شكرا جزيلا مريم عبد الله على الكلام الطيب الحنين .. عيدك مبارك و ان شاء الله الجاية امانيك محققة و انتى و احبابك فى امان الله .. الله يديك الفى مرادك ... امين
Post: #13 Title: +*+*+ العيد فى التكينة -------------- صور بس +*+*+ Author: محمد عبدالله حمدنا الله Date: 11-27-2009, 05:27 PM Parent: #12
الأستاذ أنور.....
شكرآ لكلماتك...كل أهل تلك الديار أسود وأشبال.......
حبيبنا انور كل عام وانت والاهل والاصدقاء بكل خير بس الصورة بتاعت الضبيحة دي ظاهر عليها مكنة .. ياخي شفت ليك ضباح نضييييييييييف وجلابيتو نقطة دم ما فيها؟ الضباح بلبس عراقي وبكون ملطخ بالدم .. اكيد ضبحو الزول الجنبك دة.. دي حركات ما بتمشي على مصور وكل عام وجميع اهل السودان عموم والتكينة خصوص بالف خير.. وربما يديم الاعياد ويكتر الخرفان
Quote: اكيد ضبحو الزول الجنبك دة.. دي حركات ما بتمشي على مصور
انت عكست الاية .. قسما بالله ضبحت انا .. و بدرالدين اخوى قام بالباقى من سلخ و كسر .. اما باقى الواجب فقد قام به الكل .. يا ريت لو كنت معانا .. جنس مرارات و شيات و شطط بالاتى و شربوت اوشك ان يدخل فى زمرة المسكرات
صديقي انور بدون حليفة مصدقك لكن بس فسر لي حكاية الجلابية النضيفة دي (بيضا ومكوية) .. ضبحتو بي سكين كهربا.. والله السودان في نعيم والناس بتشكي .. قولو الحمد لله ال>ي لم يخلقنا هنود .. كان كتر ليكم في الشربوت وحرمكم من اللحمة.. ياخي هنا العيد مسيييييخ .. و الهنود المسلمين معيدين بكرة .. وغير الهنود زينا معيدين مع السعودية كمان اول مرة اعرف انو التكينة فيها بحر.. انا كنت قايلا في كردفان
شكرآ لكلماتك...كل أهل تلك الديار أسود وأشبال.......
إجابة سؤالك تجدها على المسنجر
عليك الله يا انور رسل لي الاجابة في المسنجر
Post: #28 Title: Re: +*+*+ العيد فى التكينة -------------- صور بس +*+*+ Author: محمد عبدالله حمدنا الله Date: 11-27-2009, 09:48 PM Parent: #18
كمان اول مرة اعرف انو التكينة فيها بحر.. انا كنت قايلا في كردفان
ان لم مخطئآ أظن أن اسم التكينة يفسر نفسه..... أستاذ أنور صححني أذا كلامي ما في محلو..
التكينة.. هي تصغير تكنة....... و هو المكان الذي "تخزن" -بلغة اليوم " تقرش" فيه المراكب.... عليه يستلزم ذلك ذلك وجود نهر أليس كذلك؟ فلا يمكن "تقريش" المراكب في الصحراء.....
و الله أعلم.....
ودحطب الله
Post: #17 Title: Re: +*+*+ العيد فى التكينة -------------- صور بس +*+*+ Author: حسن البشاري Date: 11-27-2009, 07:01 PM Parent: #10
Post: #24 Title: Re: +*+*+ العيد فى التكينة -------------- صور بس +*+*+ Author: إبراهيم عبد الحليم Date: 11-27-2009, 09:20 PM Parent: #23
جاى اول ديسمبر وساحاول أحضر رحلة البورداب
Post: #25 Title: Re: +*+*+ العيد فى التكينة -------------- صور بس +*+*+ Author: محمد عبدالله حمدنا الله Date: 11-27-2009, 09:27 PM Parent: #23
يعيب الناس علي المناطق التي تبعد عن الطرق ووسائل المواصلات أنها تكون أيضآ بعيدة عن الحضارة......
الا التكينة.... فعلى الرغم من وقوعها علي جانب أهم طريق قومي .... و رغمآ عن تقدم مستوى التعليم فيها... الا أن روح القرية لا تزال فيها..... و لا يزال أفرادها يتمتعون بأجمل ما تحمله روح البداوة.... صفاء السريرة.... الضحكة الصافية...و روح الجماعة...
حين غنت تلك "الفنانة" في ثمانينات القرن الماضي..... أن التكينة موضع "غلط" ...و أن "------" شبه الزلط.....
لم تدر تلك الفنانة أنها قد قالت فيهم ما يشبه " تأكيد المدح بما يشبه الذم".....
أستاذ أنور....
أصبحنا نفتقد روح القرية شيئآ فشيئآ...... ليت التكينة .... هي تلك التي أعرفها قبل 10 سنوات..... و ليكن الموضع صاح أم غلط..... لكن ليت التكينة لا تتغير...... فهي " شامة في تور الجزيرة الأبرق"....
مودتي....
ودحطب الله...
Post: #26 Title: Re: +*+*+ العيد فى التكينة -------------- صور بس +*+*+ Author: Munir Date: 11-27-2009, 09:30 PM Parent: #23
الأخ الفاضل أنور التكينة كل سنة وانت طيب ، وربنا يعيد عليك الأيام بالفرح والسعادة وسط اسرتك وأهلك .. وكل عام وكل التكينة بألف خير ..
Quote: أصبحنا نفتقد روح القرية شيئآ فشيئآ...... ليت التكينة .... هي تلك التي أعرفها قبل 10 سنوات..... و ليكن الموضع صاح أم غلط..... لكن ليت التكينة لا تتغير...... فهي " شامة في تور الجزيرة الأبرق"....
التكينة تغيرت .. و ماذا لم يتغير مع طوفان العولمة و الفضائيات .. لكن انسان التكينة لم يتغير ، فهو كما عهدناه كريما .. شجاعا .. نكتتو حاضرة
اما ما نسبته لفنانة فهو لفنان ( غاوى قعدات ) لا تتوفر له فى رمال التكينة و صاحب شهوات لا يحلم بها مع محافظة التكينة .. فقال ما قال . طبعا ده كان زمان .. و اخونا الفنان اب جلاضيم زاتو كبر و جاب ليهو مديح كمان
الاخ منير و انت طيب يا باشمهندس .. لكن نظارتك عينة .. يا زووووووول .. ارسين لوبين و لا شنو ؟ ( وش داير يشاغل )
Post: #30 Title: Re: +*+*+ العيد فى التكينة -------------- صور بس +*+*+ Author: محمد عبدالله حمدنا الله Date: 11-27-2009, 10:00 PM Parent: #29
لا يعرف الكثير من الناس شئ عن مثلث (أم مغد-التكينة-البشاقرة).....
و لا يعرفون أيضآ الاسهام الثر لهذا المثلث في رفد ثقافة الوسط بكل فنونها.... الشعر... الغناء الشعبي..... المديح...الحماسة.....
لربما عدت يومآ لأكتب عن بابا... و "البشيل فوق الدبر ما بميل"..... أو عن خلف الله حمد.... و نساء أم مغد اللاتي كتبن في شعر الحماسة ما يحسبه البعض هنا من تأليف أشرس الرجال..... و بالتأكيد لن أنسى اتكاءة صاحب الروح العالية في مدح الحبيب (ص)... ود أبشريعة... حين كان متكئآ في خلوة ود التكينة....و كتب رائعته ....النومسوه..... على المخلوق ريسوه.....
ودحطب الله
Post: #31 Title: Re: +*+*+ العيد فى التكينة -------------- صور بس +*+*+ Author: Munir Date: 11-27-2009, 10:01 PM Parent: #29
الأخ أنور .. والله صورك وطيبة القرية كأنما أحسها في النسيمة الجاية .. ووجوه أهل التكينة الطيبة وحلاوة جوكم الأسري تبث الطمأنينة وترد الروح.. والعجب العجيب البحر والرمال ووداعة الطبيعة ..
شكرآ علي حرصك دائمآ علي التصوير من قلب البلد ..
Quote: لكن نظارتك عينة ..
الصورة والقناع ده فن في التصوير .. جزء من فنك ياخ..
Quote: لا يعرف الكثير من الناس شئ عن مثلث (أم مغد-التكينة-البشاقرة).....
و لا يعرفون أيضآ الاسهام الثر لهذا المثلث في رفد ثقافة الوسط بكل فنونها.... الشعر... الغناء الشعبي..... المديح...الحماسة.....
لربما عدت يومآ لأكتب عن بابا... و "البشيل فوق الدبر ما بميل"..... أو عن خلف الله حمد.... و نساء أم مغد اللاتي كتبن في شعر الحماسة ما يحسبه البعض هنا من تأليف أشرس الرجال..... و بالتأكيد لن أنسى اتكاءة صاحب الروح العالية في مدح الحبيب (ص)... ود أبشريعة... حين كان متكئآ في خلوة ود التكينة....و كتب رائعته ....النومسوه..... على المخلوق ريسوه.....
ياريت فالكثير من حقوقنا التراثية مضاعة ..اغانى الحماسة التى قيلت فى جدى البخيت البشيل فوق الدبر .. و اغانى بابا الخالدة التى صدح بها خلف الله حمد ..و اغانى ام برعة الشيخ سيرو و غيرها .. ومدائح الطريفى ود العباس .. السراى و اخريات .. كلها يحتاج توثيقها لجهد و اثباتها لتفرغ لم يتوفر لنا رغم وجود الجيل المعاصر .. لقد فتحت بابا نتمنى ان نشرع فى انا و انت و اخرون فى توثيقه ..
Post: #33 Title: Re: +*+*+ العيد فى التكينة -------------- صور بس +*+*+ Author: محمد عبدالله حمدنا الله Date: 11-27-2009, 10:59 PM Parent: #32
أستاذ أنور..... انت عينك للفيل "الشريف"و تطعن في ضلو؟.....
نحن لسة بنتعلم منكم..... التكينة دي لو حمت في شوارعها....و وقفت أي واحد من جدودنا الكبار ديل الكلام الحافظو يملأ ليهو دواوين....بس أمرق منهم ذرية ود التكينة معظمهم ما عندهم شغلة بالحاجات دي .. اما ناس علم و دين..... و لا ناس بيزنس....
مافي شئ أنا عارفو انتو ما عارفنو... ألا كان تنسوا ساكت....أبدأ أكتب و أكان نسيت بنذكرك-دا طبعآ لو لقيتنا عارفين-
انت أغنية البشيل فوق الدبر دي على ما أظن قالها بابا في ود بدر بعد قصتو المشهورة مع ناس البشاقرة و تحديدآ ود حاج علي و زولآ تاني طويل.. حتي كمان بعد ما المحكمة حكمت ليهو قال فيهم قصيدة ذم طويلة لأنو المتزعمين الشغلة واحد فيهم كان قصير و التاني طويل: أكان للطويل أشبلوا فوقو القيد.....و أكان للقصير دقوا وتيد..
القصة معروفة..... مش كدا؟
أما انت لو جدك البخيت ... دا بتاع ناس أم مفد ؟ القالت فيهو زينب أختو .... فارسن البخيت؟ و أخوان زينب الأربعة ديل كمان البخيت و موسى و الطيب و عبدالدائم .. قصتهم قصة.... بتبدأ من فارس الحديد ان حمي... و ما بتنتهي عند أنا ليهم بقول كلام... أنا فوقم بجر سلام...
Quote: انت أغنية البشيل فوق الدبر دي على ما أظن قالها بابا في ود بدر بعد قصتو المشهورة مع ناس البشاقرة
نعم صدقت ... القصة التى حدثت فى محمكمة الكاملين معلومة وودبدر المعنى هو الشيخ الطيب قاضى المحكمة الذى برأ بابا ( الطيب سمح بلحيل .. دايرلك تضارى لى ديل فوق ديل )
Quote: . انت عينك للفيل "الشريف"و تطعن في ضلو؟.....
فعلا دكتور عبد الله موسوعة و مرجع فى هذا التراث وهو فى البال و سأسجل منه باذن الله عن التراث و الانساب التى ارى انك ما شاء الله قد ورثتها و الدليل :
Quote: و أخوان زينب الأربعة ديل كمان البخيت و موسى و الطيب و عبدالدائم
و فى المداخلة القادة اهديك حيث اهلك ناس التكينة .. عمنا قسم السيد ود بابكر فى فيديو مسجل
Post: #36 Title: Re: +*+*+ العيد فى التكينة -------------- صور بس +*+*+ Author: محمد عبدالله حمدنا الله Date: 11-27-2009, 11:26 PM Parent: #34
و عليك الله يا أستاذ أنور شفت شوال العيش بتاع النعيم ود حمد عمل ليهو شنو؟
ما قلنا حاجة ... النعيم راجل كريم و أجواد... لكن الزيو في كتآآآآآآآآآآآآآآآآآر ... بس الله ما أداهم زولآ زي بابا يكتب فوقهم.....
أها شوف.... شوال العيش.... و أظن كملوهوا في أسبوعو... و النعيم و بابا الله يرحمهم.....
لكن شوف... أحييت سنن البرامكة.. لي يوم الليلة عايشة......و ستظل كذلك ما دام الناس لا يزالون يدعون للكرم و النخوة...
عندي واحد صاحبي من أحفاد النعيم ود حمد يوم من الأيام في لحظة صفاء قال لي: "و الله يا ود حطب الله ... مافي شئ مفلس بينا .. غير أحييت سنن البرامكة دي... أكان الواحد الله خلقو بخيل .. يسمعها يخجل و يدفع القدامو"...
ودحطب الله...
--------------------------------------
ياخي عليك الله قول للكابلي .. اما يغني أغنية البشيل فوق الدبر صاح و الله يخليها ما في داعي يبشتنها لينا ... المقطع الأصلي بقول....
ساقية أبوي طنت..................تيرانك طرابة و تيرا بتقنت...... بغني لك ضحي و البشاقرة تتصنت
ود حطب الله معليش ياخ .... فتلت البوست .. قصر السطر الطويل و التانى بتاع النقط .. عدلهم خلى البوست يستعدل ...
Quote: ياخي عليك الله قول للكابلي .. اما يغني أغنية البشيل فوق الدبر صاح و الله يخليها ما في داعي يبشتنها لينا ... المقطع الأصلي بقول....
ساقية أبوي طنت..................تيرانك طرابة و تيرا بتقنت...... بغني لك ضحي و البشاقرة تتصنت
قابلت الكابلى قبل فترة فى مؤتمر فى قاعة الصداقة و سألته هذا السؤال و اجابنى بأن البعض حذره من مشاكل ستحدث ان ذكر اسم البشاقرة صراحة .
Post: #38 Title: Re: +*+*+ العيد فى التكينة -------------- صور بس +*+*+ Author: السيد المسلمي Date: 11-28-2009, 00:06 AM Parent: #37
صور جميلة ومعبرة جداً ،، عيد مبارك يأأنور وكل سنة وناس التكينة بخير .
Post: #39 Title: Re: +*+*+ العيد فى التكينة -------------- صور بس +*+*+ Author: انور التكينة Date: 11-28-2009, 09:28 AM Parent: #38
Quote: صور جميلة ومعبرة جداً ،، عيد مبارك يأأنور وكل سنة وناس التكينة بخير .
عليك و علينا اتبارك يا شيح السيد شكرا للمرور و الثناء
Post: #40 Title: Re: +*+*+ العيد فى التكينة -------------- صور بس +*+*+ Author: محمد عبدالله حمدنا الله Date: 11-28-2009, 12:39 PM Parent: #39
كعادة معظم المناطق الريفية.... يلتقي الناس في الأسواق التي يفردون لها أيامآ معينة..... حيث يلتقون ليمارسوا أنشطتهم الانسانية المختلفة.... و ليشهدوا منافع لهم...... منطقة بحري الجزيرة-أو محافظة الكاملين- لم تكن استثناءآ من هذه القاعدة.....
و انما اشتهرت بأسواق ذاع صيتها من حيث حجم النشاط التجاري أهمها علي الاطلاق أسواق
(المسيد-المعيلق-السريحة-التكينة)* اضافة الي سوق الكاملين المدينة بالطبع.......
و كعادة الأسواق الريفية... عادة يفردون لها يوم أو يومين في الأسبوع ليتجنبوا التضارب و ليركزوا كل النشاط التجاري في يوم واحد فمثلآ** سوق المسيد (أحد-خميس).... المعيلق (اثنين-أربعاء)... السريحة (سبت-...)
و سوق التكينة كان نصيبه يومي (الاثنين و الجمعة).... و هنا تأتي الطرفة التي أود أن أحكيها...معذرة للمقدمة الطويلة.....
يحكي أنه في أحدى القرى المجاورة .. أن امامآ كان يوعظ في الناس و يحكي لهم عن فضل يومي الاثنين و الجمعة... و ساق في مبرراته أنهما اليومان الذان ترفع فيهما الأعمال ....و تفتح فيهما أبواب الجنان... فما أن وصل الا هذه النقطة.. الا و قاطعه أحد البسطاء قائلآ: ليه يا مولانا.... جنة هي و لا سوق تكينة؟
التحية لأهلي هؤلاء....فقد أنفقت فيهم جزءآ من صباي.... لا زلت أعيش بفضله حتى اللحظة......
-أستاذ أنور .... المعذرة "لفتل" البوست... أنا كتابتي "قطع أخدر" من الرأس...و بنزل الأفكار زي ما بتجيني... أرجو تنبيهي كلما خرجت من "الحذية".....
تقبل الله منا و منكم و كل عام و انتم بخير بمناسبة عيد الأضحي المبارك. الحقيقة صور جميلة جدا لتلك البلدة الحالمة و الوادعة ( التكينة) و هي بلدة أسهمت كثيرا في التراث الشعبي السوداني بل و في حقل الدعوة الإسلامية حيث إشتهرت بخلاويها الكثيرة و مدارسها القرآنية و برز منها دعاة علي مستوي العالم الإسلامي مثل الشيخ عبدالرءوف التكينة و أهلها يتميزون بالكرم العربي الأصيل و بالجود و إكرام الضيف و بالنقاء و العفة و الكرامة شأنهم شأن كل فرسان أهل العوض ( الجزيرة) فالتحية لكم. و عندي طلب و هو إبراز تراث التكينة لأنه تراث سوداني شعبي أصيل مثل تراث منطقة البطانة و الدوبيت و الشاشاي و تراث الهمباتة عند قبائل البطانة و تراث العبدلاب و أغاني الحماسة و البطولة مثل رائعة الفنان الراحل سيد خليفة ( شدو ليهو ركب فوق مهرك الجماح ... تمساح الدميرة المابكتلو سلاح) و أغنية ياريرة الحماسية ( تراث موجود مابين الجزيرة و شندي و كبوشيه) و تراث البطان أ الضرب بالسوط عند العبدلاب و غيرها من أوجه التراث السوداني
Post: #43 Title: Re: +*+*+ العيد فى التكينة -------------- صور بس +*+*+ Author: GamarBoBa Date: 11-28-2009, 08:25 PM Parent: #42
كل سنة وانت طيب يا أنور بوست جميل يغطي العيد بشكل مباشر مع اهلنا في التكينة الصور الجماعية للصلاة والتوادد شي جميل كل سنة واهلنا في جميع انحاء السودان بالف خير
Quote: صور جميلة جداً ، وعجبتني صورة الحاجة ذكرتني الوالدة وحبوبتي ربنا يطول في أعمارهم جميعاً.
شكرا يا حبيب تسلم و يسلموا الاهل جميعا
الاخ KAMEL MOHAMED
Quote: و عندي طلب و هو إبراز تراث التكينة لأنه تراث سوداني شعبي أصيل
اشكرك على الكلام الطيب و ما انحرف اليه هذا البوست من عيدية الى توثيق ادخلنى فى حيرة بين المضى به او فتح بوست توثيقى خاص
قمر بوبا يا ظريف
Quote: بوست جميل يغطي العيد بشكل مباشر مع اهلنا في التكينة الصور الجماعية للصلاة والتوادد شي جميل
كلامك طيب و مشاركتك اسعدتنى
على جنبة : يا اخوى لقيت الكرت ؟
بت اب كشوة الراعية الخوة
Quote: العيد ماعندكم ... وكل سنة وانتو طيبين وتامين ولامين
تحياتي للاولاد وام العول الخاتيه القول
لك شكرى و تقديرى و تقبلى تحيات ام العول
دكتور احمد القرشى شخصيا ؟
Quote: وان شاء الله اذا سنحت لى الفرصة ان اتحدث عن البشيل فوق الدبر وماحرسوا الجرى
وانا ليهم بجر كلام فى مداخلات قادمة
شرفتنى يا دكتور و شرفت البوست .. و الحق ان مشاركتك ووعدك قد اسعدتنى و زادت حيرتى : هل نمضى فى فتح تلك الخزائن التراثية فى هذا البوست ام نفصل لها بوست مخصص ، خصوصا و الابن محمد عبدالله حمدنالله ما شاء الله يملك زخيرة وافرة لتراث المنطقة سنستفيد منها باذن الله .
Quote: و سوق التكينة كان نصيبه يومي (الاثنين و الجمعة).... و هنا تأتي الطرفة التي أود أن أحكيها..
الحبيب ود حطب الله
يبدو ان الغربة قد بدأت تؤثر فى الذاكرة .... يا اخ معقول زول ينسى سوق التكينة يوم شنو ؟ سوق التكينة يومى الاثنين و الخميس وهما يوما رفع الاعمال كما تفصل طرفتك .. و بهذه المناسبة اورد لك طرفة فى حب التكينة : فالمعروف ان عمنا الطيب على حامد من التكلة و متزوج بالتكينة و قد اشتهر بحبه ( الفايت الحدود ) للتكينة ... مرة وفى صلاة الجمعة و المسجد ممتلئ بالناس و هم فى صمت و خشوع فى انتظار دخول الامام .... فجأة هب عمنا الطيب واقفا و صائحا بصوت عال : يا ناس التكينة .... و لما التفت اليه الجمع قال : شكرا ليكن .. و جلس . و فى بص العمال الاحمر القادم من الخرطوم يحمل عمال و موظفى المنطقة العائدين بعد انتهاء الدوام ارتفع الصوت بينهم متجادلين : اى القرى احسن .. ام مغد ، التى ، المسيد ، النوبة ، المسعودية الخ .. و شعر احدهم ان عم الطيب لم يشارك فى النقاش ، فسأله عن رأيه ، فأجابه عم الطيب : انا غايتو ما عندى دخل بى ترتيبكم ، لكن التكينة نمرة اتنين ......... و هنا التفتوا كلهم سائلين : و نمرة واحد ؟ فأجابهم : مكة ...
Post: #52 Title: Re: +*+*+ العيد فى التكينة -------------- صور بس +*+*+ Author: Yasier Elsayed Date: 11-30-2009, 03:12 AM Parent: #51
العزيز انور
كل سنة واهل التكينة بخير وعافية ودائما ملموميين فى الخير
وذى ماقال اخونا / طارق جبريل
العيد الجاى فى التكينة مافى كلام بين هذا الجمال والطيبة
Post: #53 Title: Re: +*+*+ العيد فى التكينة -------------- صور بس +*+*+ Author: سيف اليزل برعي البدوي Date: 11-30-2009, 03:52 AM Parent: #52
كل عام وانتم بخير والوطن السودان
شكرا لك فقد أعطيتنا إحساس العيد
والذي إفتقدناه كثيرا
شكرا كثيرا
سيف
Post: #54 Title: Re: +*+*+ العيد فى التكينة -------------- صور بس +*+*+ Author: عفاف الصادق بابكر Date: 11-30-2009, 10:09 AM Parent: #53
بوست يرد الروح .. يشهد الله .. كل وانت وجميع افراد اسرتك واهل التكينه بالف خير ..
Quote: بوست يرد الروح .. يشهد الله .. كل وانت وجميع افراد اسرتك واهل التكينه بالف خير ..
استاذة عفاف ... يا فرحا يمضى بين البوستات ، تنثرين طيب الكلم و عناقيد المحبة ، كلماتك عميقة تداعب الدواخل نسمة صدق تصدر من نفس نقية ... الله يديك العافية ...
Post: #59 Title: Re: +*+*+ العيد فى التكينة -------------- صور بس +*+*+ Author: Hisham Ibrahim Date: 11-30-2009, 10:18 PM Parent: #58
انو التكينة
كل سنه وإنت والناس الطيبين ديل بخير وعافية
وربنا يتقبل منك ومنهم الضحية
شكراً للآيرلنديين وكل الناس هناك
شكراً ليك إن شاركتنا معك لحم العيد بالصور وفرحة العيد
عنوان تاني لبوستك الحلو دا :
وتكينا الضحية في التكينة
دا العيد ومعناهو يا انور
وإنت مالك ضابح بي جلابية مكوية ؟؟ سؤال بثـ ..
هشام
Post: #60 Title: Re: +*+*+ العيد فى التكينة -------------- صور بس +*+*+ Author: انور التكينة Date: 12-01-2009, 08:07 AM Parent: #59
Quote: وإنت مالك ضابح بي جلابية مكوية ؟؟ سؤال بثـ .
الاخ هشام مودتى و شكرى و القابلة انت فوق عرفات ... امين
يا اخوى ردا على سؤالك .... طبعا بقينا نقوم بالحاجت التشريفية ... نكبر و نضبح و الوليدات يقوموا بالباقى ..
.
