والله غلطان وندمان وسافى التراب عديل وماقادر اعاين ليك يامنبرى

بعد نهاية مباراة مصر والجزائر شعرت بكثيرا من الحزن جلست بعدها للحظات
وبعد نهاية المباراة شفت ليك الاعلام المصرى واحسست بانتفاخ فى بطنى وبدات
افكر،، اكثر مالاحظت خلال تجولى بين قنوات السجم الرماد المصريه غير الاكاذيب
تلك السخريه والنظره الاستعلائيه التى يتحدثون بها عن السودان وبقليل من التأمل
والتفكير توصلت ان الشعب المصرى منذ سنوات طويله لايقتنع بنا كشعب له تأثير
فى العالم العربى او على عموم العالم وحتى لو نقل استاد الملك فهد الى الخرطوم
لتقام عليه المباراة سيقول المصريين ان المكان الذى وضع فيه الاستاد لايتلائم مع
جمال وروعة الاستاد وحتى لو استبدلنا مطار الخرطوم بمطار دبى سيقولون ان الغبار
والاتربه الموجوده فى السودان جعلت من الصعوبه بمكان الوصول الى المطار ولو استبدلنا
شوارعنا بشوارع مستورده من النمسا والسويد وبلغاريا سيقولون ان الشوارع على اتساعها
وجمالها لاتتناسب مع من يسيرون فيها من السودانيين....اذا استهتارهم الحقيقى وسخريتهم
واستخفافهم ليس على امكانياتنا واستاداتنا وشوارعنا بل هى على انسان هذا الوطن لاننا
منذ قديم الزمان نتعامل معهم بطيبه وانكماشيه وشعور بفوارق لم تعد موجوده ياشعبنا الكريم
نتحدث لغتهم دون ان يحاولوا هم ذلك ....اتدرون لماذا جن جنونهم بعد الهزيمة وطاحوا فى
كل من حولهم من العرب لانهم احسوا انهم فى طريقهم ليفقدوا الرياده فى الوطن العربى
فى الرياضه وفى الاعلام وفى المسرح السياسى بعد ان ظهرت كثير من الدول العربيه وبدأت تاخذ
هذا الدور فى شتى الصور خصوصا دول الخليج بما لها من امكانيات تستطيع معها فعل كل شى

اعترف الان اننى وقعت ضحية عواطفى فى تشجيعى لهم مع اننى كنت
وقبل هذه الاحداث متيقن ان تشجيع مباراة فى كرة القدم ينفصل
عن كل مانحسه من مرارات ودائما ماتكون هذه اللعبه جسر لتواصل
الشعوب ولتأصيل اواصر المحبه لكن الاستفزاز قد يحول مشاعرنا
الى النغيض تماما ويجعلنا نكره بدون حساب عندما نشعر بانهم
امتهنوا وطن وشعب باكمله دون وجه حق فى هجمه اعلاميه هى الاشرس
من نوعها لم يتأثر بها شعب الجزائر اكثر مماتأثرنا نحن نفسيا
ومعنويا................................................

ياجماعه نخن نحفظ تاريخهم عن ظهر قلب وهم لا يستحضرون الا القليل من تاريخنا
نحفظ اغانيهم وفنانينهم كلهم وهم ليس كذلك نسافر الى بلادهم منذ سنوات طويله
وهم لم يعرفوا السودان الا حينما جاعوا وفلسوا ...اذا هناك فوارق صنعها التاريخ
ادت الى شعورهم الفطرى بانهم هم الطرف الافضل فى كل شى ونحن للأسف لا نملك ماتمتلكه
دول الخليج كى نحاربهم ونغير من افكارهم لذلك نحتاج الى اعلام شرس من شأنه ان يصلهم
ويصرخ فيهم اننا شعب لنا ثقافه وتاريخ وموروث يجب ان يحترم ويقدر .............
انا متأكد ان اغلبية الشعب المصرى ليس لديه قناعه بالسودان كشعب و كاارض كل الذى
ناخده منهم كلمات رنانه عن النيل الواحد ووادى النيل واغرب شى ان مثقفين وفنانين
وشخصيات مصرية تتحدث عن الشعب السودانى وحبه لمصر وحبهم للسودان والنيل وماعارف شنو
ورباط الدم والشعب الواحد وهم لم يأتى فى زيارة للسودان طيلة حياتهم ومنهم من يتحدث
ويعترف انه لم يأتى منذ اربعين عام اليس هذا امر مضحك ياخ عليكم الله خلونا من هذه الامور
المضحكه وتعالوا نتكلم بواقعيه

اوعك تسف التراب يا قرقاج بسبب المصرين ديل...

حمدلله علي السلامة يا مدثر ....

ياقرجو مساك خير ...

يازول ماغلطان ولا حاجة المباراة دي كشفت المصريين علي حقيقتهم وعرتهم بعد كدة شوفوا ليكم مسلسل تاني!!!

وعاملوه بالمثل لا نحن اخوات ولا الله قال ...

في واحد مصري قال لسوداني ...عندكو نيل ذي ده ؟؟؟؟

يااخوي ما تفقع مرارتك ..ده شعب تعبان وتعيس ...

الحمد لله إنك عرفت حقيقتهم

قرجاج عيد مبارك انشالله

Quote: لانهم احسوا انهم فى طريقهم ليفقدوا الرياده فى الوطن العربى

بل حقيقة وصلو هؤلاء الفراعنه الي نهايتهم .. وفقد مكانتهم الاصلا معدومه في ( الوطن العربي ) الزي لاشأن لنا بهم !!



ولا تندم من هؤلاء الرجرجه يا غالي -

مدثر كل عام وانت بخير

ارتكبت الحكومة السودانية حماقة حينما وافقت علي قيام هذه
المباراة علي ارضها .ليس لدينا ملاعب وشوارع ومطارات لاستقبال
مثل هذه المناسبات . مكابرة اذا قلنا اننا نجحنا في التنظيم
كيف نجحنا ومشجعي الدولتين يفترشون الارض في شوارع العاصمة
وليس لدينا عدد كافي من الفنادق لمثل هذه المناسبات
الشوارع المؤدية الي الاستاد في حالة يرثي لها . البنية التحتية
لعاصمتنا نعلم حالها المايل
مطار الخرطوم ليس في مقدورة وامكانياته ان يستقبل رحلتين في وقت واحد
نحن اتورطنا في عمل اكبر من امكانياتنا
يامدثر نحن جلبنا السخرية بالمجان لانفسنا



الفيفا جاب لينا شكلة في بلدنا

نحن ناقصين ؟


انا معاكم في العيد

Quote: اوعك تسف التراب يا قرقاج بسبب المصرين ديل...

والله يا ابو حميد اناما سافى التلااب عشان مصر
سافيه عشان المهانه التى شهدها العالم
علينا دون وجه حق ...
محبتى

Quote: [حمدلله علي السلامة يا مدثر ....

الوليد
عساك طيب ...الله يسلمك
لكن كلامنا بتاع الدونيه داك فى مكانو ياصحبى
ماتشيلش ياهم ياحبيبى الامور حاتكون فل الفل
حنكونا بى حبيبى وابن النيل واوهام تجاريه..

مدثر كل عام وانت بخير

ارتكبت الحكومة السودانية حماقة حينما وافقت علي قيام هذه
المباراة علي ارضها .ليس لدينا ملاعب وشوارع ومطارات لاستقبال
مثل هذه المناسبات . مكابرة اذا قلنا اننا نجحنا في التنظيم
كيف نجحنا ومشجعي الدولتين يفترشون الارض في شوارع العاصمة
وليس لدينا عدد كافي من الفنادق لمثل هذه المناسبات
الشوارع المؤدية الي الاستاد في حالة يرثي لها . البنية التحتية
لعاصمتنا نعلم حالها المايل
مطار الخرطوم ليس في مقدورة وامكانياته ان يستقبل رحلتين في وقت واحد
نحن اتورطنا في عمل اكبر من امكانياتنا
يامدثر نحن جلبنا السخرية بالمجان لانفسنا

يا مدثر..

أمس احد النواب البرلمانيين السودانيين تداخل في برنامج البيت بيتك في القناة المصرية..
وذكر انه بعض الجزائريين تعرضوا لعربته والتي بها نواب مصريين..ولولا انه نزل لتوقيفهم عند حدهم وشافوه سائقا للعربه لكان امر
الاعتداء واقع لا محاله..
صرح بأن بعض المجموعات كانوا يحملون اسلحة ..
تفتكر حماية الامن كانت وين؟؟
وليه ماحموا بص البعثة أثناء رجوعها من المطار؟؟
ياخ السودانيين هم الفتحوا بيوتهم يحموهم..وده كلام المصريين نغسهمالكانوا موجودين في الخرطوم لحضور الماتش..
لمينكروا دور النظام..لكن واضح كمان امكانيات النظام ما استخدمت بالكريقه المحتاجه..أو انها كانت اقل من الحدث الضخم..
والمصابين السودانيين في المستشفيات حتي قبل المباراه سمعت بيهم؟؟
بس علشان كانوا شايلين اعلام مصرية..انضربو!
ده بقي من السودان مش من القناه المصريه..
سمعت كلام احمد القرشي مدير قناة الام بي سي في دبي؟؟
اسمعه علشان تشوف الحاصل وما صورته كاميراتهم ايضا..

حقوا ما ننجرف عاطفيا..اعلم اننا لا نرضي الشتائم..لكن برضه حقو نشوف الحقائق كلهامش العايزين نشوفه بس..

تحياتي يا مدثر وكل سنة وانت طيب..

Quote: ياقرجو مساك خير ... يازول ماغلطان ولا حاجة المباراة دي كشفت المصريين علي حقيقتهم وعرتهم بعد كدة شوفوا ليكم مسلسل تاني!!! وعاملوه بالمثل لا نحن اخوات ولا الله قال ... في واحد مصري قال لسوداني ...عندكو نيل ذي ده ؟؟؟؟ يااخوي ما تفقع مرارتك ..ده شعب تعبان وتعيس ...

ياعمده
عساك طيب يااخوى
والله ياعناد فقع المراره حصل والشى البغيظ
انو نحن اتحملنا اكتر من الجزائريين فى الحمله
العجيبه لكن نسوى شنو رب ضاره نافعه......
ودمت ياصديقى

فوق


عشان


الجزائر


أحلي


ولا

ما


كده


ياصحبي


،،،،أبوقصي،،،،

Quote: الحمد لله إنك عرفت حقيقتهم ]

يادكتور

حبابك
انا مامتنازل عن كلامى فى البوست الفات لانو انا ناقشت
قضية حلايب وعلاقته بالتشجيع ومؤمن انو نحن لسه عندنا تجاه
المصريين حاجات كده مامفروض تكون لكن الحقيقه الاتوصلت
ليها انو انا ماكان مفروض اشجع منتخب مصر بكل هذا الحماس
مودتى

Quote: [بل حقيقة وصلو هؤلاء الفراعنه الي نهايتهم .. وفقد مكانتهم الاصلا معدومه في ( الوطن العربي ) الزي لاشأن لنا بهم !! ولا تندم من هؤلاء الرجرجه يا غالي - ]

ياكع
عساك طيب
والله انا كنت مندفع زياده شويه وماقدرت الامور كويس
والجماعه ديل طاحوا فى كل الناس بدزن فرز جاهم جنون
البقر شابكننا العرب بيكرهونا وديل بيحبونا وكلام فارغ
ماعندو معنى ......
محبتى

Quote: مدثر كل عام وانت بخير ارتكبت الحكومة السودانية حماقة حينما وافقت علي قيام هذه المباراة علي ارضها .ليس لدينا ملاعب وشوارع ومطارات لاستقبال مثل هذه المناسبات . مكابرة اذا قلنا اننا نجحنا في التنظيم كيف نجحنا ومشجعي الدولتين يفترشون الارض في شوارع العاصمة وليس لدينا عدد كافي من الفنادق لمثل هذه المناسبات الشوارع المؤدية الي الاستاد في حالة يرثي لها . البنية التحتية لعاصمتنا نعلم حالها المايل مطار الخرطوم ليس في مقدورة وامكانياته ان يستقبل رحلتين في وقت واحد نحن اتورطنا في عمل اكبر من امكانياتنا يامدثر نحن جلبنا السخرية بالمجان لانفسنا الفيفا جاب لينا شكلة في بلدنا نحن ناقصين ؟ انا معاكم في العيد

ياعصام
عساك بخير وكل سنه وانت طيب
والله ياعصام مابتقدر تقول جلبنا السخريه لانفسنا
بالرغم من عدم رضانا بكل الحاصل فى البلد وبالبنيه
التحتيه المنتهيه لكن الاتحاد الافريقى فرض علينا كده
وبينى وبينك طبعا دى فرصه اى دوله تعبانه زينا كده
تتمناها عشان تعكس وجه مشرق للعالم ........
المصريين ياعصام لو كانو غلبوا كان حايطلعوا السودان
ده افضل من الامارات زاتو لكن انا متأكد عشان انهزموا
جاءوا بحديث الافك عشان يضللوا الناس ويبعدوهم عن مادار
داخل المستطيل الاخضر............
ياخى خبر جميل انك معانا فى العيد الامتداد سيزداد عيد
على عيد الضحيه بمجيئكم الميمون شرفت ديارك ياخ
محبتى

Quote: يا مدثر.. أمس احد النواب البرلمانيين السودانيين تداخل في برنامج البيت بيتك في القناة المصرية.. وذكر انه بعض الجزائريين تعرضوا لعربته والتي بها نواب مصريين..ولولا انه نزل لتوقيفهم عند حدهم وشافوه سائقا للعربه لكان امر الاعتداء واقع لا محاله.. صرح بأن بعض المجموعات كانوا يحملون اسلحة .. تفتكر حماية الامن كانت وين؟؟ وليه ماحموا بص البعثة أثناء رجوعها من المطار؟؟ ياخ السودانيين هم الفتحوا بيوتهم يحموهم..وده كلام المصريين نغسهمالكانوا موجودين في الخرطوم لحضور الماتش.. لمينكروا دور النظام..لكن واضح كمان امكانيات النظام ما استخدمت بالكريقه المحتاجه..أو انها كانت اقل من الحدث الضخم.. والمصابين السودانيين في المستشفيات حتي قبل المباراه سمعت بيهم؟؟ بس علشان كانوا شايلين اعلام مصرية..انضربو! ده بقي من السودان مش من القناه المصريه.. سمعت كلام احمد القرشي مدير قناة الام بي سي في دبي؟؟ اسمعه علشان تشوف الحاصل وما صورته كاميراتهم ايضا.. حقوا ما ننجرف عاطفيا..اعلم اننا لا نرضي الشتائم..لكن برضه حقو نشوف الحقائق كلهامش العايزين نشوفه بس.. تحياتي يا مدثر وكل سنة وانت طيب..

يامنى كل سنه وانت طيبه وبخير
وكل الامانى تحقق
والله يامنى انا شاهدت الحلقه دى وما اكضب عليك حسيت بالمغسه الشديده
لانو واضح انهم كانوا بحاولوا بس يصلوا لى انو فى ناس اتحرشت بيهم
يعنى انتزعوا منو الاعتراف عنوة دون ان يعطوه الفرصه ان يكمل حديثه
انا معاك انو التنظيم شابو بعض القصور رغم المجهود الضخم وانا اول مره
فى حياتى اشاهد حشود زى دى وانا كنت شاهد عيان ورغم انو انا دائما ماانتقد
كل ماتقوم به الحكومه من اعمال منذ ان استولوا على السلطه لكن هذه المره
كانوا يقمون بعملهم على اكمل وجه وكنت متجول فى شارع المطار اشاهد الاحداث
حتى المصريين انفسهم الذين يتحدثون عن امكانيات الامن والشرطه لم يستطيعوا
ان يوفروا الحمايه للاعبين الجزائريين اذا مثل هذه الحشود لابد ان تحدث تفلتات
لكن ان يهولها المصريين الى هذا الحد ويجعلون منها شماعه فى توجيه الاساءات
والشتائم هذا غير مقبول لانو يامنى النظام والحكومه لم تتضرر مثلما تضررنا نحن
المواطنين حين راينا وسمعنا ذلك الاستخفاف بالشعب والاستهزاء بمشاعر امة لها تاريخ
وموروث يجب ان يحترم وانا على يقين انا المباراة لوكانت فى اى دوله اخرى وحدث نفس
هذا الشى مااستطاع المصريين ان يشنوا عليها كل هذا الهجوم لكن السودان حيطوا مايله
للمصريين من زمان ...يامنى لو هم اصلا تضرروا ان ممكن ان يتقدموا بشكوى ويصعدوا الموضوع
دون هذا الضجيج بعدين والله ماصوره المصريين من خلال اعلامهم تتخيل ان هناك مئات منهم قد قتلوا والغريب
انهم جميعا عادوا فى سلام
مودتى الاكيده

يامنى كل سنه وانت طيبه وبخير
وكل الامانى تحقق
والله يامنى انا شاهدت الحلقه دى وما اكضب عليك حسيت بالمغسه الشديده
لانو واضح انهم كانوا بحاولوا بس يصلوا لى انو فى ناس اتحرشت بيهم
يعنى انتزعوا منو الاعتراف عنوة دون ان يعطوه الفرصه ان يكمل حديثه
انا معاك انو التنظيم شابو بعض القصور رغم المجهود الضخم وانا اول مره
فى حياتى اشاهد حشود زى دى وانا كنت شاهد عيان ورغم انو انا دائما ماانتقد
كل ماتقوم به الحكومه من اعمال منذ ان استولوا على السلطه لكن هذه المره
كانوا يقمون بعملهم على اكمل وجه وكنت متجول فى شارع المطار اشاهد الاحداث
حتى المصريين انفسهم الذين يتحدثون عن امكانيات الامن والشرطه لم يستطيعوا
ان يوفروا الحمايه للاعبين الجزائريين اذا مثل هذه الحشود لابد ان تحدث تفلتات
لكن ان يهولها المصريين الى هذا الحد ويجعلون منها شماعه فى توجيه الاساءات
والشتائم هذا غير مقبول لانو يامنى النظام والحكومه لم تتضرر مثلما تضررنا نحن
المواطنين حين راينا وسمعنا ذلك الاستخفاف بالشعب والاستهزاء بمشاعر امة لها تاريخ
وموروث يجب ان يحترم وانا على يقين انا المباراة لوكانت فى اى دوله اخرى وحدث نفس
هذا الشى مااستطاع المصريين ان يشنوا عليها كل هذا الهجوم لكن السودان حيطوا مايله
للمصريين من زمان ...يامنى لو هم اصلا تضرروا ان ممكن ان يتقدموا بشكوى ويصعدوا الموضوع
دون هذا الضجيج بعدين والله ماصوره المصريين من خلال اعلامهم تتخيل ان هناك مئات منهم قد قتلوا والغريب
انهم جميعا عادوا فى سلام
مودتى الاكيده
_________________________________

سلام يا مدثر..

أعتقد ان اللغه الغير محترمة الموجهه للشعوب بالتحديد مرفوضة..
وكرامتنا كسودانيين يقابلها ايضا احترام لكرامة الشعوب الاخري..
الاعلام ومن يتحدث فيه ومن يكتب باسمه..يجب ان يتحكم بنفسه فالتلفزيون بالتحديد اكثر تأثيرا علي من يشاهده..
هناك مصريين كثيرين جدا تحدثوا عن شهامة السودانيين..وتحدثوا ان الامن السوداني لم يكن غائيا بل فقط هي ضعف امكانيات..
وهنا لا نستطيع ان لومهم حتي والسودان وصع كل ا
يا مدثر كم سوداني غي هذا المنبر يطلق علي المصريين دون خجل كلمة اولاد بمبه؟؟
بمبة اشهر راقصة في تاريخ الفن المصري!!
لماذا نرضي باهانة الشعوب الاخري مادمنا لا نرضي الاهانة لانفسنا؟؟
علي كل حال هي دعوة لان نتريث ولا ننجرف وراء مشاعر غضب غير مرشد كريقها..
وفي نفس الوقت نراجع انفسنا وطريقة تفكيرنا في الآخر قبل أن نطالب الآخر بأن يفعل ذلك..

تحياتي..

Quote: سلام يا مدثر.. أعتقد ان اللغه الغير محترمة الموجهه للشعوب بالتحديد مرفوضة.. وكرامتنا كسودانيين يقابلها ايضا احترام لكرامة الشعوب الاخري.. الاعلام ومن يتحدث فيه ومن يكتب باسمه..يجب ان يتحكم بنفسه فالتلفزيون بالتحديد اكثر تأثيرا علي من يشاهده.. هناك مصريين كثيرين جدا تحدثوا عن شهامة السودانيين..وتحدثوا ان الامن السوداني لم يكن غائيا بل فقط هي ضعف امكانيات.. وهنا لا نستطيع ان لومهم حتي والسودان وصع كل ا يا مدثر كم سوداني غي هذا المنبر يطلق علي المصريين دون خجل كلمة اولاد بمبه؟؟ بمبة اشهر راقصة في تاريخ الفن المصري!! لماذا نرضي باهانة الشعوب الاخري مادمنا لا نرضي الاهانة لانفسنا؟؟ علي كل حال هي دعوة لان نتريث ولا ننجرف وراء مشاعر غضب غير مرشد كريقها.. وفي نفس الوقت نراجع انفسنا وطريقة تفكيرنا في الآخر قبل أن نطالب الآخر بأن يفعل ذلك.. تحياتي.. ]

منى ....عساك طيبه
الاعلام المصرى لم يتحدث عن ضعف امكانيات فقط بل وجهوا اساءات
للشعب السودانى يكفى انهم اتهمونا بالتامر لصالح الجزائر مع
انها لعبه لنا مطلق الحرية فى تشجيع اى طرف من الاطراف وانا
شخصيا شجعتهم بحماس شديد الشى المحير يامنى ان تكونى فى امن
وامان فى مكان ما وترفعى سماعة التلفون وتصوتى وتصرخى وتستنجدى
اليس هذاهو نوع من انواع النفاق والتضليل تم كيف لاجهزة الاعلام المصرى
ان تعمل بدون احترافيه اين هى احترام المهنة والتقصى من المعلومات
كيف لمثل هذه الاجهزة ان تعتمد على اصوات مرسله دون ان تتحقق منها ليس
هناك يامنى اعظم من ان يغدر بك وتتلقين طعنة من الخلف وعندما تلتفتى كى
تتحققى من الجانى تجديه شخص عزيز وقفت معه واكرمتيه وكان جزاء سنمار
فى انتظارك ....نحن لانرضى بااهانة الشعوب او اخذ شعب كامل باشياء يمكن
ان يكون مرتكبيها قلة وانا اوافقك الرأى يجب ان نتريث لكن بعد ان نسترد
حقوقنا ونكشف كل الاكاذيب حتى نزيل كل ترسبات من شأنها ان تظل عالقه
مودتى الاكيده وممتن لمرورك الانيق

Quote: فوق عشان الجزائر أحلي ولا ما كده ياصحبي ،،،،أبوقصي،،،، ]

ابو قصى كل سنه طيب
والله قبلى المباراة اصلو الجزائر ماكانت فى البال
لكن سبحان مغير الاحوال