|
Re: تلفزيون السودان يوقف التعامل مع فردوس عبد الحميد ومحمد فؤاد : (Re: baha eassa)
|
يا بهاء سلامات،
أولاً أين المصدر؟! وبعدين الممثلة المصرية العظيمة فردوس عبد الحميد مالا؟! عملت شنو؟! هل أساءات للسودان أم مدحت السودانيين؟! وحتى الفنان محمد فؤاد أي نعم إتجرس، وهو حر فى جرستو، دي برضو تعتبر إهانة للسودان؟! دي عملية تكميم أفواه وللا شنو؟! ودخل السودان فى دا كلو شنو؟! هم أحرار يقولوا اللي عايزين يقولو، والسودان ما وصي عليهم
| |
|
|
|
|
|
|
Re: تلفزيون السودان يوقف التعامل مع فردوس عبد الحميد ومحمد فؤاد : (Re: النذير حجازي)
|
ياخي دي اجمل خطوة يقوم بيها التلفزيون السوداني , فردوس عبد الحميد دي اكتر زولة (قدادة) في الدنيا هردت مصارينا بدورها الوحيد الفرمالة المن سنة اسكت , البت دائما شهيدة وضحية ومضحية بروحها وشها لتعيس البائس دا احسن يرتاح منه المشاهد السوداني شوية كفاهو غم وهم . ــــــــ راجلها الوهم محمد فاضل في برنامج حجازي اتصل مرتين يسب للسودان وخايف علي مرته , رغم انه قال ركبت الطيارة الا انه قال خايف عليها الجزائرين يصلوها في الطيارة , في النهاية ابراهيم حجازي رغم قيادته للخط دا في برنامجه اليوم داك , الا انه محمد فاضل لمن كترها مع السودان ( اضطر ) ابراهيم حجازي انه ( يشخط) فيه ويسكتوا .
| |
|
|
|
|
|
|
Re: تلفزيون السودان يوقف التعامل مع فردوس عبد الحميد ومحمد فؤاد : (Re: baha eassa)
|
ليس من حق تلفزيون السودان أو أي جهة في السودان إجبار جمهور فنان أو ممثل أو مبدع من الإستمتاع بفنه بسبب رأيها فيه
دي وصاية مرفوضة ، و حتى لو كانت الممثلة و الفنان المصري شتموا السودانيين مباشرة برضو ده ما بدي أي جهة الحق إنها تنمع بث أعمالهم . للمشاهد عقله الذي يستطيع التمييز به دون وصاية من التلفزيون أو غيره ، و هناك طرق أخرى أكثر موضوعية للرد على الإساءات إن كان الموضوع يستحق أصلاً
عموماً تلفزيون السودان أصلاً ما بيشاور السودانيين إنو يعرض شنو ! خلاص يعني نحن البرامج الدينية السمجة عاجبانا يعني و لا التطبيل لي عمر البشير و بث أكاذيب الكيزان كان عاجبنا ؟
لكن لمن تلفزيون السودان يقوم بالإسم يحدد إنو حيحظر أعمال فنان معين ، حتى لو كان فنان مغمور أو هو اصلاً ما كان بيبث ليهو أعمال ، فالموضوع هنا مختلف ، لأنو دايرين يرسلوا رسالة معينة .. ده أسلوب تهريجي للعب على عواطف ( و رعونة ) الجماهير ، الأسلوب ده ما جديد ، و بالتحديد ده أسلوب الإعلام المصري و بعض مؤسسات المجتمع المدني هناك . مثال ليهو الأخبار عن نقابة المحامين المصرية تسحب رخصة المحامي فلان بسبب دفاعه أو تعامله مع الإسرائيليين .. إلخ و مثال ليهو الحملة التهريجية المصرية الحالية بعد هزيمتهم من منتخب الجزائر الفرق شنو بين التهريج المصري المزعل الناس هنا و بين تهريج تلفزيون السودان ؟؟
| |
|
|
|
|
|
|
Re: تلفزيون السودان يوقف التعامل مع فردوس عبد الحميد ومحمد فؤاد : (Re: amin siddig)
|
مش في التراث الاسلامي بيقولوا
رحم الله امريء اهدي لي عيوبي...او حديث بهذا المعني...
فلماذا نهديهم الورود ونفتح لهم صالات كبار الزوار ونخرجهم من تلفزيوناتنا لمجرد ان يقولوا رأيهم فينا فان كنا فعلا كذلك...ولا ندري...فعلينا ان نتحري ونقول لهم رحمكم الله شكرا...او يا رعاكم الله اخطأتم ونبين لهم اوجه الخطأ ليرحمنا الله...
فيا ندعو لهم بالرحمة او نجبرهم علي الدعوة لنا بها..
| |
|
|
|
|
|
|
Re: تلفزيون السودان يوقف التعامل مع فردوس عبد الحميد ومحمد فؤاد : (Re: Amany Elamin)
|
Quote: المهم يالأخوه في تلفزيون السودان, نطالب بضم التاليه أسماؤهم للقائمه:
إبراهيم حجازي عمرو أديب أركان فؤاد هالة صدقي أحمد ماهر هاني شاكر هيثم شاكر الكابتن إبراهيم حسن "برنامج عالم الرياضه ما يستضيفوا" عصام شلتوت
|
لماذا هل لانهم خافوا حين تعرضو للاعتداء في حمايتك !! الكثيرين انصفونا وتصريحاتهم الاولى تحت الرعب محمد فواد انصف سائق الحافله السوداني اكثر من اعلامنا الذي تجاهل البطل
قاطع الاعلامي ابراهيم حجازي اذا لم ترضى اعتذاره نعم لا لمحاسبه الضحايا وهذا رابط لمشاهدتي الشخصيه للاحداث وحبابك سوداني وحبابنا جميعا اكرام ضيف فرطنا فيه
شاهد عيان لاحداث شعب عرضناه للهوان !!.
| |
|
|
|
|
|
|
Re: تلفزيون السودان يوقف التعامل مع فردوس عبد الحميد ومحمد فؤاد : (Re: Amany Elamin)
|
الغريب :
أن الفنانة فردوس عبدالحميد قالت كلاما جميلا في حق الشعب السوداني
لدرجة أن كل حضور البرنامج الذى (شاهدته واستمعت اليه كاملا) كانوا
يقاطعونها معترضين علي قولها....حتي مقدمة البرنامج استاءت من الفنانة
لأنها كانت ترغب في قول مختلف منها , وكانت الفنانة دائما ما تصر علي قولها
عدا شئ واحد قالته (وقد تكون محقة فيه..لأسباب لا أعرفها) ..وهو انه لم يكن متاحا لهم ايجاد (حمامات)
لدرجة أنها لم تدخل حماما لمدة تسعة ساعات متواصلة.....حينها تدخل البعض من ضيوف البرنامج
ليقولوا لها (بل (24 ساعة كاملة).
| |
|
|
|
|
|
|
Re: تلفزيون السودان يوقف التعامل مع فردوس عبد الحميد ومحمد فؤاد : (Re: حيدر بشير)
|
شكرآ اخ بها لآيراد الخير..ولك التحية..ودى خطوة جيدة...
ألأخ/أمين ..السلام عليكم...
Quote: ليس من حق تلفزيون السودان أو أي جهة في السودان إجبار جمهور فنان أو ممثل أو مبدع من الإستمتاع بفنه بسبب رأيها فيه
|
من حق التلفزيون ذلك....
ومن حق أن يريد ان يستمتع بفن هولاء ان يبحث عنهم فى مكان غير التلفزيون....هذا أبسط شىء يعمل تجاه هولاء..
التحية للتلفزيون وصاحب الفكرة.....
الفنان يوصل فنه بعدة طرق..إذا كان حقآ هو فنان...
| |
|
|
|
|
|
|
Re: تلفزيون السودان يوقف التعامل مع فردوس عبد الحميد ومحمد فؤاد : (Re: ismeil abbas)
|
Quote: دي عملية تكميم أفواه وللا شنو؟! ودخل السودان فى دا كلو شنو؟! هم أحرار يقولوا اللي عايزين يقولو، والسودان ما وصي عليهم |
لا هم ما احرار يا النذير ياتو منطق ده البقول اى زول يشتم ويسب وهو حر مافى زول وصى عليه يقولوا الدايرين يقولوا فى الشىء البخصهم فقط ... مافى زول وصى على زول اما حكاية ينهالوا سب وشتيمه وعلى الملأ وبالزور !!! دى مافى بنى آدم شريف ووطنى محب لارضه ووطنه بقبلها..
مع العلم انا ما سمعت الفنانه فردوس عبد الحميد ولا قريت عنها هنا عملت شنو .. لكن محمد فؤاد يستاهلها ويستاهل اكتر منها يستاهل يحرم من الدخول لاراضى السودان مهما كان ده زول بجح جدا .. قاعد فى بيت سودانى ويشتم فيه.. والله لو ما السودانى ده بقى ود ناس كان كسرليه راسه بالجد مش زى الزور والافتراء بتاعه..
تحياتى اخى بهاء وتشكر للمعلومه الريحتنى لحد ما والشكر لتلفزيون السودان والتحية لك ايضا اخى النذير ..
| |
|
|
|
|
|
|
Re: تلفزيون السودان يوقف التعامل مع فردوس عبد الحميد ومحمد فؤاد : (Re: ismeil abbas)
|
الأخ بهاء
سلام
قرار غير موفق
قد استمعت للفنانة فردوس عبد الحميد وموقفها الثابت من وقفة الشعب السودني وترحيبهم لهم بكل إعزاز مع رفضها القاطع
لكل التلميحات التي وردت من البعض بغير ما قالت. فهي تحتاج إلى وسام على ما ذكرت وليس توقيف.
الفنانة فردوس عبد الحميد قدمت الكثير للتلفزيون السوداني وللسودانيين فهي فنانة موهوبة ومحبوبة من معظم
السودانيين وعلى التلفزيون السوداني أن لا يتنكر لذلك
تقديري
مشاعر
| |
|
|
|
|
|
|
Re: تلفزيون السودان يوقف التعامل مع فردوس عبد الحميد ومحمد فؤاد : (Re: لؤى)
|
Quote: Quote: دي عملية تكميم أفواه وللا شنو؟! ودخل السودان فى دا كلو شنو؟! هم أحرار يقولوا اللي عايزين يقولو، والسودان ما وصي عليهم
لا هم ما احرار يا النذير ياتو منطق ده البقول اى زول يشتم ويسب وهو حر مافى زول وصى عليه يقولوا الدايرين يقولوا فى الشىء البخصهم فقط ... مافى زول وصى على زول اما حكاية ينهالوا سب وشتيمه وعلى الملأ وبالزور !!! دى مافى بنى آدم شريف ووطنى محب لارضه ووطنه بقبلها..
مع العلم انا ما سمعت الفنانه فردوس عبد الحميد ولا قريت عنها هنا عملت شنو .. لكن محمد فؤاد يستاهلها ويستاهل اكتر منها يستاهل يحرم من الدخول لاراضى السودان مهما كان ده زول بجح جدا .. قاعد فى بيت سودانى ويشتم فيه.. والله لو ما السودانى ده بقى ود ناس كان كسرليه راسه بالجد مش زى الزور والافتراء بتاعه..
تحياتى اخى بهاء وتشكر للمعلومه الريحتنى لحد ما والشكر لتلفزيون السودان والتحية لك ايضا اخى النذير .. |
حبيبتنا الغالية سوما سلامات،
يا سوما حرية التعبير دي والله أهم شيء فى الدنيا، وبعدين لازم نكون عادلين مع الغير الناس ديل ما شتمونا أبداً، وعليك الله أسمعي الفيديو الذى أدرجة العزيز لؤي، وشوفي فردوس عبد الحميد قالت شنو؟! وبرضو لو راجعتي بوست د. شهاب وهو شاهد سوداني للحصل، وعليك الله أقريهو وبرضو راجعي مداخلة أمين أعلاه، الناس دي كلها راشدة، والمفروض المشاهد السوداني نفسه هو الذي يقرر المقاطعة بنفسه، ورفض مبدأ الوصاية جملةً وتفصيلاً
والذي دعاني أيضاً أن أقف بجانب المصريين هو العنصرية والكراهية للشعب المصري بدون سبب، وأنا برضو كنتا كدا، بكرهم وبكره كل الشعوب العربية، لفهمي الخاطيء لهم، والسماع عنهم بأنهم ينظرون لنا نظرة دونية، ودا كلو لقيتو كذب فى كذب، وعلشان كدا أنا بكفر عن ماضيي تجاههم وتجاه كل العرب وتجاه كل شعوب العالم، وعدم الاصغاء للغير فى هذه المسائل الحساسة. والله يا سوما المصريين ديل أكتر شعب بحب السودانيين وقلوبهم نظيفة تجاهنا، وعلشان كدا أختاروا السودان، لأنو حاسين بأننا أقرب ناس إليهم، ومعظم الدول العربية بحبونا، والله أنا متأكد لو المصريين فرشوا ورود للسودانيين العنصريين برضو بكرهوهم يعني فى الله لله كدا، وعليك الله أقري الكتابات العنصرية تجاه المصريين فى المنبر دا، بتلقيهم بقولوا عليهم حلب لوول، يعني الجزائريين ما حلب برضو لوول، واللي بخلي ديل يكونوا حلب شنو؟ والجزائرين ما حلب شنو؟ لوول والله دي زي حكاية شيل كراعك من رجلي لوول.
ولك أسمى معاني تقديري الذى تعرفينه
| |
|
|
|
|
|
|
Re: تلفزيون السودان يوقف التعامل مع فردوس عبد الحميد ومحمد فؤاد : (Re: النذير حجازي)
|
سلام يا نذير تانى شكرا للمداخلة والرد الموجز بالعكس يا نذير انا ما اشرت لى اى كره.. وبالزات الفنانه فردوس ما ظلمتها لانه قلت لسه ما قريت ليها اى مداخلة.. وحقيقى بعد مداخلة العزيز لؤى قدرتها جدا واكبرت كلامها القالتوا هى بالزات ما متوقع منها الشين بصراحة.. لانه انسانه معروفة بى خصالها الجميلة وممثلة محبوبة انا عن نفسى بحبها جدا وحقيقى باين عليها بت ناس ومحترمه .. وليها الشكر لكلمة الحق القالتها.. لكن اكدت على محمد فؤاد لانى سمعته وسمعت الافتراء القالوا علنا انا ضد اى كره يا نذير ..ولا يمكن احرض على كره بنى آدم لله فى الله لكن ياخوى الحقارة حارة والله .. وكلنا ما بنرضى الاهانه شبع فينا ردحى وكذب وشتيمه ..حتى رضى على روحو وجاء يعتذر لكن على قول حبوبه البدخل البطون ما بغسلوا الصابون كلام محمد فؤاد ده لو دخلوا غسالة اوتامتيك وملاها صابون وكلوركس ما بنفع مش لانه نحن ما بنسامح .. حاشا والله لكن لانه قابل الحسنة بالسيئه ودى اكعب خصلة فى الوجود
| |
|
|
|
|
|
|
Re: تلفزيون السودان يوقف التعامل مع فردوس عبد الحميد ومحمد فؤاد : (Re: baha eassa)
|
(اعلن تلفزيون السودان في خطوة وكرد علي مابدر منهم من حديث غير مسئول في وسائل الاعلام المصرية اعلن التوقف عن التعامل معهم نهائيا..).
***- مدير التلفزيون لايملك السلطة المطلقة في اتخاذ القرارات الكبيرة دون الرجوع لوزير الاعلام، وعليه، فان كان هناك قرارآ بعدم التعامل مع اي جهة مصرية، فيكون صادرآ من الوزير بعد التشاور مع مجلس الوزراء او الرئيس بشير شـخصـيآ ( هكذا تقول قوانيـن الخـدمة المدنية )،
***- الا اذا كان الحال عكس ذلك في السودان الأن...( وهو شيـئ غير مستبعد ولاغريب، في ظل الفوضـي العارمة التي ضـربت الخدمة العامة وقوانينها وان يقوم مدير التلفزيون بامدرمان باصـدار قرارات نافذة المفعول )!!!
***- عـملت بوزارة الثقافة والاعلام لمدة 15 عامآ، واعرف تمامآ خفايا واسرار كيف تخرج القرارات الوزارية او الادارية الصغيـرة. واستغرب، ان يتخـفي وزير الاعلام وراء مدير تلفزيونيه ويـخاف اصـدار القرار بنفسـه!!! ( عالـم جـبانات، كما يقول الممثل عادل امام )!!!!
| |
|
|
|
|
|
|
Re: تلفزيون السودان يوقف التعامل مع فردوس عبد الحميد ومحمد فؤاد : (Re: عاطف عبدون)
|
الغريبة انوا فردوس عبدالحميد مشاركتها في الفيديو دا إيجابية جداً عن السودانيين!
ناس التلفزيون ديل شكلهم شافوا الفيديو لكن بدون صوت. الا اذا كان قرارهم بسبب تصريح آخر.
الزول الاسمو وائل قال:
"نحن نعلم واي شخص عندو معلومات عامة بسيطة يعلم ان علاقات بين البشير وبوتفليقة شخصياً وبين السودانيين والجزائريين علاقات وطيدة جداً وبالتالي احنا محصلناش على ميزة"
بالله زول يكلموا لينا ويقول ليهوا يادوب نحنا عملنا جمعية للصداقة الشعبية مع الجزائر بعد هزيمة أمدرمان الشهيرة
| |
|
|
|
|
|
|
Re: تلفزيون السودان يوقف التعامل مع فردوس عبد الحميد ومحمد فؤاد : (Re: Ahmed Alim)
|
هاله صدقى الععجوز المتصابيه والتى خفتت حولها الاضواء
هى من قال ان المطار سمك لبن تمر هندى ... مافيش امن ولا امان
وده كلو عشان سلطاتنا اتعامات معاهم بكل طيبه وسخرت كل الامكانيات
واختذلت كل الاجراءات فى المطار وكانت البصات تاخدهم من الفندق الى سلم
الطائره ...
والله صحى ان انت اكرمت اللئيم تمردا ...
واخر الاحسان الى الكلاب ... عضه
| |
|
|
|
|
|
|
Re: تلفزيون السودان يوقف التعامل مع فردوس عبد الحميد ومحمد فؤاد : (Re: Ahmed Alim)
|
هاله صدقى الععجوز المتصابيه والتى خفتت حولها الاضواء
هى من قال ان المطار سمك لبن تمر هندى ... مافيش امن ولا امان
وده كلو عشان سلطاتنا اتعامات معاهم بكل طيبه وسخرت كل الامكانيات
واختذلت كل الاجراءات فى المطار وكانت البصات تاخدهم من الفندق الى سلم
الطائره ...
والله صحى ان انت اكرمت اللئيم تمردا ...
واخر الاحسان الى الكلاب ... عضه
| |
|
|
|
|
|
|
Re: تلفزيون السودان يوقف التعامل مع فردوس عبد الحميد ومحمد فؤاد : (Re: برير احمد إبراهيم)
|
ناس دخلوا حلايب عنوة وكتلوا ضابط وعساكر سودانين وكذلك حوادث المهندسين الشهيرة التي راح ضحيتها مجموعة من الشباب السودانيين .. كل هذا ولم تحرك الحكومة ساكناً .. يجب على الحكومة ان تتخذ موقفاً صارماً تجاه كل القضايا التى تمس الانسان السوداني والوطن ...
Quote: لكن قصة انها زولة قدادة دي لسع ما نطيت منها |
ده كم سليم يااساسي فالقد يزعج الامن الوطني ...
| |
|
|
|
|
|
|
Re: تلفزيون السودان يوقف التعامل مع فردوس عبد الحميد ومحمد فؤاد : (Re: Abureesh)
|
خطأ يا تلفزيون السودان مش تشوفوا الفيل وتطعنوا في ظله
Quote: الغريب :
أن الفنانة فردوس عبدالحميد قالت كلاما جميلا في حق الشعب السوداني
لدرجة أن كل حضور البرنامج الذى (شاهدته واستمعت اليه كاملا) كانوا
يقاطعونها معترضين علي قولها....حتي مقدمة البرنامج استاءت من الفنانة
لأنها كانت ترغب في قول مختلف منها , وكانت الفنانة دائما ما تصر علي قولها |
واذا قاطعتم فردوس عبد الحميد وهي نوارة ممثلي مصر بانضابطها
ثاني عايزين تشوفوا منو؟؟؟
| |
|
|
|
|
|
|
Re: تلفزيون السودان يوقف التعامل مع فردوس عبد الحميد ومحمد فؤاد : (Re: Tragie Mustafa)
|
Quote: أي زول متذكر اسم من الأسماء اللي أساءت للسودان يكتبوا ياجماعه .. |
مصطفى عثمان اسماعيل قال عن الشعب السوداني إنو شعب شحات..
أنا ضد الإساءة للسودان ولأي شعب كان.. بس تلفزيون السودان يوقف التعامل كيف مع فردوس عبد الحميد ومحمد فؤاد؟ يا اخ ده تلفزيون ما فيهو غير الاذان والبرامج الدينية والمدائح ولو جاب برنامج بكون برنامج معلب عن التماسيح والطيور والعناكب وغيرها عشان يملا بيها الفراغ الحاصل من قلة البرامج.. وحتى المسلسلات البجيبها بكون أغلب نجومها ماتوا قبل عشرين سنة.. التلفزيون السوداني لو عاوز يكون عادل في قرارو، المفروض هو ذاتو يتوقف عن العمل، لأن ما يبثه لا يرقى لمستوى البث ولا المشاهدة.. ده قرار أراد منه تلفزيوننا المبجل أن يذكرنا بأنه (موجود)..
| |
|
|
|
|
|
|
|