الموصلي وكل الفنايين والعازفين ومن له علاقة بالفن مشروع قناة فضائية سودانيه تهتم بالفن السوداني

الفكرة جات بعد الاطلاع على بوست الموسيقار الرائع يوسف الموصلي ادناه


الي السودانيين في لاس فيجاس وما حولها تعالو لحفلنا في MGM


طبعا قرات البوست بعدما عقب الرائع يوسف الموصلي على بوست الاغنية بتاعت الصومالي
كنعان عندما كتبنا عن ان الاغنية اختيرت من قبل الفيفا لتقدم في كاس العالم 2010
في البوست ادناه

حصريا .. مغني من اصول سودانية ..يؤدي النشيد الرسمي لجنو...2010 .. شاهد الفيديو

ليه الفكرة وليه الكتابه عنها
بنكتب عن الفكرة لاننا بصراحة بنتكلم كتير وبنتصنع الاسباب زيما تحدث احد المتادخلين في
بوست الفنان الصومالي كنعان وذكر ( نحن لا نخاطب العالم بشئ يحرك وجدانه كما فعل كنعان )
فرد عليه الموسيقار الموصلي ب( ليس دفاعا عن فناني السودان _و قليل من التنظير في الموسيقي السودانية لا باس به)

فمن خلال كلام الموصلي واستاذنا ابوبكر ... بنلاحظ ان الكل يقر وفي نفس الوقت يدافع
لذا اذا وجد اي نقد لاي سوداني اي كان مجاله واتهم بالتقصير دائما تجده يقر بالتقصير ومنثم يبرر
او يدافع وهذا ما يتضح في البوستين اعلاه
ولكن ما اريد ان اقوله وبعيدا عن هذا وذاك بالنسبة للفن اتسائل بكل الخبرات المتراكمة من فنانين
سودانيين في شتى الضروب والمجالات .. غناء .. موسيقى .. شعر .. رسم .. نحت .. عزف ... تاليف
تلحين .. وخلافه .. لا توجد قناة فضائية مؤسسة بصورة علمية تناقش هذا الفن وتقدمه بصورة مثالية
تمثل السودان وشعبه .. لماذا ؟
قناة هارموني اجتهاد من مخرج نحفظ له هذا الاجتهاد .. ولكنها ليست من اهل الفن .. اذن اذا اجتهد
الموصلي وكانت له الرغبه في تقديم الفن السوداني شخصيا ارى انه اهل لذلك وله الامكانيه والقدرة
في التخطيط لان يصل بهذا الفن للمكانه التي يتمناها اي واحد منا ومعه كل من له علاقة جيدة بالفن

طبعا بالتاكيد القدرة المالية لها دور كبير ولكن تقريبا كلنا بنتفق انه ممكن اذا وجدت الرغبه الاكيده
في التغيير والتطور ستحل هذه المشكله مؤكد يعني
( هسه الفنانين ديل لو قالو بسم الله كده واجتمعو وقالو عاوزين نعمل فضائية تهز وترز ومحتاجين للمادة وبداو مشروع حملة بتاعت حفلات في كل العالم وخصص
العائد حقها ده للمشروع بتاع القناة الفضائية المهتمه بالفن السوداني باسس علمية وتخطيط علمي بحت ) .. بالاضافة للناس الواصلين بذوي القدرة الماديه وما اكثرهم من فنانين ولهم
ارتباطات وثيقه بهم يمكن ان يدعمو مثل هذه المشاريع .. الا توافقوني بان المحصلة ستكون عائد كبير من الاموال يمكن ان يؤسس قناة فضائية .. بالتاكيد يمكن ذلك .. ولكن ؟؟! ..
ده طبعا الشغل العملي البعرفو انا
ودي المبادرة البتكلمو عنها ناس قناة الجزيرة في برنامجهم زمام المبادرة الجديد

يعني بمعنى تاني يا استاذنا الموصلي وكل الفنانين نحنا لغاية الان ما عندنا قناة فضائية سودانية
بتوصل الفن السوداني للاخر .. كيف عاوزين الاخر اول حاجة يعرفنا ويتعرف على الفن حقنا دي واحد .. وكيف عاوزيننا ننتظر منكم شئ جديد على مستوى العالم يظهر عيانا بيانا كده للناس ونفاخر بيه وانتم مازلت بهذه الكيفيه وهذا الوضع ...ف هل الكلام ده مستوعبنه انتوا ول لا .. وبعدين البنعرفو برضو نحنا انو القنوات الفضائية دي حاجه خاصة وبالفلوس ممكن الزول اذا اجتهد يمتلك قناة خاصة بموافقة الجهات الرسمية

يعني فعلا في تقصير منكم يا الموصلي ويا كل الفنانين

نحنا لغاية الان ما عندنا فضائية بتمثل القدر الهائل من الخبرات والمواهب القاعدين تعتزوا ونعتز بيها معاكم دي في حدودنا كسودان للاسف .. وبس كل البنقدر عليه بنتفرج ونعاين ومرررررررررررررررره مره نسمع بحفل لفلان الفلاني
في المنطقة الفلانيه ومره شنو ما عارف في السفارة الفلانية ...

التقصير موجود موجود وما في رغبه في التغيير ده الظاهر لينا

وعاوزين واقع افضل من ده .. عمليا

العزيز احمد الدسكو كويس جيتني للكلام البوجع
اها شيلو شيلتكم معاي
بجيك بس خليني اخد نفس
وحانظر
واوقو ليكم عيوبنا نحن الفنانين
وعيويوب الدوله وراس المال السوداني
وعيوب الجمهور السوداني (الكريم)
بجيك وامانه ما بوست طويل شدو حيلكم وطولو بالكم
بس خليني امشي هسع اشوف
جماعة الصومالي قالو شنو
تسلم

Quote: [ طبعا بالتاكيد القدرة المالية لها دور كبير ولكن تقريبا كلنا بنتفق انه ممكن اذا وجدت الرغبه الاكيده في التغيير والتطور ستحل هذه المشكله مؤكد يعني ( هسه الفنانين ديل لو قالو بسم الله كده واجتمعو وقالو عاوزين نعمل فضائية تهز وترز ومحتاجين للمادة وبداو مشروع حملة بتاعت حفلات في كل العالم وخصص العائد حقها ده للمشروع بتاع القناة الفضائية المهتمه بالفن السوداني باسس علمية وتخطيط علمي بحت ) .. بالاضافة للناس الواصلين بذوي القدرة الماديه وما اكثرهم من فنانين

حبيبنا احمد
ان افقر فنان في العالم هو السوداني
وافقر شركات انتاج فني في العالم هي السودانية
لعدم تفعيل القانون ولعدم وجود روح حفظ حقوق الفنان جماهيريا
بجي اشرح

سلامات الرائع الموصلي

وبالنسبة للحته دي بس يا الموصلي

Quote: ان افقر فنان في العالم هو السوداني

شخصيا لي علاقات ما بطالة ببعض الفنانين الشباب من قريب او من بعيد واديك مثال حي وموضوعي وانت البتقول
انو الفنانين السودانيين فقراء جدا فانا عارف انو الفنانين الشباب مثلا الحاليين ديل منهم افراد وصلو درجة من
الثراء تحيرك ... يعني مثلا ( احمد الصادق راكب عربية همر ... واخوه حسين راكب لقزز ) ده ابسط مثال وان كان دي
خصوصيات نحنا مالينا دخل بيها بس عاوز اقول ليك انو الاموال بتجي للفنانين ولكن التوظيف ليها قاعد يكون اكبر
مشاكل الانسان السوداني في شتى المجالات دي واحد
والمثال ده يتطبق على كل الفنانيين

اتنين

Quote: وافقر شركات انتاج فني في العالم هي السودانية

اعتقد في الحته دي الاليه البتدار بيها الشركات يا استاذنا هي المشكلة ما المشكلة في الشركة يعني بتلاحظ معاي انه
ما في اي تنوع في فكرة الانتاج في السودان وما بتتحرك الا يجيها الجديد من بره عن طريق مصر او خلافه لدرجة اننا بقينا
مرتبطين بالجديد من بصورة مخجله ياخ الدعايات في التلفزيون بيتم الاستعانه فيها بالانسان المصري في التمثيل والصوت
والاخراج والمونتاح والجرافك وما ادراك ما الجرافك ؟؟! كل العمل الفني بالنسبة للجرافك في السودان ردي وما متطور
وكله تلقائي بدائي وممكن تلاحظ معاي في الحته دي

Quote: لعدم تفعيل القانون ولعدم وجود روح حفظ حقوق الفنان جماهيريا

الفنان بفرضه على الجمهور (اي الروح ) والفنان نفسه بيفرض موهبته وفنه وحاجاته على الاخرين حسب راي الخاص

ابو حمبد انا بتكلم عن الفنانين المجددين
من الشباب الجديد
هل سمعت اعمال ابو ذر؟؟؟
علي سبيل المثال
الشركات تفضل الانتاج السهل والاجترار والكسب السريع
والغالب الاعم من الجمهور يفضل النسخ
وهذه العادة ممنوعة من قبل الجمهور الامريكي علي سبيل المثال لا الحصر
هسع انا لو حاولت ان انسخ او حتي ان
اهدي نسخة اصلية لاامريكي فانه سوف يرفض\
ويدفع ثمن النسخة ربما مضاعفا
اها عرفت انو الفنان ممكن يكون غني بي خقو كيف
المثال الذي انت قد ضربته هو مثال لحالات مستثناة
في زمن مستثني