منع(10 الف سوداني) بولاية(نبراسكا) و(8) فقط هم المستوفين لشروط المؤتمر الوطني!

يلا اتفرجوا....يا كل من يثق بانه الكيزان....ممكن ان يكونون نزيهين!!

او حلم ان تكون هنالك انتخابات نزيهه!!

Quote: إقبال كبير وشروط تمنع أكثر من عشرة آلاف من التسجيل بولاية نبراسكا الأمريكية صابر أتير – نبراسكا – الولايات المتحدة تم اختيار ولاية نبراسكا لتكون مركزا لتسجيل الناخبين للانتخابات السودانية التي من المتوقع ان تجرى عام 2010 القادم , بحكم موقع الولاية الجغرافي الذي يجعلها تتوسط الولايات المتحدة الأمريكية وتجاور كل من ولايات كولورادو , ميسوري , الينوى , أيوا , بالإضافة لشمال وجنوب داكوتا زائدا ولاية مينسوتا التى لا تبعد كثيرا , وهذه الولايات مجتمعة يقطنها قرابة الخمسة عشر سوداني ,وتم اختيار مدينتي ( أوماها ) و ( لنكولن ) كمراكز للتسجيل ,وبالتنسيق مع مفوضية الانتخابات اشرف وفد من السفارة السودانية على عملية التسجيل يوم الاثنين 23\11\2009 والثلاثاء 24\11\2009 , ورغم الإقبال الكبير من قبل السودانيين إلا ان شروط تسجيل الناخبين حالت دون نيل حقهم الدستوري , فكان شرط أعضاء وفد السفارة ان على من يريد التسجيل عليه إبراز ( جواز سفر ) سوداني ساري المفعول ولا تعتمد شهادة ( الجنسية السودانية ) أو حتى بطاقة السودان الشخصية و شهادة الميلاد , فتم تسجيل عدد ( 8) ناخب سوداني فقط وهم من يحملون جوازات سفر سودانية , ووسط احتجاج الحضور والذي اعتبر ان هناك تلاعب من قبل المؤتمر الوطني اقترح تسجيل الذين لا يستوفون الشروط في استبيان خاص ويتم إرساله للمفوضية للنظر في أمرهم إلا ان الجمهور قابل الأمر بسخرية شديدة متوعدين المؤتمر الوطني بدفع الثمن , وعند سؤالنا لأحد أعضاء الجنة عن لماذا لا يعتمدون الجنسية السودانية وشهادات الميلاد كمستند رسمي للتسجيل ؟ كان رده ليس لدينا تفويض من المفوضية بذلك والمؤسف ان المفوضية تعاملت مع السودانيين بالولايات المتحدة كتعاملها مع المغتربين بدول الخليج وأضاف قائلا اعتبر ان مهمتنا في تسجيل الناخبين فشلت بسبب شروط المفوضية . * وبسبب تلك الشروط التعجيزية فقد خمسة عشر سوداني حقهم الدستوري والوطني وتسجيل أسمائهم في سجل الناخبين لأنهم لا يحملون جوازات سفر سودانية سارية المفعول , علما بان اغلبهم ينتمي للحركة الشعبية وحركات دارفور , مما يوحى بان الأمر قصد منه منعم من التصويت في الانتخابات القادمة .

Quote: فكان شرط أعضاء وفد السفارة ان على من يريد التسجيل عليه إبراز ( جواز سفر ) سوداني ساري المفعول ولا تعتمد شهادة ( الجنسية السودانية ) أو حتى بطاقة السودان الشخصية و شهادة الميلاد

الاخت تراجي
هذا خطأ ...
1- أنا سجلت يوم الأحد الماضي بشيكاغو (و افترض انهم نفس المجموعة التي كانت بيشكاغو يومي السبت و الأحد)... ببطاقة سودانية (اجانب من اصول سودانيه)
شقيقي كان معي سجل بجواز سوداني غير ساري المفعول....
سألت المسئول ( اعتقد ان اسممه جمال) قال لي أي بطاقة سودانية... جنسية...جواز + امريكيه
2- رفضو تسجيل زوجتي لعدم حضورها

الفاضل محمد شمس الدين

سلامات يا غالي

يا اخوي الخطأ شنو؟؟؟

خطأهم هم ام خطأ الكاتب؟؟؟

Quote: الاخت تراجي هذا خطأ ... 1- أنا سجلت يوم الأحد الماضي بشيكاغو (و افترض انهم نفس المجموعة التي كانت بيشكاغو يومي السبت و الأحد)... ببطاقة سودانية (اجانب من اصول سودانيه) شقيقي كان معي سجل بجواز سوداني غير ساري المفعول.... سألت المسئول ( اعتقد ان اسممه جمال) قال لي أي بطاقة سودانية ... جنسية...جواز + امريكيه 2- رفضو تسجيل زوجتي لعدم حضورها

طيب يا غالي اليس القائم بالتسجل كيزان

اذن المستغرب ليها شنو؟؟؟

يمكن قبلوك لانهم شافوك متعلم وشمالي في النهايه!

لما لقوا ناس الهامش الغبش ديل في نبراسكا قعدوا

يتفلسفوا عليهم.

والا ما تفسيرها؟؟؟

وصابر ده انا بقرأ له طوالي زول رزين وعاقل ولا يمكن يتشوبر

يكتب في موضوع لم يحدث؟؟؟

العزيزة تراجى
good day
ماحدثت فى نبراسكا صورة طبق الاصل لما حدث فى بنسلفانيا -فلادلفيا
بل الوقت كان ساعات فقط ومن غير اعلام وفى الفندق المحبب للكيزان

Quote: إبراز ( جواز سفر ) سوداني ساري المفعول ولا تعتمد شهادة ( الجنسية السودانية ) أو حتى بطاقة السودان الشخصية و شهادة الميلاد

بالامس وفى حديث مع السيدة الهام السفيرة باوسلو بصدد هذا الموضوع
اكدت فيه انه لامحالة, يعنى جنسية ماتنفع , بطاقة شخصية
ماتنفع ... لازم الجواز السودانى السارى المفعول ويمكن
التجاوز عن انتهاء صلاحية الجواز تسهيلا للتسجيل.
بالنسبة للحاصلين على جوازات نرويجية, اكدت ايضا وجوب ارفاق
الجواز السودانى.
طبعا بالنسبة للدول الاسكندنافية لايوجد مكتب تسجيل, فقط المكتب المعتمد
فى بلجيكا, (يعنى تقطع تذكرة طيران ذهاب واياب دبل) مرة للسفر للتسجيل
ومرة للتصويت.
افادت ايضا بان السفارة بصدد حصر للذين يمتلكون الجواز السودانى لبحث
امكانية ارسال لجنة مصغرة لتسجيل الناخبين هناك, ولكن عملية التصويت نفسها
لن تتم الا فى بلجيكا بحجة انو التصويت مركزى.....

جدير بالذكر ان اكثر من 80% من السودانيين فى النرويج لايستوفون شروط
التسجيل وبالتالى التصويت نظرا لعدم حيازتهم الجواز السودانى....

Quote: ما لقوا ناس الهامش الغبش ديل في نبراسكا قعدوا يتفلسفوا عليهم

.

الاخت تراجي
"و الله برضو يجوز" زي ما قالت المرحومه الفلاتيه عندما سئلت عن رأيها في الفولكلور السوداني....
.....
لكن السودانيين المهمشين ديل لهم الحق ياخدو الحاله بتاعتي دي لاي مكان و انا مستعد اشهد معهم حتي ياخدو حقهم

الغالي شقيفات
شكرا لحضورك.....

Quote: العزيزة تراجى good day ماحدثت فى نبراسكا صورة طبق الاصل لما حدث فى بنسلفانيا -فلادلفيا بل الوقت كان ساعات فقط ومن غير اعلام وفى الفندق المحبب للكيزان

ياهو حالهم و المتوقع منهم

ومعا لتوثيق كل هذا...

Quote: الشروط التعجيزية

وين الشروط التعجيزية؟


اي زول لا يحمل جواز سوداني يجب الا يصوت
واللخبطة دي عملوها الكيزان


عشان نصهم عندهم جوازات اجنبية


اي زول ترك جوازو السوداني ما عنده حق في التصويت


السودان للسودانين

شكرا اخي سمندلاوي على هذا التوثيق عن سير التسجيل
للانتخابات بالنرويج للسودانين

Quote: بالامس وفى حديث مع السيدة الهام السفيرة باوسلو بصدد هذا الموضوع اكدت فيه انه لامحالة, يعنى جنسية ماتنفع , بطاقة شخصية ماتنفع ... لازم الجواز السودانى السارى المفعول ويمكن التجاوز عن انتهاء صلاحية الجواز تسهيلا للتسجيل. بالنسبة للحاصلين على جوازات نرويجية, اكدت ايضا وجوب ارفاق الجواز السودانى. طبعا بالنسبة للدول الاسكندنافية لايوجد مكتب تسجيل, فقط المكتب المعتمد فى بلجيكا, (يعنى تقطع تذكرة طيران ذهاب واياب دبل) مرة للسفر للتسجيل ومرة للتصويت. افادت ايضا بان السفارة بصدد حصر للذين يمتلكون الجواز السودانى لبحث امكانية ارسال لجنة مصغرة لتسجيل الناخبين هناك, ولكن عملية التصويت نفسها لن تتم الا فى بلجيكا بحجة انو التصويت مركزى..... جدير بالذكر ان اكثر من 80% من السودانيين فى النرويج لايستوفون شروط التسجيل وبالتالى التصويت نظرا لعدم حيازتهم الجواز السودانى....

شكرا اخي و النشوف آخرتها معاهم.

تراجى سلامات
فى آيرلندا تم التسجيل بواسطه أى وثيقه ثبوتيه سودانيه,ولايشترط أن تكون سارية المفعول.هذا الشرط ينطبق على الإقامه الشرعيه فى آيرلندا أو بريطانيا.يعنى أقامه سارية المفعول.وقد كنت مراقبا لعملية التسجيل.وهذه شهادتى بالنسبه لآيرلندا.
ودمتى

Quote: اي زول لا يحمل جواز سوداني يجب الا يصوت

د. نجاة
عيد مبارك
أنا لا أحمل جواز سوداني ساري المفعول.....
و حا أصوت.... لانو القانون قال كده...
وطنتي و انتمائي للسودان أكثر من اللصوص الحاكمه... لاني انضف منهم...
انت لو عاوزه تمنعي حق التصويت عن مواطن مفروض تمنعيهو عن كل من له جريمه كالسرقه مثلا....
انا ذاتي متألم كيف يعطوني أنا واي واحد من ال 500 لصوزير نفس الحق.... تصوري لو البلد فيها نظام كان سمحو لي أنا و هو سلبوهم الحق ده...
يعني ما لقيتي الا المساكين المرميين في قبل الارض الاربعة عشان تمنعيهم الحق ده...
و لا قانون "حقيرتي في بقيرتي"...
انتي لو زوله حقانية طالبي بسلب حق التصويت من الحراميه و اللصوص

Quote: انتي لو زوله حقانية طالبي بسلب حق التصويت من الحراميه و اللصوص

الحرمنة واللصوصية ما تسقط الجنسية والا كان نص امركا ما عندها جوازات
اي زول حرامي ولا لص يتحاكم بالقانون..

اي زول يغير جنسبتو يبقى محل اختار..عايزين تاكلو خريفين؟

السودان للسودانين

Quote: بيان من حزب المؤتمر السوداني حول عملية التسجيل والانتخابات الرئاسية إلى السودانيين بالولايات المتحدة الأمريكية نخاطبكم اليوم وعملية ما يسمى بالتسجيل للإنتخابات المزمع أقامتها في إبريل من العام القادم قد بدأت في العاشر من هذا الشهر خلافاً لما هو معلن عنه بواسطة مفوضية الإنتخابات في مركزين في مدينتي واشنطن ونيويورك ؟ هذا وقد أصدرت السفارة بواشنطن إعلاناً ملحقة مواقع فلادلفيا، بوسطن، شيكاغو، دلاس فورت ورث، أوكلاند، وقرينسبرو. ولم يحدد الزمان والمكان بالنسبة لبعض هذه المدن حتى إصدار هذا البيان ، مع منع بقية السودانيين المقيمين بالولايات والمدن الأخرى حقهم. نحن في المؤتمر السوداني في الولايات المتحدة وبعد المتابعة الدقيقة لسير مجمل هذه العملية نؤاكد مايلى: (1) السفارة جزء من الجهاز التنفيذي المسيطر عليه بواسطة الحزب الحاكم (المؤتمر الوطني) مما يجعلها غير مؤهلة وغير مستقلة للقيام بدور لجنة الإنتخابات التي يحدد القانون قوميتها وحياديتها وأنها ليست برافد من روافد الجهاز التنفيذي. (2) الوثائق الثبوتية المطلوب توفرها للتسجيل لا تنطبق ولا تتوفر لدى معظم السودانيين بالولايات المتحدة لأن معظمهم من الاجئين الذين اعيد توطينهم بواسطة الأمم المتحدة من معسكرات الاجئين. (3) لجعل عملية التسجيل متاحة ومتيسرة لكل السودانيين كحق دستوري وقانوني يجب فتح مراكز التسجيل في كل الولايات وتمدديدها . وبالاشــارة لما تقدم إتضح لنا جليا ان المؤتمر الوطني لن يتخلى عن أساليب القهر الدكتاتوري والتسلط ويمكر لتطويع ما جاءت به إتفاقية السلام الشامل بخصوص التحول الديمقراطي لتحقيق مصالحة الحزبية على المصلحة القومية العليا وذلك برفضه تنفيذ بنودها وما جاء فيها من ضوابط ترتكز إلى قوانين الحريات العامة (صحافة، حرية التعبير والتجمع الخ ...) لأن الحرية هي حجر الزاوية للديمقراطية. وعليه فإن المشاركة في التسجيل والإنتخابات القادمة لانتخاب رئيس الجمهورية هي مشاركة في تمديد لعمر الديكتاتورية ونثبيتا لها ، وتجميل لوجها بمساحيق الشرعية الديمقراطية وكلنا نعلم انه لايمكن ان تتم إنتخابات حرة ونزيهة تحت حكم الديكتاتورية وما كينيا وزمبابوي ببعيدتين . وبالإضافة لما تقدم فإننا نرفض ترشيح البشير المتهم بارتكاب جرائم حرب وجرائم ضد الإنسانية في دارفور من المحكمة الجنائية الدولية. كما نرفض قيام انتخابات يغيب عن المشاركة فيها عدد مقدر من ابناء الوطن وذلك فى اقليم دارفور الذى تشرد منه اكثر من مليونين و نصف المليون مواطن بحسب احصاءات الامم المتحدة بسبب الحرب التى شنتها حكومة المؤتمر الوطنى . وبجانب ذلك فأننا نرفض قيام انتخابات يسيطر على اجراءاتها بالكامل المؤتمر الوطنى من خلال هيمنته المطلقة على جهاز الدولة . ان اطلاق يد جهاز الامن التابع للمؤتمر الوطنى للتحكم فى العمل السياسى و نشاط الاحزاب تجعل المشاركة فى الانتخابات محض مسرحية لاعادة انتاج الواقع الماثل . ان المؤتمر الوطنى عمل بشكل منهجى من اجل ضغط الفترة الزمنية للتعبئة السياسية للانتخابات وذلك بتجاهله المستمر لمطالبات القوى السياسية و المجتمع المدنى برفع القوانين و القيود على الحريات ، وبالرغم من ان الاعلان الصادر عن مؤتمر جوبا فى اكتوبر 2009 قد امهل المؤتمر الوطنى حتى نهاية نوفمبر الجارى لتعديل تلك القوانين ، فأننا نرى انه حتى فى حالة الانصياع لهذا المطلب ، فستسحيل مشاركتنا فى انتخابات فيما تبقى من وقت على قيامها فى ابريل . وبناءا على ما تقدم فأننا نعلن مقاطعتنا للانتخابات القادمة و ندعو جماهير شعبنا الصامدة لمقاطعة هذه المسرحية التى يراد منها اضفاء شرعية على الديكتاتورية والاستبداد . 17نوفمبر 2009 للاتصال:[email protected]

الاخت نجاة

Quote: الحرمنة واللصوصية ما تسقط الجنسية والا كان نص امركا ما عندها جوازات

الحرمنه و اللصوصيه ما بتفقدك جنسيتك ... لكن ممكن تفقدك حق التصويت و الانتخاب

Quote: اي زول حرامي ولا لص يتحاكم بالقانون..

معناهو اي زول حرامي و لا لص يتحاكم بالقانون ... و القانون يسلبو حق التصويت
عشان كده أنا اجي اصوت و ال500 لصوزير لا......

Quote: اي زول يغير جنسبتو يبقى محل اختار..عايزين تاكلو خريفين؟

و القال ليك منو غيرنا جنسيتنا... أضفنا ليها جنسية تانية....
يعني زي قطر براسين...... و لا زي ما قال الشيخ العبيد ود بدر البيت الكبير سبلوقه واحده ما بتكفيهو