دعوة لأبناء دولة سودانيز أون لاين

جميع أفراد دولة سودانيز أون لاين دوت كوم
كل عام وأنتم بألف خير
وإن شاء الله السنة الجاية إنتو محتفلين بمولد وطن تاني
وطن جديد ..
كنا زمان ..في السبعينات بنسميهو (سودان الأعماق)
وطن..
يحقق أحلامنا جميعاً في السلام والمحبة والإستقرار
وإذا سمحتم لي ..
هل أقترح عليكم شيئاً؟
طالما نحن أخترنا وطناً إفتراضياً في هذا الموقع فهذا يعني يعني بأننا جميعاً
(وبدون فرز)
ننتمي إلى مجتمع واحد ..
مجتمع إخترناه بإرادتنا الحرة
مجتمع يقوم على التحاور بعقل ومنطق .. ومحبة
وهذا المجتمع ، بما يتمتع به من حرية في التعبير ، لماذا لا نجعله نواة
للمجتمع السوداني الكبير
والذي هو همنَّا الجامع .. والهدف الأخير؟
ما رأئكم في أن نضبط أجندة الحوار فيما بيننا .. حتى يكون حوارنا مثمراً؟.
لقد أعجبتني عبارة قالها أخي بدر الدين اسحاق أحمد وهو يختلف معي حول ما طرحته عن ورقة لعمل سياسي
لقد وصفني بأنني نموذج للمثقف الإقصائي
(ما في مشكلة)
ولكنه رحب بي في هذا الوطن الأسفيري الإفتراضي
نعم..
لماذا لا نؤسس (أولاً) مجتمعنا الإسفيري بطريقة تجعله نموذجا للمجتمع السوداني الديمقراطي المنظم الذي نسعى اليه؟
ومن ثم نضع اللبنة لإرساء الدولة السودانية المنظمة ، التي تعرف كيف تدير الحوار بين مختلف مكوناتها
وهكذا نضع اللبنات لنظام سوداني جديد؟!
لِم لا نحاول ذلك؟؟؟
....
....
بكل الحب أبارك لكل فرد منكم العيد
....
....
وهذه دعوة محبة للجميع

مرحبتين حبابك عز الدين
وكل عام وأنت والوطن بخير
بلا شك أن من يبحث عن وطن ليعيش في أعماقه
سينتهج مبادئ الحوار الهادف لأنه هدفه أسمى ولابد للوصول إليه من وسائل سامية

وكل سنة وإنت طيب يا جعفر
انحنا بنبحث عن سودان مركوز جوانا
في أعماقنا
وحنلقيهو البنحلم بيهو يوماتي
حنلقاهو..
بس تعال نفتشو..
وين؟
جوانا
في الإلفة والمحبة والتواصل
ويلا نواصل
وخلونا متفائلين بقبايل هذا العيد

الاخ صغيرون ..


كل عام وانت بخير ..

لعل قبايل العيد تكون خيرا على بلادنا سلاما ومحبة

كل سنة وانت طيب وربنا انشا لله يوعدنا بسودان جديد بعيد عن كل الانحراف الحاصل دا

وكل سنة وإنتو طيبين .. ولامين .. وملمومين
في وطن يتمدد.. يتجدع.. بي مقامكم..
وإنتو لا شوية ..
ولا ساهلين
إنتو السودانيين منو البيشبهكم؟؟.
يا حظ الناس ..كل الناس ..لو يشبهوكم
ناساً عرب وزغاوة وبجا وزنوج وحاميين
إنتو قبيلة بحجم العرب والأفريقيين
ناسابمئة لسان.. وألف لون
ورغم هذا (ما شاء الله)
متآلفين ؟؟؟!!!.
عين الدنيا عليكم باردة
وعسكم معيدين
وكل سنة وإنتو طيبين
يا طيبين

وكل سنة وإنتو طيبين .. ولامين .. وملمومين
في وطن يتمدد.. يتجدع.. بي مقامكم..
وإنتو لا شوية ..
ولا ساهلين
إنتو السودانيين منو البيشبهكم؟؟.
يا حظ الناس ..كل الناس ..لو يشبهوكم
ناساً عرب وزغاوة وبجا وزنوج وحاميين
إنتو قبيلة بحجم العرب والأفريقيين
ناسابمئة لسان.. وألف لون
ورغم هذا (ما شاء الله)
متآلفين ؟؟؟!!!.
عين الدنيا عليكم باردة
وعسكم معيدين
وكل سنة وإنتو طيبين
يا طيبين

با شبيكة
كل سنة وإنت بألف خير
ربنا وعدنا بوطن ما في زيِّه
شوفوا: مِنو الأكبر مساحة منو بين الدول ..
كان في أفريقيا ولا.. ولا غيرها؟؟
و ده ما كان عبط..,
وزي ما قال الكابلي : ليس في الأمر عجب
أنحنا موعودين
وربنا صاغ السودان هذا لحكمة يعلمها هو..
وانحنا ما بنعرف حكمة الله..
بس الإنحراف الحاصل ده أسبابو معروفة..
وللذي لا يعرف
.. يمكن أن تعرف أسبابه
بس يا شبيكة ..
طال الزمن أو قصَّر بنعالج أمراضه.. وطنَّأ
مش هي دي المحبة البينا وبين الوطن؟؟
ومش هو ده عقد الزواج والمحبة.. بينا وبينه
أن نحبه ..حتى الممات؟؟؟
وكل عام : إنت والوطن المركوز فينا لألف عام
.. بسلام

وإنت طيِّب
وبألف خير

يا بدر
تعال نتصافح..ونتقالد في قبايل العيد
زي ما شوفنا الناس بتعمل من زماناًقديم
نغفر لي بعض .. ونسامح بعض
مش أنحنا السودانيين دي طبايعنا وعاداتنا ؟
طيب دايرين شنو؟
كل سنة وإنت طيب ..
والجنبك لعاشر جار ..
أيها كان جنسو..
أيها كان دينو..
وهو طيب
بالمناسبة قبل شوية وصلتني رسالة على الموبابايل من مصري قبطي إسمه ميلاد حنَّا
يهنئني بالعيد..
ياأخي كل سنة والدنيا بألف خير

ودى مقالــدة

مصحوبــة بالعفــو لله ( الرسول )


ملموميــن .. متسالمين .. متقالدين

Quote: يا بدر تعال نتصافح..ونتقالد في قبايل العيد

الأخ : صغيرون - السلام عليكم
كل عام وأنتم بخير
نسأل الله أن يجمعنا في سودان موحد