فشل التسجيل للانتخابات بمدينة بوسطن

مدينة بوسطن تستقبل وفد السفارة السودانية يوم السبت 21 لتقديم الخدمات والتسجيل لللانتخابات (Re: محمد الفاتح

Quote: ويا عمر، حسب علمي، التسجيل لا يتطلب سريان مفعول الجواز. المهم أن تكون لديك وثيقة، صادرة من جهة حكومية، تثبت أنك سوداني.

العزيز حيدر بدوى
للأسف الشديد ذهبت للتسجيل بنفس هذا المفهوم وطلع نابى على شونة (كما يقول المصريون المهزومون)
حملت معى ثلاث مستندات صادرة من الداخلية والخارجية سارية تثبت سودانيتى, لكن دون جدوى/
قالوا لن نقبل الا جواز سودانى سارى المفعول, حتى الجنسية الوسودانية غير مقبولة. تخيل!
فسلمت ممثل السفارة احتجاج مكتوب
1/ للشروط التعجيزية
2/ وضيق الوقت والاعلان الذى حُدد قبل اقل من 24 ساعة.
الآن حضرت من هناك. ولم يسجلوا اسمى لانو ليس لدى جواز سودانى سارى رغم مستنداتى الكافية
Quote:

Quote: بس يا محمد الفاتح يا أخوي الجامع مكان غير مناسب لتقديم الخدمات القنصلية والتسجيل لللانتخابات لأنه بوسطن وما حولها بيسكنها عدد كبير من السودانيين بمختلف أديانه فأختيار الجامع فيهو عزل لغير المسلمين... والناس الماعندهم إعتقاد أو دين وأنا طرحتا مكان بديل ومقابل الجامع وسهل أخذ الإذن من جامعة RCC وفي الجامع كمان...؟ الجامع دار للعبادة... وبيت الله ونعم بالله

اما بخوص المكان وكونه مسجد دى ما إشكالية (ردا لمحمد خليفة)
وهو ليس مجرد مسجد بل هو مركز اسلامى ومعلم كبير.
توجد به طوابق اخرى وصالات و فصول وهى ليست حكرا للمسلمين وهى تقدم خدمات للمجتمع من غير المسلمين .وامبارح القريبة دى, اعرق مدرسة امريكية كان عندها نشاط اجتماعى فى المركز دا.
حتى اخوانا الجنوبيين كان لهم حضور وطلعوا مبسوطين من التجمع الحميمى. وحضورهم حسب نسبتهم فى الولاية يعتبر احسن من حضور الشمماليين
وكان ممكن يتم التجمع فى كنيسة وبرضو ما كان ح يكون اشكالية.
دا كان مجهود من الجالية السودانيةبقيادة رئيس الجالية موافى شورة لتسهيل الامر لموظفى السفارة
لكن التسجيل كان فاشلا بكل المقاييس للشروط التعجيزية.
اخ بكرى
تقريبا كل الحضور لم يسجلوا
رجاء سحب العنوان الثابت
اكرر فشل التسجيل

الاخ النيل

حرام عليك تكتب علي تجربة وهي مازالت تشتعل

ياخي انتا جواز سوداني ما عندك ( موافي قال ليك كدا)

ياخي انزل الصور بعد شوية

لنارجعة ومتزال الخدمات في متناول الجميع وتمديد الي حين وصول اخر سوداني

النيل الظاهر عليك بقيت ذي المصريين

الظاهر عليك انتا عمردياب بتاع بوسطن وانتا و عمر دياب من طينة واحدة



السكرتير الثقافي

محمد الفاتح بدون إساءة بس
نحنا لا نتحدث عن خدمات نحن بنتحدث عن التسجيل للانتخابات
اما اجراءات استخراج التواكيل و تاشيرات الزيارة دى حاصلة كخدمة اضافية نعم
لكن الشروط التعجيزية
والغير منطقية منعت الكثيرين من التسجيل
وضيق الوقت
وانتوا مجهودكم كادارة ما قصرتوا
وبارك الله فى اخونا جمال الامين لكرمه الفياض
وهذا عهدنا به.

.مساء الخيرات
يا نيلنا

حكي لي أن
زمان عندما كنا صغارا
كانوا ناس الإنتخابات بلفوا
بالبكاسي ويذيعوا بالميكرفون
...
في إحدى المرات
لموا نسوان الحلة الكبار
وودوهم للتصويت بالبوكسي.

وروى أن رمز أحدهم
كان المروحة
FAn
فكانوا يقولوا للسيدات
فان..فان

"كل من عليها فان"

فلا تتردد السيدةالكبيرة بعد.
ذلك طبعا وتدلى بصوتها للمروحة
وتبصم فورا
:)

همسة:

جئت لأرسم على
وجهك إبتسامة.
:)

عمنا مكى سليمان
الاتحادى الكبير
الذى ساهم فى الانتخابات منذ عام 1953 لم يتسن له التسجيل حسب كلامه معاى لانتهاء صلاحية جوازه السودانى
ولن تشفع له شهادة الجنسية السودانية.

Quote: جئت لأرسم على وجهك إبتسامة. :)

يا سلام عليك يا صفانا
ذات الاوتار الرنانة
متى ما تعودى لدنيانا
نسمر باوتارك وبحنانا



شكرا لمداخلتك الباسمة

Quote: حتى اخوانا الجنوبيين كان لهم حضور وطلعوا مبسوطين من التجمع الحميمى. وكان ممكن يتم التجمع فى كنيسة وبرضو ما كان ح يكون اشكالية. دا كان مجهود من الجالية السودانية لمساعدة السفارة. لكن التسجيل كان فاشلا للشروط التعجيزية.

يا النيل

يا اخوي كلامك الفوق دا.. ذي واحد يمشي بيت البكاء

ويشيل الفاتحة وما يتدعي للميت بي المقفرة .....

اللهم انصر الديمقراطية و لو بي دعوة .. و كمان... يا بكري نزل العنوان دي

منك ما حلوة

الباشمهندس بكري مشكور من هنا لحدي الكدرو

العنوان كان العلم المرفوع في حدود الممكن الموجود وفي بورداب لحقوا

بي سببو, أما اذا اتنا ما بتغلبك الحيل .. حتا لو كان عندك جواز سوداني

اكيد ما كان حا تكتب كلامك دا ..اولا .. او في رواية اخري كنتا حاتعمل

ذي صاحبك القال ما بدفع 56 دلار التجديد لانها كتيرة و لقي عذر في عدم التسجيل

لانو لو دا سعر غالي علي الديمقراطية عليهو العوض حا نعمل ليو شنو نحنا ندينو يعني

بعدين دي تبقي مشكلة منو ولا دي تبقي مشكلتو ما مشكلة ناس السفارة اما بخصوص

ناس السفارة ديل .. في الاول انتا والمعاك استعجلتو خالص خالص ياخي قبل أن يجف المداد

جاري تطالب و تدخل بكري في الموضوع .. خت نقطة ..

في الاول و نكرمهم بقدر ما اتاح الظرف نفيد من يستفيد و بعدين نقيم التجربة

بي ريق مبلوع و بعدين ننظر و نشنف و ما قاصد الاساءة والله بس التوضيح لانو اوراقك

الثبوتية دي اكيد طلعتها من السودان وبي نفس بارد .. ولا كان لي هسي واقف في الصف


محمد الفاتح خالد













ٍ