أجمل وأحلى بوست اتكتب في سودانيز أونلاين ماضياً وحاضراً ومستقبلاً (إبداع وحاجة ماتعة ماتخلص )

.
.

أتحفنا الأخ الزميل محمد عادل هذا اليوم ببوست أسطوري كما هي العادة دائماً،ويتضمن رسالة موجهة لفخامة الرئيس محمد حسني مبارك ، وقد أثار البوست إعجاب الأعضاء وحظي بإقبال منقطع النظير .

وذكرني هذا البوست ببوست سابق كتبه الزميل (المعجزة) محمد عادل قبل فترة وتمت أرشفته .

أهديكم هذا البوست مرة أخرى :

الماشاف البوست التالي نص عمره ضايع (إضغط على الرابط أدناه واستمتع بتجليات الزميل محمد عادل) :

قصة تجربتى فى العمل السياسى فى الاساس والثانوى ياوزير ا...مة سابقا وكوز حاليا

البوست أعلاه للزميل محمد عادل يعتبر أجمل بوست إتكتب في سودانيز أونلاين مايفوتكم .

الله لايحرمنا منك يامحمد عادل ومن إبداع قلمك وتجلياتك الفكرية وتجربتك النضالية وروعة بيانك ولغتك الرصينة ذات الفخامة والبهاء.

.
.

البوست مشى بالدرداقة

قصرنا !!!!!!!!!!!!!!

.
.

أهلاً بالعزيزة ميادة

ماقصرتي تب يا أخت البدور .

خالص تحياتي وتقديري

.
.

.
.

في البوست الجميل المشار إليه أكد الحبيب محمد عادل أنه (طحنية) وليس (مربى)



.
.

الأخ : أزهري - تحياتي
والله أنا ما زعلت زي ما زعلت للبوست
الأخير بتاع محمد عادل , ولو كنت في
السودان كنت ما بسيبوا .



* مسؤول من الخير هو البوست ده مشى وين ؟

.
.

الأخ الكريم د. يوسف

كل عام وأنتم بخير

الحبيب محمد عادل زول ظريف جداً ، صحي هو صاحب طلعات غريبة وطبزات عجيبة وبوستات أسطورية لكن البوست الاخير بتاع رسالته لفخامة الرئيس محمد حسني مبارك زعل منو ناس كتار فقام الريس بكري (أبو شعر سبيبي يسيل منه الذهب) لحق البوست أمات طه (الخور)

لكن يادكتور يوسف مايفوتك البوست حق تجربة محمد عادل الموجود فوق ده .

حاجة ماتخلص ولذيذ لآخر قطرة وحاجة خرافية

في البوست المشار إليه :الحبيب محمد عادل عرض تجربته السياسية في مرحلة الأساس والمرحلة الثانوية ، وشهادة لله والتاريخ كانت تجربة فريدة من نوعها تستحق الدراسة وكذلك تستحق أن نباهي بها الأمم .

الولد ده معجزة من وقت هو في الحضانة .

ولعل أبرز مايميز تجربته السياسية والنضالية في هذه المرحلة هو أدبه الجم وسلوكه المهذب مع أساتذته ومعلميه إمتثالاً لقول شاعر مصر الحبيبة أحمد شوقي : قم للمعلم وفهِ التبجيلا/ كاد المعلم أن يكون رسولا

عزيزي د. يوسف

لا يمكننا العيش في هذا الوطن الإسفيري بدون الحبيب محمد عادل فهو فاكهة المنبر وبدره ونجمه بلا منازع.

إن أردت سماحة الاخلاق وسعة الصدر ستجده مضرب الأمثال (وهذه حقيقة إلا فيما ندر)
وإن سألت عن البلاغة والفصاحة والإملاء فحبيبنا محمد عادل علم على رأسه نار في هذا المجال .
وإن بحثت عن محتوى ومضمون بوستاته فإنه يتصاغر أمامها محمد عابد الجابري وسيد القمني وأنيس منصور وأبو الجعافر .

نص عمرك ضايع يا دكتور يوسف لأنك ماحضرت أيام ماكان مبارك الفاضل في السجن ومحمد عادل كان بيكتب عن الموضوع ده .
يعني كان عادي جداً تلاقي كل يوم (5) بوستات لمحمد عادل على شاكلة:

Quote: سيد مبارك في المعتقل نفسه في كباية شاي بي نعناع /، سيد مبارك قال عاوز مجلة ميكي وناس الأمن رفضوا يجيبوها ليه/سيد مبارك امبارح في المعتقل عضتو ناموسة كبيرة في جضمو ولحدي هسع جضمو محمر/، سيد مبارك قال الأيسكريم الجابوهوا ليه في الزيارة ماوصلوا كامل وناس الامن اكلو نصه/ سيد مبارك وهو بقطع في أضافرين رجله جرح صباعو الكبير وناس الأمن تركوه ينزف الدماء دون إسعافه /، سيد مبارك قال منعوه يشوف الحلقة الأخيرة من مسلسل سنوات الضياع /، سيد مبارك يعاني من إستخدام معجون أسنان سيجنال تو بعد ان رفض أمن النظام تزويده بمعجونه الخاص ماركة سنسوداين/ ... ووب علينا وكر علينا ونحن مين لينا غيرك ياسيد مبارك (الجملة الاخيرة عنوان بوست ) الخ الخ

بوص حأولك إيه :

سدأأني يادوكتور ما نأدرش نعيش من غير الولااا محمد عادل ده حبيب القماهير .
.
.

.
.

في البوست المشار إليه صحح الزميل الحبيب محمد عادل معلوماتنا وأفادنا أن البترول السوداني يسمى (البترول الزلووطي) وليس مزيج النيل .

كل مايكتبه محمد عادل مفيد وقيّم .

.
.

الازهري 2

دع محمد عادل في شانه ,,,
غدا يصيح وزيرا ,, وعلى الاقل رئيس تحرير ,,
لا تحرق السبت ,,,



__ __ ___
محمد عادل ,, لا تنساني دفاعي هذا ضد صديقي الازهري 2 ,, بتاع الشهادة العربية ,

.
.

ياعمار

يشهد الله البوست ده من زود المحبة للحبيب محمد عادل .

الله يلحقني أمات طه لو كنت بكدب في الكلام ده .

والفيك إتعرفت ياعمار

بعدين عشان ترتاح من هسع حزب ناس محمد عادل ديل ماعنده ثقل جماهيري يعني لو فاز في الإنتخابات بي مقعد ولا مقعدين يادوب يدوه منصب وزير دولة للشئون البرلمانية واكيد المنصب بكون من نصيب سيد مبارك أو واحد من أولاده ، لكن ممكن كده من باب رد الجميل سيد مبارك يوديه سفير في بوركينا فاسو أو مساعد القنصل لشئون الأختام والمظاريف بسفارة السودان بمصر الحبيبة .

تقبل خالص المحبة والتقدير

.
.

ازهري تحياتي يا جميل ...

ياخي محمد عادل ده مش روعه ياخي ده اسطوره عديل كده ... اكتر حاجه عاجباني فيهو اللهجه المصريه المكعوج ليها لسانو ديك زي النيجيري لامن يتكلم انجليزي مقلد للهجة البريطانيه ....



السنوسي
سكرتير عام رابطة معجبي الطفل المعجزه الشهير بمحمد عادل
بالانابه

.
.

الأخ العزيز السنوسي

فعلاً محمد عادل أسطورة قلما يجود الزمان بمثلها، كما أنه حبيب الكل ونجم نجوم المنبر .

غايتو رابطة المعجبين دي أدوني فيها منصب السكرتير المالي

الظاهر الرابط حق بوست محمد عادل ماكان شغال، عملت ليه تعديل .

تقبل خالص التحية والتقدير

.
.

Quote: بعدين عشان ترتاح من هسع حزب ناس محمد عادل ديل ماعنده ثقل جماهيري يعني لو فاز في الإنتخابات بي مقعد ولا مقعدين يادوب يدوه منصب وزير دولة للشئون البرلمانية واكيد المنصب بكون من نصيب سيد مبارك أو واحد من أولاده ، لكن ممكن كده من باب رد الجميل سيد مبارك يوديه سفير في بوركينا فاسو أو مساعد القنصل لشئون الأختام والمظاريف بسفارة السودان بمصر الحبيبة .

الحبيب الازهري ,,,

دي حزب يتفرتق ويتلم في اي لحظة ,,,
وبكرة تعيش يارب وتشوف لما الصادق ومبارك والترابي وغازي صلاح الدين ,,,
يعملوا اجتماع عائلي كبير ويرصد الخسائر والارباج ,,, حتتلمى البنوك لبعض
ومحمد عادل ينفيك لبوركينا فاسو ,,,,

__ __ __

والله ضحكتنى يا الازهرى وفقعت مرارتى

مسؤلين من الخير هل ولدنا دهـ والدته مصرية؟؟؟؟ اتخيل لى

لو الاجابة نعم يكون معذور يا جماعة ...

.
.

الأخ الزميل عبد السميع

بوستات وحكايات وقصص ولدنا الحبيب محمد عادل تضحك بكري حسن صالح زاته (أصلو ماحصل شفت بكري حسن صالح بضحك) أقول ليك حاجة ياخي دي تضحك (أم سقب أضلته فرجعت الحنينا، وتضحك شمطاء لم يترك شقاها لها من تسعة إلا جنينا) زاتها

أما مايتعلق بأسرته الكريمة فإن الذي أعلمه وأنا على يقين منه أنه سوادني أصيل طيب المنبت والجذور .

تقبل خالص التحية والتقدير ومرحباً بك في رابطة معجبي الحبيب محمد عادل.

.
.

.
.

الحبيب عمار

كل حاجة متوقعة في السياسة ، لكن ياباشا محمد عادل ده زول طيب وقلبه أبيض كان بقى وزير اتوقع يصدر علي حكم بالنفي إلى هاواي أو زيورخ أو في أسوأ الفروض لو كان زعلان مني شديد يكون النفي إلى باريس

وممكن في باريس أعمل فيها مناضل قديم وأكتب لي كتاب أسميه (أوراق البردي في مناقب مبارك المهدي) ويحن علي محمد عادل ويرجعني السودان ويدوني واطة في كافوري (كان ناس البشير فضلو فيها مكان)ولو مت في المنفى بالحسرة يقوم الحبيب محمد عادل يتوسط لي عند أحمد المهدي يدفنوني في مقابر الأشراف جنب قبة المهدي .

.
.

غايتو حاولت أعمل فيها ظريف ياعمار وإحتياطاً كده بقول لي نفس الجملةالشهيرة الحايمة في المنبر الايام دي( يا ازهري2 ياخي قوم لف)
.
.

العزيز : أزهري - تحياتي
مين قال ليك أنا ما متابع خرمجة محمد عادل
في البورد , أنا متابع كل حاجة , لكن وقتها
ما كان عندي عضوية , فكنت شايفك من المتحمسين
في الرد عليه - زادك الله حماساً وسعة صدر - إنت
وصديق الموج وحميدة , وود الباوقة , والأخت ميّادة
والتي تأذت منه كثيراً ولكن صمدت وأخرست لسانه.


* أهم شيء إنو البوست مشى الزبالة

.
.

الأخ الكريم د.يوسف

مداخلتك الأخيرة أوضحت أن الحبيب محمد عادل يتمتع بشعبية خارج نطاق عضوية سوادنيز أون لاين

إن شاء الله تكون تابعت البوست حق تجربة محمد عادل السياسية (الرابط موجود في البوست الرئيس)

تقبل تحياتي وتقديري

.
.

في البوست المشار إليه كشف الزميل الحبيب محمد عادل عن شعار سياسي خطير كان يهتف به في مواجهة أزلام النظام الفاشستي الظلامي (عاجباني كلمة أزلام دي بسمعها في قنوات العراق)

وهو شعار:

over over usa

ومازاد هذا الشعار الجميل لطافة تعليق الزميل العزيز حيدر الزين(لع لع لع دي ما أدونا ليها في نايل كورس)



.
.

.
.

زودنا الحبيب محمد عادل في ذلك البوست بمعلومةغاية في الأهمية وهي أن الجلد في المدارس بكون من الخلف وليس من الأمام .

قال متعناالله بطول تواجده في المنبر:

Quote: فقام المدير باحضارى وجرى وسط الطلاب من منتصف ساحة المدرسة والصول يضربنى بالسوط من الخلف.

أنا أول مرة أعرف إنه في جلد من الأمام ويطرشني ماسمعت بيه قبل كده إلا في بوست حبيبنا محمد.

ياسلااااام ياناس بالجد الله لايحرم منبر من محمد عادل (مع الإعتذار لفنان أغنية ربي لايحرم بيت من الاطفال)

.
.

.
.

من طرائف التجليات المحمد عادلية:

ياRidhaa
لمن الطلاب بهتفو dwn usa
انا كنت بهتف over usa
اضرب اضرب ياكيلنتون
والكلام دا انا فى سنه 8 ممتحن الاساس

بالذمة ده كلام يأأسمك أيه؟!!

ده كلام يتآآآل في المحكمة؟!!!

غايتو يامحمد عادل إن شاء الله لاتفوت ولا تموت
.
.

حبيبنا الازهري الراجل الراقي

ياخي مشتاقين

ودائما سباق جبت لينا سيرة فاكهة المنبر ...

محمد عادل صاحب العناوين الغريبة والعجيبة .

عارف ياازهري عندي ليهو كم عنوان كده خايف
انزلهم هنا اجيب للراجل الهواء .

طبعا انا عندي قناعة تاااااااااااااااااامة
بانو محمد عادل سبب نكسة

1 الرشاشات
2 حزب الامة الاصلاح والتجديد
3 مبارك الفاضل

وعشان رقم واحد دي بقول ليهو.....

ياحمادة انت انشاء الله لاتفوت ....لاتموت

كج الرشاشات كجاهم الصمرقع البفرتك افكرهم....!!!!


راجع ليكم بروااااااااااااااااااقة

حبيبناالازهري 2

تحياتي ,,

الله يديك العافية,,

وكل عام وانت بالف خير,,

كامل تضامني مع الاخ الحبيب محمد عادل القيادي في حزب الامة _ الاصلاح والتجديد

االحبيب محمد عادل

ماتهتما لي كلام الازهري و رضا والاخرون من الحاقدون
فلغوياتهم العربية باللسانات الاعجمية تحد من مقدراتهوم في
توسيق النضالات المزعومة فيقع الاعتماد علا خريخي
المركز المرموقيون من امثالكما...

اخوك وليد صفوت كنبوني الهرتوم over over CCK
اولا قيصر
تانيا روما
تالتا قستنطين
رابعاة اوروبا
خامسة كولومبس
سادسة هرقل
سابعة ميلانو
وثامنة فاتيكان

.
.

الإخوة الأعزاء والزملاء الأفاضل محبي الأسطورة محمد عادل

haroon diyab

Magdi Ahmed Elsheikh

عمر صديق

Walid Safwat

أشكركم على المرور والإهتمام وراجع ليكم أول ما كمبيوتري يتصلح عشان نواصل مع الحبيب محمدونسعى جاهدين للاستفادة من تجرتبه الثرة في السياسة.

تحياتي وتقديري
.
.

يا ابو الزهور

وين الاخ الاسطورة وما لو غايب ليهو زمن اشتقنا لبوستاته العجيبه

كنا عايزين نعرف رأيه عن عمرو اديب والغندور وهيفاء

.
.

الأخ الكريم عبد السميع

كل عام وأنتم بخير

الحبيب محمد عادل موجود بس زعلان شوية وأغتنم هذه الفرصة لأهديه أغنية محمد الأمين (ياخي بعد الشر عليك)

حبيت أعيد عليكم ونرجع تاني بعد العيد إن شاء الله تعالى لننهل من المعين الصافي العذب لفلتة الزمان ونابغة الأجيال ولدنا محمد عادل.
.
.

.
.

وليد صفوت

عيدك مبارك وجميع الزملاء والقراء الكرام

لكن شمشرتك حامضة

over over

.
.

over

over over Azhary 2

.
.

مشكور على over يافتحي ياحبيب
.
.

كملت التريقا ياباشا ولا لسه فى حاجه
اسمعنى ياخوى حقو تخليك فى نفسك بعد كدا واتمنى انك تحترم نفسك
لانى بالجد مابعرفك ولا بتشرف انى اتعرف عليك ولاعندنا سابق معرفه وعلى ماعتقد ماتقابلنا واتمنى انو مانتلاقى
لانو مقابله مع امثالك لا افتخر ولا اتشرف بها

.
.

الحبيب الأديب الأريب المناضل محمد عادل

Quote: كملت التريقا ياباشا ولا لسه فى حاجه اسمعنى ياخوى حقو تخليك فى نفسك بعد كدا واتمنى انك تحترم نفسك لانى بالجد مابعرفك ولا بتشرف انى اتعرف عليك ولاعندنا سابق معرفه وعلى ماعتقد ماتقابلنا واتمنى انو مانتلاقى لانو مقابله مع امثالك لا افتخر ولا اتشرف بها

بالنسبة لسؤالك الأول الإجابة : لسة ياياشا نحن في السنوات الاولى من مرحلة الأساس لكن الأيامات دي إنشغلت شوية .

بالنسبة لنصيحتك : ياحبيب أنا ما جبت حاجة من عندي أنا قاعد أعرض تجربة كتبتها إنت بنفسك دون أي إساءة شخصية موجهة لحضرتكم.

بالنسبة لنصيحتك التانية : أنا محترم نفسي جداً .

مايتعلق بقولك إننا مابنعرف بعض : كيف الكلام ده ياحبيب ؟ نحن زملاء في أكبر منبر سوداني .

أما دعواتك الطيبات بأن لانلتقي فياخي حرام عليك ده يوم المنى يوم أشوفك وأتعرف عليك عن قرب لأنو بالتأكيد حاتكون فرصة ماتتعوض إنو الواحد يستفيد منك عن قرب .

أما قول جنابكم أنكم لاتتشرفون بمعرفتي فربنا يسامحك ياغالي ونرجع نقول ربنا مايحرمنا منك ومن بوستاتك الأسطورية لأنو بالجد سودانيزأون لاين ماعندها طعم من غيرك .

تقبل خالص الود والتقدير وربنا يملاك عافية بجاه سيد مبارك رضي الله عنه وأرضاه .



.
.

الازهري 2

اكتب في سيرتك الذاتية ,,, ان الحبيب المهيب محمد عادل رد عليكم , بهذه الكلمات الواضحات المبهتات
ولاجل عينيك حتى تفهم كتب لك باللغة الشائعة بعد ان عجزتم من فهم لغة العادليزم ,,,

وهذا وسام لم نناله نحن اعضاء رابطة محبيه ومعجبيه دام حرفه الباذخ


رابطة معجبي محمد عادل __ جناج ام جكو المصلح .

.
.

الحبيب أستاذنا عمار

تصدق أنا حزين إنو محمد عادل زعلان مني

لكنني سأظل على العهد محباً معجباً مهما حصل من ولدنا محمد عادل .

بعدين ياعمار أنا هين مابزعل من محمد عادل لكن بدعي ربنا إنو مايزعل منه بشرى الصادق المهدي لأنه داك كان زعل منه بلحقو الزينين .

.
.

.
.



.
.

البوسـت دا داير ليهو عمــود و لستك .. الشمشمرة الحامضة دي لازم تكون LIVE

.
.

حميدة ياخي مشتاقين والله .

البوست ده كان ناقصك بإعتبارك أحد مؤسسي رابطة معجبي الحبيب الأسطورة محمد عادل .

عليك الله ياحميدة لازم تطالع التجربة النضالية الثرة للحبيب محمد وستجد رابطها في المقال الرئيس بهذا البوست .

تجربة تستحق التأمل .

بالمناسبة ياناس الخرطوم زول يطمنا على محمد عادل بعد مسيرة السابع من ديسمبر مايكون ناس الأمن ضايروهوا وهو يناضل لإبعاد الغبار والتراب عن وجه الحبيب سيد مبارك .

سلامة محمد عادل أمانة في أعناقكم .

مرة تانية نقول ليك منور ياحميدة .
.
.