عاصم البنا كتره الطله بتمسخ خلق الله

بعد أن تشبعنا طوا شهر رمضان بطله عاصم البنا ورفاقه في أغاني وأغاني

كان من الجيد أن يمنح عاصم المشاهدين الفرصه للشوق له ولصوته

لكن يبدو إن ذكائه الفني قد خانه هذه المره

بالامس ومن خلال قناه النيل الأزرق أطلنا علينا عاصم في برنامج ضم إلى جانبه الهرم الحلنقي

وأحمد دوله وكان برنامج أبدع فيه عاصم في الغناء والتطريب

لنفأجأ اليوم ومن خلال الفضائيه السودانيه بعاصم مره أخرى وبرضو برنامج على الهواء في فتره الظهيره

وهو تقريباً نفس زمن بث حلقه الأمس على الهواء

حقيقه لم اتابع الحلقه لشعوري بإن كثره الطله بتمسخ خلق الله

سلام فدياس ..

كان قبل فترة منشور في الصحف هنا رسم كاريكاتوري فيهو عمارتين واحدة مكتوب فيها النيل الأزرق والتانية مكتوب فيها التلفزيون القومي ، وراسمين فنانين شايلين أعواد وهم طالعين من التلفزيون القومي وماشين على النيل الازرق ..!

قبل فترة سألت واحد من الصحفيين عن الحاصل قال لي الفنانين والعازفين ديل اساسا بيكونوا موجودين (أراوند) .. وبعد كل فترة بيطلع واحد من مقدمي البرامج بيشوف الفنان الجاهز منو يقوم يناديهو للتسجيل ..

هذا والله أعلم ..

وكل عام وإنت بخير ..