معقول من الخميس للأحد بس ، عطلة العيد

أعلن أن عطلة عيد الأضحي المبارك ستبدا يوم الخميس القادم وتنتهي يوم الأحد علي أن يزاول جميع العاملين أعمالهم يوم الإثنين - معقول يا جماعه يومين بس الخميس والأحد

والله بختكم عديل كده

نحن لينا الله

يوم العيد شغالين

واحتمال يدونا إذن للصلاة واحتمال لا

كل سنة وانتي طيبة

والله يا هويدا،
أنا برضو سمعت الكلام دة،
بس ما متأكدة منو،،

على العموم ما أستغربتو كلو كلو،،

يعنى هى الخمس أيام و فيها الجمعة و السبت كانت كفاية،
عشان كمان يقصوا منها يوم،،

يعنى الناس التعبانة و فترانة دى و معنوياتها فى الارض،
حتى العيد ما يمرقها منها،،

غايتو لينا الله بس،،،،،،

الأخت هاله كل سنه وإنتي طيبه

وربنا يحقق كل أمانيكي

الكلام دا الليله نزل في الصحف ، لكن شايفه إتحاد العمال محتج لأنو أشار أن دا نقص لحقوق العاملين وبأنه يجب أضافة اليومين للعطله غايتو عطله صغيره بي شكل نوم ما فيها

والله بالغووووووا عديل كده
ياخ مفروض بعد الزعل الزعلناه
من المصريين ده يدونا اسبوع
والله اعصابنا بايظه عديل ومن
يوم الكورة مانمنا

أنا امس محتج على اجازتنا وواقف زمبااارة ..

لو كدة .. احمممممدك يا رب .. ومن شاف مصيبة غيره تهون عليهو مصيبتو

ومن الخميس للأربعاء خييير وبركة





وكل سنة وانتي طيبة يا هويدا وربنا يحقق الاماني

الغالي حيدر الزين

كل سنه وأنت طيب وربنا يحقق كل أمانيك
والله نحسدكم عديل من الخميس للأربعاء دا وين دا لازم لازم تشوف لي شغل معاك بي أي طريقه

قالت يومين وهي في السودان

شنو يفرق معاك يا مسنوحة يومين او عشرة ما اصلك جنب امك وابوك تتونسي زييين وتتخمجي بزيت سمسم صاااافي وتنومي في الهمبريب لحدى الصباح .

شنو يفرق معاك يعني ما اصلك بتمشي الدوام تجي العصر تتجدعي مع الويكيي والباميي ومحل رهيفة تنقد

شنو يفرق معاك يوم او شهر ما بتداومي وتجي العصر تدرعي توبك في كتفك وتمشي على خالاتك وعماتك وجكسيك ذاتو - إن وجد

قالت يومين بس !!!!!!!

الطيب يا مسنوح

كل سنه وانت طيب وربنا يحقق الاماني والسنه الجايه إن شاء الله عاقل وهادئ وفي آخر بقاع الأرض لوحدك (حساده كدا بس)

والله يومين شويه خالص خالص هسع عصر الشتاء دا فيهو شنو تجي راجع من الشغل المغرب يجي لو فرشت السراير ما خليت حاجه

بععدين تعال هنا وينو وعدك أنا في الإنتظار

الاخ مدثر

كل سنه وانت طيب

مش كدا بالله بالرغم من أنو ما عندي اهتمامات كرويه لكن الموضوع دا بالجد زعلني شديد

كفاكم تب اليومين ديل

ما انتو السنه كلها معدينها أعياد واجازات

الناس في السعودية ما بتأجز الا من العيد للعيد ومع الرأفة كمان

كل سنه وانتو طيبين يا هويدا

وعيدكم مبارك

وربنا يحقق كل الأمنيات

الأخ أنس

كل عام وأنت بخير

بس بالجد كدا الإجازه صغيره خالص خالص وخصوصا إنها تخللتها يومين اصلا إجازه وأغلب الناس بسافروا في الضحيه للأقاليم

المسنوحة

وحياتك المنبر غيرك رماد وناااااااااااائم احمدك يا الله الجيتي خجيتيهو

Quote: إن شاء الله عاقل وهادئ وفي آخر بقاع الأرض لوحدك (حساده كدا بس)

ان شاء الله انت كمان يجيك مغترب يعرسك ويرحل بيك بلدا طيرو عجمي ويفكك هناك ويجي بلاك

Quote: بععدين تعال هنا وينو وعدك أنا في الإنتظار

هلا هلا جاييك شائل الفرح

لقيتيني كيف؟

يا مسنوح

عريس إلا انت بس ، دا اذا في طريقه انو المرأه مسموح ليها تدبل

يلا ابقي قدر كلمتك وانا في الإنتظار

هويدا،
كل سنة و إنتى طيبة و ربنا يحقق ليك كل الامانى،،

انا فعلا لقيت الخبر فى الصحف بعد ما رسلت المداخلة،،،

غايتو ما عارفين نقول شنو؟؟؟

الظاهر العيد دة مافى زول ح يلف على زول،
حدنا السبت،،،

ما مزعلنى إلا الناس البسافروا يعيدوا مع أهلهم،
الله ليهم،،،،،

الأخت هويدا
كل سنة وانتو طيبين

ما تزعلي لكن العطلة عندنا في الامارات 11 يوم
نعطل من الاربعاء الجاي لحدي الأحد 6 ديسمبر
وكل زول ياخد قسمتو (على رأي المرحوم حركة)

الأخت هاله ، كلامك صحيح مائه المائه والعطله هسع جاءت ووصلت يوم الإتنين شغل شغل ، غايتو نحن بنضبح تاني يوم السبت ويوم الأحد نغسل العده الله يهون

Quote: يلا ابقي قدر كلمتك وانا في الإنتظار

هيييييييييع قايلاني بندراوي يا مسنوحة ؟



شفتي عمايلك م/ هالة حسن دى مافي حد قلعها لينا الا انتى - الزمن دا كلوو عاملة لينا فيها تقلة

Quote: يلا ابقي قدر كلمتك وانا في الإنتظار

الاخت هويدا
كل عام وانت والاسرة الكريمة بألف خير

عجبنى جداً ردك الحاسم للأستاذ المسنوح ود شيقوق وهو والله ما يقدر يسوى الحبة انا عارفو...

تحياتى لك وللاخ المفضال ود شيقوق بلا حدود

الاخ علي

اولا كل سنه وانت طيب والبركه في المسنوح دا الخلاك تمر علي البوست بتاعنا

اما بالنسبه ليهو انا عارفاهو زول بياع كلام بس ما ياها شغلتو

ود شيقوق كيفنك؟؟؟

Quote: شفتي عمايلك م/ هالة حسن دى مافي حد قلعها لينا الا انتى - الزمن دا كلوو عاملة لينا فيها تقلة

صدقت، هويدا دى تستاهل أمرق ليها من بياتى الشتوى،،



لكن بينى و بينك قبل كدة،
موضوع الحصل بعد الكورة غلبنى كلو كلو اسكت،،،،





منتظرنك فى العيد،،،،

الغاليه هاله مشكوره علي المرور الرقيق

لكن الزول دا ما تصدقيهو المنتظرنو كتار وهو والله ما قدر وعدو

يا هندسة

Quote: صدقت، هويدا دى تستاهل أمرق ليها من بياتى الشتوى،،

عمرك كلو صادقة الا في دى - دى والله ما يستاهل يمرق ليها الا تمساح يلحقها الفاتو

Quote: منتظرنك فى العيد،،،،

جاييكم وكلكم معزومين المرة دى في بيتي وكمان عازم معاكم واحدة مسنوحة متابعة كتاباتكم دى هنا وقالت مشتهية تشوف مسانيح سودانيز ديل

هويدا :

كويس خمي وصري يعني مصرة ما تتراجعي

أختي / هويدا شرف الدين
طابت أوقاتك
أنتو السنة كلهامؤجزين
شيء عيد انقاذ
شي عيد استقلال
شيء عيد الكريسماس
شيء رأس السنة الهجرية
شيء المولد
شيء ما شيء
هذا إضافة للإجازة الأسبوعية يوم السبت
دا كلو ما كفاكم؟؟
نحن هنا في السعودية
الإجازة من عيد لي عيد وبسسسسسس
اجازتنا العيد دا للقطاع الحكومي 15 يوم
غالبيةالقطاع الخاص إجازته
من الخميس إلى الثلاثاء
الأربعاء دوام
يديد العافية
تحياتي

بختكم يا هويدا ..

شهرين إجازة !!


ـ
1 يوم إجازة هناك = 30 يوم هنا و قيل أكثر ..



ـ
كل عام و أنتي و من معك بكل خير و صحة وعافية ..

PLEASE INFORM EVERYONE you know!




Emails with pictures of Osama Bin-Laden hanged are being sent and the moment that you open these emails your computer will crash and you will not be able to fix it!





1.) If you get an e-mail along the lines of 'Osama Bin Laden Captured' or 'Osama Hanged' , don't open the Attachment!!!!





This e-mail is being distributed through countries around the globe , but!mainly in the US and Israel





Be considerate & send this warning to whomever you know.





PLEASE FORWARD THIS WARNING AMONG FRIENDS, FAMILY AND CONTACTS:





2.) You should be alert during the next few days:





Do not open any message with an attached file called 'Invitation' regardless of who sent it.





It is a virus that opens an Olympic Torch which 'burns' the whole hard disc C of your computer!!!!





This virus will be received from someone who has your e-mail ad dress in his/her contact list ,that is why you should send this E-mail to all your contacts.





It is better to receive this message 25 times than to receive the virus and open it





If you receive e-mail called 'invitation', even though sent by a friend. Do not open it!!! Shut down your computer immediately!!!!





This is the worst virus announced by CNN, it has been classified by Microsoft as the most destructive virus ever..





This virus was discovered by McAfee yesterday, and there is no repair yet for this kind of virus..





This virus simply destroys the Zero Sector of the Hard Disc, where=2 0ther vital information is kept.





SEND THIS E-MAIL TO EVERYONE YOU KNOW!!!!!!

الراقي عصام دهب

مشكور علي المرور الجميل وكل عام وأنت بخير وربنا يحقق الأماني

الأخ خالد حامد

كل سنه وانت طيب

انت وين الحاجات دي كلها شالوها زمان ومسوحها من بداية العام دا ودا كلو عشان عطلة السبت هسع لا كريسماس لا إنقاذ لا اي حاجه ما في اي عطله الا الأعياد بس والاستقلال

الطيب بجي الخريف ونشوف ابقي قدر كلامك ما ذي جية المره الفاتت وما تنسي تجيب ال.......

Quote: الطيب بجي الخريف ونشوف ابقي قدر كلامك ما ذي جية المره الفاتت وما تنسي تجيب ال.......

لا تعليق


مسنوحة

مرورك بس بالدنيا ، كسير تلج وكدا

هويدا الحبوبة .. ..

كل سنة وانتى طيبة ويعود عليك بالخير ...

الخبر فى الجرايد الليلة انشاءالله يعدلو فيه ...

الماشى البلد الا يعيد بى اورنيك مرضى ...

الأخت ساره

كل عام وأنت بخير وربنا يحقق الأماني ،

في الصحف اليوميه أشارو إلي أن اتحاد العمال محتج لكن ما عارفين غايتو يصلو لي شنو ، بالرغم من انو الضحيه دي أغلبية الناس بعيدوا بره

Quote: اما بالنسبه ليهو انا عارفاهو زول بياع كلام بس ما ياها شغلتو

جزيل الشكر الاخت هويدا على ردك اللطيف

وتانى مرة صدقتى فى ود شيقوق والله ياها شغلتو وفاتحلها مكتب كمان زى مابقولو يعنى!!

تحياتى لكما بلا حدود

الأخ علي أحمد النعيم

قالو ليك واحد زي صاحبك دا بياع كلام ومرتو برضو نفس الوظيفه أها غالطو سيد اللبن في حسابو ، قالو ليهو أنت تغاطلنا نحن ، قال ليهو أفو عاد إنتو بغالطوكم ، انتو الغلاط فاتحنلو مكتب

اها صاحبك دا نفس الحكايه يوديك البحر ويجيبك عطشان ، يتكلم معاك تقول مافي اصدق منو لكن هو خليهو ساي بس حدنا معاهو جية العيد دي

الاخت هويدا
والله صدقتى هو الغلات فاتحلو مكتب تب

Quote: بس حدنا معاهو جية العيد دي

اتمنى انو يكون صادق والراجل بربطوهو من لسانو

ألأخت/هويدا...السلام عليكم وكل عام وانتم بخير...

أعتقد معقول...

هناك مستقطع وقت من العمل كان فى السنة كثير..مثل إجازة ألأمطار الحصلت القريب إسبوع للطلبة..وأضف إلى ذلك الحاجات البتحصل..زى مباراة الجزائر..وأجازة السبت البقت ثابته دى...

كيف يتم الطالب المنهج....؟؟؟هذا مثال..

زمان كانت الناس بتضحك من كثرة ألأجازات....ده كلام كويس..خلينا ننهض بالعمل وألأنتاج...

إن شاء الله يقبوا جادين..لك التحية..أخت هويدا...مرة ثانية...

الأخ إسماعيل عباس

كل عام وأنت بخير

هي فعلا للمنهج التعليمي كويسه ، بس عطله ذي دي في عيد الاضحي صغيره جدا لأنو الناس اغلبيتها بتسافر للأقاليم للأهل وكدا

معقولة الاجازو تلاتة ايام بس.؟
طبعا الجمعة مامحسوبة ..
والله ياهويدا دى اجازة ماعندها اى معنى و
بسيطة خااالص وحتدى الناس انو العيد
مسييييييخ .!!


لية مش ممكن الاجازة تكون 5 ايام .؟؟

معقول لكن يا ناس دي إجازة شنو دي بالغوا فينا عدييييييل كدا
دي هسه نسافر فيها ولا نعيد فيها ولا نحضر مناسبات ولا ننوم؟؟
تكفي شنو ولا شنو؟؟

هويدا سلامات خبر شين شديد

الأخت انعام

كل ع ام وانتي بخير وربنا يحقق الأماني طبعا اصلا يوم الخميس دا بكون نظافه وركيب ستائر وفريش وتعب شديد ونفس التعب اول يوم في العيد غايتو بس تاكلي وتنومي وتغسلي العده ويتم التناوب في مقابلة الضيوف لكن لا سفر لا زياره لا مناسبه علي الاقل عشان يوم الإتنين إن شاء الله الزول يقدر يجي الشغل

Quote: وتغسلي العده

دي بالذات بتزهجني لأنو ما بتلقي
الزول يقوم بالمهمة دي في العيد
فـ ببقى الحيطة القصيرة انا وأقوم باللازم
والله يا هويدا عيد يبدو انو ما ح يكون سعيد

الأخ مزمل خيري

كل سنه وانت طيب

اصلا جرت العاده علي أن العيد خمسه ايام لكن ما عارفين الحاصل شنو

Quote: معقول من الخميس للأحد بس

ناس بتحب الركلسه والراحات
نحن هسي اجازتنا المره دي عشره يوم بس وما اعترضنا




طبعا لازم تكون العطله قصيره
لانه الناس متعودين برجعوا بعدها بأسبوعين
بعدين عندكم شهر واحد دا كلو اجازات




اشتغلوا .. اشتغلوا ياخ ما تعطلوا لينا دولاب العمل بأجازاتكم الكتيره دي





هويدا سنه وانت طيبه

الأخ/ البشير دفع الله


كل سنه وإنت طيب وينك يا خ وكيف حالك واحوال الأمورات إن شاء الله تمام وكل عام وانت بخير ، اظهر وبان

إنعام العسل

والله بس نفسي مشكلتي امشي اضحي عند ناس امي اليوم كلو اغسل في العده في بيتي نفس الحكايه السنه الفاتت رفضت قلت ليهم كل زول يغسل عدتو ، بس الله يعين وإن شاء الله عيدك يكون حلو وكلو خير

المسنوحة

امشي بلا عيد بلا لمة معاك

ان شاء يصدر قرار اداري يشغلوك يوم العيد ويجرروك الشوك كمان

الطيب صباحك عسل

انت بس اقعد صاغرني كدا ، لكن كيتا فيك كان ما اخدت باقي الأسبوع إجازه ولا حتي أورنيك

Quote: انت بس اقعد صاغرني كدا ، لكن كيتا فيك كان ما اخدت باقي الأسبوع إجازه ولا حتي أورنيك

نحن مصلحتنا في تشغيلك ايام العيد يا مسنوحة عشان نلقاك على النت الملح دا

انتى عندك صبر يخليك تختاري البعاد من سودانيز؟

وين الح......؟

الطيب

لما تجي السودان بوريك وين الح.... وبعد ما تجيب الحاجات اوعك تنساها كلها ، وكلم المدام انا اتكلمت معاها وهي موافقه

Quote: وكلم المدام انا اتكلمت معاها وهي موافقه

والله مانعة خلاص - كان قبلت عليك رفستك بكوعها توريك النجم بالنهار

هييييييييييع عافي منها

بالجد الآجازه قصيره شديد
خميس وأحد يعنى ملحونا فى يومين
كل سنه والجميع بخييييييييييير وعافيه
ينعاد عليكم يارب

Al-Masnoo7a has gone out to arrange for a sick leave

Teega

كل عام وأنت بخير وكل سنه وانت طيب ، نصبر بس الله غالب

الاخت هويدا
كل عام وانت بخير

والله نحنا فى الايجازات بقينا ذى الطلبة بنفرح بيوم الجمعه عشان الواحد ياخذ لية نومة بمزاج

واخوانا ود شيقوق مالو معااااك دعاكينوا هناااا مطلعين منه الزيت ما عرف يتفشى فيهم لاقك انتى قدامو طلع فيك سنين غربتة كلها

ناس السعودية خليهم على قول واحد اخونا العاوزين يادبوا يجبوا السعودية ههههههههههههه

الله يهدى سركم يارب

يوسف كل سنه وانت طيب

ود شيقوق الحاقد خليهو علي لكن اليوم كيتا فيهو مدو العطله يوم يموت بي مغصتو

الأخت هويدا ..
بعد احتجاج عمال النقابات بقصر فترة الأجازة صدر قرار اليوم بأن العطلة سوف تمتد ليوم الأثنين على ان يكون العمل صباح الثلاثاء .
ان شاء الله فرحتى وكل سنة وانتى طيبة.
ولا عزاء للشعب الكورى الذى يحنسوه عشان ياخد اجازة .

ابو سنينة

Quote: واخوانا ود شيقوق مالو معااااك دعاكينوا هناااا مطلعين منه الزيت ما عرف يتفشى فيهم لاقك انتى قدامو طلع فيك سنين غربتة كلها

مالك يا الحبيب البنية كلها بركة ما تخرب البيني وبينا - حاري لي تسهيل مالي من بنك عقاري بواسطة هويدا بت البقاري

قلقو

كل عام وانت بخير

ود شيقوق اخوى كان الشغلة كاد كدة سكت بس ايجرنا السطوح بخوة وعشرة السعودية

وان شاء يا عواطف اجازة العيد تكون شهرين بس خلصى موضوع اخونا بسرعة شديدة

بس لا تنسونا من صالح الدعوات والبركات هههههههههههه