Post: #1
Title: الناس المتوحشين ديل بركة الفازوا
Author: نوفل عبد الرحيم حسن
Date: 11-19-2009, 00:02 AM
مشجعين ولا مصارعين ما تعرفهم
الواحد فيهم يساوي اربعه عساكر سودانيين
طول وعرض ... صحابه بس
في شارع المطار بجروا برجلينهم مع العربات ناقصين بوري بس
ويفتشوا في المصريين تفتيش عشان يبيدوهم
اي باص مصري وقع في عينهم لحقوه امات طه
لو اتغلبوا كانوا عدموا البلد دي نفاخ النار
واحد سوداني في شارع المطار رافع العلم الجزائري في عربيتو
قلت ليهو مبروك . قال لي مبروك شنو ياخ . دي خوفه ساي من الوحوش الكاسره دي 
|
Post: #2
Title: Re: الناس المتوحشين ديل بركة الفازوا
Author: elnawrani margan
Date: 11-19-2009, 00:12 AM
Parent: #1
Quote: واحد سوداني في شارع المطار رافع العلم الجزائري في عربيتو
قلت ليهو مبروك . قال لي مبروك شنو ياخ . دي خوفه ساي من الوحوش الكاسره دي |
والله دى قوية دى
الناس دى مخوفة البشيرية للدرجة دى
|
Post: #4
Title: Re: الناس المتوحشين ديل بركة الفازوا
Author: نوفل عبد الرحيم حسن
Date: 11-19-2009, 00:19 AM
Parent: #2
| Quote: الناس دى مخوفة البشيرية للدرجة دى |
يا النوراني ديل فيله وفكوهم في الشارع
لكن الشعب السوداني طلع اغلبوا جزائري
والمصريين فص ملح وداب
|
Post: #5
Title: Re: الناس المتوحشين ديل بركة الفازوا
Author: elnawrani margan
Date: 11-19-2009, 00:24 AM
Parent: #4
| Quote: لكن الشعب السوداني طلع اغلبوا جزائري |
خوفة برضو ولا اقتنعوا بكورتهم؟؟؟؟؟؟؟؟؟؟؟؟؟؟؟؟؟؟؟؟
|
Post: #3
Title: Re: الناس المتوحشين ديل بركة الفازوا
Author: Tragie Mustafa
Date: 11-19-2009, 00:15 AM
Parent: #1
قلنا لكم ما صدقوتنا!!
|
Post: #6
Title: Re: الناس المتوحشين ديل بركة الفازوا
Author: نوفل عبد الرحيم حسن
Date: 11-19-2009, 00:25 AM
Parent: #3
سلامات يا ام حازم
دا منو الماصدقك دا ؟
خليهو يشوف الفيدو والصور عشان يآمن
الجماعه ديل يسلفونا كتيبه بس من قواتهم الخاصه
وبكره بذيع ليكم البيان الاول
غايتو هم متكيفين شديد من السودانيين
|
Post: #7
Title: Re: الناس المتوحشين ديل بركة الفازوا
Author: نوفل عبد الرحيم حسن
Date: 11-19-2009, 00:28 AM
Parent: #6
| Quote: خوفة برضو ولا اقتنعوا بكورتهم؟؟؟؟؟؟؟؟؟؟؟؟؟؟؟؟؟؟؟؟ |
رايك شنو اعمل ليك استفتاء ؟
الخوفه دي من قله قليله يا مان
نحن بنعيش في الدنيا دي بحمرة العين وحرارة القلب
|
Post: #8
Title: Re: الناس المتوحشين ديل بركة الفازوا
Author: Tragie Mustafa
Date: 11-19-2009, 00:35 AM
Parent: #7
نوفل يا اخوي
ديل الرجال الجد
| Quote: يا النوراني ديل فيله وفكوهم في الشارع |
حمرة عين شنو يا حبيب!!
| Quote: نحن بنعيش في الدنيا دي بحمرة العين وحرارة القلب |
كان ما بقيتوا لينا كده زي الجزائرين ديل مافيش فائده!
|
Post: #9
Title: Re: الناس المتوحشين ديل بركة الفازوا
Author: نوفل عبد الرحيم حسن
Date: 11-19-2009, 00:39 AM
Parent: #8
| Quote: كان ما بقيتوا لينا كده زي الجزائرين ديل مافيش فائده! |
نحن نبقي كده كيف ..
شوال السكر بس - ناهيك عن الحاجات التانيه - وصل 200 جنيه ونزل
نجيب الطاقه من وين
|
Post: #10
Title: Re: الناس المتوحشين ديل بركة الفازوا
Author: Tragie Mustafa
Date: 11-19-2009, 07:41 AM
Parent: #9
صحيح كلامك يا نوفل
Quote: نحن نبقي كده كيف ..
شوال السكر بس - ناهيك عن الحاجات التانيه - وصل 200 جنيه ونزل
نجيب الطاقه من وين |
زمان قلنا للدراويش ديل
نحن لا عندنا تمر قدر حق العراق ولا زيتون قدر حق ليبيا
ولا خير قدر حق ايران
المقاطعه الاقتصاديه دي ما بنقدر عليها
قالوا اطلعوا من البلد حسه فعلا شعبنا
بقى شبه اشباح حائمهوربنا يعين يا اخوي قول يا لطيف وبتفرج باذن الله.
|
Post: #11
Title: Re: الناس المتوحشين ديل بركة الفازوا
Author: نصر الدين محمد شريف
Date: 11-19-2009, 07:55 AM
Parent: #10
واحد سوداني في شارع المطار رافع العلم الجزائري في عربيتو
قلت ليهو مبروك . قال لي مبروك شنو ياخ . دي خوفه ساي من الوحوش الكاسره دي
تحياتى
طيب ما يكلمو المصريين يشيلو الاعلام الجزائرية و يمشو المطار بدل ما يستخبو
|
Post: #12
Title: Re: الناس المتوحشين ديل بركة الفازوا
Author: Hala Hassan
Date: 11-19-2009, 10:30 AM
Parent: #11
صدقت يا نوفل،
كلنا حمدنا الله الجزائر فازت،
كانوا ح يقلبوا لينا البلد مجزرة،،،
أنا غايتو مصرة الناس ديل جوا منقيين (طول فى عرض)،،،
و بعدين الإجرام أظن فى دمهمهم،،،
أنا فى الشارع بعد المباراة، لقيتهم بجوا جاريين قدام العربية ووقفوا سدوا لى الشارع،
و لو ما ضربت ليهم البورى (تحية) ما أظن كانوا خلونى،،،
صاحبك ما براهو،،،
هرشونا كلنا،،،
|
Post: #14
Title: Re: الناس المتوحشين ديل بركة الفازوا
Author: نوفل عبد الرحيم حسن
Date: 11-19-2009, 04:46 PM
Parent: #12
Quote:
أنا فى الشارع بعد المباراة، لقيتهم بجوا جاريين قدام العربية ووقفوا سدوا لى الشارع،
و لو ما ضربت ليهم البورى (تحية) ما أظن كانوا خلونى،،،
|
الخواف ربي عيالو
شفتي الناس بجروا مع العربات كيف ؟ زول ساي نفسو قايم من الجري مافي
نحن قعدنا في شارع المطار لحدي واحده صباحا
قلنا يمكن الشغلانه تدور مع سودانيين .. زهجانين وما عندنا موضوع
لما نزهج من الوقفه والفرجه نمشي نديها قهوه في النجيله السمحه ديك ونرجع ليهم
الجهور الجزائري لم يحترم الدوله التي استضافته ابدا
جاءوا بغرض الانتقام وليس التشجيع ..
من اول يوم لوصولهم كانوا بشتروا في السكاكين والسيوف
ودا مؤشر واضح علي انهم تأبطوا شرا ... لكن اي اين الحس الامني ؟
اكبر خطأ لسلطات الامن انها تركتهم يسرحوا ويمرحوا في البلد علي كيفهم
|
Post: #23
Title: Re: الناس المتوحشين ديل بركة الفازوا
Author: نوفل عبد الرحيم حسن
Date: 11-19-2009, 05:54 PM
Parent: #11
| Quote: طيب ما يكلمو المصريين يشيلو الاعلام الجزائرية و يمشو المطار بدل ما يستخبو |
هلا نصرالدين
المصريين عملوا اي حاجه عشان يصلوا المطار سالمين
لكن هل يخفي القمر ؟
بشموهم شم
|
Post: #13
Title: Re: الناس المتوحشين ديل بركة الفازوا
Author: نوفل عبد الرحيم حسن
Date: 11-19-2009, 04:30 PM
Parent: #10
| Quote: ربنا يعين يا اخوي قول يا لطيف وبتفرج باذن الله |
يا لطيف .. الجباره تقيف
|
Post: #15
Title: Re: الناس المتوحشين ديل بركة الفازوا
Author: Tragie Mustafa
Date: 11-19-2009, 04:51 PM
Parent: #13
نصر الدين يا اخوي ومنو قال لك المصريين ما عملوا كده؟؟
Quote: تحياتى
طيب ما يكلمو المصريين يشيلو الاعلام الجزائرية
و يمشو المطار بدل ما يستخبو |
يازول الا ديل ما بتغشوا
يعرفون سحناتهم جيدا وبرودة دمهم بينما
الجزائرين دمائهم حاره لما بتغلي.
غايتو يوم فيلم يا نوفل بركه الربنا مرقكم سالمين بس.
|
Post: #16
Title: Re: الناس المتوحشين ديل بركة الفازوا
Author: ناصر احمد الامين
Date: 11-19-2009, 05:03 PM
Parent: #15
| Quote: قلت ليهو مبروك . قال لي مبروك شنو ياخ . دي خوفه ساي من الوحوش الكاسره دي |
نظام (دعوني أعيش) !!!
لكن فعلا (بركة الفازو) .... واللا كان دخلونا في الوزة زاتا !!!!
عشان تعرفوا قيمة المصريين ..... ناس شغالين بي لسانهم بس.
|
Post: #17
Title: Re: الناس المتوحشين ديل بركة الفازوا
Author: النذير حجازي
Date: 11-19-2009, 05:10 PM
Parent: #16
| Quote: الناس المتوحشين ديل بركة الفازوا |
لوووووووووووووووولً@ نوفل
والله الحمد لله إنهم فازوا
تعرف حكيت لواحد صاحبي فلسطيني دمو خفيف، قلتا ليهو:"تخليل الجزائريين ديل بعد ما فازوا
برضو هاجموا المصريين بالأسلحة البيضاء"
قام قال لي:" يعني قروشهم اللي صرفوها فى شراء الأسحلة البيضاء قبل المبارة تحسباً للهزيمة
تضيع منهم عبط؟! ما لازم يخلصوا حقها" لوول
|
Post: #18
Title: Re: الناس المتوحشين ديل بركة الفازوا
Author: Tragie Mustafa
Date: 11-19-2009, 05:14 PM
Parent: #17
النزير يا حبيب
هارد لك
ثانيا:
عارف يا غالي الشعوب العربيه دي كلها دمويه جدا
Quote: لوووووووووووووووولً@ نوفل
والله الحمد لله إنهم فازوا
تعرف حكيت لواحد صاحبي فلسطيني دمو خفيف، قلتا ليهو:"تخليل الجزائريين ديل بعد ما فازوا
برضو هاجموا المصريين بالأسلحة البيضاء"
قام قال لي:" يعني قروشهم اللي صرفوها فى شراء الأسحلة البيضاء قبل المبارة تحسباً للهزيمة
تضيع منهم عبط؟! ما لازم يخلصوا حقها" لوول |
عارف الفلسطينين ديل لو لقى فرصو يشرحوا العرب ديل كلهم
تقول لي شنو؟؟
الناس دي عندها هوايه تتشبك في بعض بشكل غريب.
ربك يعين .
|
Post: #19
Title: Re: الناس المتوحشين ديل بركة الفازوا
Author: النذير حجازي
Date: 11-19-2009, 05:28 PM
Parent: #18
حبيبتنا تراجي،
سلامات يا غالية وألف مبروك ليكم، وأنا من هسا بقيت بشجع الجزائر
فى المنديال بعد تأهلها.
Quote: عارف الفلسطينين ديل لو لقى فرصو يشرحوا العرب ديل كلهم
تقول لي شنو؟؟
|
لو لاحظتي يا تراجي فى الكورة أغلب المشجعين للجزائريين فى السودان
كانوا الفلسطينيين داخل السودان، ما شفتيهم كانوا ماسكين علم كبير لفلسطين
وفى داخلو علم الجزائر وجالسين جمب الجزائريين. وبالمبارة دي أكتشفت إنو أغلب
الدول العربية بتشجع الجزائر وبكرهوا المصريين، والفلسطينيين طلعوا أكتر ناس
بكرهوا المصريين، وصاحبي الفلسطيني دا (بالمناسبة غزاوي) بضحك اليوم كلو، ومبسوط
من المبارة، ودق المصريين، وأول ما واحد مصري يجيء داخل المكتب بتاعنا (جالسين فيهو
أنا وهو) بقوم بعمل فيها حزين، وإنو كان بشجع مصر!!!!!!!!! لوول
والله فلسطيني مستهبل جنس استهبال! لوول
|
Post: #21
Title: Re: الناس المتوحشين ديل بركة الفازوا
Author: ذواليد سليمان مصطفى
Date: 11-19-2009, 05:44 PM
Parent: #19
|
Post: #24
Title: Re: الناس المتوحشين ديل بركة الفازوا
Author: نوفل عبد الرحيم حسن
Date: 11-19-2009, 10:36 PM
Parent: #21
شكرا ذو اليد علي الصوره
شايفك الايام دي بقيت تتكلم بحديث الكاميرا 
طالبك صورنا في زواج شاذلي جعفر
اجدعها لي في الماسنجر بالله
سأنزل بعض الصور التي التقطها بالموبايل للجمهور الجزائري - ونأسم لعدم وضوحها
|
Post: #26
Title: Re: الناس المتوحشين ديل بركة الفازوا
Author: نوفل عبد الرحيم حسن
Date: 11-19-2009, 11:05 PM
Parent: #24
عفوا للتكرار
|
Post: #27
Title: Re: الناس المتوحشين ديل بركة الفازوا
Author: نوفل عبد الرحيم حسن
Date: 11-19-2009, 11:25 PM
Parent: #26
|
Post: #22
Title: Re: الناس المتوحشين ديل بركة الفازوا
Author: نوفل عبد الرحيم حسن
Date: 11-19-2009, 05:48 PM
Parent: #17
Quote: قام قال لي:" يعني قروشهم اللي صرفوها فى شراء الأسحلة البيضاء قبل المبارة تحسباً للهزيمة
تضيع منهم عبط؟! ما لازم يخلصوا حقها" لوول |
هههه
مصائب قوم عند قوم فوائد .. اكتر ناس استفادوا باعة الاسلحه البيضاء والسجائر والمطاعم والفنادق
وستات الشاي برضو كان ليهن نصيب الاسد في بيع الشاي والقهوه
واصحاب الورش برضو .. لانه ح يصينوا البصات الاتكسرت . ولا عزاء لشركات التأمين
|
Post: #20
Title: Re: الناس المتوحشين ديل بركة الفازوا
Author: نوفل عبد الرحيم حسن
Date: 11-19-2009, 05:41 PM
Parent: #16
| Quote: .عشان تعرفوا قيمة المصريين ..... ناس شغالين بي لسانهم بس. |
المصريين يا ناصر لو بشتغلوا بأيديهم زي لسانهم كانوا رقدوا الجزائرين روز
لكن العكس صحيح .. الجزائرين كلام تك وشغالين ضرب من فوق كل بنان
العربي حقهم في تلتله ح نفهموا .. والباقي تفاهم بالاشارات
نجدنا زميلنا المعانا خريج لغه فرنسيه .. بقي شغال معانا زي شريط الترجمه
|
Post: #25
Title: Re: الناس المتوحشين ديل بركة الفازوا
Author: Elsanosi Badr
Date: 11-19-2009, 10:56 PM
Parent: #20
تعرف يا نوفل زمان كنت في الجزائر العاصمه في رحلة عمل... توقنا جمب الجامعه ومعاي بعض الاصدقاء
وكان علي ما اظن حركه احتجاجيه من الطلاب وبعد شويه اشتبك الطلاب مع ناس الشرطه ...ياخي زي نص ساعه ضرب وسلخ مبالغ فيهو طلبه وطالبات وزغاريد ...ياخي الناس لامن فترت ومافي ولا واحد فيهم جري ولا اتراجع ...
معاي صديق سوري اتضاير وراء اصدقاءنا الجزائرين ...
ياخي في الجزائر تقوم جاري دي فضيحه ....
|
Post: #28
Title: Re: الناس المتوحشين ديل بركة الفازوا
Author: ذواليد سليمان مصطفى
Date: 11-20-2009, 00:39 AM
Parent: #25
المصدر.www.bbcarabic.com
|
Post: #34
Title: Re: الناس المتوحشين ديل بركة الفازوا
Author: نوفل عبد الرحيم حسن
Date: 11-20-2009, 01:55 AM
Parent: #28
مشكور يا ذو اليد
وركز لينا شويه بالله علي صور الجكس دي
وكمان ما تنسي لي صور زواج شاذلي القلتها ليك فوق
|
Post: #29
Title: Re: الناس المتوحشين ديل بركة الفازوا
Author: نوفل عبد الرحيم حسن
Date: 11-20-2009, 00:42 AM
Parent: #25
زمان يا السنوسي لما دخلنا نتعلم الكراتيه لاول مره في مركز شباب ام درمان
او ما دخلنا لقينا ناس كمال الاجسام ... مصائب كده في شكل بشر ما بتتوصف
صاحبي المعاي قال لي : هسي ديل لو اتشاكلوا يحجزوهم كيف ؟
دحين يا اخوي الجزائرين ديل لو اتشاكلو في بعضهم الا يتعبوا ويقيفوا براهم
والناس البجروا مع العربات لحدي مطار الخرطوم ديل غايتو ما عارفهم بتعبوا متين وكيف
|
Post: #30
Title: Re: الناس المتوحشين ديل بركة الفازوا
Author: هاشم نوريت
Date: 11-20-2009, 00:50 AM
Parent: #29
ديل الامازيغ ديل عفيب منهم فرحونا
انت قايل تشجيعنا ليهم هنا فى المنبر شنو مايها الرجفيبة ذاتها
ههههههههه
|
Post: #32
Title: Re: الناس المتوحشين ديل بركة الفازوا
Author: نوفل عبد الرحيم حسن
Date: 11-20-2009, 01:43 AM
Parent: #30
| Quote: انت قايل تشجيعنا ليهم هنا فى المنبر شنو مايها الرجفيبة ذاتها |
هههههههه
انت عارف يا هاشم انا كنت حاني شديد علي عساكرنا ديل لو الجماعه ديل اتغلبوا
غايتو بدوهم السلاح وبقولوا ليهم ( هناك مصر يخلف الحجر فأقتله )
لكن قدر ولطف
|
Post: #31
Title: Re: الناس المتوحشين ديل بركة الفازوا
Author: Amira Elsheikh
Date: 11-20-2009, 00:57 AM
Parent: #29
الطبيعى الزول لما يجى ليهو بلد اول مرة بخاف ..بتردد .. بسال..
بكونما عارف راسو من قعرو ..
واتخيل الجزائرين ديل ما بعرفو من السودان غيرو اسمو
لكن قوة عينهم تحير ...
لكن النصيحة الرجالة مرات مرات سمحة ....
المصرين ديل اديهم قلة الادب وطول اللسان ...
والله يا نوفل هنا اظن 90% من العرب المقيميين شجعو الجزائر
|
Post: #33
Title: Re: الناس المتوحشين ديل بركة الفازوا
Author: نوفل عبد الرحيم حسن
Date: 11-20-2009, 01:53 AM
Parent: #31
Quote: الطبيعى الزول لما يجى ليهو بلد اول مرة بخاف ..بتردد .. بسال..
بكونما عارف راسو من قعرو ..
|
سلامات اميره .. وكلامك صحيح
لكن ديل عينهم في ناس الشرطه والامن وبسووا في الفي راسهم
المحيرني اكشتفوا احسن المطاعم والمحلات في يوم واحد بس . وفي اي ركن تلقيهم قاعدين
البحير اكتر من كده . سبقونا علي ستات الشاي . وبعد يتكيفوا يقعدوا يشحدوا في الصعوط
غايتو شوف عيني دي واحد من الجماعه المعاي اداهم علبة سجائر . ساي كده لله بس
|
|