Mahmoud Mustafa Mahmoud
Date: 12-05-2009, 08:13 AM
Parent: #23

حبيبنا الفنان الجميل نزار حسين يااااااااخ...

Quote: ألف مبروك لتوفا...وعقبال حنة العرس....في خيمة في فندق 17 نجمة..
ويغنوا فيها أولاد أولاد البنا...(ديل بس لأني ضامن للوقت داك حا يكون عندهم أولاد غنايين)
وفي العقد أولاد حاج الماحي ( ديل برضو زي مايكروسوفت ) للوقت داك بجيبو اولاد
حاج الماحي (طاريستا)...

ياخ إنت أحلى زول في الدنيا الزايلة دي يا نزار..

أقول ليك حاجة؟؟

أولاد أولاد البنا الضامنهم ديل.. ممكن أقبل ليك أولاد أحمد الفرجوني وبالكتير خالص أولاد عاصم ..

لكن أولاد اللمين قطع شك بيكونوا شُتُر.. أبوهم هسي قاعد يجلي من الزمن..

ياخ مرة بادي الله يرحمه قرب يقوم يديهو شلوت في أغنية غزال البر يا راحل..

بعدين تعال هنا يا نزار... شنو للوقت داك؟؟ إنت قايل الوقت داك بعيد خالص كدا؟؟

صوفي هسه عمرو ما شاء الله 7 سنة.. يعني بعد 13 سنة حا تلقاهو داقي جرس في حكاية العرس دي...

دا طبعاً لو ما قام ختانا في الأمر الواقع وجا طابق ليهو واحدة على عينك يا تاجر وقال دي زوجتي يا حاج ..

أولاد حاج الماحي ما عندنا فيهم أي كلام.. النسخة الحالية مؤهلة خالص لمواصلة العطاء الرصين لعشرين سنة قادمة

إن شاء الله..أو (إذا أمد الله في الآجال) على قول أحمد البلال الطيب..وهو معجب بالعبارة دي كأنه اخترعها..

Quote: أما طرائف اولاد الطهور...فانا حضرت طهور ولد اختي...وهو معجب
بخاله (كعازف اورغ)...فلما الولد جمع زي عشرة ألف جنيه بالقديم
سأل أمو...انت يا ماما الرقشة بي كم؟؟؟ قالت ليه بي ألف جنيه
قال ليها لا ما ركوب...هي زاتا بي كم؟؟ قالت ليه بدور بيها شنو؟؟؟
قال عايز يشتريها ويشبح فوقها خالو بي اورغنو من فوق ...

لووووولز..

اللذاذة دي ما غريبة على الولد دا..

الجنا خال يا نيزو ياخي..

سعدت سعادة حقيقية بمرورك الجميل وعباراتك الرشيقة..

كن بخير .. وكل سنة وإنت طيب..

Post: #30
Title: Re: ود الطهور.....مصطفى ولدي...(توجد صور وطرائف)
Author: صديق الموج
Date: 12-05-2009, 09:28 AM
Parent: #26

لا كان كدى النجهز ليه العروس
الف مبروك باقى طولنا ما باركنا لينا لى ود طهور
ياخى الطهور ده زمان كان فيه جنس غمت
تاخد ليك بكية صغيرة الشلن يجيك طاير
تتنهف يدوك ابعشرة يلمع..
غايتو انا استثمرته استثمار..
الف مبروك وعقبال الفرح الكبير،،،

Post: #33
Title: Re: ود الطهور.....مصطفى ولدي...(توجد صور وطرائف)
Author: Mahmoud Mustafa Mahmoud
Date: 12-05-2009, 01:01 PM
Parent: #30

حبيبنا صديق الموج...

Quote: لا كان كدى النجهز ليه العروس
الف مبروك باقى طولنا ما باركنا لينا لى ود طهور
ياخى الطهور ده زمان كان فيه جنس غمت
تاخد ليك بكية صغيرة الشلن يجيك طاير
تتنهف يدوك ابعشرة يلمع..
غايتو انا استثمرته استثمار..
الف مبروك وعقبال الفرح الكبير،،،

آمين وبحياتك إن شاء الله.. وكتر خيرك على التهنئة.. ولكن...

من ناحية شرطت عيننا شرطها.. قول لي كيييييف؟؟

هسي نحن نودي وشنا وين من رابطة معجبات صديق الموج؟؟

ياخ من زمن الشلن وأبعشرة والفريني؟؟

كمان بعين قوية بتقول استثمرته؟؟ ما ياها الطحنية والتمر ولا بالكتير خالص الجدادة ولا السخلة الأخدتها ديك؟؟

البيسمعك يقول اشتريت لابتوب.. لووووووووولز

نجيك في السمح وأرجو أنك تكون ما حضرت الحلقة بتاعة الفنان ياسر تمتام وعازف العود أحمد المك

وأفتكر كان معاهم (فنانة شابة كدا..الله يديني اسمها)... كاااااااااااااك

أو أحيييييييي يا عوضية على قول وهبة..

شكراً والقابلة عندكم في الـ (أفراح)...

Post: #31
Title: Re: ود الطهور.....مصطفى ولدي...(توجد صور وطرائف)
Author: عبدالمنعم الزين
Date: 12-05-2009, 11:52 AM
Parent: #1

اخونا الغالي المبدع محمود ود مصطفي

الف مبروك للعريس مصطفي وان شاءالله نبشر معاك كدا وهو عريس يارب العالمين ...

طبعا اي كلام انت بتكتبه ان بكون بتخيلك والقعدة ومعنا السيد ( حسبو) واخونا الغالي سيد حامد كما يحلو لك ان تسميه ..والعقد الجميل من الاحبة ، فتكون الرسالة معبقة بعطر انفاس هذا الجمع الرائع وبعد كدا شوف البهجة تكون كيف ..؟؟؟

الف مبروك وليدي مصطفي وعليك الله يامحمود زي ماقلت ليك مصطفي دا لما يدخل الجامعة سوي الاتفقنا عليه ..خلاص ياابوي

ودعتك الله

Post: #34
Title: Re: ود الطهور.....مصطفى ولدي...(توجد صور وطرائف)
Author: Mohamed Yassin Khalifa
Date: 12-05-2009, 01:11 PM
Parent: #31

ألف مبروك للعريس مصطفي... ومبروك لأبو مصطفي وأمه
وعقبال نفرح بتخرجه من أعتى الجامعات

ماشاء الله وربي يحفظو...

أها نوصل ليهو هديته دي كيف

Post: #35
Title: Re: ود الطهور.....مصطفى ولدي...(توجد صور وطرائف)
Author: الطيب بشير
Date: 12-05-2009, 01:52 PM
Parent: #34

.
ألف مبروك لمصطفى أول جديد

و الله متمنين شوفتكم أجمعين

يا رب بهم و بآلهم....

.

Post: #36
Title: Re: ود الطهور.....مصطفى ولدي...(توجد صور وطرائف)
Author: Mahmoud Mustafa Mahmoud
Date: 12-05-2009, 02:13 PM
Parent: #31

منعم الزين أبو عصومي الجميل الخالو إسماعيل..

سعدت بوجودك ومباركة العيد والطهور لمصطفى ...

أرجو أن تسمح لنا الأيام بلمة سمحة تجمع الجميلين الحنان كلهم ..

آآآآآآهـ يا منعم.. يا زمان هل من عودة هل هل هل؟؟؟

لا عدمناك يا حبيب