Post: #1 Title: سجل صوتك .. قبل الفرصة تفوتك .. عمل موسيقي مشترك Author: tmbis Date: 11-23-2009, 11:34 AM Parent: #0
كانت فكرة .. مشتركة تمت .. في مدة (نصف ساعة) .. وضع القالب الموسيقي .. معالجة اللحن .. ثم كتابة الكلمات .. الفكرة جرئية في طريقتها .. انطلقت من الرياض .. ثم إلى كندا .. فالولايات المتحدة الأمريكية.. ثم كان هذا العمل.
.. من حقك تدي الوطـن الشامخ صوتك وتختار زي ما عايز سجل قبل الفرصة تفوتك ما اصلو خيار الوحدة قريب لو مدينا الإيد لبعض وأخترنا خيارنا الجد هل نتوحد؟ سجل صوتك .. (حقوق النشر . محفوظة لشخصي الطويل) ..
Post: #2 Title: Re: سجل صوتك .. قبل الفرصة تفوتك .. عمل موسيقي مشترك Author: omer osman Date: 11-23-2009, 11:43 AM Parent: #1
جميل جداً انو الزول ماينسي وطنه حتى وهو في غمرة افراحه الخاصة.
عمل جميل وموفق انشاء الله ......
Post: #3 Title: Re: سجل صوتك .. قبل الفرصة تفوتك .. عمل موسيقي مشترك Author: محمد سنى دفع الله Date: 11-23-2009, 11:45 AM Parent: #2
مين المشاركين في العمل يا عريس ايامك ساكوبيس مودتي
Post: #5 Title: Re: سجل صوتك .. قبل الفرصة تفوتك .. عمل موسيقي مشترك Author: عمران حسن صالح Date: 11-23-2009, 11:52 AM Parent: #3
Quote: ايامك ساكوبيس
هيشكـ الما ضراكـ ..
Post: #10 Title: Re: سجل صوتك .. قبل الفرصة تفوتك .. عمل موسيقي مشترك Author: tmbis Date: 11-23-2009, 12:13 PM Parent: #5
Quote: هبشكـ الما ضراكـ ..
.. وإنت أيضا ..
Post: #9 Title: Re: سجل صوتك .. قبل الفرصة تفوتك .. عمل موسيقي مشترك Author: tmbis Date: 11-23-2009, 12:07 PM Parent: #3
Quote: مين المشاركين في العمل يا عريس ايامك ساكوبيس مودتي
.. يا سني .. واحشنا يا راجـل .. فاتني الاشارة إلى إنو الاداء الصوتي .. شارك فيه.. أوفقير علي الشريف .. وعزالدين ضمرة .. والتنفيذ الموسيقي .. عزالدين ضمرة .. تشكر يا السني .. للملاحظة .. الايام الساكوبيس دي يا السني ممكن تنسي الواحد اسمو زاتووو .. شفت كيف ؟؟ الله (يسبكس) ايامك
Post: #8 Title: Re: سجل صوتك .. قبل الفرصة تفوتك .. عمل موسيقي مشترك Author: tmbis Date: 11-23-2009, 12:02 PM Parent: #2
Quote: جميل جداً انو الزول ماينسي وطنه حتى وهو في غمرة افراحه الخاصة. عمل جميل وموفق انشاء الله ......
.. يا جنابو .. أفراح الوطن جزء من أفراح الوطن .. وافراحنا الخاصة تعمق تمسكنا بالوطن .. بلاي أمدرمان عاملة كيف الايامات دي ؟ .. والله واحشاني بشكل .. استنى لي ليهـا ..
Post: #11 Title: Re: سجل صوتك .. قبل الفرصة تفوتك .. عمل موسيقي مشترك Author: محمد طه الحبر Date: 11-23-2009, 12:19 PM Parent: #2
100 في الــ100
ومافي كلام
Post: #12 Title: Re: سجل صوتك .. قبل الفرصة تفوتك .. عمل موسيقي مشترك Author: tmbis Date: 11-23-2009, 01:10 PM Parent: #11
Quote: 100 في الــ100 ومافي كلام
تمام يا محمد طــه .. وهو المطلوب اثباته .. الدعم والتشجيع للجميع .. أمر التسجيل للانتخابات متاح ومكفول للجميع .. وحق وواجب وطني..
Post: #4 Title: Re: سجل صوتك .. قبل الفرصة تفوتك .. عمل موسيقي مشترك Author: tmbis Date: 11-23-2009, 11:51 AM Parent: #1
في جلسة مشتركة على برنامج (الاسكاي بي) .. جمعتنا أربعتنا .. من الرياض السعودية عزالدين ضمرة .. الموسيقي المتمكن أوفقير علي الشريف .. الملحناتي الموهوب .. عبد الله داش .. زميل البورد والشاعر المرهف .. وشخصي و عمر منصورشقيقي الأكبر .. الموسيقي عازف الكمان وعضو مجموعة السمندل المقيم بكندا .. وحسن مبارك الشهير بي (حسن فار) . عازف الجيتار والموسيقي المعروف المقيم بالولايات المتحدة .. انطلقت من الرياض .. ثم إلى كندا .. فعادت مرة أخرى إلى الرياض .. اقترح القالب الموسيقي عزالدين ضمره .. من ثلاثة مركبات موسيقية على آلة الكلاسيك جيتار .. استقبل المركبات عمر منصور ثم قام بإضافات على المركبات .. ووضع الشكل الرئيسي للحن في الناحية الأخرى .. استقبل الفكرة .. حسن مبارك .. واضاف في الميلودي أوفقير الشريف .. عالج العمل موسيقيا بوضع التصور اللحني .. عبد الله داش .. صاغ الكلمات وفق اللحن المكتوب وشكل المركبات .. قام بتجميع العمل وتنفيذه على آلة الكيبورد .. واضافة (تراك) الجيتار عزالدين ضمرة .. ثم اكتمل العمل .. كل هذه العمليات تمت بمنزلنا بالرياض .. وقمت بتجميع العمل وتسجيله في استديو متواضع قمنا بتجهيزه من أجهزة بسيطة متاحة - لذلك: الجودة ربما تكون غير عالية كما هو مستخدم في التسجيلات التي تتم في استديوهات مجهزة بشكل جيد .. نقبل اقتراحاتكم .. لتطوير العمل ..
Post: #6 Title: Re: سجل صوتك .. قبل الفرصة تفوتك .. عمل موسيقي مشترك Author: عمر صديق Date: 11-23-2009, 12:00 PM Parent: #4
مبروك
عمل جيد وهادف ومواكب
___________________
دي بس اثار الخطوبة
بعد العرس انشاء الله
خبر عااااااجل
صدور البوم غنائي للموسيقار تمبس
Post: #13 Title: Re: سجل صوتك .. قبل الفرصة تفوتك .. عمل موسيقي مشترك Author: tmbis Date: 11-23-2009, 01:14 PM Parent: #6
Quote: مبروك عمل جيد وهادف ومواكب
.. تشكر يا عمر .. مزيد من الآراء .. العمل بسيط وبيلامس كل شرائح المجتمع ..
Quote: دي بس اثار الخطوبة بعد العرس انشاء الله خبر عااااااجل صدور البوم غنائي للموسيقار تمبس
.. أنا في الوضع الراهن .. بنفع منتج .. بعد العرس إن شاء الله ببقى منتج ومخرج واحتمال كبير اغني
Post: #7 Title: Re: سجل صوتك .. قبل الفرصة تفوتك .. عمل موسيقي مشترك Author: omer osman Date: 11-23-2009, 12:00 PM Parent: #4
Quote: نقبل اقتراحاتكم .. لتطوير العمل ..
Quote: من حقك تدي الوطـن الشامخ صوتك وتختار زي ما عايز
مقترح بتعديل بسيط في المطلع ....... بدل (من حقك) خليها (واجبك) طالما الفكرة الاساسية هي حث الناس للمارسة حقهم الدستوري
في تقديري المخاطبة بي (واجبك) تأثيرها اكبر ........
Post: #14 Title: Re: سجل صوتك .. قبل الفرصة تفوتك .. عمل موسيقي مشترك Author: tmbis Date: 11-23-2009, 02:04 PM Parent: #7
Quote: في تقديري المخاطبة بي (واجبك) تأثيرها اكبر ........
.. تمام يا كمندان .. الملاحظة في الاعتبار ..
Post: #15 Title: Re: سجل صوتك .. قبل الفرصة تفوتك .. عمل موسيقي مشترك Author: داليا الكباشى Date: 11-23-2009, 02:21 PM Parent: #14
احلى حاجه في الاغنيه دي شغل الاستديو والتوزيع الموسيقي
هو بالله اللي اشتغلوا منو ...؟؟
Post: #16 Title: Re: سجل صوتك .. قبل الفرصة تفوتك .. عمل موسيقي مشترك Author: محمد صلاح Date: 11-23-2009, 02:31 PM Parent: #15
كعهدنا بك دوما يا علاء مبدع شفيف ورائع وشن فايدة ابداع لا يصب في نهر الوطن تسلم يا عريس
Post: #22 Title: Re: سجل صوتك .. قبل الفرصة تفوتك .. عمل موسيقي مشترك Author: tmbis Date: 11-24-2009, 08:15 AM Parent: #16
Quote: وشن فايدة ابداع لا يصب في نهر الوطن
.... العزيز محمد صلاح .. وين الحي بيك يا صاحبنـا ويا زميلنـا .. ويا حبيبنـا القديم ..؟ هؤلاء الشباب الأنجزو العمل يا محمد هم شعلة من النشاط والحيوية .. يموتون عشقا في هذا المترامي الأطراف .. ابداعهم رضعوه من ثدي الوطن .. لذا كان رد الجميل .. تحياتي لكل المعاك ويدكم معانا ..
Post: #17 Title: Re: سجل صوتك .. قبل الفرصة تفوتك .. عمل موسيقي مشترك Author: Abureesh Date: 11-23-2009, 02:33 PM Parent: #15
Quote: سجل صوتك .. قبل الفرصة تفوتك
بعد شنـو؟
نقول ليك تانى مبروك يا علاء فى البرندة المرقت ليها دى.
Post: #23 Title: Re: سجل صوتك .. قبل الفرصة تفوتك .. عمل موسيقي مشترك Author: tmbis Date: 11-24-2009, 08:28 AM Parent: #17
Quote: بعد شنـو؟
.. كيف بعد شنو يا ابو الريش ..؟ هي يا دوبك الأمور كدا استوت .. بالنسبة للعمل .. كان في تاني يوم من بداية الحملة .. وكان الغرض منو مشاركة في فعالية خاصة في المانيا .. بالاضافة لي ارسال رسالة واضحة لكل من تأخر أو له راي في ضياع حقه المتاح والمكفول له .. والخاص بالشأن الوطني .. اعتقد أن القيمة من العمل تكمن في الرسالة التي وصلت من خلال الكلمات البسيطة واللحن الابسط والساهل الذي يخاطب وجدان الكل .. وإن تأخر قليلا .. عندك فكرة إنو تم تمديد الفترة ..؟ يعني دا الوقت المناسب الما سمع يسمع والما سجل يسجل ..
Post: #20 Title: Re: سجل صوتك .. قبل الفرصة تفوتك .. عمل موسيقي مشترك Author: tmbis Date: 11-24-2009, 08:01 AM Parent: #15
Quote: هو بالله اللي اشتغلوا منو ...؟؟
... أنا غايتو ما بعرف أغني .. لكن اليومين دي بسجل وأوزع أي حاجة .. الفريق الفني .. بيسلم عليك شديد
Post: #18 Title: Re: سجل صوتك .. قبل الفرصة تفوتك .. عمل موسيقي مشترك Author: Elmosley Date: 11-23-2009, 06:54 PM Parent: #1
ماسمعت اللحن ياتمبس لكن عندي اغنيتين حينزلن قريب للانتخابات بطلب من الاذاعة الالمانية المهم رسل لي لحنك او عملك بالايميل لو امكن او غير الفورم لو بتحفظ السر برسل ليك الاغنيتين تسمعهم [email protected]
Post: #19 Title: Re: سجل صوتك .. قبل الفرصة تفوتك .. عمل موسيقي مشترك Author: بكري الخير Date: 11-23-2009, 07:06 PM Parent: #18
تمبس
والله حقو الزول يمشي يسجل عشانك
Post: #21 Title: Re: سجل صوتك .. قبل الفرصة تفوتك .. عمل موسيقي مشترك Author: فتحي الصديق Date: 11-24-2009, 08:06 AM Parent: #19
ياخي طيب كان تخطب من زماااان..كنا سمعنا الكتير الكتير .. ألف مبروك يا رائع على الخطوبة واللحن .
Post: #26 Title: Re: سجل صوتك .. قبل الفرصة تفوتك .. عمل موسيقي مشترك Author: tmbis Date: 11-24-2009, 09:16 AM Parent: #21
Quote: ياخي طيب كان تخطب من زماااان..كنا سمعنا الكتير الكتير .. ألف مبروك يا رائع على الخطوبة واللحن .
حبيبنا فتحي الصديق .. الله يبارك فيك يا عظيم .. .. بلاي الخطويبة بتعمل كل الحاجات الحلوة دي ..؟ معناته الواحد كان مضيع نفسو ساااي ..
Post: #25 Title: Re: سجل صوتك .. قبل الفرصة تفوتك .. عمل موسيقي مشترك Author: tmbis Date: 11-24-2009, 09:03 AM Parent: #19
يا سلالام يا بكري .. والله ريحتني شديد .. سجل ياخ وما تضيع الفرصة ..
Post: #24 Title: Re: سجل صوتك .. قبل الفرصة تفوتك .. عمل موسيقي مشترك Author: tmbis Date: 11-24-2009, 08:40 AM Parent: #18
Quote: ماسمعت اللحن ياتمبس لكن عندي اغنيتين حينزلن قريب للانتخابات بطلب من الاذاعة الالمانية المهم رسل لي لحنك او عملك بالايميل لو امكن او غير الفورم لو بتحفظ السر برسل ليك الاغنيتين تسمعهم
.. الغريبة يا استاذ يوسف .. الشباب النفذو العمل .. سالو عنك بشدة .. وكانو منتظرين مشاركتك كأحد المساهمين موسيقيا .. العمل حولتو إلى ملف MP3 وهو ساهل وخفيف زي ما عارف .. ومفترض يكون مسموع .. لكن للضمان ح ارسلو ليك بالايميل .. وممكن ترسل لي على الايميل حقي tmbisco(at)hotmail.com وح نكون في انتظارك للمساهمة .. راجع الايميل ..
Post: #27 Title: Re: سجل صوتك .. قبل الفرصة تفوتك .. عمل موسيقي مشترك Author: Yousif A Abusinina Date: 11-24-2009, 09:17 AM Parent: #24
تمبـــــــــــــا
لا تعليق !!!!!!!!!!!!!!!!!
يا حليل ايام زماااااااااان
كلامى معاك بالتلفون
يا دكتورة الجرعات الذائدة مرات بتسبب نتائج عكسية وانتى ست العارفين
الله يهنيكم لا حاسد ولا بقران لكن فرحاااااااان ليكم
Post: #28 Title: Re: سجل صوتك .. قبل الفرصة تفوتك .. عمل موسيقي مشترك Author: وليد محمد المبارك Date: 11-24-2009, 12:55 PM Parent: #27
قر قررقرقرقرقرقرقرقرقرق كاااااااااااااااااااك
انعن ابو الريده زاتها
هاهاهاهاهاهاها هاهاهاهاهاهاهاها
ياخ خطبت عملت لينا غنية تعرس تبقى موزارت
Post: #29 Title: Re: سجل صوتك .. قبل الفرصة تفوتك .. عمل موسيقي مشترك Author: Sidgi mattar Date: 11-24-2009, 01:06 PM Parent: #28
العزيز تمبس
لك سلامى
شغل جميل واصل و اعتمدنا وجاهزين
مودتى
Post: #30 Title: Re: سجل صوتك .. قبل الفرصة تفوتك .. عمل موسيقي مشترك Author: Elmosley Date: 11-24-2009, 03:01 PM Parent: #24
تمبس سمعت العمل والله جميل محتاج للمسات بسيطة من ناحية المكساج ودخول فرشة وتريات صغيره كخلفية خفيفه ياخي والله انتو شباب ممتازين ولازم نشجع الديموقراطية ونموها في السودان وندخل مرحلة جديده بعد اللي كان ========= نعلو صاحبي عمر وصديقه عمر معاكم في المشروع كل الحب لكم وبالتوفيق دوما
Post: #31 Title: Re: سجل صوتك .. قبل الفرصة تفوتك .. عمل موسيقي مشترك Author: أبو ساندرا Date: 11-24-2009, 04:04 PM Parent: #30
