وبما أني ويشهد رب العالمين على قلبي الذي لا يحمل حقداً ولا بغضاء تجاه اي بشر في الكون حتى اولائك الذين يبغضونني ويتمنون هلاكي اليوم قبل الغد !!
وبما اني حاليا في القاهرة حيث الشتاء القارس ومساحات التخيل الواسعة فقد توكلت على الله ونويت أن أكتب عن الفكرة التي خطرت ببالي وهي حول مايحدث في حوش بكري وخلف كواليس سودانيز اون لاين من وجهة نظر ( خيالي )وأيضا بعض الوقائع هنا وهناك وكدا يعني !
حوش بكري هذا يشبه في مكوناته السودان ويشبه المدينة والقرية والحلة في معظم تفاصيله ومن هنا رصدت حاستي (التخيلية) بعض مايحدث في هذا الحوش من قصص وشمارات ومحبة وبغضاء وتحرشات وصداقات حقيقية وصداقات مزيفة وجنون وحكمة وقداسة وخباثة وحاجات كتييييرة !!
يلا أي قصة ترد هنا ولا إسم فهو ليس له علاقة بأي قصة ولا شخصية حقيقية من الزملاء والزميلات هنا سمح؟
يعني القصص والتخيلات والشمارات تحتمل أن تكون ( طواقي) فان أراد أي منا بما فيكم أناأن يلبس مايحلو له من طاقية فليس في ذلك غضاضة طالما ( النوايا والتفاسير ) في البوست على مسئولية أصحابها وكدا سمح ؟
التعديل لإضافة غنية غلبني أنزلها ( وش معيد في كايرو)
Post: #2 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: Mahir Mohammed Salih Date: 11-26-2009, 08:52 PM Parent: #1
يا نادية ،،، سمح ،، ياالله واصلى
ويمناسبة التسجيل وماشاكل ذلك بالله ألبسى لينا فى الأول طاقية الكيزان ديل وورينا الحكاية شنو
أها وبعد ما تنتهى من هنالك ،، فى واحد مكرهنى فى موضوع لبنى فتقومى جاديعى لينا شوية فى الحتة دى
وبعد داك على كيفك ،، ألبسى ما شاء لك من الطواقى ،، سمح ؟؟ أوكى
وكل سنة وأنتى طيبة
ماهر
Post: #3 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: قاسم المهداوى Date: 11-26-2009, 08:56 PM Parent: #2
بلاش من الشمارات الطواقى كيف ؟؟؟؟؟
قاسم المهداوى
Post: #10 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: نادية عثمان Date: 11-27-2009, 08:24 PM Parent: #3
قاسم المهداوي حبابك وعيدك سعيد أخوي
Quote: بلاش من الشمارات الطواقى كيف
على ( رأس) من يشيل وبالألوان ومطرزة كمان !( وش بسوم خلقة الله ) !
Post: #9 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: نادية عثمان Date: 11-27-2009, 08:11 PM Parent: #2
ماهر سلام وكل سنة وأنت طيب أخوي
عاين
البوست ده أنا بكتب المشاهد وأنت ممكن تختار الطاقية البتناسبك
أو تناسب غيرك وأنا ذاتي كان لقيت لروحي طاقية بتناسبني بلبسها سمح؟
Post: #4 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: نادية عثمان Date: 11-26-2009, 08:59 PM Parent: #1
مشهد أول
الساعة تلاتة ظهرا
النور قاطع في السودان
سخانة الف !!
جرس التلفون يرن
رقم سميرة يظهر في الموبايل النوكيا ان تلاتة وسبعين
الو
اهلا سميرة كيفك ؟
كويسة والله عليك الله انا برة النت وقالوا في بوست نزل عن خطوبة حسن ونعيمة صحي الكلام ده ؟
يازولة ؟
حسن ونعيمة معقولة ؟
بعرفو بعض من وين ؟
سميرة ترد بضحكة خبيثة
ماياهو من منبر بكري ده يعني حايكون من وين ؟
والله كويس ياخ موش قلت ليك ياسميرة منبر بكري ده مفيد مرات ؟
يازولة كدي خلينا من فايدة منبر بكري هسة في الحر ده
أمشي سجلي دخول ووريني الشمار ده شنو إتفقنا ؟
بنتظرك
تن تن تن .. تش .. إنقطع الاتصال !
Post: #6 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: نادية عثمان Date: 11-26-2009, 09:14 PM Parent: #4
مشهد تاني
الدنيا فللت شديد
والبرد نزل
المكان كافي نت في شمبات جنوب
وسيلة التواصل .. ماسنجر هوت ميل
عارفة ياسمر ؟
عارفة شنو ياطه ؟
أنا من شفت صورتك السمحة ديك في سودانيز أون لاين وقلبي قال لي إنك زولتي !
سمر :
وأنا بالجد كنت معجبة شديد بكتاباتك ( الرايعة) جدا
وأصلو ماحصل فوتا ليك بوست ولا مداخلة !
طه :
ياسمر أنا نازل السودان شهر خمسة الجاي ده ولازم نتلاقى وبحصل كل خير أوكي ؟
سمر :
طه خليني أعترف ليك أنا جد إتعلقت بيك لكن أقول لأهلي عرفتك من وين ؟
تن تن تن تششششششش.. الهوت ميل وقع والماسنجر طش مؤقتا !!
Post: #5 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: د.يوسف محمد طاهر Date: 11-26-2009, 09:06 PM Parent: #1
لك التحية أخت نادية وكل عام وأنت بخير
Quote: قلبي الذي لا يحمل حقداً ولا بغضاء تجاه اي بشر في الكون
يجب أن تشكري الله على هذه النعمة العظيمة وهي زادك في الدنيا والآخرة
Post: #7 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: Dr. Salah Albashier Date: 11-27-2009, 06:31 AM Parent: #5
الأخت العزيزة الأستاذة نادية لك مني عاطر التحايا والود مفعمه وكل عام وأنت بخير يبدو أننا أمام كاتبة من طراز فريد ، لقد استمتعت بمشاهدك، لديك موهبة ممتازة في صناعة الحوار، عليك بصقلها بمزيد من الكتابة والإطلاع، مع محاولة كتابة قصة كاملة قصيرة من مشهد واحد، ثم عددي مشاهدك واحسني رباطها وحبكتها وصلاتها وسنرى بإذن الله قاصة عظيمة من خريجات "حوش بكري الرحب". استمرارك مهم فموهبتك عظيمة واختيارك لشخصياتك موفق. وفقك الله، وبلداً إنتن بناته ما بتجيها عوجة. مع خالص تحياتي د. صلاح البشير
Post: #8 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: نادية عثمان Date: 11-27-2009, 07:30 PM Parent: #7
مشهد تالت :
المكان راكوبة حصير وعنقريب هبابي حبالو مقطعة ! الزمان : الخامس من تموز !! موسيقى تصويرية جنائزية عدددديل كدا !! سلمى بكل الأسى والحزن قالت لنفيسة صحبتها البوردابية
ياريت يانفيسة لو عندنا في المنبر تلاتة أيقونات كدا متمنية وجودهم !
مصدومة في زولة بحبها شديد وربنا عالم بحبي ليها يانفيسة !
الوحيدة في منبر بكري ده القريبة لقلبي شديد وكنت بشوفها أطيب بشر الله خلقو !
بينا ذكريات حلوة وصلات طيبة وصلت بيتنا وبيتهم يانفيسة !
بناكل ( كوارع) سوة وبنشرب بزيانوس ونمشي أوزون ونتفسح ونغني في الشارع وجوة العربية زي المجانيين ! نفيسة : وعملت ليك شنو الزولة دي ياحبيبة ؟
سلمى تبكي بهستيريا وتسقط على الأرض مغشيا عليها وهي تصرخ متوجعة خسارة حبي فيك ياصديقة مزيفة وكضاااااااابة يا........
تن تن تن تششششششششش
اسدل الستار مؤقتا
Post: #11 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: نادية عثمان Date: 11-27-2009, 08:41 PM Parent: #8
مشهد رابع :
المكان : حلة كوكو جنب محطة الباص
الزمان : تزعة بالصباح كدا
طلعت : والله زميلنا في المنبر طلع أمنجي شوف عيني دي !
رامز : زميلنا منو يازول العضوية ستة الآف عديل ؟
طلعت : زميلنا رأفت الهجان ياخ !
رامز : يازول قول كلام غير ده .. ده زول مسكين الغنماية تاكل عشاهو تقول لي أمنجي ؟!
طلعت : ياخ على الطلاق وضابط برتبة لواء عدددددديل !
رامز : أممممممممممممك !
وعرفت كيف ياطلعت وشفتو وين إنت ؟
طلعت : اليوم داك كنت مودي الولية لي أمها وأنت عارف بيت نسابتي قريب من مبنى الجهاز
أها ياعمك وفي أثناء ما أنا لافي ليك كدا بعربيتي الاتوس الجديدة كان المحو ليك طالع من الجهاز ودبابيرو تلمع في كتفو ياهو رأفت الهجان ذااااتو المعانا في المنبر ! و
Post: #13 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: نادية عثمان Date: 11-27-2009, 09:49 PM Parent: #7
د. صلاح البشير
حبابك ملايين وعيدك سعيد يارب
Quote: يبدو أننا أمام كاتبة من طراز فريد ، لقد استمتعت بمشاهدك، لديك موهبة ممتازة في صناعة الحوار، عليك بصقلها بمزيد من الكتابة والإطلاع، مع محاولة كتابة قصة كاملة قصيرة من مشهد واحد، ثم عددي مشاهدك واحسني رباطها وحبكتها وصلاتها وسنرى بإذن الله قاصة عظيمة من خريجات "حوش بكري الرحب". استمرارك مهم فموهبتك عظيمة واختيارك لشخصياتك موفق. وفقك الله، وبلداً إنتن بناته ما بتجيها عوجة. مع خالص تحياتي
حديثك العظيم عن شخصي المتواضع إنما هو قلادة قد زينت جيدي في العيد السعيد فشكراً جميلاً لحضورك الباهي وتشجعيك الطيب وكن دوماً بألف خير وعافية ,,
Post: #12 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: نادية عثمان Date: 11-27-2009, 09:22 PM Parent: #5
د. يوسف محمد طاهر
سلام وعيدك مبارك عليك يارب
Quote: يجب أن تشكري الله على هذه النعمة العظيمة وهي زادك في الدنيا والآخرة
والله شاكرة ربي وحامداه كتيييير واللهم أدمها علي نعمة وأحفظها من الزوال يارب ,,
Post: #14 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: نادية عثمان Date: 11-27-2009, 10:18 PM Parent: #12
مشهد خامس
تحت الشدرة وجنب المزيرة وونسة دقاقة
يتبع ,,
Post: #15 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: نادية عثمان Date: 11-27-2009, 11:01 PM Parent: #14
هيفاء : ياراغب بالجد البت بتبالغ وماخدة راحتها على الآآآآخر في المنبر مافي أي إحترام ياخ ؟
راغب : يعني هي عشان زولة رومانسية وهائمة و( رايعة) أي كلمة تكتبها تنطوا ليها في حلقها ؟
هيفاء : ياراغب صدقني نانسي دي كتابتها شترة وبتستهبل عديل وحقو تحترم البنات الصغار المعانا هنا ديل !!
راغب ضاحكاً .. ههههههههههه
صغار بتاعين قلبك والله كباااااااار وحلاة الدنيا عليهن !
هيفاء : ممكن تخليك جادي شوية يعني ؟
راغب : يازولة هووي أنا ماشي أضرب لي حجر شيشة وأجي أفتح المنبر وأقرأ بوستات نانسي بمزااااااج أوكي ؟
هيفاء : طير ياخ غلطانة أنا البتكلم معاك ذاتو !
راغب فارداً يديه في شكل طيرة كبيرة وفرررر على باب الشارع !
و
تقوم هيفاء على الكمبيوتر وترفعو فووووووق ودشششششششش تكسرو حتة حتة حتة !!
أها خلي راغب يخم ويصر !!
و
تن تن تن تشششششششششش ونواصل !
Post: #16 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: Dr. Salah Albashier Date: 11-27-2009, 11:23 PM Parent: #15
الأخت العزيزة الأستاذة نادية عثمان لك التحية وكل الود وعيدك سعيد وبخيت أنت تستحقين أكثر، ولا زلت عند رأي أكملي مشهداً كاملاً (من صفحتين إلى سبع) ، وما دمت اخترت "حوش بكري" ادرسي بعض الشخصيات من خلال ما كتبته، لا تتحيزي لأي شخصية، وحاولي كتابة قصة كاملة، صفي أماكنك بدقةن وبما أنك في القاهرة يمكن أن يكون هذا الموقع هو موقعك الجغرافي، وبما أنك اخترت "الشمارات وحاجات تانية حامياك" اقترح تسميتها " أنا مكتول في حوش بكري" أو أنا مكتولة في حوش بكري" أو ما ترغبين مع خالص تحياتي د. صلاح البشير
Post: #17 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: نادية عثمان Date: 11-27-2009, 11:53 PM Parent: #16
هلا بي دكتور صلاح مرة تانية والف
Quote: لا تتحيزي لأي شخصية،
ولا ضد أي شخصية !
صدقني هي مجموعة خواطر وقصص وأحاجي قد تكون مختزنة في العقل الباطن من كثرة القراءة في المنبر وشكل الحياة على سطحه !
يا نادية بصراحة كده كل يوم بيزيد إعجابى بيك وحات نبراس صاحبتك
هشام
Post: #23 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: نادية عثمان Date: 11-28-2009, 05:48 PM Parent: #22
الأخ الجميل هشام زول يازول
Quote: يا نادية بصراحة كده كل يوم بيزيد إعجابى بيك وحات نبراس صاحبتك
هشام
والله من دواعي سروري وفخري وكامل إعزازي وتسلم أبو نبراس الحلووووووة
عليك الله سلم لي عليها كتيييير وعلى صهيب كمان سمح ؟
Post: #24 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: محمد عبدالله حمدنا الله Date: 11-28-2009, 06:16 PM Parent: #23
أستاذة نادية....
كل عام و انت بخير.....
أجمل شئ انو الانسان يكتب بدون رتوش...يعني كتابة (قطع أخدر)... يمتع نفسو قبل الناس......ما مهم معايير المفاضلة الأدبية... المهم هو عبر عن نفسو ... و السلام.....
تعجبني الفكرة.... و لي فيها (اغتباق.. و اصطباح .. و مقيل).. و قد حاولت فعل ذلك مع أقوام آخرين .. في أزمنة غابرة....
Post: #25 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: نادية عثمان Date: 11-28-2009, 06:40 PM Parent: #24
الكريم محمد عبد الله حمدنا الله
تحية طيبة والعيد عليك مبارك
Quote: أجمل شئ انو الانسان يكتب بدون رتوش...يعني كتابة (قطع أخدر)... يمتع نفسو قبل الناس......ما مهم معايير المفاضلة الأدبية... المهم هو عبر عن نفسو ... و السلام
الكتابة عندي ترويح عن الذات وفضفضة عن مكنوناتها ومكبوتاتها وتنفيس عن بعض جنونها وتعقلها وصدقها وأوهامها !
الكتابة ياسيدي محمد إنما هي رحمة من الله على عبد ليس له متنفس سواها فالحمد لله أن سخرها لنا لتقينا شر الأمراض النفسية نتيجة الكبت والوسوسة والقهر والخوف والندم والصراع الداخلي والخ الخ !!
اميرة الشرق كل سنة وانتي طيبة ....نقط كبيرة ......بوست في القون .....خلاني اضحك براي ذي المجنون ....ها ها ها واصلي يا بت مختار في هذة الخيط الرائع ...... اللة يديك العافية ................نادر السوداني
Post: #34 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: نادية عثمان Date: 11-28-2009, 09:31 PM Parent: #30
العزيز نادر السوداني
تسلم أخوي وكل سنة وأنت بألف خير ياااااارب
Quote: اميرة الشرق كل سنة وانتي طيبة ....نقط كبيرة ......بوست في القون .....خلاني اضحك براي ذي المجنون ....ها ها ها واصلي يا بت مختار في هذة الخيط الرائع ...... اللة يديك العافية
أضحك الله سنك يارب
وياها دي الحياة نضحك من نفسنا وعليها ومن حكاوينا وحكاوي غيرنا ونبكي ونموت ونبعث بعدها !
القصة آخرها كوم تراب وماحدش وآخد منها حاقة !! هههههههه
Post: #32 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: نادية عثمان Date: 11-28-2009, 09:06 PM Parent: #28
ياسر
تسلم يارب وكل سنة وأنت بألف خير وسلامة يارب
Post: #33 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: انعام حيمورة Date: 11-28-2009, 09:20 PM Parent: #32
Quote: يعني القصص والتخيلات والشمارات تحتمل أن تكون ( طواقي) فان أراد أي منا بما فيكم أناأن يلبس مايحلو له من طاقية فليس في ذلك غضاضة طالما ( النوايا والتفاسير ) في البوست على مسئولية أصحابها وكدا سمح ؟
كل سنة وانتي طيبة يارب
الله يستر ما نلبس طاقية ..
Post: #35 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: نادية عثمان Date: 11-28-2009, 09:47 PM Parent: #33
كل سنة وانتي طيبة يابت عم حيمورة والقابلة على أمانيك يااااارب
كدي النمش نشوف الشمار فوق حلة الشعبية والله يستر عاد ههههههه
Post: #38 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: نادية عثمان Date: 11-29-2009, 02:19 PM Parent: #37
مشهد جديد
المكان : الثورة الحارة مائة
الزمان : منتصف ليلة شتوية بايخة
الأجواء المحيطة : ريحة فول مصلح وكورية مديدة في الطربيزة
نسرين : يا سمير أنا كلمتك ومابكلمك تاني البت الزفتة دي ماتدخل بوستاتك وأضح ؟
سمير : ياخ أنا المنبر ده حوش أبوي ولا حوش بكري أنا أمنعها كيف ياخ ؟
ثم يعني مداخلتها دي مازيها زي أي مداخلة والسلام ولا شنو ؟
نسرين : لا بالله ؟ البت تخت ليك في الورود والقلوب الطائرة والمناديل المطرزة
وتقول لي شنو ؟ شايفني بقنبور انت ولا شنو ؟
سمير : يابت الناس الله يهديك شيليها من رأسك وماتخربي بيتك عشان كلام فارغ !
نسرين : ورب الكعبة ياسمير كان ماوقفت البت دي في حدها بخلي ليك البيت واطلب الطلاق فاهم ؟
سمير : ياخ الله يخرب بيت منبر بكري الجاب لينا الفقر والمصائب ياخ
موش المنبر ده أها ده طرفي منو كويس معاك ؟
نسرين : كويس لكن والله مابخليها المعفنة خطافة الرجالة !!
سمير : برضو يانسرين برضو ؟
أقول ليك حاجة يابت الناس ؟
أمشي بيت أبوك إنتي طالق بالتلاتة خلاص ؟
نسرين تكوووورك :
الليلة ووووووووب علي الليلة سجمممي بكري خرب بيتي كر كر كر الرماد على رأسي !!
و
تن تن تن تششششششششششش المنبر إتهكر !!
Post: #39 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: علاء الدين صالح Date: 11-29-2009, 03:37 PM Parent: #38
أستاذة نادية كل سنة وإنتي طيبة أنا لو كُنتَ عارفِك كتّابة شدييييد للدرجة دي كُنتَ سحبتَ مُداخلتي من بوست هارموني وكتبتَ مكانا: هي زاااااتا نادية هسّا صوتا بِقى شين تن تن تن تششششششششششش عشان لو رجعتي لى هارموني حوش بكري بجيهو الخريف والشمارات دي بتقيف قاااااادر الله
Post: #41 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: نادية عثمان Date: 11-29-2009, 04:07 PM Parent: #39
الأستاذ الإنسان الجميل علاء الدين صالح
ماتتخيل وجودك في بيوتاتي الإسفيرية دي بفرحني كيف والله !!
كل سنة وإنت بألف خير وأحبابك بخير يارب العالمين
Quote: أنا لو كُنتَ عارفِك كتّابة شدييييد للدرجة دي كُنتَ سحبتَ مُداخلتي من بوست هارموني وكتبتَ مكانا: هي زاااااتا نادية هسّا صوتا بِقى شين
ههههههههه
ومالو طاقية مناااااسبة وفعلاً صوتي شين شديددددد هههههه(الوشوش الخدرا البتدردق دي بعملوها كيف ) ؟!
Quote: تن تن تن تششششششششششش عشان لو رجعتي لى هارموني حوش بكري بجيهو الخريف والشمارات دي بتقيف قاااااادر الله
والله فعلاً هارموني بتلخمني وبتاخدني من الكتابة لكن بحاول ما أغيب عن الأعزاء هنا باذن الله ,,
وجودك ومتابعتك وتعليقاتك حافز لي للإستمرارية في أي بوست بكتبو سمح؟
قااااااادر الله صحي ياود أمي ,,
Post: #40 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: Dr. Salah Albashier Date: 11-29-2009, 03:52 PM Parent: #38
الأخت العزيزة نادية عثمان لك التحية والتجلة "الله يخفف عنك يا بكري من خيال ابنة العم عثمان"، بارك الله فيك يا زهرتنا النادية، لا زلت عند رأي أعلاه، أنت مشروع كاتبة من طراز فريد ، تستطيع أن تشخص حالاتها بعناية، ويجري يراعك عليها كما يجري الماء الذرب في موضع الألم، حاولي ماقترحناه عليك، وفقك الله. مع خالص تحياتي د. صلاح البشير
Post: #42 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: نادية عثمان Date: 11-29-2009, 04:39 PM Parent: #40
د. صلاح البشير
حبابك ملايين أخوي العزيز
Quote: الله يخفف عنك يا بكري من خيال ابنة العم عثمان"، بارك الله فيك يا زهرتنا النادية، لا زلت عند رأي أعلاه، أنت مشروع كاتبة من طراز فريد ، تستطيع أن تشخص حالاتها بعناية، ويجري يراعك عليها كما يجري الماء الذرب في موضع الألم، حاولي ماقترحناه عليك، وفقك الله. مع خالص تحياتي
عارف ؟
والله منبر بكري ده فعلاً دنيا بي حالها وقصص من الحياة
ممكن تتعمل مسلسلات تحي دراماتنا في السودان عن جد !
موش أصلاً الحياة هي مسرح كبييير ونحنا على خشبته شخوص تجسّد الأدوار كومدية كانت أم تراجيدية ؟
وتيييييييييب ؟!!( ههههههه)
عارف تاني ؟
في كاتب درامي قال بشيل القصص الهنا دي ويظبط السناريو بتاعها ويعملها مسلسل لرمضان الجاي!
دل دل دل تششششششششششش !
لقيتني كيف استاذي العزيز ؟ ( وش بسوم خلقة الله)
Post: #44 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: محمد عبدالله حمدنا الله Date: 11-29-2009, 04:51 PM Parent: #42
أستاذة نادية...........
العطر و المكان و الموسيقى ...لهم ذاكرة خاصة.............
كل هذه الأشياء لها طعم محسوس للجميع.... بعد ذلك يتفاضل المبدعون في التعبير عنهم....
المكان هنا افتراضي... و العطر الواحد له عدة روائح ...وتشمه كل أنف حسب موقعها من اتجاه الرياح.... أما الموسيقى...فهي سيمفونية الزمن و الغربة ...تعزفها حروف في كيبورد ...
ليتك قصصت لنا تلك الذكريات.....
أحاول الآن الكتابة عن ذاكرة العطر و المكان والموسيقى في طبقات ود حطب الله...... و ليتني أستطيع...
مودتي...
ود حطب الله
Post: #48 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: نادية عثمان Date: 11-29-2009, 05:14 PM Parent: #44
ود حطب الله
سلامات كتارات
Quote: أحاول الآن الكتابة عن ذاكرة العطر و المكان والموسيقى في طبقات ود حطب الله...... و ليتني أستطيع...
جئت لتوي من تلك الدوحة المعبقة بأريج النفس الطيبة ووجدت الكثير المثير الخطر !
أسكب مداد الزكريات العطرة وستجدنا إن شاء الله من المتابعين سمح ؟
Post: #49 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: Dr. Salah Albashier Date: 11-29-2009, 05:20 PM Parent: #42
الأخت العزيزة نادية عثمان سلام بت الرجال الماخمج لكي تعرفي كيف لقيتك؟ تابعي بوست سينزل قريباً (وما تقولي لي قريبا دي متين) تحت عنوان ثلاث عرفتهن .. وثلاثة عرفتهم .. بورداب جميعهم حينها ستعرفين. وفقك الله مع خالص تحياتي د. صلاح البشير
Post: #50 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: نادية عثمان Date: 11-29-2009, 05:41 PM Parent: #49
د. صلاح العزيز
Quote: تابعي بوست سينزل قريباً
قريب متين كدا الشمار كاتلني ؟ هههههههه
ربنا يقرّب القريب ياااااارب !
Post: #52 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: Dr. Salah Albashier Date: 11-29-2009, 06:12 PM Parent: #50
الأخت العزيزة نادية سلام يااااااااااااااااااااااااااااارب مع خالص تحياتي د. صلاح البشير
Post: #43 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: صديق مهدى على Date: 11-29-2009, 04:43 PM Parent: #1
سلام يا أخت نادية عثمان والله أنا معاك قصة الحوش دة غريبةشوية لكن خلاف الرأى لايفسد للود قضية 0
Post: #45 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: نادية عثمان Date: 11-29-2009, 04:56 PM Parent: #43
الأخ الأكرم صديق مهدي علي
تحايا كميات وعيدك سعيد يارب
Quote: سلام يا أخت نادية عثمان والله أنا معاك قصة الحوش دة غريبةشوية
أبداً قصة الحوش ماغريبة ولا شئ يا أخ صديق بالعكس دي إنعكاس طبيعي لشكل الحياة في بلدنا
ومدنا وقرانا وبيوتنا كمان!!
Quote: لكن خلاف الرأى لايفسد للود قضية 0
أكيييييييييد مافي شك تختلف الأراء ويبقى الود بين الجميع باذن الله
Post: #46 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: حافظ عبد النبى Date: 11-29-2009, 04:58 PM Parent: #43
الاستاذة نادية
كل عام وانت بخير
تسلمي
حافظ
Post: #51 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: نادية عثمان Date: 11-29-2009, 05:55 PM Parent: #46
حافظ عبد النبي أخوي
تسلم من كل شر ياااااارب والقابلة على أمانيك ,,
Post: #47 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: د.نجاة محمود Date: 11-29-2009, 05:03 PM Parent: #43
سلامات ياا م لهيج سكري
السناريو دا رايك فيه نشو
حسن اسع الزولة دي انتو كم زول غالباكم؟ احمدا: اها نعمل ليها شنويعني نرسلبها قنبلة؟ حسن: ياخي واحد فيكم بس يلمح ليهابحاجات كدا
احمد: كيف يعني نلمح بحاجات كدا
حسن: ياخي اي كلام اهو كلام والسلام هي حتخاف وتنسحب.. احمد: خلاص عندنا اسم كدا بديك ليه تكتب ليها بيه..
خلاس يا مان لباكر تشوفو براكم تاني كان قدرت تجي حووش يكري
احلق شنبي
Post: #53 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: مدثر محمد ادم Date: 11-29-2009, 06:22 PM Parent: #47
الصديقة الرائعة نادية سلامات وعيد سعيد
Post: #55 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: نادية عثمان Date: 11-29-2009, 07:01 PM Parent: #53
مدثر تيف تيف
تسلم ياصديق وكل لحظة وأنت بألف خير يارب
Post: #54 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: نادية عثمان Date: 11-29-2009, 06:48 PM Parent: #47
نجاة الغالية أم الزهرات
حبابك ياغالية وعيدك مبارك عليك وعلى أبو عيالك وعيالك ياااارب
Quote: حسن اسع الزولة دي انتو كم زول غالباكم؟ احمدا: اها نعمل ليها شنويعني نرسلبها قنبلة؟ حسن: ياخي واحد فيكم بس يلمح ليهابحاجات كدا
احمد: كيف يعني نلمح بحاجات كدا
حسن: ياخي اي كلام اهو كلام والسلام هي حتخاف وتنسحب.. احمد: خلاص عندنا اسم كدا بديك ليه تكتب ليها بيه..
خلاس يا مان لباكر تشوفو براكم تاني كان قدرت تجي حووش يكري
احلق شنبي
حسن : يامان ياخ شنو الزولة دي شايفها لسة قاعدة تكتب ولا خلت المنبر ولا حاجة !
أحمد : والله ياخي مافي حاجة ماقلناها ليها ، عملنا ليها تاريخ وزيفناه وهددناها لمن نحنا ذاتنا
صدقنا انو كذبنا ده كلام جد جد وبرضو ماخافت ياخ !
حسن : ياخ دي مرا فقرية نحرش ليها راجلها تفتكر يجيب نتيجة ؟
أحمد : هههههه ياخ راجلها أول وأحد معجب بيها ووالله كان لحق شاف وأحد مننا على الطبيعة
كل زول فينا ياخد ليهو طلقة في رأسو عديل !
حسن : طيب والحل يامان ؟
أحمد : يازول بس أرفع يدك وأشكيها لي الله عاد غلبتنا مانكضب ساي كمان !
و
تن تن تن تشششششششششش المطرة صبت !
عارفة ؟
فرحانة أنا بوجودك هنا لأنك من أسياد الشئ ذاااتا وزولة خريجة المعهد وأستاذة نقد وووووو
وجودك شرف لي والله يادكتورة بيان وتسلمي وخليك قريبة سمح؟
كلمتك قبل كدا بمنتهى محبتي وإحترامي ليك لله في لله ؟!
Post: #58 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: صديق مهدى على Date: 11-30-2009, 02:23 AM Parent: #1
الحاجة نادية عثمان سلام كثيييييييييير مسعولة من الخير والله حوش بكرى كبير 0يسع لاى شئ يعنى ذى ما بقول المثل سيد الرايحة فتح خشم البقرة طبعا الزمن دة البقر كثير ولا شنو 0
Post: #59 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: عفاف الصادق بابكر Date: 11-30-2009, 10:44 AM Parent: #58
Quote: صدقني هي مجموعة خواطر وقصص وأحاجي قد تكون مختزنة في العقل الباطن من كثرة القراءة في المنبر وشكل الحياة على سطحه !
ندويه .. كل سنة وانتي طيبة .. ربنا يحقق كل امانيك .. أنضمي .. أنضمي .. ونحن نسمع بأدب ..
Post: #62 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: نادية عثمان Date: 12-04-2009, 02:43 AM Parent: #59
عفوفة بت عمو الصادق
Quote: أنضمي .. أنضمي .. ونحن نسمع بأدب ..
دستور بأدب يا أولاد ماما !!
حااااااااضر بحكي قدر ما الله يقدرني وإنتي خليك قريبة سمح؟
Post: #60 Title: Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! Author: نادية عثمان Date: 11-30-2009, 01:45 PM Parent: #58
أخوي صديق
حبابك ملايين
Quote: الحاجة نادية عثمان
آه
ياراحلين الى منى بغيابي !
أنا عملت عمرة لكن شاحدة ربنا يقسم لي الحج يااارب قبل أموت !
