انور كنج زعلان من عنصرية المصريين ..عجبى..

انور .. احنا الاتنين عشنا فى مصر فترة ما قصيرة وبنعرف المصريين جيدا وامكانيتهم فى تهويل الاحداث .. وايضا الكذب وعدم الامانه وغيره من الصفات اللا اخلاقية .. وطبيعى بعد الهزيمة انو يفتشوا شماعه عشان يعلقوا فيها خسارتهم .. عادى ذى ما بيقولوا الامريكان " we have to find something to blame"
حقوا ما نزعل من انو احنا بوابيين فقط ودون فى نظر المصريين .. لانو ده حاصل .. وذى ما انت عارف انو احنا كسودانيين فى مصر ما عندنا انجازات كتيره وسط المجتمع المصرى .. وزيد على كده انو مافى اى حمايه او احترام من قبل السفارة السودانية للمواطن فى مصر .. السودانيين العاديين فى مصر اقل بكثير من الصراصير (حقيقة) ..
نجى لفكرة العنصرية .. انا مبسوط حاليا انك حسيت واحتمال ناس تانين بعد الفديو الجميل ده حسو بمرارة العنصرية .. السودانيين اكثر الشعوب عنصرية (حقيقة) .. العنصرية من شعب ودولة اخرى مؤلم قدر كده يا انور ما بالك بالعنصريه فى بلدك وبين اهلك .. انك تكون غفير مستشفى او مدرسه او مخزن حتى .. وبنفس النظرة والاحتقار ينظر ليك سودانى زيك .. قادر تتخيل يا انور احساس الغفير السودانى .. مع انو مافى مشكله انو الزول يكون غفير فهو عمل ومكسبه حلال .. لكن منو هو الغفير فى السودان ..
هون عليك يا انور .. حاول اتخلص من العنصرية الجواك ومن حولك وبعدها قم بلوم الاخرين .....
الريح كودى