Post: #1
Title: أرض سودانية تتفجر ذهباً ... وغرائب!
Author: Hadeer Alzain
Date: 12-02-2009, 12:38 PM
يا للعجب!!!!
أراضينا في ولاية نهر النيل صارت تنضح ذهبآ ونحن لا ندري 
الذهب الذهب يكاد عقلي يذهب! 
|
Post: #2
Title: Re: أرض سودانية تتفجر ذهباً ... وغرائب!
Author: omer osman
Date: 12-02-2009, 12:46 PM
Parent: #1
| Quote: أراضينا في ولاية نهر النيل صارت تنضح ذهبآ |
اسه حيدر الزين يسمع الكلام ده يلبس لينا عقال ويجي 
هدير .... كل عام وانت بخير .......
|
Post: #3
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-02-2009, 12:48 PM
Parent: #1
الحياة اللندنية
تحت عنوان "أرض سودانية تتفجر ذهباً... وغرائب!"
كتبت الحياة اللندنية تقول:
"توجهت جموع غفيرة من السودانيين، من ولايات عدة، إلى ولاية نهر النيل (شمال السودان)، حالمة بقطعة ولو صغيرة من 'الذهب' الذي أشيع أخيراً انه اكتشف بكثرة في وديان المنطقة، ليس في باطن الأرض، ولكن على سطحها!"
وأضافت:
"حكايات كثيرة لا تعوزها الغرائبية، سردها بعضهم، سواء ممن عادوا من هناك أو من الراغبين في الذهاب. لكنها في معظمها تنتهي بأهمية الحصول على جهاز لكشف الذهب GBX يحدد نطاقاً معيناً للتنقيب ويقترح عمقاً محدداً للحفر."
وتابعت:
"كثر ذهبوا إلى المنطقة من دون هذا الجهاز، وبحثوا بآلات حفر تقليدية وما خاب سعيهم. لكن هول المفأجاة ذهب بعقول بعضهم، فثمة اخوان وجدا برميلاً ممتلئاً بالذهب احدهما راح يصرخ: " دهب ، دهب" ... بينما فرّ الآخر عن المنطقة وهو.. يبكي!"
وأكملت:
"وثمة رجل عاطل من مدينة كسلا قدم إلى المنطقة وما هي إلا ساعة من البحث حتى وجد نفسه يسأل تاجر الذهب عما إذا كانت القطعة التي حصل عليها تساوي شيئاً. وهاله ان التاجر قال له انها تساوى: عربيتين (سيارتين)، وسلمه 120 مليون جنيه كمقابل. لكنها لم تنفعه اذ ان الرجل طفق منذ ذلك اليوم لا يردد إلا كلمة واحدة هي: عربيتين...عربيتين!"
نقلآ عن:
http://arabic.cnn.com/2009/middle_east/12/2/pprs.dec_h2/index.html
...
|
Post: #4
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-02-2009, 01:01 PM
Parent: #3
| Quote: هدير .... كل عام وانت بخير ....... |
يا جنابو إزيك وكل سنة إنت والأسرة بخير وعافية
كدي في الأول أثبت ولا أنفي لينا الكلام دا
عشان لو بقى جد نشد الرحال إليهم .. لي ناس حيدر ديل
Quote: اسه حيدر الزين يسمع الكلام ده يلبس لينا عقال ويجي
|
ههههه
حيدر الزين من غير دهب حامينا القعاد في المنبر دا .. لووووول
بعد العقال دا حا يشتري المنبر ويشوت فينا من طرف
..
|
Post: #5
Title: Re: أرض سودانية تتفجر ذهباً ... وغرائب!
Author: omer osman
Date: 12-02-2009, 01:22 PM
Parent: #4
| Quote: كدي في الأول أثبت ولا أنفي لينا الكلام دا |
كان نفيتو حيدر الزين يقول ليك شوف عينو تمبس اشتري دهب الخطوبة من عطبرة
|
Post: #10
Title: Re: أرض سودانية تتفجر ذهباً ... وغرائب!
Author: HAIDER ALZAIN
Date: 12-02-2009, 02:24 PM
Parent: #5
| Quote: كان نفيتو حيدر الزين يقول ليك شوف عينو تمبس اشتري دهب الخطوبة من عطبرة |
إشتراهو شنو ياعمك كمان ...
الزول دا جاء من جدة الي سواكن وبطريق هيا عطبرة كل ما يمشي اتنين كيلو ينزل
من الظلط يتناول غويشة والا حلق ويواصل سواقة ..
وقت وصل ام درمان كانت الضهرية مستفة فل دهب ..
دا غير الجاء جوة العربية براهو شايلاهو كتاحة عطبرة
ـــ
هدير كل سنة وانتي طيبة والقابلة على امنياتك ..
اسمعي نا تنشري الاخبار دي تجيبي لينا ناس ام در وغيرهم برانا البحر مضايقنا
ما سمعتي بأكل وقش خشمك ..
|
Post: #6
Title: Re: أرض سودانية تتفجر ذهباً ... وغرائب!
Author: Mohammed Ahmed Saeed
Date: 12-02-2009, 01:22 PM
Parent: #4
الاخت هدير
تحية وتقدير
نشكرك على ايراداك الخبر
صراحة موضوع الذهب يشوبة كثير من الغموض ومتابع منذ فترة للموضوع دا وكل الاشياء سماعية وخوفى من انو يبقى ذى فكى الكريميت وصبى رشاد
امل من الاخوة ان كانت لديهم معلومات مؤكدة طرحها بالمنبر
الموضوع ماداخل راسى لانو الجدأ شنو علشان الذهب يطلع الان لانو لو الاودية بها ذهب من زمان الناس بتكون عارفاهو .
او يكون ذهب اجدادنا القدماء ودا شغل ناس الآثار
ولكن ذهب اطلع فجاءة كدة يعنى كانو جاء بى مطرة ( الظهور الفجاءة دا المابركب فى الرأس )
|
Post: #7
Title: Re: أرض سودانية تتفجر ذهباً ... وغرائب!
Author: Mohammed Ahmed Saeed
Date: 12-02-2009, 01:22 PM
Parent: #4
حذف للتكرار
|
Post: #8
Title: Re: أرض سودانية تتفجر ذهباً ... وغرائب!
Author: زهير الزناتي
Date: 12-02-2009, 01:23 PM
Parent: #4
القادمون من ولاية نهر النيل يحكون الأعاجيب فعلاً ... صديقي الصائغ المتمكن ترك متجره وذهب للتنقيب عن الذهب ... حدثني من أثق فيه أن عدد كبير من مواطني عطبرة ... ترك المدينة وذهب إلي أرض الأحلام وهي الصحراء الممتدة من أبو حمد شمالاً حتي الحدود المصرية .. حكي لي أن من يحفر ويجد عرقاً .. تكون الحفرة ملكاً له ... ينصب خيمة ... وينتظر القادمين .... من لا يملكون أجهزة التنقيب ... يحفروا مقابل نصف التراب ... لصاحب الحفرة النصف ... وللحفار النصف الآخر ... وكل شخص وحظه ... التنقيب وفرز التبر يتم بأدوات بدائية في معظم الأحيان ... جهاز كشف المعادن أصبح سعره قبل فترة قرابة المائة مليون جنيه ... في حين أن سعره خارج السودان لا يتعدي الثلاثة ألف دولار .... الآن سعره وصل لأربعون مليون أي أقل قليلاً من العشرين ألف دولار ... هذا للجهاز الأمريكي ... اما الألماني وشاع عنه في السودان بأنه أقل كفاءة من الأمريكي سعره وصل للخمسة وعشرون مليون اي حوالي عشرة ألف دولار ... الحكايات عديدة ... وعلمت أن الحكومة أقفت هذا التنقيب العشوائي إلا أن المساحة الشاسعة لم تمكنها من فرض سيطرتها ... أتوقع في الأيام القادمة تكوين شرطة الذهب ... وهي مختصة بمنع التنقيب العشوائي ....
|
Post: #9
Title: Re: أرض سودانية تتفجر ذهباً ... وغرائب!
Author: معتصم محمد صالح
Date: 12-02-2009, 02:11 PM
Parent: #8
النجيضة ..
الكلام صاااح ... والله الناس خموا خم ..
لكن .. خلاص بح .. مافي زول يفكر يجي ..game over
|
Post: #11
Title: Re: أرض سودانية تتفجر ذهباً ... وغرائب!
Author: سارة كرودى
Date: 12-02-2009, 02:33 PM
Parent: #9
هدير الجميلة كل سنة وانتى طيبة وتحقق كل الامانى الحلوة ,,,
لو عندك خارطة طريق رسليها على الماسنجر ومن دغشأ بدرى عندى مأمورية نهر النيل
وكان اتزرزرته بركب فى خطوط فايبر
|
Post: #12
Title: Re: أرض سودانية تتفجر ذهباً ... وغرائب!
Author: سارة كرودى
Date: 12-02-2009, 02:33 PM
Parent: #9
حزف للتكرار
|
Post: #13
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-02-2009, 03:41 PM
Parent: #12
Quote: كان نفيتو حيدر الزين يقول ليك شوف عينو تمبس اشتري دهب الخطوبة من عطبرة
|
يا جنابو تنفي شنو!! .. شايفة زهير ومعتصم جوا أكدوا الكلام وديل رجال كلامهم ثقة
حيدر الزين المغترب ليها شنو تاني؟؟!! حقو يجي ينصب ليهو عشرة خيام ويجيب عمال منقبين ..
وأهو فرصة جاتو يبقى شيخ عشيرة بعقال .. والعرس بعد دا مثنى وثلاث ورباع وبدهب خام بس
غايتو أيامك يا حيدر الزين!! .. لووووول
.
|
Post: #14
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-02-2009, 04:08 PM
Parent: #13
Quote: هدير كل سنة وانتي طيبة والقابلة على امنياتك ..
|
يا حيدر كل سنة وإنت بخير .. والسنة الجاية زعيم عشيرة كبير بولاية نهر النيل
Quote: إشتراهو شنو ياعمك كمان ...
الزول دا جاء من جدة الي سواكن وبطريق هيا عطبرة كل ما يمشي اتنين كيلو ينزل
من الظلط يتناول غويشة والا حلق ويواصل سواقة ..
وقت وصل ام درمان كانت الضهرية مستفة فل دهب ..
|
يا حيدر الدهب خام تقول لي غووايش وحلقان؟؟؟!! .. لوووول
غايتو كان تمبس لحق المولد دا ... داليا تاني ما تشتري دهب لي أولاد أولادها
| Quote: اسمعي ما تنشري الاخبار دي تجيبي لينا ناس ام در وغيرهم برانا البحر مضايقنا |
ناس أمدرمان هينين ... ياهن أهلنا مننا وفينا
الكعب يجوكم المصريين يحتلوكم ويطلعوكم تابعين للأراضي المصرية
.
|
Post: #15
Title: Re: أرض سودانية تتفجر ذهباً ... وغرائب!
Author: على محمد على بشير
Date: 12-02-2009, 05:34 PM
Parent: #14
Quote: الاخ حيدر
تحية وتقدير
نشكرك على ايراداك الخبر |
قرقرقرقرقرقرقرقرقرقرقر
ما قلنا ليكى زمان قولى لى بكرى يكتب اسمك بالعربى
|
Post: #16
Title: Re: أرض سودانية تتفجر ذهباً ... وغرائب!
Author: hamid brgo
Date: 12-02-2009, 06:01 PM
Parent: #15
اهل الانقاذ يضيقون لكن الله تعالى يفتح على الناس من حيث لا يعلمون
اللهم بارك لنا في ارضنا و ارزقنا
|
Post: #17
Title: Re: أرض سودانية تتفجر ذهباً ... وغرائب!
Author: Ali Sirelkhatim
Date: 12-02-2009, 06:02 PM
Parent: #15
هدير يا زين
كل سنة وانت طيبة والعيد مبارك عليك
كدى هسة موضوع الدهب ده كيفينّو؟انا غايتو عربيتين ما بعملن لى حاجة الا Toyota Dealer بى حاله احتمال.. حتى اجن..
|
Post: #18
Title: Re: أرض سودانية تتفجر ذهباً ... وغرائب!
Author: محمد الفاتح خالد حسون
Date: 12-02-2009, 06:12 PM
Parent: #15
السلام
الاخت هدير عيد مبارك
أهو انا من ام درمان و جيتك
في طلبات مثيرة للشكوك علي الجهاز GPX 4500
و الاقبال عليهو من السودانيين ادي الي انو
الشركة Minegab وهي استرالية و عندها فروع
تاخر الطلبيات حتي من Dealers بتاعينهم ..
المهم : النجيضة رسلنا ليها باشمهندس بي جهازو
و معاو الاب توب مفروض يرد علينا و نحنا في انتظار جودو
لو الحفر و صل امدرمان قولي لينا عووووووووووووووووك
تخريمة
المهندس ........ لو بضل المساخة بتاعتو دي .... ايدنا في قلوبنا أتاري الدنيا هناك مقلوبة
محمد الفاتح
|
Post: #19
Title: Re: أرض سودانية تتفجر ذهباً ... وغرائب!
Author: ياسر بيناوي
Date: 12-02-2009, 06:17 PM
Parent: #18
هدير
كل سنة وانتي طيبة
الموضوع شغال نقزقز فيهو بي جاي
الدهــــــــــــــــــــب
وطبعا العبد لله مشي وشاف
خالص الود
|
Post: #20
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-02-2009, 08:23 PM
Parent: #19
Quote: الاخ حيدر
تحية وتقدير |
الأخ محمد أحمد
تحياتي .. أنا هدير وليس حيدر
| Quote: امل من الاخوة ان كانت لديهم معلومات مؤكدة طرحها بالمنبر |
بعض الأخوة أكدوا الخبر
| Quote: ولكن ذهب اطلع فجاءة كدة يعنى كانو جاء بى مطرة (الظهور الفجاءة دا المابركب فى الرأس ) |
لووول .. يا زول دا خير من ربنا .. أتاهم من حيث لا يحتسبون
ربنا يعم الخير لكل أرجاء الوطن
تحياتي
|
Post: #21
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-02-2009, 08:46 PM
Parent: #20
Quote: القادمون من ولاية نهر النيل يحكون الأعاجيب فعلاً ... صديقي الصائغ المتمكن ترك متجره وذهب للتنقيب عن الذهب ... حدثني من أثق فيه أن عدد كبير من مواطني عطبرة ... ترك المدينة وذهب إلي أرض الأحلام وهي الصحراء الممتدة من أبو حمد شمالاً حتي الحدود المصرية .. حكي لي أن من يحفر ويجد عرقاً .. تكون الحفرة ملكاً له ... ينصب خيمة ... وينتظر القادمين .... من لا يملكون أجهزة التنقيب ... يحفروا مقابل نصف التراب ... لصاحب الحفرة النصف ... وللحفار النصف الآخر ... وكل شخص وحظه ... التنقيب وفرز التبر يتم بأدوات بدائية في معظم الأحيان ...
جهاز كشف المعادن أصبح سعره قبل فترة قرابة المائة مليون جنيه ... في حين أن سعره خارج السودان لا يتعدي الثلاثة ألف دولار .... الآن سعره وصل لأربعون مليون أي أقل قليلاً من العشرين ألف دولار ... هذا للجهاز الأمريكي ...
اما الألماني وشاع عنه في السودان بأنه أقل كفاءة من الأمريكي سعره وصل للخمسة وعشرون مليون اي حوالي عشرة ألف دولار ...
الحكايات عديدة ... وعلمت أن الحكومة أقفت هذا التنقيب العشوائي إلا أن المساحة الشاسعة لم تمكنها من فرض سيطرتها ... أتوقع في الأيام القادمة تكوين شرطة الذهب ... وهي مختصة بمنع التنقيب العشوائي .... |
الأخ المحترم زهير الزناتي
تحية وتقدير
جهيز قطع قول كل خطيب !
بعد كلامك دا مافي شكك أبدآ في الموضوع ..
كان كدا نسرع نشتري لينا جهاز كشف معادن أمريكي
ونجي نلحق المولد دا قبل الحكومة تمنع التنقيب العشوائي
تسلم على المعلومة الوافية وعلى تكرمك بالمرور
تحياتي وتقديري
|
Post: #22
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-02-2009, 10:48 PM
Parent: #21
Quote:
النجيضة ..
الكلام صاااح ... والله الناس خموا خم ..
|
تسلم يا معتصم على النجيضة
إنشاالله يا معتصم حصلت المولد دا وطلعت ليك بكم لوح ذهب كدا
| Quote: لكن .. خلاص بح .. مافي زول يفكر يجي .. |
لوووول .. يعني ما نتعب نجي!!
شكرآ للمعلومة ولحضورك الكريم يا معتصم
|
Post: #23
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-02-2009, 11:13 PM
Parent: #22
| Quote: هدير الجميلة كل سنة وانتى طيبة وتحقق كل الامانى الحلوة |
الحبيبة سارة كرودي
كل سنة وإنتي طيبة .. نقية هكذا .. وبالك مرتاح وأسرتك بخير وعافية
Quote: لو عندك خارطة طريق رسليها على الماسنجر ومن دغشأ بدرى عندى مأمورية نهر النيل
وكان اتزرزرته بركب فى خطوط فايبر |
ههههههههههههه
يا حكومة إنتي الحكومة كللللها معاك تكوسي في خارطة طريق ؟؟؟ ... خلي الحكومة تشوف ليك
طيارة خاصة الصباح دغشآ بدرى ومعاها دليل حريف وإنطلقوا وبسرعة قبل ما يمنع التنقيب العشوائي ..
وما تنسيني من حبة دراب مخلوطة بدهب للذكرى .. وما بتقصري ... لوووول
تسلمي يا عسل على شوفتك هنا ..
.
|
Post: #24
Title: Re: أرض سودانية تتفجر ذهباً ... وغرائب!
Author: Elawad Eltayeb
Date: 12-03-2009, 00:59 AM
Parent: #23
الإستثمار الذكي إنو الواحد يعمل ليهو مصنع محلي لتصنيع أجهزة الكشف عن الذهب!
والأذكى إنو يقنع الشركات المصنعة إنو يكون وكيل حصري مقابل نسبة من المبيعات!
الموضوع ذكرني أفلام الغرب الأمريكي والكاوبويات
خاصة مع غياب الحكومة
وإنشغالها بإقتسام السلطة وتوزيع حصص وأنصبة الذهب الأسود!
وحلم الشرعية من خلال الإنتخابات!
المحزن أن السودان الآن بلد شرعي دون حكومة شرعية،
وأظن عندما تحقق الحكومة حلمها بأن تصبح حكومة شرعية سيصبح السودان حينها بلداً غير شرعي.
وستضطر الحكومة لمفاوضة كل مواطن على حدة لتقتسم معه نصيبها فيما تبقى من السلطة والثروة.
وبدل الناس تقول قلبي على وطني يصبح القول قلبي على ذهبي
الذهب الذهب
يكاد عقلي يذهب
ده حيكون شعار الحزب الحاكم في المرحلة القادمة
|
Post: #25
Title: Re: أرض سودانية تتفجر ذهباً ... وغرائب!
Author: هويدا شرف الدين
Date: 12-03-2009, 06:00 AM
Parent: #24
هدير العسل
كل سنه وانتي طيبه وربنا يحقق الأماني ، طبعا أنا من منطقة المناصير ومن زمن طويل الحكايه دي كانت في وبمشوا حتي الشفع الصغار بعد إنحسار النيل بعد الفيضان بطرق بدائيه وتقليديه وبحصلو علي قطع صغيره جدا والحكايه دي انا شاهدتها عيانا بيانا وبعد كدا ببيعوها للناس البمشو الخرطوم وبدفع ليهم المشتري شئ قليل ، بعد فتره من قبل خمسه سنوات تقريبا سمعت انو كل الناس بقت دي شغلتهم النسوان خلو بيوتهم وزراعتهم وكل زول اهمل اعمالو واهتم بالحكايه دي وقبل حوالي كم شهر ماضيه كل أبناء خالي الذين يخلصون جامعاتهم او في الإجازات بتكون دي شغلتهم البحث بطرق بدائيه وبحصولو علي دهب بس هي عمليه شاقه جدا وما تنسي حراراة الشمس
|
Post: #26
Title: Re: أرض سودانية تتفجر ذهباً ... وغرائب!
Author: MOHAMMED ELSHEIKH
Date: 12-03-2009, 11:35 AM
Parent: #25
المنطقة التي تحوي الذهب هي المساحة التي سوف يغمرها خزان الشريك المنتظر!
|
Post: #27
Title: Re: أرض سودانية تتفجر ذهباً ... وغرائب!
Author: Mohammed Ahmed Saeed
Date: 12-03-2009, 12:31 PM
Parent: #20
الاخت هدير
اسف للخطأ الغير مقصود
|
Post: #29
Title: Re: أرض سودانية تتفجر ذهباً ... وغرائب!
Author: Mohammed Haroun
Date: 12-03-2009, 12:55 PM
Parent: #27
(كان كدا نسرع نشتري لينا جهاز كشف معادن أمريكي
ونجي نلحق المولد دا قبل الحكومة تمنع التنقيب العشوائي)
يا هدير كل سنة وإنت طيبة .... مادام الخبر نزل في سودانيز أون لاين خلاص الحكاية باظت .... يعني كان تكلمينا بالمسنجر سكوتي سكوتي.
أنا قريت الخبر أمس في الصفحة الأخيرة في جريدة الحياة اللندنية ... لكن ما صدقت ... الله يدينا عشان ندي المساكين.
تحياتي
|
Post: #28
Title: Re: أرض سودانية تتفجر ذهباً ... وغرائب!
Author: Mohammed Ahmed Saeed
Date: 12-03-2009, 12:55 PM
Parent: #9
الاخ معتصم
تحية وتقدير
انت ولد الكار اى (ًصائغ) حسب كتاباتك السوق فيهو وارد زيادة من الذهب الخام ولا الموضوع فقاعة كبيرة ذى فكى الكريميت
|
Post: #30
Title: Re: أرض سودانية تتفجر ذهباً ... وغرائب!
Author: معتصم محمد صالح
Date: 12-03-2009, 03:27 PM
Parent: #28
| Quote: انت ولد الكار اى (ًصائغ) حسب كتاباتك السوق فيهو وارد زيادة من الذهب الخام ولا الموضوع فقاعة كبيرة ذى فكى الكريميت |
الأخ محمد ..
الامر حقيقي ( جدا) وقد وردت كميات مهولة من الذهب خلال الفترة الماضية وبصورة ادق يمكن ان اقول لك ان نسبة الزيادة مقارنة بالكميات التي كانت متداولة سابقا يمكن ان تصل الى 300% تقريبا ..
|
Post: #31
Title: Re: أرض سودانية تتفجر ذهباً ... وغرائب!
Author: Mohammed Haroun
Date: 12-04-2009, 12:15 PM
Parent: #30
ارض السودان كلها ذهب ونحاس وخيرات لا أول لها ولا آخر ..... بس متى يستيقظ الناس في السودان ويبحثوا عنها.
قاتل الله السياسة ... كل منك يا السياسة ... أحسن الواحد يبيع بصل في سوق الخضار وما يبقى سياسي متعصب.
نأسف يا صاحبة البوست دخلنا شمال دون أن نأخذ الإذن ....
تحياتي
|
Post: #32
Title: Re: أرض سودانية تتفجر ذهباً ... وغرائب!
Author: هواري نمر
Date: 12-04-2009, 12:27 PM
Parent: #31
الدهب الدهب الدهـــــــــــــــــــب
عقلي ذهب فعلا...... مـــــــــــــــوش كاد أن يذهب
لـــــــــــــــــووووووووووول...
هدير يا صديقة...
تحياتي و اشواقي...
يعني كلامك ده,انو نرجع ونلم دهب الشيلة من الواطة..
و الله...همـــــــــــلة..
لا سوق دهب..
و لادقة البحرين..
ولا ..اوكـــــــــــــــــــامبو..
وما عارف شنو داك...!!
شكرا..للبوست الدهب..
|
Post: #33
Title: Re: أرض سودانية تتفجر ذهباً ... وغرائب!
Author: سالم أحمد سالم
Date: 12-04-2009, 05:32 PM
Parent: #32
"وَأَوْرَثْنَا الْقَوْمَ الَّذِينَ كَانُواْ يُسْتَضْعَفُونَ مَشَارِقَ الأَرْضِ وَمَغَارِبَهَا الَّتِي بَارَكْنَا
فِيهَا وَتَمَّتْ كَلِمَتُ رَبِّكَ الْحُسْنَى عَلَى بَنِي إِسْرَائِيلَ بِمَا صَبَرُواْ وَدَمَّرْنَا مَا كَانَ يَصْنَعُ
فِرْعَوْنُ وَقَوْمُهُ وَمَا كَانُواْ يَعْرِشُونَ" الأعراف
"وَلِسُلَيْمَانَ الرِّيحَ عَاصِفَةً تَجْرِي بِأَمْرِهِ إِلَى الأَرْضِ الَّتِي بَارَكْنَا فِيهَا وَكُنَّا بِكُلِّ شَيْءٍ عَالِمِينَ" الأنبياء
"وَجَعَلْنَا بَيْنَهُمْ وَبَيْنَ الْقُرَى الَّتِي بَارَكْنَا فِيهَا قُرًى ظَاهِرَةً وَقَدَّرْنَا فِيهَا
السَّيْرَ سِيرُوا فِيهَا لَيَالِيَ وَأَيَّامًا آمِنِينَ" سبأ
|
Post: #34
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-05-2009, 11:11 AM
Parent: #33
Quote:
قرقرقرقرقرقرقرقرقرقرقر
ما قلنا ليكى زمان قولى لى بكرى يكتب اسمك بالعربى |
الأخ على محمد على بشير
بس إسمي دا بالإنجليزي عاجبني شديد ...
تشكر على المرور وعلى القرقرة
|
Post: #35
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-05-2009, 11:14 AM
Parent: #34
Quote: اهل الانقاذ يضيقون لكن الله تعالى يفتح على الناس من حيث لا يعلمون
اللهم بارك لنا في ارضنا و ارزقنا |
الأخ حامد برقو
الله يعلم ويرى .. نسأله الخير الوفير لأهل تلك البلاد الطيب أهلها .. القاسي حكامها
|
Post: #36
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-05-2009, 11:28 AM
Parent: #35
Quote: هدير يا زين
كل سنة وانت طيبة والعيد مبارك عليك
كدى هسة موضوع الدهب ده كيفينّو؟انا غايتو عربيتين ما بعملن لى حاجة الا Toyota Dealer بى
حاله احتمال.. حتى اجن.. |
على السر يا دفعة
الدهب المرقك من قهوتك ديك (دفتر الأحوال) أصلو ما هين .. كل سنة وإنت طيب والسنة دي عندك Toyota Dealer
الدهب قالو رقد هبطرش على سطح الأرض في في بعض أجزاء السودان .. دحين ألحق إشتري ليك
جهاز كشف معادن أمريكي (قالو دا أحسن نوع) وأمشي السودان .. وكان لقيت التنقيب العشوائي منعو
بيع الجهاز للحكومة وتعال راجع أعمل ليك بيزنس أجهزة تنقيب معادن مع الحكومة. فكرة مش؟؟؟
تحاياي لكم
|
Post: #37
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-05-2009, 11:33 AM
Parent: #36
Quote: هدير
كل سنة وانتي طيبة
الموضوع شغال نقزقز فيهو بي جاي
الدهــــــــــــــــــــب
وطبعا العبد لله مشي وشاف
|
الأخ ياسر بيناوي .. كل عام وإنت بخير
وشكرآ على الرابط .. وبالله ما تبخل علينا بالحكي بجاي برضو
شكرآ على مرورك الكريم
|
Post: #38
Title: Re: أرض سودانية تتفجر ذهباً ... وغرائب!
Author: النذير حجازي
Date: 12-05-2009, 11:40 AM
Parent: #37
| Quote: الذهب الذهب يكاد عقلي يذهب |
يا هدير دي بركات أهلنا وشيوخنا المناصير، شوفتي كيف بعد ضم المناصير لولاية نهر النيل تفجرت كلها
ذهباً
|
Post: #39
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-05-2009, 11:44 AM
Parent: #37
Quote:
الاخت هدير عيد مبارك
أهو انا من ام درمان و جيتك
في طلبات مثيرة للشكوك علي الجهاز GPX 4500 |
الأخ محمد الفاتح خالد حسون .. كل سنة وإنت بعافية أخي
ناس معتصم محمد صالح أهل الشي زاااتا .. قالو خلاص المولد إنفض
يعني يا ناس أمدرمان أجهزتكم الراجينها دي إستكشفو لينا بيها أرض غنية
بمعادن في منطقة أخرى من أراضينا الشاسعة الغنية جدآ ... كدي أمشو جهة دارفور ديك
ربنا يديم خيرو علي أهلنا الطيبين وشرفنا مرررك أخي
|
Post: #40
Title: Re: أرض سودانية تتفجر ذهباً ... وغرائب!
Author: emad altaib
Date: 12-05-2009, 11:50 AM
Parent: #39
ـــ
الأخت هدير الزين سلامات وكل سنة وإنت بخير ومن معك
الشيء الذي طلعت بهو من خلال بوستات الذهب هو
إن الذين كنزوا الذهب هم أصحاب شركات الأجهزة .
|
Post: #41
Title: Re: أرض سودانية تتفجر ذهباً ... وغرائب!
Author: emad altaib
Date: 12-05-2009, 11:53 AM
Parent: #40
ــــ
عشان كدي شوفوا لينا أصحاب ووكلاء شركات الأجهزة ديل منو ؟!
|
Post: #62
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-06-2009, 09:35 PM
Parent: #41
| Quote: عشان كدي شوفوا لينا أصحاب ووكلاء شركات الأجهزة ديل منو ؟! |
ياعماد الطيب سؤالك دا نوجهو لأسياد الشأن .. أو للأخوين معتصم محمد صالح وزهير الزناتي
|
Post: #61
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-06-2009, 09:29 PM
Parent: #40
Quote:
الأخت هدير الزين سلامات وكل سنة وإنت بخير ومن معك
الشيء الذي طلعت بهو من خلال بوستات الذهب هو
إن الذين كنزوا الذهب هم أصحاب شركات الأجهزة . |
عماد الطيب ...
تحياتي وكل سنة وإنت بصحة وعافية
عاد مابقدر أفتي ليك قدر دا ... لكن يقال أن معظم المواطنين ساكني المنطقة
وما حولها إستخدمو أيضآ طرق بدائية لذلك ..
تسلم
|
Post: #42
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-05-2009, 12:17 PM
Parent: #39
Quote: هدير العسل
كل سنه وانتي طيبه وربنا يحقق الأماني |
السيد المدير هويدا
ووييينك إنتي يختي ؟؟؟!!! شوق شديد والله ...
كل سنة وإنتي بخير وترفلي في نعيم وصحة وعافية ودهب
| Quote: طبعا أنا من منطقة المناصير ومن زمن طويل الحكايه دي كانت في وبمشوا حتي الشفع الصغار بعد إنحسار النيل بعد الفيضان بطرق بدائيه وتقليديه وبحصلو علي قطع صغيره جدا والحكايه دي انا شاهدتها عيانا بيانا وبعد كدا ببيعوها للناس البمشو الخرطوم وبدفع ليهم المشتري شئ قليل، بعد فتره من قبل خمسه سنوات تقريبا سمعت انو كل الناس بقت دي شغلتهم النسوان خلو بيوتهم وزراعتهم وكل زول اهمل اعمالو واهتم بالحكايه دي وقبل حوالي كم شهر ماضيه كل أبناء خالي الذين يخلصون جامعاتهم او في الإجازات بتكون دي شغلتهم البحث بطرق بدائيه وبحصولو علي دهب بس هي عمليه شاقه جدا وما تنسي حراراة الشمس |
أتاريك يا بت المناصير لابدة كدا فوق راي ههههه
طيب يا سيادة المدير ما نجي نتشارك ونفتح لينا صايغ أفرنجي حدادي مدادي في السوق الأفرنجي
وإنتي تعالي أمسكي دوام المساء .. يعني تبقي مديرين .. رايك شنو ؟؟؟!
تسلمي على الطلة الحلوة وعلى المعلومة المهمة الكتبتيها دي
بس تاني أهلك المناصير ديل تعبو معانا ... هههه
تسلمي يا دهب
.
|
Post: #43
Title: Re: أرض سودانية تتفجر ذهباً ... وغرائب!
Author: عصام دقداق
Date: 12-05-2009, 12:27 PM
Parent: #42
يااخوانا جهاز التنقيييييب دا بييييي كم وبنلقااااه وييييييييين
سرعة دلونــــــــي مافي وقت وكتموا الموضوع دا هنا بس
|
Post: #63
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-06-2009, 09:40 PM
Parent: #43
Quote: يااخوانا جهاز التنقيييييب دا بييييي كم وبنلقااااه وييييييييين
سرعة دلونــــــــي مافي وقت وكتموا الموضوع دا هنا بس |
يا عصام إزيك
يؤسفني أقول ليك Too Late
وراجع ردود الأخوة زهير الزناتي ومعتصم محمد صالح
|
Post: #44
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-05-2009, 12:33 PM
Parent: #42
Quote: الإستثمار الذكي إنو الواحد يعمل ليهو مصنع محلي لتصنيع أجهزة الكشف عن الذهب!
والأذكى إنو يقنع الشركات المصنعة إنو يكون وكيل حصري مقابل نسبة من المبيعات!
|
الأخ العوض الطيب تحياتي .. وجبت النجيضة
Quote: الذهب الذهب
يكاد عقلي يذهب
ده حيكون شعار الحزب الحاكم في المرحلة القادمة |
هم هسه مشغولين بالدهب الأسود .. والفوز بأي تمن في الإنتخابات
مافاضين لي لقيط زي دا .. قول بكونو هيمنو على تجارة إستيراد أجهزة الإستكشاف
شكرآ على الكلام المليان ...
|
Post: #45
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-05-2009, 12:38 PM
Parent: #44
| Quote: المنطقة التي تحوي الذهب هي المساحة التي سوف يغمرها خزان الشريك المنتظر! |
الأخ محمد الشيخ شكرأ على المعلومة المهمة
|
Post: #46
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-05-2009, 12:41 PM
Parent: #45
Quote: الاخت هدير
اسف للخطأ الغير مقصود |
الأخ محمد أحمد سعيد .. لا عليك أخي وأشكرك على المرور تاني
تسلم
|
Post: #47
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-05-2009, 12:48 PM
Parent: #46
Quote: يا هدير كل سنة وإنت طيبة ....
مادام الخبر نزل في سودانيز أون لاين خلاص الحكاية باظت .... يعني كان تكلمينا بالمسنجر سكوتي سكوتي.
أنا قريت الخبر أمس في الصفحة الأخيرة في جريدة الحياة اللندنية ... لكن ما صدقت ... الله يدينا عشان ندي المساكين.
تحياتي |
الأخ محمد هارون ... كل عام وإنت بخير والسودان بخير
سكوتي سكوتي كيف مع جريدة الحياة اللندنية أم خشم خفيف دي؟؟؟ لووووول
غايتو تكون بخفة خشما دي خربت علي ناس كتيرين
تسلم أخي ...
|
Post: #48
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-05-2009, 02:03 PM
Parent: #47
| Quote: الامر حقيقي ( جدا) وقد وردت كميات مهولة من الذهب خلال الفترة الماضية وبصورة ادق يمكن ان اقول لك ان نسبة الزيادة مقارنة بالكميات التي كانت متداولة سابقا يمكن ان تصل الى 300% تقريبا .. |
شكرآ أخي معتصم محمد صالح
|
Post: #49
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-05-2009, 02:07 PM
Parent: #48
Quote:
نأسف يا صاحبة البوست دخلنا شمال دون أن نأخذ الإذن ....
تحياتي |
الأخ محمد هارون ... البيت بيتك ياخ ..
تشرف تاني وتالت ورابع ..
تحياتي
|
Post: #52
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-05-2009, 02:16 PM
Parent: #49
Quote: الدهب الدهب الدهـــــــــــــــــــب
عقلي ذهب فعلا...... مـــــــــــــــوش كاد أن يذهب
لـــــــــــــــــووووووووووول...
لولين ... 
|
Quote: هدير يا صديقة...
يعني كلامك ده,انو نرجع ونلم دهب الشيلة من الواطة..
و الله...همـــــــــــلة..
لا سوق دهب..
و لادقة البحرين..
ولا ..اوكـــــــــــــــــــامبو..
وما عارف شنو داك...!!
شكرا..للبوست الدهب.. |
بس ياهواري ما تنسى تجيب معاك جهاز لقيط الشغلة من الواطة
والعرس بدهب خام، بس تقنع العروس كيف؟؟!!!!
غايتو عشان تقتنع كتر ليها من الفالصو وأصلو هو الموضة اليومين دي
تسلم أخوي ..
|
Post: #51
Title: Re: أرض سودانية تتفجر ذهباً ... وغرائب!
Author: Munir
Date: 12-05-2009, 02:15 PM
Parent: #48
غايتو الأنا بعرفه إنو من زمن كنا بنسافر بقطر كريمة وأنا صبي كنت ألاحظ أن رمال ولاية نهر النيل ترقش من كثرة المايكا المنتشرة فوقها زي قشر السمك !!..
|
Post: #53
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-05-2009, 02:27 PM
Parent: #33
الأستاذ سالم أحمد سالم
أشكر لك آيات الذكر الحكيم التي زينت بها البوست
وأشكر لك مرورك الكريم الذي أثلج صدري .. وما عدمناك
|
Post: #50
Title: Re: أرض سودانية تتفجر ذهباً ... وغرائب!
Author: Osman Musa
Date: 12-05-2009, 02:13 PM
Parent: #3
عزيزتنا هدير
سلامات
جد جد يا هدير الواحد فرحان وخايف ويرجف من الخوف .
تفكير الشركات الأمريكية فى الحاصل عندنا هناك تفكير كعب وصعب ومخيف .
هم شايفين كل شىء . يا هدير الشغل ده تحت جبال .. جبال . ربك يسهل .
تحياتى
وعندى ليك خبر عجيب كمان .
|
Post: #54
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-05-2009, 02:36 PM
Parent: #50
Quote: يا هدير دي بركات أهلنا وشيوخنا المناصير، شوفتي كيف بعد ضم المناصير لولاية نهر النيل تفجرت كلها
ذهباً |
الأخ النذير
يعني طلعت قريب هويدا وكدا ..
ربنا يديم خيرو عليكم ... خير غير منقطع
وبركات شيوخكم دي تفجر خير وبركة لكل أهل السودان
تحياتي لك
|
Post: #55
Title: Re: أرض سودانية تتفجر ذهباً ... وغرائب!
Author: Munir
Date: 12-05-2009, 02:39 PM
Parent: #54
تحياتي للأخت هدير ..
وتحيات للأخ عثمان موسي .. وياعثمان ياخ كلامك بقي يخوف .. يازول فته هنا ورينا الحاصل شنو؟؟ ..
|
Post: #56
Title: Re: أرض سودانية تتفجر ذهباً ... وغرائب!
Author: سالم أحمد سالم
Date: 12-05-2009, 02:58 PM
Parent: #50
الأستاذة هدير .. مش هديل يعني؟
الآيات الكريمة تشير إلى الأرض التي بارك الله فيها وحولها ..
كثير من المؤرخين اليهود يعتقدون أن كنوز نبي الله الملك سليمان
من هي من أرضكم هذه الواقعة بين النيل شرقا حتى ساحل البحر الاحمر
ولا شك ولا جدال أن كنوز وذهب حضارات النيل، المسماة جورا بالفرعونية،
هي أيضا من نفس هذه المنطقة ..
والمؤرخون العرب ألفوا كتبا في استخراج الذهب والاحجار الكريمة من ذات المنطقة
وبالمناسبة العمالة كانت تأتينا من نفس المنطقة المسماة اليوم بالمملكة
العربية السعودية .. وكان السودانيون خاصة البجا يكرمون وفادتهم ويطعمونهم
ويصرفون لهم بالذهب والالماس .. تصوري يا هدير ..!!
وفي بحث شيق للدكتور جعفر ميرغني يعتقد أن سبأ كانت في السودان ""شيبا" اليوم
وأن بلقيس هي "بلاقيس" الملكة الفرعونية ..
هنا تلتقي العناصر المكونة للفكرة: سيدنا سليمان، سبأ، فرعون ..
وهي العناصر التي وردت في الايات الكريمة ..
وهذه الأرض .. أو هذا الجزء من سودان اليوم كانت المصدر لذهب ومعادن
ونفائيس تلك الحضارات وأحجارها الكريمة ..
وهي المنطقة الاقرب المرتبطة بالاحداث التي وردت في الايات الكريمة
من قصة سيدنا سليمان إلى سبأ ثم فرعون ,, والذهب يقع بينها موقع
القاسم المشترك الاقتصادي الخطير .. الذي يشعل الحروب ويصنع الطغاة ..
هو ذات الذهب الذي أهدته بلقيس للنبي سليمان .. حتى لو كانت بلقيس في اليمن
فاليمن فركة كعب من هذه المنطقة .. ولا يوجد ذهب في اليمن .. ولا ملكات نساء ..
هل عاد من شك أن أرض السودان هي الأرض التي بارك الله حولها وفيها؟
لهذا اوردت الايات القرانية الكريمة
لك المودة
سالم أحمد سالم
|
Post: #57
Title: Re: أرض سودانية تتفجر ذهباً ... وغرائب!
Author: محمد الفاتح خالد حسون
Date: 12-05-2009, 04:52 PM
Parent: #56
Quote:
يعني يا ناس أمدرمان أجهزتكم الراجينها دي إستكشفو لينا بيها أرض غنية
بمعادن في منطقة أخرى من أراضينا الشاسعة الغنية جدآ ... كدي أمشو جهة دارفور ديك
|
السلام
الاخت هدير
مصداقية لي كلام المتداخلين
محمد علي باشا دخل السودان
من اجل الرجال و الذهب
شيوخنا المناصير كان محوطنوا من الوقت داك
لانو الكاشف اخوي الكاشف بتاعو بشتغل في الخرطوم
و بكضم في جهات ابو حمد و المناصير
لحدي ما نحل اللغز دا سالم محمد سالم معانا
اقصد احمد لو ممكن يلقي ليها تفسير علمي
وانا علي قولك شنقلي طوباية تلقي لي دهبايا
دي ما قالوها ساي لاكن بشوف القلب ما العين
|
Post: #58
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-06-2009, 01:11 PM
Parent: #57
Quote: الآيات الكريمة تشير إلى الأرض التي بارك الله فيها وحولها ..
كثير من المؤرخين اليهود يعتقدون أن كنوز نبي الله الملك سليمان
من هي من أرضكم هذه الواقعة بين النيل شرقا حتى ساحل البحر الاحمر
ولا شك ولا جدال أن كنوز وذهب حضارات النيل، المسماة جورا بالفرعونية،
هي أيضا من نفس هذه المنطقة ..
والمؤرخون العرب ألفوا كتبا في استخراج الذهب والاحجار الكريمة من ذات المنطقة
وبالمناسبة العمالة كانت تأتينا من نفس المنطقة المسماة اليوم بالمملكة
العربية السعودية .. وكان السودانيون خاصة البجا يكرمون وفادتهم ويطعمونهم
ويصرفون لهم بالذهب والالماس .. تصوري يا هدير ..!!
وفي بحث شيق للدكتور جعفر ميرغني يعتقد أن سبأ كانت في السودان ""شيبا" اليوم
وأن بلقيس هي "بلاقيس" الملكة الفرعونية ..
هنا تلتقي العناصر المكونة للفكرة: سيدنا سليمان، سبأ، فرعون ..
وهي العناصر التي وردت في الايات الكريمة ..
وهذه الأرض .. أو هذا الجزء من سودان اليوم كانت المصدر لذهب ومعادن
ونفائيس تلك الحضارات وأحجارها الكريمة ..
وهي المنطقة الاقرب المرتبطة بالاحداث التي وردت في الايات الكريمة
من قصة سيدنا سليمان إلى سبأ ثم فرعون ,, والذهب يقع بينها موقع
القاسم المشترك الاقتصادي الخطير .. الذي يشعل الحروب ويصنع الطغاة ..
هو ذات الذهب الذي أهدته بلقيس للنبي سليمان .. حتى لو كانت بلقيس في اليمن
فاليمن فركة كعب من هذه المنطقة .. ولا يوجد ذهب في اليمن .. ولا ملكات نساء ..
هل عاد من شك أن أرض السودان هي الأرض التي بارك الله حولها وفيها؟
لهذا اوردت الايات القرانية الكريمة
لك المودة
سالم أحمد سالم |
...
|
Post: #66
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-06-2009, 10:03 PM
Parent: #57
Quote:
مصداقية لي كلام المتداخلين
محمد علي باشا دخل السودان من اجل الرجال و الذهب
شيوخنا المناصير كان محوطنوا من الوقت داك
لانو الكاشف اخوي الكاشف بتاعو بشتغل في الخرطوم
و بكضم في جهات ابو حمد و المناصير
لحدي ما نحل اللغز دا سالم محمد سالم معانا
اقصد احمد لو ممكن يلقي ليها تفسير علمي
|
الأخ محمد الفاتح
هنالك كثير من الظواهر الغريبة في الحياة والتي وقف التفسير العلمي أمامها حائرآ حتى الآن
بدوري أوجه سؤالك للأستاذ العلامة سالم أحمد ولأهل الشأن
لعل وعسى نعرف معاك .. ونجد تفسير يشفي بعض غليل
تحياتي وتقديري
|
Post: #59
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-06-2009, 09:13 PM
Parent: #56
Quote: الأستاذة هدير .. مش هديل يعني؟
الآيات الكريمة تشير إلى الأرض التي بارك الله فيها وحولها ..
|
Quote:
لهذا اوردت الايات القرانية الكريمة
لك المودة
سالم أحمد سالم
|
الأستاذ الفاضل سالم
تسلم على التفسير المذهل ومنكم نتعلم إذ سبرت لي غور بعض الأشياء
وما عدمناك وشرفنا حضورك الكريم مرة أخرى للبوست
مع فائق الإحترام
هدير
|
Post: #60
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-06-2009, 09:21 PM
Parent: #59
Quote: غايتو الأنا بعرفه إنو من زمن كنا بنسافر بقطر كريمة وأنا صبي كنت ألاحظ أن رمال ولاية نهر النيل
ترقش من كثرة المايكا المنتشرة فوقها زي قشر السمك !!..
|
الأخ منير .. تحياتي
قلت لي رمال حلتهم ترقش من الزمن داك وهم ما جايبين ليها خبر؟ لووول
تسلم أخي على زياراتك لنا وما تنقطع
|
Post: #65
Title: Re: أرض سودانية تتفجر ذهباً ... وغرائب!
Author: محمد النيل
Date: 12-06-2009, 09:58 PM
Parent: #60
| Quote: قلت لي رمال حلتهم ترقش من الزمن داك وهم ما جايبين ليها خبر؟ |
و هذا هو الإسم الحقيقى و السبب الذى أشتق منه إسم النوباأى أرض الذهب لكثرة الذهب على أرضها
حيث كلمة ذهب فى اللغة النوبية هى نب بضم النون و سكون الباء عند الدناقلة وبكسر النون عند المحس
|
Post: #64
Title: Re: أرض سودانية تتفجر ذهباً ... وغرائب!
Author: Hadeer Alzain
Date: 12-06-2009, 09:48 PM
Parent: #50
Quote: عزيزتنا هدير
سلامات
جد جد يا هدير الواحد فرحان وخايف ويرجف من الخوف .
تفكير الشركات الأمريكية فى الحاصل عندنا هناك تفكير كعب وصعب ومخيف .
هم شايفين كل شىء . يا هدير الشغل ده تحت جبال .. جبال . ربك يسهل .
تحياتى
وعندى ليك خبر عجيب كمان . |
يا عثمان إزيك يا أخوي
وكلامك دا مالو يخوف كدا؟؟؟؟؟؟!!!
والخبر العجيب راجي بيهو شنو يا أخوي؟
راجي البيرمشن مني ولا شنو؟ أها أديناك لي ومعاهو الأمان كمان
في إنتظار مجيئك الكريم مرة أخرى
تحياتي وتقديري
|
Post: #67
Title: Re: أرض سودانية تتفجر ذهباً ... وغرائب!
Author: سالم أحمد سالم
Date: 12-07-2009, 01:27 AM
Parent: #64
المنطقة الممتدة من النيل حتى ساحل البحر الأحمر
يطلق عليها اسم "أرض المعدن" منذ آلاف السنين ..
يقول المؤرخ الأسواني "ابن سليم الاسواني (بلدانهم، ويقصد البجا، كلها معادن
والذهب أجود وفيها معادن الفضة والنحاس والحديد والرصاصوحجر المغنطيس والرقشتا
والزمر وغير ذلك" ..
ويقول المسعودي في مروج الذهب "أما البجا فإنها بين بحر القزم
،ويقصد البحر الأحمر، ونيل مصر وفي أرضهم معدن الذهب ومعادن الزمرد" ..
ويقول الجاحظ "ليس في الدنيا معدن الزمرد غير هذا الموضع" ويعني هذه المنطقة
الممتدة من البح الاحمر حتى النيل ..
على شاطئ البحر الاحمر داخل الاراضي السودانية اليوم نشأت أكبر ميناء هي ميناء
"عيذاب" فكانت أكبر مركز تجاري عالمي بسبب الذهي والمعادن المستخرجة من هذه المنطقة
وأيضا لموقعها بين حضارات العالم
با هدير فرنسا تستخرج من هذه المنطقة حوالي خمسة أطنان من الذهب
في العام .. وهذا الرقم كان عند بداية الانتاج بواسطة شركة "أرياب"
قبل أكثر من عشر سنوات .. طبعا لابد أن الانتاج قد تضاعف .. أما العائدات
بتمشي وين .. أسالي الحكومة .. ولن تحصلي على اجابة
ميزة الذهي في هذه المنطقة أنه يتواجد على شكل "عروق" سطحية
أي أنه لا يحتاج إلى خفر عميق مثل مناجم جنوب أفريقيا .. ويقوم
الفرنسيون باستخراجه لواسطة الماء .. مجرد ضخ الماء تظهر عروق
الذهب .. المشكلة ليست في قله الذهب هنا .. بل في شح الماء اللازم
لعمليات غسيل التربة ..!!
جبال البحر الأحمر يا هير اسمها "جبال المسامير" وكل الطيارين الذين يحلقون
فوق هذه الجبال يعرفون هذه الحقيقة ..
في باريس كنا والرحل صلاح أحمد ايراهيم نتحدث في حسرة عن هذه الثروة الضخمة
التي يمكن أن تحول السودان إلى أكبر قوة اقتصادية في المنطقة لأنها تتكامل
مع ثروات السودان الأخرى المائية والزراعية .. وطبعا البشرية ..
داخل مياه الحر الأحمر يرقد "كنز البحر الأحمر" .. مئات آلاف الأطنان من المعادن ..
وقد كان من المفترض أن يتم استخراجه مناصفة بين السودان والسعودية .. لكن السعودية
طلبت حصة أكبر .. وقال السعوديون نخليهو للاجيال القادمة .. السعودية طبعا ..!
هذا التراكم المعدني دليل حاسم على أن هذه الأرض تحوي من المعادن ما لم تره عين
ولم يخطر على قلب .. البترول لا شيء في القياس ..
عرفت لبه يا هدير نحن خارج السودان؟ .. لأننا نعرف الطريق .. ونرفض الطاعة !!
لك مودة برغم أنك فتحت فينا "عرق" الوجع هذا ..
عاورة ليكي خارطة توريك وين تحفري تلقي دهب تحته دهب؟
المشكلة لو نشرتها ليك هنا "الجماعه" حيسبقوك على المكان ..
لك المودة
بعدين أنشري صورتك الحقيقية .. !!
|
|