السيد الصادق المهدى رئيس الوزراء الشرعى

هذه هى الحقيقة هذا الرجل هو الوحيدالذى اتى الى الحكم عن طريق الشعب عبر انتخابات نزيهة لاتشوبها شائبة 0 لذلك كل الشعب لو كان أمين فليقف خلف هذا الرجل والا العار العار يا شعب يا جبان 0فعلا أنا محتار كيف شعب صاحب تاريخ يترك حقه يضيع لذا أنا كجزء من هذا الشعب أطالب بشدة بعودة السيد رئيس الوزراء الشرعى الى السلطة وباسرع فرصة حتى لو يكلف ذلك الموهج والارواح والجهاد فى ذلك واجب وهذا حق كفله الاسلام وهذا هو الجهاد الحقيقى 0ذى ما بقول المثل : خلى أمك للرجال ما تخلى حقك للرجال 0ده لو كانوا هم رجال 0واعادة السيد الصادق المهدى الى السلطة يجب أن تكون فورية لانه لاتصلح انتخابات فوق انتخابات هذه جريمة يعاقب عليها الشرع 0يعنى معنى الكلام ده هذه العشرين سنة بنص الشرع والقانون 0يعنى الناس لو صادقة عائزة انتخابات وأيضا المجمتع الدولى صادق عليه بتطبيقالقانون الدولى بان يذهب كل من اشتركفى انقلاب 89 أن يقدم الى محكمةالجنايات الدولية والا الشعب السودانى يحاكمهم بمقاطعة الانتخابات لانهم غير شرعيين وأى شئ يبنى على الباطل فهو باطل لذا البشير ونوابه باطل والمؤتمر الوطنى باطل 0فالحق هو السيد الصادق المهدى كرئيس وزراء شرعى هو وحكومته 0يجب اعادتهم الى الحكم فورا اذاكانت هناك جدية من قبل المجتمع الدولى هذه هى القضية الاولى التى تقود اللص البشير وبطانته الى محكمة الجنايات الدولية بعد أن يعود الحق الاول لاصحابه بعد ذلك القضية الثانية هى قضية دار فور 0عشان كدى أن بقول فى السيد الصادق المهدى رئيس الوزراء الشرعى 0
مرحب حباب قائد الآمة حفيد الآمام عزيمة وهمة
ما بهمه الصحفى عديم الذمة ولا الشولة وصيفة الضمة
ولا الضابط صقر الرمة ولا السياسى الشاتر العمة
ولا الشيوعى ود ناس يمة بهمه الطفل بذرة الامة

Quote: خلى أمك للرجال ما تخلى حقك للرجال

والله كلام يا




بكري

الاخ فتحى الصديق طبعا المثل دة عشان يحرك الناس الذيك 0

الله اكبر ولله الحمد

الصادق ده الاداها لناس الجبهة ولا غيرو
مش ياهو نفس الزول الماطل في حكومة الجبهة الوطنية لحدي ما جاء انقلاب 30 يونيو
ياخي الصادق ده ما يصلح رئيس ختة خليك من رئيس وزراء
مشكلتو انه ما اشتغل اي حاجة غير رئيس وزراء
لا موظف حكومة
لا اداري
لا محامي
لاقاضي
اتولد رئيس حزب الامة
وقفل علي كده
عشان كده ما بغير السودان
انه شخص غير بعيد الافق
للأسف

أتخيل يا أبو خالد سنة 80 يعنى لسع ناس أبوك نميرة الله يرحمهحاكمين فى لقاء فى مدينة الدويم بالنيل الابيض شاعر لاأنصارى ولاحزب أمة عمل قصيدة فى السيد رئيس الوزراء الشرعى ال هو السيد الصادق المهدى هذا الشاعر المثقف ما قدر يخفى مشاعره تجاه الصادق المهدى وعمل قصيدة تتحدث عن قوة الصادق المهدى من ضمن ألابيات من قصيدة هذا الشاعر وهو يتحدث عن السيد الصادق المهدى : من جهة أبوك معروف ومن جهة أمك جدك كسار قلم ميكميل
هذا هو الذى تفترون عليه يا أشباه الرجال 0لكن فاليعلم الجميع ان السيد هو سيد الكل يا حاقدين 0لذلك نحن جاهزين لكل رد 0

الله اكبر ولله الحمد

عاش الصادق امل الامة

Quote: الصادق ده الاداها لناس الجبهة ولا غيرو مش ياهو نفس الزول الماطل في حكومة الجبهة الوطنية لحدي ما جاء انقلاب 30 يونيو ياخي الصادق ده ما يصلح رئيس ختة خليك من رئيس وزراء مشكلتو انه ما اشتغل اي حاجة غير رئيس وزراء لا موظف حكومة لا اداري لا محامي لاقاضي اتولد رئيس حزب الامة وقفل علي كده عشان كده ما بغير السودان انه شخص غير بعيد الافق للأسف

ابوخالد كل عام وانت بخير
معلوماتك دى كلها خطأ
اولا الصادق كان موظف فى حكومه السودان واستقال بعد انقلاب عبود واشتقل بالزراعه والتجاره بجانب العمل السياسى...
تانيه حكايه ماطل فى حكومه الجبهه الوطنيه دى ماقدرت افهما لان الصادق كان منتخبا بواسطه الجماهير عن طريق الديمقراطيه النيابيه ولذلك تم تشكيل وتعديل حكوماته فى الثلاث السنوات من هذا التفويض..ورغم ذلك تم تكوين حكومه ائتلافيه من معظم اعضاء البرلمان او ماكان يعرف بالجمعيه التاسيسيه انذاك واخر حكومه كانت تشمل كل الطيف السياسى عدا الجبهه لانها كانت تعد للانقلاب على راى الشعب على الرغم من مشاركتهم فى حكومه الوفاق..
تحرى معلوماتك ياحبيب...واذا كنت تؤمن بالديمقراطيه فمن حق اى شخص او قوه اختارها الشعب ان تحكم من غير اى توصيه ودى مشكله بعض القوه التى حاربت الديمقراطيه بالاضطرابات والمؤامرات حتى خيل للمواطن البسيط بان الديمقراطيه تعنى المطالبات السياسيه الكيديه واحتكار السلع الاساسيه واعدامها حتى يثور الشعب او يتقبل اى بديل ....

دودى

بعيداً عن نجاح أو فشل إدارة الصادق المهدي للحكم.
يجب تأطير الصراع ما بين شرعية دستورية مسلوبة وقوة عسكرية/مدنية إنقلابية



كسرة:

أخونا صديق مهدي أنت من وين في بحر أبيض شايفك جبت طاري الدويم.

ألاخ اسماعيل وراق تحية طيبة وأنشاء الله عيد سعيد وكل الاهل بخير 0والله يا اسماعيل أنا عربى من بحر أبيض وزول مسكين من قرية نعيمة التىاشتقت لها كثيرا وأنشاء الله عودة يا نعيمة 0 أما عن ردك دبلوماسي وجميل ودة قصدى ما دام فى شرعية الناس تفتش عنها وتحميها لان الضحية المواطن ولا شنو يا ود وراق 0

ابو الروفه

إنت لسع معول على الزول ده

ياخي انا قلته اميركا غيرتك شويه

وينك يا حبيب

أزيك يا ود الاخت وأنشاء الله الاخت وفاء واولادكم بخير وعيد سعيد وربنا يحفظكم فى الغربة البطالة دى 0والله يا ود ألاخت المثل بقول الما عنده قديم ما عنده جديد 0وأنا انسان سيد رايحة والمثل بقول سيد الرايحة فتح خشم البقرة طبعا ما المقصود عمر محمد الطيب 0ودالاخت ودعتك الله لحد ما نتقابل 0عليك الله يا نادر أنا كاتب عن تبيرة ادريس ومعاوية وعبدالمنعم رحمهم الله جميعا كاتب كلام جميل عنهمعليك الله أطلع عليه وقول رأيك فيه وشكرا ليك يا ود الاخت 0أسع أنا على الكمبيوتر 0

الاخ صــديق مهــدى

كـل عـام وانتم بخـير
وحـبابك عـشـره معانا فـى حـوش اخـونا بكـرى الواســع

مـع تحــياتى.

أتفق مع ماقاله إسماعيل هنا

"بعيداً عن نجاح أو فشل إدارة الصادق المهدي للحكم.
يجب تأطير الصراع ما بين شرعية دستورية مسلوبة وقوة عسكرية/مدنية إنقلابية"

Quote: أتفق مع ماقاله إسماعيل هنا "بعيداً عن نجاح أو فشل إدارة الصادق المهدي للحكم. يجب تأطير الصراع ما بين شرعية دستورية مسلوبة وقوة عسكرية/مدنية إنقلابية

الاخ صديق وضيوفه الكرام
كل عام وانتم بخير

--------------------------------
الاخ نصر ....عاجل [email protected]

Quote: من جهة أبوك معروف ومن جهة أمك جدك كسار قلم ميكميل هذا هو الذى تفترون عليه يا أشباه الرجال 0

؟؟؟؟؟؟؟؟؟؟؟؟؟؟؟؟؟
يا حليل محمد عادل ..

والله يا ريت يا فتحى تورينا محمد عادل عشان نستفيد لانى شائف جعبتك فارغة 0ولا أنت ما من أصحاب المقام يا وشرة 0

الحبيب صديق
تحياتي

معليش نخرّم شوية عن موضوع البوست
قلت لي من نعيمة.. والله مرحب بيك.. ناس نعيمة أهل وقرايب.

..
..
طيب نوجه ليك دعوة تزورنا في منتديات النيل الأبيض للمساهمة في تطوير المنطقة ومناقشة همومها.. طبعاً بإمكانك البحث في قوقل والحصول على رابط المنتديات.

..
..

ذكرت بأنك كتبت عن الراحلين الكريمين تبيرة إدريس هباني ومعاوية إبراهيم هباني.. إرجو إدراج رابط الموضوع إن إمكن أو الإشارة إلى إسم البوست.

..
..

الاخ أسماعيل وراق تحية ووفاء لشخصك الفاضل 0طبعا كتبت عن المرحوم معاوية هبانى تحت عنوان معلم الاجيال وعن المرحوم تبيرة هبانى تحت عنوان حليل أخوى 0فى الختام يا أخ وراق يا ريت تكتب من وين انت يا أخ يا فاضل والسلام عليك 0