Post: #1
Title: إسقاط البشير ممكن رغم التزوير
Author: زينب بدر الدين
Date: 11-19-2009, 07:43 AM
Parent: #0
إذا لم نتكاسل ونجحنا فى أن نسجل ونصل لكل من
يحق له التسجيل وحتى الجابوهم هم محتاجين فقط لتوعية
أولا بمعرفة أن التصويت سرى وأن الرشوة غير ملزمة لهم
ودى بتحتاج لفتوى دينية مقنعة
لو ما تم تحالف وكانت المنافسه قوية البشير ما بجيب
ال 50%+1 وتعاد الإنتخابات والبجيب أعلى الأصوات
الناس حتتحالف حولوا
ودا السبب الخاليهم دايرين التسجيل إكون ضعيف
عشان النسبة تتحسب من عدد بسيط وهم إكونوا سجلو كل البقدروهم.
ودا أقل واجب علينا طبعا دا إذا ما الأحزاب قاطعت ولكم فى دائرة
الصحافة عبره التكاتف فى مرحلة التسجيل مهم جدا
تدى خلونا ننجح التسجيل ونقد نناقش الباقى
|
Post: #2
Title: Re: إسقاط البشير ممكن رغم التزوير
Author: Tragie Mustafa
Date: 11-19-2009, 07:58 AM
Parent: #1
يا استاذه زينب ربنا يقويكم
ودي بشارة خير غايتو
| Quote: إسقاط البشير ممكن رغم التزوير |
ونقول من فمك لباب السماء.
|
Post: #3
Title: Re: إسقاط البشير ممكن رغم التزوير
Author: اساسي
Date: 11-19-2009, 08:04 AM
Parent: #2
| Quote: إسقاط البشير ممكن رغم التزوير |
ما ممكن
ــــــــ
الله وحده بيده الملك يعطيه لمن يشاء وينزعه ممن يشاء , سوى ذلك وان كان امر اسقاطه عليكم كمعارضة فانا اقول ما ممكن
ياخي المعارضة في ايام عظمتها وصولجانها ومقررات اسمرا وجيشها ما عملت حاجة , تجي تسقطه وهي بتاخد من البشير رواتب كونهم في البرلمان الذي يشرع له
|
Post: #4
Title: Re: إسقاط البشير ممكن رغم التزوير
Author: فتحي البحيري
Date: 11-19-2009, 02:50 PM
Parent: #3
شكرا زينب على زراعةالأمل
ولكن
من ناحية البشير ساقط جماهيريا بدليل هذا اللجوء الملحّ والمبكّر والاستباقي لاختطاف الانتخابات بعدم دفع استحقاقاتها البديهية من قوانين وأجواء وعدالة وفطم الحزب الحرام عن ثدي الدولة .. إلخ
وبدليل هذا التعامل العدائي مع المواطن من حيث المبدأ
من ناحية أخرى
البشير باق فقط برجحان قوة تنظيمه البوليسية ليس إلا
يعني اسقاط البشير ممكن وكائن لو استطعنا فك الارتباط بين التنظيم المجرم والقوات النظامية والمسلحة للدولة
أو
لو استطعنا العثور على - وبالأحرى صناعة وتشكيل - قوات مسلحة ونظامية للدولة لسودانية بديلة لهذه التي كادت أن تتحول لمحض مليشيات تخص البشير وعصابته المأفونة
|
Post: #5
Title: Re: إسقاط البشير ممكن رغم التزوير
Author: مدثر محمد ادم
Date: 11-19-2009, 05:01 PM
Parent: #4
تسلمي استاذة زينب بدرالدبن ولي قدام نتش عين الظلام بالضؤ
|
Post: #7
Title: Re: إسقاط البشير ممكن رغم التزوير
Author: الشفيع وراق عبد الرحمن
Date: 11-19-2009, 05:47 PM
Parent: #6
وأنا أساندك وأقف معك يا أخت/زينب
وأدعو جماهير الشعب السوداني للمسارعة للتسجيل لنسقط البشير كما أسقطنا الكيزان في إنتخابات إتحاد طلاب جامعة الخرطوم
وده نداء هدية مني لي بوستك الظريف ده
|
Post: #8
Title: Re: إسقاط البشير ممكن رغم التزوير
Author: فتحي البحيري
Date: 11-21-2009, 01:09 PM
Parent: #7
التزوير طبيعة جبل عليها "هؤلاء "
حتى إذا أصبح أحدهم ولم يجد ما يضطره للتزوير .... داخ من خرمته للتزوير
التزوير حادث الآن
بالإعلام الأحادي
وجهاز الدولة الموجه بواسطة الحزب
الحزب الحرامي يسرق كل إمكانيات الدولة لينافس بها نفسه في انتخابات لا هي بالحرة ولا هي بالنزيهة ولا هي بالديمقراطية وإن تمشدق المتمشدقون ودافع المدافعون وتفيهق دون حياء ولا نخوة أراذل المنتفعين
لا يمكن لشعب يحترم نفسه وأخلاقه ورجولته أن يختار طواعية مثل هؤلاء الأراذل
كيف نختار مثل هذا البشير الذي لا يصلح غفيرا رئيسا لنا
وهو لا يتمسك بهذا الموقع الآن إلا رعبا من المصير الذي ينتظره إن هو ترجل من هذا الكرسي الذي لم يفعل في سنوات جلوسه فيه ما يجعلنا نذكره بخير
يريد أن يستمر رئيسا لأنه خائف من القدر المحتوم
لهذا بدأ تزوير الانتخابات بالإبقاء على قوانين وأوضاع وأجواء مخجلة متناقضة مع الدستور
ولكن قوة عدل الله وقوة صبر هذا الشعب ستطيح به مثل أي صفقة مصفرّة عفى عليها الزمن
الآن وغدا
|
Post: #9
Title: Re: إسقاط البشير ممكن رغم التزوير
Author: الرفاعي عبدالعاطي حجر
Date: 11-21-2009, 05:10 PM
Parent: #8
أقبض فساد في مرحلة التسجيل : دفتر في بني مالك لتسجيل الناخبين ... !!!
الفاضلة زينب بدالدين
تماماً اتفق معكـ في أننا لو أقنعنا الناس للذهاب الى
التسجيل وبالذات قطاع كبير يمارس الصمت هم فئات كبيرة
من الصامتين ... نأمل في التفاكر من اجل اللحاق بركب
التسجيل .
...............................................حجر.
|
Post: #10
Title: Re: إسقاط البشير ممكن رغم التزوير
Author: Nasr
Date: 11-21-2009, 08:52 PM
Parent: #9
أوردوا عن ستالين أنه قال "ليس المهم من يصوت، المهم من يحسب الأصوات"
إذا ضمنتوا أنو أصواتكم دي ما بتتشال كلها وتتكبي في صندوق البشير فهو ساقط لا محالة
وإلا فأحسن المقاطعة
ما تدوهم شرعية ساكت
خلوهم كدا زي ود الحرام الأبوه رافض يعترف بيهو
|
Post: #11
Title: Re: إسقاط البشير ممكن رغم التزوير
Author: شادية عبد المنعم
Date: 11-21-2009, 09:11 PM
Parent: #1
صديقة عمري زنوبة
ايوة
خلونا ننجح التسجيل وبعدين نقعد نناقش الباقي
صدقوني سجلوا وأقنعو المحجمين يسجلوا
دي براها من أسة خالة المؤتمر الوطني يتراجف
وهم بكل العملوهو والحيعملوهو خافين
|
Post: #12
Title: Re: إسقاط البشير ممكن رغم التزوير
Author: زينب بدر الدين
Date: 11-22-2009, 01:09 AM
Parent: #11
الأعزاء المتداخلين تحباتى
معزرة لو ردبت بالجملة لأنو عندى مشكلة مع البوست دا ما قدرت
أدخل عليهو إلا هسى إما مسألة فنية أو بفعل فاعل
أنا لمن حددت رئاسة الجمهورية قصدت إنو تزويرها أصعب فنيا
أنا لو أدونى المنبر كلو براى ما بقدر أغطى حالات التزوبر
وهم ما خجلانبن منو ولا بمثل بالنسبة ليهم إشكال أخلاقى
عينك يا تاجر كبيرهم وصغيرهم شغال تزوير
رئاسة الجمهوريةفيها الجنوب وفيها الخارج ودا محتاج مراقبة جادة
وحراسة صنادبق وفيها عدم أكتمال نصاب وإعادة
ودا المجنن بوبى وخاليهويطالب بالضمانات من ناسو
تحباتى للجمبع وشكرى
|
Post: #13
Title: Re: إسقاط البشير ممكن رغم التزوير
Author: عثمان جلال الدين
Date: 11-22-2009, 10:23 AM
Parent: #12
نعم يمكن عن طريق التنوير
ثم التسجيل ثم التسجيل ومن بعدها لكل حدث حديث..
الجماعة لن يتوانوا عن التزوير وإدراج الأسماء الوهمية والترغيب والترهيب..
مشاهدات:
- بعض المراكز لا ترى أثر أو دور للمراقبين..
- جلست متطرفاً على بعد خطوات من شيخ ملتحي تبدو عليه الدعة والنعمة يقوم بتسجيل رقم كل من يخرج من مركز التسجيل زللحديث بقية عما سمعته يهمس به..
- الترغيب والترهيب يتم للبسطاء ونوقول لهم (اكلوا توركم وأدوا زولكم)
لا للبشيير وزمرة الحرامية..
|
Post: #14
Title: Re: إسقاط البشير ممكن رغم التزوير
Author: ihsan fagiri
Date: 11-22-2009, 10:32 AM
Parent: #1
طيب يا زينب
نحتاج الي هذا التحالف فعلا وعلي الاحزاب التحرك في هذا الاتجاه
وكلو ممكن
|
Post: #15
Title: Re: إسقاط البشير ممكن رغم التزوير
Author: احمد محمد بشير
Date: 11-22-2009, 10:40 AM
Parent: #14
الاخت زينب ... بعد التحية.
قد قمنا بأستفتاء خاصة وحصري هنا صوت فيه
أعضاء المنبر و سقط فيه البشير
بغالبية الاصوات .... كل السودانيين يطمعون
في رئاسه و شخص جديد بأفكاره يخلصهم من
الظلمات التي أوقعهم فيها نطام البشير و أعوانه
ومن سبقوه من حكام......
نقدم لكي الدعوه بالتصويت معنا في سودانيزاونلاين
و كذلك نوجه الدعوه لكل الاخوه الذين لم يصوتو
بالتوجهه الي البوست و التصويت.....
سيكون التصويت ممتد الي ابريل القادم موعد
الانتخابات الرسمية في البلاد وذلك لاتاحة الفرصة
للكل بالتصويت.....
|
Post: #16
Title: Re: إسقاط البشير ممكن رغم التزوير
Author: Elbagir Osman
Date: 11-22-2009, 04:09 PM
Parent: #15
نعم زينب
هزيمتهم ممكنة
وحتمية
مهما طال الزمن
فقد هزمنا قبلهم ديكتاتوريون قالوا:" مافي زول بقدر يشيلني"
...
يمكن التصدي وهزيمة كل عناصر قوة النظام:
العنف
التضليل (الإعلام)
المال
..
أرى أن نكرس هذا البوست لعرض تجاربنا الحالية
في التصدي للنظام
سأبدأ بلمحات من نضال السودانيين بأوتاوا
الباقر موسى
|
Post: #17
Title: Re: إسقاط البشير ممكن رغم التزوير
Author: Mustafa Mahmoud
Date: 11-22-2009, 04:11 PM
|
Post: #18
Title: Re: إسقاط البشير ممكن رغم التزوير
Author: زينب بدر الدين
Date: 11-23-2009, 04:42 AM
Parent: #17
سلام للجميع
تراجى لو ما وقفنا على الأمل وإشتغلنا بسقط
والله يا استاذ أساسى نحنا بنعمل المفروض يتعمل
وأكيد حنغير دا طبعا مفهوم لكل من قرأ تاريخ
السودان
فتحى البحيرى بس السؤال كيف نغبر القوة البوليسية دون تغيير
قمة السلطة المسيطرة على القوات المسلحة
شكرا يا مدثر على الدعم والتكاتف واجب
شكرا عاطف مكاوى على مدنا بالروابط بس لسة بدرى نقول
مقاطعين ت
كدى ننجح التسجيل رغم التزوير
ونشوف إجتماع جوبا تكون قدامو كل المعطيات البتخلى يتخذ القرار
الممكن ندعموا ولمن نقاطع نكون فى موقف قوة
احمد محمد بشير الإستفتاء هنا على الرغم من دوره
المعنوى بس دى مجموعات مثقفين الناخبين الحقيقيين
بحتاجو شغل تانى أهم حاجة اننا نطمن الناس إنو التهديد والرشوة
والإغراء كلها ممكن تكون وبال عليهم إن فضحناهم بها
د.إحسان شكرا ونعمل كلنا على تكوين التحالف للقضاء على
بيت الثعابين
الشفيع والرفاعى شكرا ومعا لإسقاط البشير
ناصر إزيك المقاطعة لازم تتم من موقف قوة
ولسة انا بقول ممكن نعيد ملحمة دائرة الصحافة
لإسقاط البشير تتذكر كمية التزوير فى دائرة الصحافة
بس القوة والإرادة حققوا الهدف
عثمان جلال الدين مشكور وبرضو خلونا نخطط
ونتضامن
شادية العزيزة نكشف التزوير أول بأول دا مهم ونخلى العالم يعرف
كيف زور السجل
الباقر كيفك نستمر نكتب ونتناقش ونعمل. يا قاطعنا ونحنا عندنا
بديل واضح ونحدد فترة للتنفيذ
أو دخلناها وأسقطما البشير تحت أسوأ الظروف
د.مصطفى شكرا على المرور وخلونا نضع الخطط البديلة
|
Post: #19
Title: Re: إسقاط البشير ممكن رغم التزوير
Author: Al-Mansour Jaafar
Date: 11-23-2009, 04:55 AM
Parent: #18
الإحترام والسلام
مادام النظام الرأسمالي بينتج ديكتاتوريات مدنية وديكاتوريات عسكرية
من نوع الصادق والبشير
فالأفضل مواصلة النضال المسلح ضد حكومة المركز
بس تقول لي منو؟
الناس كلها صارفة وقابضة
|
Post: #20
Title: Re: إسقاط البشير ممكن رغم التزوير
Author: زينب بدر الدين
Date: 11-23-2009, 05:06 AM
Parent: #19
المنصور جعفر صباح الخير
النصال المسلح دا إذا ما بقى خيار الجميع
ببقى تقتيل للأرواح ساى بعدين نحنا وصلنا للسلام
بعد ما فقد السودان خيرة شبابه السلام فرصة لبناء
ما نضيعها
ولو فشلنا نغير ما خايفين من الحرب وبس تكون بتجيب سلام وإستقرار
ما حرب من أجل الحرب
|
Post: #21
Title: Re: إسقاط البشير ممكن رغم التزوير
Author: Elbagir Osman
Date: 11-23-2009, 11:57 AM
Parent: #20
في أوتاوا نمارس
التوحد
التطوع
التعبير
توصيل إعتراضاتنا للسفارة
التطوع باستضافة الناخبين من مدن أخرى
التبرع بالمال
مشاركة الجميع
وحملتنا مستمرة
حتى تقرر قيادة الأحزاب في السودان
المقاطعة ام المشاركة
- إذا قاطعنا وحدنا نشرخ الوحدة -
وإذا قررت المقاطعة
تسمتر الحملة بكل قوتها للمقاطعة
(تعبيئة وتوعية بحقوق المواطنين وضرورة الديمقراطية غير المنقوصة)
ممكن أفصل لاحقا
الباقر
|
Post: #22
Title: Re: إسقاط البشير ممكن رغم التزوير
Author: mahmed alhassan
Date: 11-23-2009, 01:52 PM
Parent: #21
والله يازينب غايتو الله أعلم
الناس ديل كتار شديد
center>
|
Post: #23
Title: Re: إسقاط البشير ممكن رغم التزوير
Author: زينب بدر الدين
Date: 11-23-2009, 03:42 PM
Parent: #22
الباقر شكرا ونستمر ذى ما قلت حتى نتوحد على قرار
محمد عثمان الناس ديل شوية خالص ولمن الناخب يدخل خلف الستارة
وإكون عارف ما معاه غير ضميره حقهم بكون راح
و90% من الواقفين ديل جابراهم المعايش والإنتهازى برضو بتناقش
وبا جماعة ما تقصروا مع الإنتهازيين ناقشوهم بقتنعو
وبعدين الخوافين برضو والناس الإنقاذ ماسكين ليهم زلة برضو
لمن إعرفو فى ستارة ما بدوهم والله اسقطو زى العجب
المهم يا شبيبة ويا شباب رغم المحن رغم العذاب دايرين
نسقط الخراب
|
|