أصبت بخيبة أمل كبيرة جداً هذا الصباح بعد أن نمت ليلة أمس وأنا في قمة الغضب والحسرة علي خروج المنتخب المصري الشقيق من التصفيات ، كنت متعاطفاً مع أبوتريكة ذلك اللاعب الخلوق ومتعاطفاً مع جموع الفنانين والفنانات المصريين الذي قدمو الي الخرطوم لحضور المباراة أمثال عادل إمام أحمدبدير وفردوس عبدالحميد وهالة صدقي و.... وتألمت لحزن أكتر من ثمانين مليون مصري بسبب الهزيمة التي تلقونها من الجزائريين .
لم أستطع بعدها أن أتابع أي شئ ، ونمت وكلي حزن وألم ! لكن كانت المفاجأة - بالنسبة لي شخصياً- صباح اليوم من موقف الإعلام المصري ووصفنا بإوصاف غير كريمة، وإتهام السودان والسودانيين بإتهامات باااااطلة لاأساس لها من الصحة .
ليس لي عندهم غير موقفي الذي وقفت معهم متناسياً أشياء كثيرة وظاناً أن كرة القدم ربما تغير مابداخلهم المهم .. أعلن من هنا أسفي وحسرتي غير المحدودة علي تشجيعي لإولئك القوم ، ونادماً علي كل لحظة حزنتها لهم ،،
Quote: أعلن من هنا أسفي وحسرتي غير المحدودة علي تشجيعي لإولئك القوم ، ونادماً علي كل لحظة حزنتها لهم ،،
طول بالك شوية يا ابوالسيد الجزائر دي ما فيها ليك الحبة نحن رباطنا الاستراتيجي مع مصر وما صدر عنهم هو انفعال المهزوم وبينهم ما لا يدرك عمق العلاقات زي بتاع قناة النيل لكن كل ما صدر يجب الي يمتد الي المستويات العليا طيب يا ابوالسيد الجزائر دي لو جارتنا الحيطة بالحيطة كانت حتكون معانا سمن علي عسل طبعا لا ولاحظ علاقاتها الآن مع المغرب كل يوم مشكلة والمصالحة بيناتهم تتم الليلة بكرة تتفرتق بسبب الصحراء الغربية ما اريد الوصول اليه ان هناك ايد خفية واخري ظاهرة تريد استغلال المباراة لتوتير العلاقات السودانية المصرية وفي قمة المسئولية عندنا من هو علي استعداد لذلك لكن برضو الجزائر بتحسب خطواتها السياسية ورفضت اعطاء بلحاج الاذن لدخول الخرطوم لانه كان حيقلب المعادلة ونبقي في حيص بيص جديدة
الفكرة الاساسية في الهيصة دي والكلام المفروض يزعلنا هو الاحتلال المصري لجزء من ارض السودان ،
قلة الادب بتاعتم دي سلوك شخصي خاص بيهم ،
صحي علينا عدم السكوت عليه لكن دي ما مفروض تكون مشكلتنا معاهم ...
وشكرا يا مسلمي .
Post: #9 Title: Re: ياريت لو سمعنا كلام ناس حيدر وتراجي ،،،،،، يخس عليك يامصر ! Author: Abd Alla Elhabib Date: 11-19-2009, 11:46 PM Parent: #8
سـلام علي الجمـيع .. أحييك يا مسـلمـي علـي شجـاعـتك ورجـوعـك للحـق.. سعـيد أنا بهـذا التفاعل الحي الذي يرفـع مسـتوي وعينا الجمـعـي ويحـرضنا علـي الإهـتمام والإرتباط الوثيق بوطننا والحـرص علي سمعته ووحـدته وسـلامـة أراضـــيه... أثمن عاليا مـوقف كل اللذين دعـموا الجزائر ولا نامت أعين مغتصبي حلايب
Quote: [الفكرة الاساسية في الهيصة دي والكلام المفروض يزعلنا هو الاحتلال المصري لجزء من ارض السودان ،
قلة الادب بتاعتم دي سلوك شخصي خاص بيهم ،
صحي علينا عدم السكوت عليه لكن دي ما مفروض تكون مشكلتنا معاهم ...
يا سلام يا الوليد.. كلام في المليان... تسلم ياخي.. و نضيف علي كلامك: التعامل بالندية و الاحترام..وعدم التقليل من الاخر.. وزي ما قالت تراجي ما دايرين منهم شئ... و الله لا كرها ولا محبة.... لكن قلة أدب الصحفين و الفنانين غير مقبولة اطلاقا...... ولا نعمم علي كل الشعب المصري.. فهم مثلنا ضحية لانظمة غير ديمقراطية و الشعب تايه و مطحون
وشكرا للجزائر التي شجعنا فريقها الكروي.. واستحق الانتصار..و شكرا لهم و هم يكتبون علي صفحات جرائدهم و شاشات قنواتهم كل الشكر و التقدير للشعب السوداني........
شكرا يا المسلمي.. و الخوف في الاخر نطلع نحن الضحية و يتصافي المصريين مع الجزائرين........
Post: #20 Title: Re: ياريت لو سمعنا كلام ناس حيدر وتراجي ،،،،،، يخس عليك يامصر ! Author: السيد المسلمي Date: 11-21-2009, 08:20 AM Parent: #14
Quote: وشكرا للجزائر التي شجعنا فريقها الكروي.. واستحق الانتصار..و شكرا لهم و هم يكتبون علي صفحات جرائدهم و شاشات قنواتهم كل الشكر و التقدير للشعب السوداني.
الفكرة الاساسية في الهيصة دي والكلام المفروض يزعلنا هو الاحتلال المصري لجزء من ارض السودان ،
قلة الادب بتاعتم دي سلوك شخصي خاص بيهم ،
صحي علينا عدم السكوت عليه لكن دي ما مفروض تكون مشكلتنا معاهم ...
كان يمكن أن يستثمر المصريين هذه المباراة لصالح تطور العلاقة بين الشعبين .. لكن الذي حدث هو أنهم لم يستطيعوا أن يخرجوا من جلباب المحتل المعتدي الآثم ! تباً لهم .. يريد أن يسلبوننا أي شئ .. سلبوا أرضنا في حلايب وهاهم الأن يستكثرون علينا كلمة شكراً !
ــ إيييييييييييه ياوليد اسفي لكم جميعاً علي هذا التأخير
Quote: طول بالك شوية يا ابوالسيد الجزائر دي ما فيها ليك الحبة نحن رباطنا الاستراتيجي مع مصر وما صدر عنهم هو انفعال المهزوم وبينهم ما لا يدرك عمق العلاقات زي بتاع قناة النيل لكن كل ما صدر يجب الي يمتد الي المستويات العليا طيب يا ابوالسيد الجزائر دي لو جارتنا الحيطة بالحيطة كانت حتكون معانا سمن علي عسل طبعا لا ولاحظ علاقاتها الآن مع المغرب كل يوم مشكلة والمصالحة بيناتهم تتم الليلة بكرة تتفرتق بسبب الصحراء الغربية ما اريد الوصول اليه ان هناك ايد خفية واخري ظاهرة تريد استغلال المباراة لتوتير العلاقات السودانية المصرية وفي قمة المسئولية عندنا من هو علي استعداد لذلك لكن برضو الجزائر بتحسب خطواتها السياسية ورفضت اعطاء بلحاج الاذن لدخول الخرطوم لانه كان حيقلب المعادلة ونبقي في حيص بيص جديدة
لا علاقة للجزائر فيما أنتابني من أحساس تجاه المصريين الأن والله تاني ياالشامي لو لعبوا مع إسرائيل .. أقسم بالله لأُشجعن إسرائيل ! ودا طبعاً بعد ماقنعت من الوشائج التي تربطنا والعلاقات الأزلية وعمق تلك العلاقات . شئ مؤسف أن يتنكرو للسودان كل هذا التنكر وأن يسئوا إلينا بهذه الطريقة النتنة ،
عارفنهم المصريين ما بينستروا .. فقلنا ابعدو منهم ..
أهو هسع صاحبي امين محمد سليمان شايل يا سمينو وحائم يودو وشو وين ما عارف ..
غايتو إلا يجدلو مع فُل ويبيعو في إشارة مرور
Post: #23 Title: Re: ياريت لو سمعنا كلام ناس حيدر وتراجي ،،،،،، يخس عليك يامصر ! Author: السيد المسلمي Date: 11-21-2009, 08:44 AM Parent: #21
Quote: أهو هسع صاحبي امين محمد سليمان شايل يا سمينو وحائم يودو وشو وين ما عارف
مرحب ياحيدر ،، غايتو ياحبيب أنا قلت الحمدلله المافتحت بوست للمصريين الوهم ديل ، هسي كنت لحقت قصة خالك دا ! بقي ملطشة بين ناس أماني والجيلي ، وكمان حنين شالت ليهو كنش عدييييل كدا بيني بينك أحسن يتفوا عشان تاني مايدقس لوووووول
ــ لعنة الله علي أولاد بمبة .
Post: #25 Title: Re: ياريت لو سمعنا كلام ناس حيدر وتراجي ،،،،،، يخس عليك يامصر ! Author: محمد عمر جبريل Date: 11-21-2009, 09:25 AM Parent: #23
سلامات أخونا السيد .. تعرف لحدي قبل الكورة بي يوم أنا كنت واقف مع المصريين .. وحتى نزلت لي بوست هنا ودافعت عن المصريين حتى آخر مداخلة .. لكن والله والله والله .. بعض المداخلات والبوستات في المنبر ده غيرت وجهت نظري تماما .. 180 درجة !! في النهاية وأنا ماشي على الكورة كنت شايل علم الجزائر .. وهسي والله ندمان على البوست داك .. وفي نفس الوقت شاكر تماما لكل الناس الهنا الفتحت عيونا على حاجات ما كنت مديها حجمها الحقيقي .. وشاكر جدا للإعلام المصري الأكد لي وجهت نظر الناس ديل بأنو المصريين لا يستحقون إلا كل ما هو قميء
Quote: وهسي والله ندمان على البوست داك .. وفي نفس الوقت شاكر تماما لكل الناس الهنا الفتحت عيونا على حاجات ما كنت مديها حجمها الحقيقي .. وشاكر جدا للإعلام المصري الأكد لي وجهت نظر الناس ديل بأنو المصريين لا يستحقون إلا كل ما هو قميء
غايتو يامحمد عمر جبريل .. نحن طلعنا ناس طيبيين أوي أوي ، لم نخيب نظرة المصريين فينا أبداً ! رغم أنهم خيبوا آمالنا جميعاً .
شكرا لك وانت تغزل داخلك الوطن بالصورة الحقة وتنظر ما ( بالعين البايظة ) ( ما تزعل من كلامى بهظر ) للشعب المصرى وحقيقتو .. المصريين زى ما ذكرت فى بوست سابق كتبتو عن وقوفهم مع تشاد لا يمكن ان ينظروا الينا الا كاناس يجب ان نكون تحت رحمتهم وجزمتهم وبعض موائدهم ان فضلت . كل شعوب العالم تتلاقى فيما بينها الندية والاحترام فى بعض المواقف ولكن لا يمكن ان يكون هذا الاحترام من مصرى تجاه سودانى مهما علا شأنه لازم يقلل منو ويجيب عيوب من مافى . ما شجعنا الجزائر الا كرد فعل لما حصل من الشعب المصرى تجاه ارضنا المحتلة . كانت مصر من الممكن ان تكون شقيقة لبلادى ولكنها آثرت الطريق المستفز للسودان طوال عهودها الحاكمة.
فى الفيديو دة شوف خطورة الاستهانة بالشعب السودانى كيف ؟!!! عند ظهور المصرى كان حوار السودانيين ( البوابين ) عن دهشتهم بهذا العملاق الكبير وكأنه من كوكب اخر .. الاخطر ان الكاميرا فى البداية جابت الكورة ثم عرجت باظهار ( كراع ) المصرى وصعدت لكل جسمه حتى ظهر البوابين .!!! http://www.youtube.com/watch?v=lHbuE3-Hlos&feature=player_embedded
شكرا لك مرة اخرى
Post: #28 Title: Re: ياريت لو سمعنا كلام ناس حيدر وتراجي ،،،،،، يخس عليك يامصر ! Author: نجاة محمد بابكر Date: 11-21-2009, 11:40 AM Parent: #27
والله انا ود اخوى صغير فى سنة رابعة بكى لمن مصر اتغلبت لمن سكتناهو بالعافية صباح اليوم التانى ابوهو قعد اقول ليهو شفتا ديل المصريين المعفنيين الكنت بتبكى عليهو وقعدو جنب التلفزيون عشان اسمع كلامهم وانا اقول ليهو دا ولد صغير حرام عليك اقول لى خليهو اشوفهم من حسع وقال لينا تانى واحد اقول لى ماشى مصر مافى (شفتو فى البقينا فيهو دا اها اتحرمنا من الاجازة)
تخريمة انتو الصورررة الختبناها الناس كلهم دى صورة منو
Post: #29 Title: Re: ياريت لو سمعنا كلام ناس حيدر وتراجي ،،،،،، يخس عليك يامصر ! Author: محمد عبد الماجد الصايم Date: 11-21-2009, 02:28 PM Parent: #28
Quote: والله انا ود اخوى صغير فى سنة رابعة بكى لمن مصر اتغلبت لمن سكتناهو بالعافية صباح اليوم التانى ابوهو قعد اقول ليهو شفتا ديل المصريين المعفنيين الكنت بتبكى عليهو وقعدو جنب التلفزيون عشان اسمع كلامهم وانا اقول ليهو دا ولد صغير حرام عليك اقول لى خليهو اشوفهم من حسع
أيوا.. أخوك كلامو صاح عشان الأجيال الجاية تعرف السخف البعملو معانا المصريين دا كيف .
ـــــ
Quote: تخريمة انتو الصورررة الختبناها الناس كلهم دى صورة منو
دي ياستي صورة أخونا ودالبشري ..موقوف بعيد عنك . تخريمة ،، سعيدين بمرورك يانجاة.
Quote: كانت مصر من الممكن ان تكون شقيقة لبلادى ولكنها آثرت الطريق المستفز للسودان طوال عهودها الحاكمة
دي حقيقة ياالصاق لكن متي يستوعب ساستنا هذا ؟ ومتي ننتهج سياسة تفرض علي المصريين وغيرهم عليهم إحترامنا ، قلبي علي المواطن المسكين الذي لاناقة له ولاجمل في الذي حدث .. وتتمرمق سمعته كل صباحاً وهو في أضان طرش !
ـــ والله ياالصادق أخوي .. الواحد كترت ماقرف من الموضوع دا .. بداء يفكر في كيفية الخروج من الذل الذي نتعرض له بإسم العروبة وفي التمن الباهظ الذي ندفعه من كرامتنا وكبريائنا حتي نصبح عرب . عليك الله مش حاجة تقرف ؟
