Post: #2 Title: Re: من هم 10 جزائريين الذين تطالب مصر بمحاكمتهم بعد أحداث السودان? Author: احمد محمد بشير Date: 11-25-2009, 05:45 PM Parent: #1
المصرييين قال عاوزيين يحاكمو الاتية اسمائهم...
1 - عبدالعزيز بوتفليقة 2- أحمد أويحيى: رئيس الوزراء الجزائرى 3 - هاشمى الجيار: وزير الرياضة 4 - مراد مدلسى وزير الخارجية الجزائرى 5 - وزير الدفاع عبد المالك قنايزية 6- وزير الصحة عمار تو 7- السفير عبدالقادر حجار: السفير الجزائرى 8 - محمد روراوة رئيس اتحاد الكرة الجزائرى 9- دقمان أرفيس: رئيس تحرير صحيفة الشروق 10 - نور الدين يزيد الزرهونى: وزير الداخلية الجزائرى
متي سيتم محاكمة المصريين الذين قتلو سبعة من الجزائريين في القاهرة؟. متي ستتم محاكمة المصريين الذين هشمو زجاج الحافلة التي تقِل اللاعبيين الجزائريين و تسببو في أصابة 2 من اللاعبيين الجزائريين في وجهِهم؟.
Post: #4 Title: Re: من هم 10 جزائريين الذين تطالب مصر بمحاكمتهم بعد أحداث السودان? Author: طارق الكوتش Date: 11-25-2009, 05:59 PM Parent: #2
وبالطبع مطلوب شهادة السودان >>>>>>> خصوصا فى الملف الذى رفعته مصر للفيفا
وهنالك زيارة الآن من وزير خارجية مصر للسودان ووووووووووووووووووووووووووو
ولسه ياما فى الجراب يا حاوى
حكومة السودان فى ورطه جديده ودائما هى كذلك من ورطه لورطه > ورطنى و تفنن > يلا حلها يا الخابوز والاجمل قال ليك رئيس الهنا رسل ليك مصطفى اسماعيل عشان يراضيهم و يصالحهم > بس يا ربى المستشار صفصف شال معاهو لولى ببا لزوم التحنيس
Post: #3 Title: Re: من هم 10 جزائريين الذين تطالب مصر بمحاكمتهم بعد أحداث السودان? Author: Mohamad Shamseldin Date: 11-25-2009, 05:53 PM Parent: #1
يا بكري بالمناسبة المصريين قالو اذا الفيفا ما انصفتهم حا يشتكو للمحكمة الدوليه (ما عارف دي حقت البشير و لا بت عمها)... حا يشتكو مين مش عارف.... الجزائر بس و لا السودان كمان..... و لا احتمال بيهرشو في جماعتنا بالمحكمه الدولية.... باقي جماعتنا من الواحد يجيبو ليهو سيرتها يرقد سلطه
Post: #5 Title: Re: من هم 10 جزائريين الذين تطالب مصر بمحاكمتهم بعد أحداث السودان? Author: Mohamad Shamseldin Date: 11-25-2009, 06:01 PM Parent: #3
Quote: 9- دقمان أرفيس
من اسمو شكلو الرأس المدبر ... و بتاع مشاكل
Post: #6 Title: Re: من هم 10 جزائريين الذين تطالب مصر بمحاكمتهم بعد أحداث السودان? Author: welyab Date: 11-25-2009, 06:47 PM Parent: #5
والله العظيم رجال .. حتى ولو كانو على باطل بيعرفو يطالبو بحقهم .. وبالرغم من القصة مفتعلة ولاغراص واضحة قدروا يقلبو البلد وشغلوا الرأي العام وحركوا المواطن البسيط واقنعو انفسهم بانهم على حق بالرغم من انهم يعلمون جيدا الحقائق اكثر من اسبوع وشغالين لغاية ما رجعو السودان وسجلو مع السواقين بعد خداعهم بكلمتين من محمد فواد ( قال حيروح السودان يعمل حفلة لصالح السواق) والناس فرحت يعني تعامل سخيف بس الناس راضية شوف هناك حركوا كل القيادات السياسية وشغالين على اتجاهين تهدئة مع الجانب الجزائري مع مطالبتهم بالاعتذار وكل الحاجات دي وسائل ضغط. وفي نفس الوقت ترضية للشعب المصري.. اما مع السودان فخطة التعامل هو الاطراء والشكر دون الاعتذار الصريح.. يعني ضحك على الدقون .. واحنا هنا قاعدين نصرف كلام في الفاضي وبدون اتخاذ اي خطوة ايجابية قلنا نرفع مذكرات احتجاج لسفارتي مصر والسودان ومافي اي واحد اتحرك أو اضافة جملة مفيدة .. حتى يابكري قلنا ليك اعمل حاجة وثبت بوست للتوقيعات ونتحرك نعمل حاجة مافي اي تجاوب بصراحة انا فقدت الامل في الامة السودانية حاجة تكسف والله ..
Post: #7 Title: Re: من هم 10 جزائريين الذين تطالب مصر بمحاكمتهم بعد أحداث السودان? Author: ود الباوقة Date: 11-25-2009, 06:52 PM Parent: #6
9
Quote: - دقمان أرفيس
من اسمو شكلو الرأس المدبر ... و بتاع مشاكل
الزول دا من اسمو يظهر عليهو ما بتاع مطاوي وسكاكين
الزول دا زول ( مرافسة ) فقط
Post: #8 Title: Re: من هم 10 جزائريين الذين تطالب مصر بمحاكمتهم بعد أحداث السودان? Author: احمد محمد بشير Date: 11-26-2009, 03:25 AM Parent: #5
Quote: من اسمو شكلو الرأس المدبر ... و بتاع مشاكل
لا يا شمس الدين..... دقمان أرفيس دا زول محترم باين عليهو بتاع المشاكل يا هو الفنان محمد مين دا... دا هو بتاع الفتنه زاتو .... قال نحن بنمووووووت قال..
Post: #9 Title: Re: من هم 10 جزائريين الذين تطالب مصر بمحاكمتهم بعد أحداث السودان? Author: د.يوسف محمد طاهر Date: 11-26-2009, 01:31 PM Parent: #8
1 - عبدالعزيز بوتفليقة 2- أحمد أويحيى: رئيس الوزراء الجزائرى 3 - هاشمى الجيار: وزير الرياضة 4 - مراد مدلسى وزير الخارجية الجزائرى 5 - وزير الدفاع عبد المالك قنايزية 6- وزير الصحة عمار تو 7- السفير عبدالقادر حجار: السفير الجزائرى 8 - محمد روراوة رئيس اتحاد الكرة الجزائرى 9- دقمان أرفيس: رئيس تحرير صحيفة الشروق 10 - نور الدين يزيد الزرهونى: وزير الداخلية الجزائرى
طيب وين عنتر يحي ؟ ما هو الجاب القون , لأن لو ما قونو دا ما كان في شيء
Post: #10 Title: Re: من هم 10 جزائريين الذين تطالب مصر بمحاكمتهم بعد أحداث السودان? Author: Mohamad Shamseldin Date: 11-26-2009, 01:58 PM Parent: #9
أحمد انا كمن عاوز أسهلها علي اخوانا المصريين... عشان يثبتو التهمه علي الناس دي صعب عليهم ...... طبعا زي ما قالو ممكن بكلامهم ده ممكن يقنعو فيفي عبده لكن الفيفا لا.. عشان كده حلا للاشكال ياخدو اسم "دق مان ارفس" و يترجموه و لو كان عندهم ليهو صوره بشنبات كبار و صلعه زياده خير.....احتمال يكسبو القضيه.... المصريين ديل شرحو لي المثل "هامان و قله عقله"
Post: #11 Title: Re: من هم 10 جزائريين الذين تطالب مصر بمحاكمتهم بعد أحداث السودان? Author: عبدالكريم الامين احمد Date: 11-26-2009, 03:44 PM Parent: #10
Quote: 9- دقمان أرفيس: رئيس تحرير صحيفة الشروق
يا زول دقمان ارفيس ده جريدتو عجيبة مرة واحد والشروق دي انا قريت نسخة نسختين كده منها في ايامات الدشمانات دي والايام اللاحقة دقمان وصحبه ديل فاتحين فيها علي المصريين ديل نيران ومدفعية رهيبة.. مسكو ليك شوبير ده مرمطو بيهو التراب قبلو علي مصطفي عبدة رشو رش القردة.. عمر اديب لبعو لبع شديد شاتو شوووت ابن لذينة في المحامين الحرقو العلم الجزائري ياخي جريدة تيييف تييييييف تقراها من اول صفحة لحدي نهايتها
Post: #12 Title: Re: من هم 10 جزائريين الذين تطالب مصر بمحاكمتهم بعد أحداث السودان? Author: احمد محمد بشير Date: 11-26-2009, 03:57 PM Parent: #11
ادينا اللنك او الرابط بتاع جريدة الشروق دي لو عندك يا عبد الكريم الامين....... عشان نقرا لي ناس دقمان ارفيس ديــل الظاهر عليهم بهدلو ناس محمد مين داك بهدله شديده.... ويديك العافية.
Post: #13 Title: Re: من هم 10 جزائريين الذين تطالب مصر بمحاكمتهم بعد أحداث السودان? Author: عبدالكريم الامين احمد Date: 11-26-2009, 04:10 PM Parent: #12
