Post: #1
Title: سفارة جمهورية السودان في لاهاي تعلن ......
Author: عزيز
Date: 11-26-2009, 05:00 PM
http://sudanembassy-gov-nl.org/inf/
أعلنت سفارة جمهورية السودان في لاهاي على موقعها
حدد يومي السبت 5 ديسمبر والأحد 6 ديسمبر 2009 للتسجيل للمشاركة في الانتخابات وذلك بمقر السفارة السودانية في لاهاي . من الساعة العاشرة صباحا وحتى الساعة الخامسة مساء
أود أن أنوه الأخوة والأخوات المقيمين بمملكة هولندا الحرص على تسجيل أسمائهم للمساهمة في التحول الديمقراطي المرتقب وأن لا يفوتوا هذه الفرصة لأختيار من يثقون في قدرته على قيادة السودان في الفترة المقبلة.
|
Post: #2
Title: Re: سفارة جمهورية السودان في لاهاي تعلن ......
Author: عزيز
Date: 11-26-2009, 06:02 PM
Parent: #1
يتطلب التسجيل إبراز بطاقة الإقامة في هولندا وإبراز باسبورت سوداني.
عفواً تم التعديل بعد تنبيه الأخ وليد والإتصال بالأخ الوزير المفوض بالسفارة وأوضح بأن ماجاء من لجنة الإنتخابات هو إبراز الإقامة في البلد وجواز سفر سوداني.
وياناس لجنة الإنتخابات والماعندو جواز سفر ما يمارس حقه في الإنتخاب والإختيار؟؟
أنا عندي جنسية وبطاقة شخصية سارية المفعول وإقامة لمدة خمس سنوات بالسودان ورخصة قيادة منتهية الصلاحية وشهادات دراسية حتى الجامعة بالسودان. هل كل هذا لا يشفع لي بأنني سوداني أملك حق التسجيل والإنتخاب؟؟
أرجو أن تراعي لجنة الإنتخابات خصوصية المهاجرين وتتساهل بحيث يتمكن المهاجر من ممارسة حقه في إختيار وإنتخاب من يحمله ثقته في قيادة البلاد والعباد.
لك كثير مودتي أخي وليد على التنبيه لأنني أخذت المعلومة من موقع آخر.
عبدالعزيز خطاب
|
Post: #3
Title: Re: سفارة جمهورية السودان في لاهاي تعلن ......
Author: waleed dawash
Date: 11-26-2009, 07:17 PM
Parent: #2
| Quote: بطاقة الإقامة في هولندا وإبراز بطاقة شخصية سودانية ، باسبورت سوداني ،رخصة قيادة سودانية ، أو شهادة الجنسية السودانية. |
اهلا ياعزيز..
انت متاكد مما تحته خط؟
بالله تاكد من المعلومة تماما... لانو في بلجيكا عندنا غير كده..
فقط الاقامة وجواز السفر السوداني.
|
Post: #4
Title: Re: سفارة جمهورية السودان في لاهاي تعلن ......
Author: عزيز
Date: 11-27-2009, 11:04 AM
Parent: #3
Quote: اهلا ياعزيز..
انت متاكد مما تحته خط؟
بالله تاكد من المعلومة تماما... لانو في بلجيكا عندنا غير كده..
فقط الاقامة وجواز السفر السوداني. |
الحبيب وليد
كل سنه وانت طيب وعيد مبارك والأخوان الأحباب ببلجيكا
شكراً جميلاً وحباً جزيلاً على لفت إنتباهي في مداخلتك الكريمة. قمت بالإتصال مباشرة بالأخ الوزير المفوض بالسفارة في لاهاي وذكر لي بأن هذا هو ما جاء في توجيه لجنة الإنتخابات وهذا مدون على موقع اللجنة الألكتروني وهو الجواز السوداني وليس بقية الأوراق الثبوتية.
أتمنى وأرجو أن تقدر لجنة الإنتخابات خصوصية وظرف المهاجر، فكثير منا ليس لديه الآن جواز سفر سوداني بعد الحصول على جواز بلد الهجرة ويحتفظ بشهادة الجنسية والبطاقة الشخصية كحالتي وكثير من شابهني. حتى نتمكن من ممارسة حقنا في إختيار من نحسن الظن في أنه سيقود السودان في الفترة القادمة.
مودتي كاملة والأمنيات
عبدالعزيز خطاب
|
Post: #5
Title: Re: سفارة جمهورية السودان في لاهاي تعلن ......
Author: Sidgi mattar
Date: 11-27-2009, 12:18 PM
Parent: #4
العزيز خطاب
عيدكم مبارك وكل سنه وانتم طيبين
نتمنى ان تراعى اللجنه ذلك علما بان المتبقى من الوقت للتسجيل اسبوع
التحايا لك والاسره والاخ معاز ولك الشوق
مودتى
|
Post: #6
Title: Re: سفارة جمهورية السودان في لاهاي تعلن ......
Author: سمندلاوى
Date: 11-27-2009, 01:48 PM
Parent: #5
ازيك ياخطاب وعيدك مبارك والقابلة زى ماعايز
ياصاحبى واضح اننا ماح يكون عندنا حق تسجيل للاسف
كدى اقرا الكلام التحت دا تاكيدا! لكن هو دحين نحنا حسبونا
فى التعداد الليلم دا؟
يازول عيدكم زين
Quote: بالامس وفى حديث مع السيدة الهام السفيرة باوسلو بصدد هذا الموضوع
اكدت فيه انه لامحالة, يعنى جنسية ماتنفع , بطاقة شخصية
ماتنفع ... لازم الجواز السودانى السارى المفعول ويمكن
التجاوز عن انتهاء صلاحية الجواز تسهيلا للتسجيل.
بالنسبة للحاصلين على جوازات نرويجية, اكدت ايضا وجوب ارفاق
الجواز السودانى.
طبعا بالنسبة للدول الاسكندنافية لايوجد مكتب تسجيل, فقط المكتب المعتمد
فى بلجيكا, (يعنى تقطع تذكرة طيران ذهاب واياب دبل) مرة للسفر للتسجيل
ومرة للتصويت.
افادت ايضا بان السفارة بصدد حصر للذين يمتلكون الجواز السودانى لبحث
امكانية ارسال لجنة مصغرة لتسجيل الناخبين هناك, ولكن عملية التصويت نفسها
لن تتم الا فى بلجيكا بحجة انو التصويت مركزى.....
جدير بالذكر ان اكثر من 80% من السودانيين فى النرويج لايستوفون شروط
التسجيل وبالتالى التصويت نظرا لعدم حيازتهم الجواز السودانى.... |
|
|