Post: #1 Title: فيديو(4) عن الانتخابات.....وهبشه خفيفه لمناوي ايضا! Author: Tragie Mustafa Date: 11-18-2009, 11:00 PM Parent: #0
الفيديو مسجل قبل اسبوعين!!
يعني جرت مياها كثره تحت الجسر من ناحية التزوير وقبض حالات كثيره والآلاف الشكاوي..... واقتناع كثيرين وانا منهم بانه لا جدوى من الانتخابات...ولا امل ان ينعدل زيل الكيزان المايل!
Post: #2 Title: Re: فيديو(4) عن الانتخابات.....وهبشه خفيفه لمناوي ايضا! Author: Tragie Mustafa Date: 11-19-2009, 00:07 AM Parent: #1
...ليبق عاليا.....
Post: #3 Title: Re: فيديو(4) عن الانتخابات.....وهبشه خفيفه لمناوي ايضا! Author: Tragie Mustafa Date: 11-19-2009, 00:51 AM Parent: #2
.....وليبقى عاليا.....
Post: #4 Title: Re: فيديو(4) عن الانتخابات.....وهبشه خفيفه لمناوي ايضا! Author: AnwarKing Date: 11-19-2009, 02:00 AM Parent: #3
جميل...عفوية ...صراحة ونفاذ الى لب القضايا...
أها إن شاء الله المجموعة التالية جاهزة؟
Post: #5 Title: Re: فيديو(4) عن الانتخابات.....وهبشه خفيفه لمناوي ايضا! Author: Tragie Mustafa Date: 11-19-2009, 02:08 AM Parent: #4
وين....يا الحبيب... وحياتك ثاني اظن ادونا عين
Quote: أها إن شاء الله المجموعة التالية جاهزة؟
يا انور يا غالي الراجل المصور عنده امتحانات بس قول يا لطيف....كان ما اتعلمت براي زيك مافي فايده ربنا يهون ادعي لي.
كن بخير
Post: #6 Title: Re: فيديو(4) عن الانتخابات.....وهبشه خفيفه لمناوي ايضا! Author: Tragie Mustafa Date: 11-19-2009, 02:49 AM Parent: #5
....ليبقى عاليا.....
Post: #7 Title: Re: فيديو(4) عن الانتخابات.....وهبشه خفيفه لمناوي ايضا! Author: قاسم المهداوى Date: 11-19-2009, 03:28 AM Parent: #6
تراجى سلااام وتحايا بحجم البلد فكرة اكتر من ممتازة واستمعت اليك كما لم استمع من قبل الصورة هى الاقوى فى ايضال اى فكرة اومضمون اى رسالة اتفق معك فى انو انفصال الجنوب يعنى تفتت بقية اجزاء الوطن ( يوغسلافيا سابقا ) انفصال البوسنة والهرسك .... اعطى كل من الكروات ايضا حق الانفصال عن التواجد مع الصرب شخصيا ادعم فكرة عدم التواجد فى مثلث حمدى اذا ما انفصل الجنوب ... قد لا يدى البعض ان الجنوب هوصمام امان تماسك بقية اجزاء الوطن فى حالة الوحدة والا ... فيوغسلافيا سابقا تانى شكرا عميقا فكرة الفيديو ... و الى الامام
Post: #8 Title: Re: فيديو(4) عن الانتخابات.....وهبشه خفيفه لمناوي ايضا! Author: Tragie Mustafa Date: 11-19-2009, 05:16 AM Parent: #7
شكرا يا قاسم على المرور و الدعم
Quote: تراجى سلااام وتحايا بحجم البلد فكرة اكتر من ممتازة واستمعت اليك كما لم استمع من قبل الصورة هى الاقوى فى ايضال اى فكرة اومضمون اى رسالة اتفق معك فى انو انفصال الجنوب يعنى تفتت بقية اجزاء الوطن ( يوغسلافيا سابقا ) انفصال البوسنة والهرسك .... اعطى كل من الكروات ايضا حق الانفصال عن التواجد مع الصرب شخصيا ادعم فكرة عدم التواجد فى مثلث حمدى اذا ما انفصل الجنوب ... قد لا يدى البعض ان الجنوب هوصمام امان تماسك بقية اجزاء الوطن فى حالة الوحدة والا ... فيوغسلافيا سابقا تانى شكرا عميقا فكرة الفيديو ... و الى الامام
انا لو بعرف براي وحياتك ارهيهم لك فيديو كل ربع ساعه اصلا الكتابه دي جابت لي وجع يد.
ومعا من اجل السودان الموحد على المحبه و المعبق بالعداله والمكتمل بالدستور العلماني باذن الله.
كن بخير
Post: #9 Title: Re: فيديو(4) عن الانتخابات.....وهبشه خفيفه لمناوي ايضا! Author: الريح كودى Date: 11-19-2009, 05:40 AM Parent: #7
من المؤسف التسويق لفكرة حق ابناء دارفور بهذه السذاجة والتخلف .. دقة اوكامبو .. وبرضو بتقولى احنا سودانيين 2009 !!
Post: #10 Title: Re: فيديو(4) عن الانتخابات.....وهبشه خفيفه لمناوي ايضا! Author: Tragie Mustafa Date: 11-19-2009, 05:42 AM Parent: #9
اسمع يا رمه انت بطل الحركات النصف كم دي وبطل تباري بوستاتي وقع لك؟؟؟؟
عشان اشكالك دي انطلقنا لافاق ارحب امشي انتج لك فيديو عشان ترد علي وقع لك؟؟؟؟
Post: #11 Title: Re: فيديو(4) عن الانتخابات.....وهبشه خفيفه لمناوي ايضا! Author: Tragie Mustafa Date: 11-19-2009, 05:43 AM Parent: #10
والثوب برضو على فكره اسمه اوكامبو
وده خيار الشعب ما استأذنك انت واخوك
وانما الشعبين اطلقوا هذا الاسم
وقع لك؟؟؟ يا حاقد!!
Post: #13 Title: Re: فيديو(4) عن الانتخابات.....وهبشه خفيفه لمناوي ايضا! Author: الريح كودى Date: 11-19-2009, 05:49 AM Parent: #10
Quote: اسمع يا رمه انت بطل الحركات النصف كم دي وبطل تباري بوستاتي وقع لك؟؟؟؟
عشان اشكالك دي انطلقنا لافاق ارحب امشي انتج لك فيديو عشان ترد علي وقع لك؟؟؟؟
Quote: والثوب برضو على فكره اسمه اوكامبو
وده خيار الشعب ما استأذنك انت واخوك
وانما الشعبين اطلقوا هذا الاسم
وقع لك؟؟؟ يا حاقد!!
Post: #14 Title: Re: فيديو(4) عن الانتخابات.....وهبشه خفيفه لمناوي ايضا! Author: الريح كودى Date: 11-19-2009, 05:53 AM Parent: #13
من السذاجه ايضا انك تتخيلى رجل بتاريخ ابيل الير يمكن ان يتم استقلاله ..
Post: #18 Title: Re: فيديو(4) عن الانتخابات.....وهبشه خفيفه لمناوي ايضا! Author: Ash Date: 11-19-2009, 06:19 AM Parent: #10
Post: #20 Title: Re: فيديو(4) عن الانتخابات.....وهبشه خفيفه لمناوي ايضا! Author: Tragie Mustafa Date: 11-19-2009, 06:32 AM Parent: #18
شكرا اخي اشرف مدخلتك قيمه ومدرسه
Quote: سلام... فعلآ; هل نحتاج لـ "حزب" لطرح أفكارنا!
شكرآ "تراجي" مرة ثانية! و عفوآ إن ضممتك لـ: Facebook Twitter Blogs ... أحيلك و العزيز "أنور" لـ قراءة كتاب "توماس فريدمان": The World is Flat ... فتحتي "باب" أكبر من رسالتك! ياريت تواصلي كـ "تجربة" ولو علي حساب رسالتك! خليك "رصيف". لا "ظلط" ... لا "بناية" ... ... أبقي "سبب"!.
شكرا لك.
Post: #12 Title: Re: فيديو(4) عن الانتخابات.....وهبشه خفيفه لمناوي ايضا! Author: الريح كودى Date: 11-19-2009, 05:45 AM Parent: #9
Quote: د. محمد جلال هاشم :- انا شخصياً متفائل جدا بان الجنوب سوف ينفصل , واعتقد ان تشائم الكثيرين بانفصال الجنوب هو جزء من الازمة , فلماذا يخاف الناس من انفصال الجنوب ؟ وليس فقط الجنوب الذى سينفصل . مصر تحتل حلايب والمثقفين يتعاملون بلا حساسية مع احتلال دولة آخرى لاراضينا وهو ما يُظهر ان الشماليين فيما يتعلق بالجنوب غير جادين اصلاً . نيفاشا صُممت لانفصال الجنوب والحركة الشعبية ليست انفصالية لكنها ما كان يمكن لها ان تقف ضد انفصال الجنوب فى ظل نيفاشا , وما كان من الممكن ان يحافظ السودان على وحدته فى ظل نظام الانقاذ . انفصال الجنوب ليس نهاية التاريخ لان هذا النظام الذى يقوم على مشروع غبى لن يترك الجنوب فى حاله كما لن يترك الشمال فى حاله . كل الحروب الاهلية التى مررنا بها بمثابة المناظر والفيلم لم يبدأ بعد , الحرب الجديدة القادمة بعد انفصال الجنوب والتى سيذهب فيها ابناء جبال النوبة الى جوبا لشن حربهم من هناك وكذلك اهل الانقسنا , واهل دارفور ايضاً سوف يذهبون الى جوبا لشن حربهم وكذلك ابناء شرق السودان سيفعلون ذلك , وكذلك اهل الشمالية سوف يذهبون هناك لشن الحرب ضد المركز وضد السودان القديم . وعندها سيبدأ سودان جديد عبر هذه الحرب المقدسة القادمة , وانا عندى كتاب سيصدر قريباً اطلقت عليه أسم (حروب دعك النخرة) , لان التكبر والاستعلاء العرقى لا يتم اصلاحه باخوى واخوك او بالتنظير وانما بدعك النخرة , وسيأتى يوم من الايام لو ما كانت هناك أسرة متزوج منها جنوبى فانها لن تكون اسرة عزيزة .
Post: #15 Title: Re: فيديو(4) عن الانتخابات.....وهبشه خفيفه لمناوي ايضا! Author: Tragie Mustafa Date: 11-19-2009, 06:00 AM Parent: #12
كان احترمتك لو كتبت كلامك ده في بوست دينق
مش تلبد وتتشعبط في بوستات تراجي
Quote: من السذاجه ايضا انك تتخيلى رجل بتاريخ
ابيل الير يمكن ان يتم استقلاله ..
بعدين يا عروبي انت برضو
اسمها استغلاله وليس استقلاله!!
Post: #16 Title: Re: فيديو(4) عن الانتخابات.....وهبشه خفيفه لمناوي ايضا! Author: الريح كودى Date: 11-19-2009, 06:06 AM Parent: #15
Quote: كان احترمتك لو كتبت كلامك ده في بوست دينق
مش تلبد وتتشعبط في بوستات تراجي
Quote: من السذاجه ايضا انك تتخيلى رجل بتاريخ
ابيل الير يمكن ان يتم استقلاله ..
بعدين يا عروبي انت برضو
اسمها استغلاله وليس استقلاله!!
مافى مشكله انا ماشى انوم هسى .. بجيك بكره وكان بقت على الاملاء ساهله بمشى لى كم درس عصر وعربينى بيتصلح :)
ولى باكر ..
Post: #17 Title: Re: فيديو(4) عن الانتخابات.....وهبشه خفيفه لمناوي ايضا! Author: الريح كودى Date: 11-19-2009, 06:12 AM Parent: #16
((كان احترمتك لو كتبت كلامك ده في بوست دينق)) بالمناسبه.. بوست دينق ده ياتو .. دينق ده بيكون عندو مليون بوست وذى ما انت عارفه المعايش جباره مافى وقت نفتش .. فياريت تعلقى لينا البوست المعنى هنا عشان ناخد فكره..
Post: #19 Title: Re: فيديو(4) عن الانتخابات.....وهبشه خفيفه لمناوي ايضا! Author: Ash Date: 11-19-2009, 06:21 AM Parent: #17
سلام... فعلآ; هل نحتاج لـ "حزب" لطرح أفكارنا!
شكرآ "تراجي" مرة ثانية! و عفوآ إن ضممتك لـ: Facebook Twitter Blogs ... أحيلك و العزيز "أنور" لـ قراءة كتاب "توماس فريدمان": The World is Flat ... فتحتي "باب" أكبر من رسالتك! ياريت تواصلي كـ "تجربة" ولو علي حساب رسالتك! خليك "رصيف". لا "ظلط" ... لا "بناية" ... ... أبقي "سبب"!.
Post: #21 Title: Re: فيديو(4) عن الانتخابات.....وهبشه خفيفه لمناوي ايضا! Author: زينب بدر الدين Date: 11-19-2009, 06:41 AM Parent: #17
تراجى إزيك الفكرة جميلة لو نحنا قدرنا نسمعو الناس فى المحلات البتم فيها التدريب وممكن إتوسع شوية وممكن إبقى حوار عندى ليك نصيحة من إخت المخربين خليهم إكتبوا وما تردى ليهم أصلا مهما كتبوا فطيهم والله إكون أبلغ رد وما تديهم أى قيمة. زمنك خسارة فيهم وزمنا برضو خسارة أنا لسة ما عرفتهم كلهم لكين إنتو عارفنهم. بنات دارفور أمانة فى أعناق الحركة الوطنية المطنشة دى هسى حدث ذى فصل 51 طالبة من الداخلية البقت حقت جهاز الأمن مش كان المفروض إوقف كل العمل السياسى وإتحرك الصادق ونقد ومحمد عثمان الميرغنى وأبو راس وغيرهم و نور تاور فى وفد واحد لوزير التعليم العالى ولرئيس الجمهورية وإكون الموضوع واحد ما إدخلوا معاهو أى موضوع ثانى نطالب بإرجاع طالبات دارفور للداخليات فورا وممكن يدعو جميع الأحزاب للتجمهر بقيادتهم أمام الداخلية إدخال الطالبات فى معركة يحفظها لهم التاريخ . باخ فى طالبة راقدة محروقة فى مستسفى بحرى الكيزان فكو فيها ملتوف ما لاقية حق العلاج وأهلها فى المعسكر شابة عمر 19 مشوية عديل دي مناوى هسى عارفها .والله حرام على كل من إدعى الوطنية وطنش بنات دارفور
Post: #22 Title: Re: فيديو(4) عن الانتخابات.....وهبشه خفيفه لمناوي ايضا! Author: Tragie Mustafa Date: 11-19-2009, 07:37 AM Parent: #21
الحبيبه استاذتنا كلنا مرحب بيك ومنوره البوست
Quote: تراجى إزيك الفكرة جميلة لو نحنا قدرنا نسمعو الناس فى المحلات البتم فيها التدريب وممكن إتوسع شوية وممكن إبقى حوار عندى ليك نصيحة من إخت المخربين خليهم إكتبوا وما تردى ليهم أصلا مهما كتبوا فطيهم والله إكون أبلغ رد وما تديهم أى قيمة. زمنك خسارة فيهم وزمنا برضو خسارة أنا لسة ما عرفتهم كلهم لكين إنتو عارفنهم. بنات دارفور أمانة فى أعناق الحركة الوطنية المطنشة دى هسى حدث ذى فصل 51 طالبة من الداخلية البقت حقت جهاز الأمن مش كان المفروض إوقف كل العمل السياسى وإتحرك الصادق ونقد ومحمد عثمان الميرغنى وأبو راس وغيرهم و نور تاور فى وفد واحد لوزير التعليم العالى ولرئيس الجمهورية وإكون الموضوع واحد ما إدخلوا معاهو أى موضوع ثانى نطالب بإرجاع طالبات دارفور للداخليات فورا وممكن يدعو جميع الأحزاب للتجمهر بقيادتهم أمام الداخلية إدخال الطالبات فى معركة يحفظها لهم التاريخ . باخ فى طالبة راقدة محروقة فى مستسفى بحرى الكيزان فكو فيها ملتوف ما لاقية حق العلاج وأهلها فى المعسكر شابة عمر 19 مشوية عديل دي مناوى هسى عارفها .والله حرام على كل من إدعى الوطنية وطنش بنات دارفور
علمت انك يومها ظليتي تبكي قرابة الساعه ونصف (كما قال عبد الرحمن السنوسي رئيس رابطة ابناء دارفور بجامعة الخرطوم)على ابتسام الطلابه المحروقه!
ديل يا حبيبه الذكرتيهم لو بعرفوا يعملوا خطوات زي دي ما كان ده حالنا...ولنواصل التنوير كل حسب قدراته وده الربنا قدرنا عليه.....وياريته ياسهم في اي حاجه للتغير.
كوني بخير.
Post: #23 Title: Re: فيديو(4) عن الانتخابات.....وهبشه خفيفه لمناوي ايضا! Author: Tragie Mustafa Date: 11-19-2009, 10:03 PM Parent: #22
جميل يا تراجى محاولة توصيل فكرتك للاخرين عن طريق مجموعة الفيدوهات الانت عملتيها .. لايمكن لاى شخص ان يكابر ويقول هى فكره ما جيده .. مع انها ما اختراع خطير وزى ما عرفتى من اخرين انها فكره فى غاية السهوله والبساطه واى زول ممكن يعمل فيديو ويخته فى ال يو تيوب .. المحك الاساسى من العنده الامكانية البتاهله انو يعمل فيديو جيد ويشدنى كمتلقى لمتابعته ... المحك هو انت فى الفديوهات ده هل بتقدمى مادة جيده ممكن ان يستفيد منها المشاهد لهذه الفديوهات ؟؟؟ من وجهة نظرى لا .. فهى ركيكة الاعداد .. اتمنى انك ما تزعلى من كلامى .. وفى النهاية هو راى شخصى لمتلقى عادى له الحق ان يحكم على ماده قد تم الاتطرع عليها .. واضح جدا انو مافى دراية بما تحاولى ان تقدميه للمتلقى ..!! التنطيط من موضوع لاخر بسطحيه وعدم درايه .. القصه ما ميك اب وزهريه .. القصه انت عايزه تقولى شنو !! ومن هنا ولى قدام اذا عندك اى فكرة عمل فيديو حاولى اقعدى فى بطن الواطه واعدى ليهو الماده الممكن تساعدك لتوصيل معلومة مفيده للمتلقى .. وايضا حاولى ان تجربى قبل ان تنشرى الفيديو يعنى سجلى اكتر من مره واقعدى برواقه وشوفى الممكن يتم تعديله شنو فى الفديو .. وخصوصا فى مسالة اللغة الانت حريصه عليها فى كتابة الاخرين (انا فى ولاية اسمها اونتريو وده ولاية العاصمة اوتوا + مش ح يكون انفصال للجنوب بس هو ح تكون تفتيت لكل السودان + لانو احنا شخصيا بنوعد فى عدد من حركات الهامش .....)هذا بعض من كلامك فى الفديو 4 باختصار فى مشاكل فى التقديم من حيث اللغة .
نجى للمهم .. ويتمثل فى نقتطين الاولى.. فكرتك الساذجه عن انو اوكامبو يستطيع ان ياخد حق ابناء السودان وتحديدا ابناء دارفور .. فى راى ده قمة السذاجه والاستسلام .. ببساطه العندو قضية وواثق من عدالته ممكن يتلقى مساعدات من جهات مختلفة .. لكن حقه بياخده بامكانياته وفهمه لقضيته من خلال ايجاد حلول ليها والحركة الشعبية اقرب مثال .. يعنى ما حينتظر الاخرين يجيبوا ليهو حقو .. البشير وغيره يمكن ان يقدموا لمحاكم وقضا سودان عادل ويحاسبوا على كم الجرائم التى ارتكبت عن طريقهم فى حق المواطن السودان فى دارفور او غير دارفور ... Re: أوكامبو جاكم .......والله.... اداكم!!
النقطة الثانية قصة احنا .. انتو منو يا تراجى .. الحاجه الواضحه من كتابتك هنا انو انت امراه ناشطه فى مجال السياسة وغيره من قضايا تهم الوطن والمواطن .. من المفترض انك لما تتكلمى بتعبرى عنك وعن رايك .. لكن ما عندك الحق تتكلم باسم ابناء الشعب السودانى .. انا شخصيا ما بديك الحق انو تتكلمى باسمى .. لسبب بسيط جدا ما انت الشخص العنده امكانية ومؤاهل انو يتكلم عن قضايا بتخصنى كاحد ابنا هذا الوطن السودان .. فكفى عن الحديث باسم ابناء الشعب السودانى .. # تحدثتى عن الوحده .. انا شخصيا ضد الوحده مع الشمال بشكله الحالى .. # تحدثتى عن الانتخابات .. شخصيا الانتخابات كان جابوها لى فى البيت بطلع اخليهو .. اتكلمى عن نفسك فقط.... بالمناسبه بطلى الشتيمه وانت عارفه انو الشتيمه ما صعبه واى زول بيعرف يشتم ..
هل الحركة الشعبية محتاجه لتراجى لتريهم فى اى الطرق يسيرون ... ما اظن ابعدى عن الحركة الشعبية فهم عارفين عايزين شنو ما تحاولى تظهرى على حسابهم زى ما علمتى مع ناس دارفور لحدى ما قتستى حجر قضيتهم ...
Post: #28 Title: Re: فيديو(4) عن الانتخابات.....وهبشه خفيفه لمناوي ايضا! Author: Tragie Mustafa Date: 11-23-2009, 02:34 AM Parent: #27
المسكين الريح كودي شكرا لرفع البوست اكثر من مره
Post: #29 Title: Re: فيديو(4) عن الانتخابات.....وهبشه خفيفه لمناوي ايضا! Author: هاشم نوريت Date: 11-23-2009, 02:47 AM Parent: #28
شكرا تراجى فعلا انتخابات الغش دى ما تستحق الواحد يتعب نفسه فيها و لاتضعى كل البيض فى سلة الحركة وليتك تضيفى موسى وامنة ضرار للقائمة جبناهم فزع بقوا لينا وجع
Post: #30 Title: Re: فيديو(4) عن الانتخابات.....وهبشه خفيفه لمناوي ايضا! Author: احمد محمد بشير Date: 11-23-2009, 02:53 AM Parent: #29
مذيد من الافلام لكشف هؤلاء الانقاذيين, فالكلمة المسموعة و المسجلة تصل الي اكبر عدد بسرعه تفوق الاعلام المقروء...
لك الشكر أستاذه تراجي.
Post: #31 Title: Re: فيديو(4) عن الانتخابات.....وهبشه خفيفه لمناوي ايضا! Author: Tragie Mustafa Date: 11-23-2009, 05:26 AM Parent: #30
شكرا اخي هاشم نوريت على المرور
Quote: شكرا تراجى فعلا انتخابات الغش دى ما تستحق الواحد يتعب نفسه فيها و لاتضعى كل البيض فى سلة الحركة وليتك تضيفى موسى وامنة ضرار للقائمة جبناهم فزع بقوا لينا وجع
شايف يا الريح كودي الناس ولا شغاله بلغوك الفارغ ومركزين في الموضوع واشدوا كمان لا واحد لا اثنين مائات وقع لك؟؟؟
يلا حل عن سماءنا. كل واحد عايز يظهر يتشعبط فوق ضهرنا زمان مالسي ما خاطي عليك لما قال اخرج من جلباب اخيك. مسكين انت يا اخي.
وبعدين دخلك شنو بالحركه الشعبيه؟؟؟ ما انت عامل شيوعيي اخوك داك ناصري سابق!! كده دق صدرك واملأ لك فورم عضويه بعدين تعال اتفاصح مش فلسفه من منازلهم.
Post: #32 Title: Re: فيديو(4) عن الانتخابات.....وهبشه خفيفه لمناوي ايضا! Author: Tragie Mustafa Date: 11-23-2009, 10:07 PM Parent: #31
شكرا لك اخي أحمد محمد بشير
Quote: مذيد من الافلام لكشف هؤلاء الانقاذيين, فالكلمة المسموعة و
المسجلة تصل الي اكبر عدد بسرعه تفوق الاعلام المقروء...
لك الشكر أستاذه تراجي.
والشكر لك على الدعم و المسانده.
Post: #33 Title: Re: فيديو(4) عن الانتخابات.....وهبشه خفيفه لمناوي ايضا! Author: Tragie Mustafa Date: 11-24-2009, 05:25 PM Parent: #32
Quote: من المؤسف التسويق لفكرة حق ابناء دارفور بهذه السذاجة والتخلف .. دقة اوكامبو .. وبرضو بتقولى احنا سودانيين 2009 !!
ول ابا الريح كودي..حبابك كل سنة و انت طيب.. شنو يا اخوى ، انتا حلتنا قالوك مافي بصات بتصلها ولا شنو ياخي؟..ياخي عندنا ناس الشيب كسا فوديهم و عجزوا قبال يومهم..المهم..
ياخي تراجي دي..انا بأخسر فيها تذكرة و بجيها هناك امسكها ليك عشان نمعط شعيراتها ..و لكن قبال ما نسوي الرأي ده .. خليني اختلف معاك في الكلام الفوق ده..
قبل سنوات شاركت في حلقة عن حقوق الإنسان في جامعة ريجاينا..و كانت فيها صحفية من شيلي..و حكت عن تجاربهم مع بينو شيه..و الناس اجهشت معها بالبكاء من شدة الفظائع..و لمن حكيت ليها جزء من الحصل في السودان في مناطق جبال النوبة.. فتشنا للبسكتها و قالت و الله خجلانة من حجم مشكلتنا و العالم فيهو مشاكل قدر ده.. المهم.. حكت عن تجربة عميقة..و هي أنهم كانوا يقاومون الديكتاتورية و انتهاكات حقوق الإنسان بمسيرات مسائية و يوقدون الشموع و يحوموا في الشوارع..الفكرة عجبتني و ضمنتها في (حكايات الزمن الموات) و هي موجودة في مكتبتي..و تحكي عن ظاهرة الإختفاءات في جبال النوبة.. عمق الفكرة يكمن في استغلال ممكنات الترميز ..و هي رسائل لها اثرها الفاعل ..فلو طرطشة تراجي القدامدك دي .. قامت اشتغلت بيها بعض الأخوات في مدن السودان.. صدقني الجبهة الإسلامية بيبقى ليها بمبي عديل.. الظروف تغيرت ..و هناك وسائل و امكانيات عديدة و استخدامها مشروع.. فلماذا لا نستغلها؟.. الجبهة الإسلامية اتطورت في السودان ، مش لأنها افضل من الأخرين ، لكن لأنها عندها قدرة على خطف تجارب الأخرين و تطبيقها بيان بالعمل.. عشان كده بقت زي ود الموية ما بتقدر تمسكوا نهائي.. بنفس القدر ، تراجي و اخونا انور كنج ..نقشوا الفكرة دي..و صدقني بعد شوية شخصيات كبيرة ح تقوم تعتمد الوسائل دي.. كتر خيرك على الإتفاق مع مبدأ جودة الوسيلة ، أما جوهر الموضوع فهو رأي ممكن الناس تختلف حولو..
صديقتي تراجي..حبابك كل سنة و انتي طيبة..و الوليدات كمان..
قلت لي دقة فالصو ساكت؟ الله يجازي محنك.. هسع تاني الواحد يتفرج في اخواتنا مذيعات القنوات السودانية بياتو فهم؟..غايتو جبتي ليهم هوا كبير خلاص بحكاية الفالصو دي..بعد ده شوفي عيني كل دقة جنبها شهادة براءة من الصايغ.. المهم..
دايما صديقتنا بيان عندهم مثل بتقولو (عجبني للمرقوت)..و انا برضو عجبني لعمنا ابو كلام.. بعد ده الحجل بالرجل.. زمان الناس محتكرة حق النقة (حق التعبير) و شغالة خم في خلق الله.. لكن بعد ده مافي دغمسة تاني.. فليكن جوهر الفكرة من اجل الرقابة الشعبية على أي قضية عامة في السودان..و من اجل نشر ثقافة التفاعل الجماهيري..غايتو ناس سيدي حالتهم تحنن.. ح يسوا ليهم ندوات.. ناس بيوتهم ما ح يحضروها..و يجوا راجعين للتكنولوجيا..
اخونا مناوي.. تب ما بنختلف معاك في الكلام عنو.. عشان يحس شوية.. اما مولانا و استاذنا أبيل لير.. فالرجل يعمل وسط الإنتهازية الواعية المؤسسة..و ليس في يده السلطة الكافية..غايتو ده رأي..
اليومين دي عندي نظرية جديدة (نختلف بشجاعة..و برضك نتفق بشجاعة)
اخيرا.. يا اخوانا ما تدونا معاكم كدة في الميكرفون ده على قول حبيبا منعم خيرالله..
و لي قدام..
كبر
Post: #37 Title: Re: فيديو(4) عن الانتخابات.....وهبشه خفيفه لمناوي ايضا! Author: Tragie Mustafa Date: 11-25-2009, 02:48 AM Parent: #36
كبر منور....
وعيدك مبارك....
لحد ما اجيك بهدؤ...
Post: #38 Title: Re: فيديو(4) عن الانتخابات.....وهبشه خفيفه لمناوي ايضا! Author: Tragie Mustafa Date: 11-26-2009, 05:55 AM Parent: #37
.......
Post: #39 Title: Re: فيديو(4) عن الانتخابات.....وهبشه خفيفه لمناوي ايضا! Author: Tragie Mustafa Date: 11-26-2009, 06:03 AM Parent: #38
كبر يا اخوي سلامات
Quote: صديقتي تراجي..حبابك كل سنة و انتي طيبة..و الوليدات كمان..
قلت لي دقة فالصو ساكت؟ الله يجازي محنك.. هسع تاني الواحد يتفرج في اخواتنا مذيعات القنوات السودانية بياتو فهم؟..غايتو جبتي ليهم هوا كبير خلاص بحكاية الفالصو دي..بعد ده شوفي عيني كل دقة جنبها شهادة براءة من الصايغ.. المهم..
وحاتك كان ما قلنا فالصو
يقولوا لك اموال اليهود....(ههههههه)
لما جونا ناس تماضر شيخ الدين قبال سنتين كنت لابسه الاكسسوار ده
اها اختك (عادة) عامله عمليه وما بتعات شغلانيات زي دي؟؟؟
اها وحاتك مسكوي فيني ناس كثار...يمازحونني
بقولهم ( خلاص اموال اليهود ظهرت)!!(هههههه)
اها يا اخوي عشان كده كان لازم نعلنها لهم بانها فالصو.
اما الرمزيه فعلا طلع ثوب نسائي اسمه اوكامبو...وقال لك ثاني يوم جلدوا
ربع تجار سعد قشره اي زول يقول ثوب اسمه اوكامبو ينجلد!!
وفي النهايه ذهبت سياطهم وبقي اسم الثوب لليوم اوكامبو!!
تحياتي .
Post: #41 Title: Re: فيديو(4) عن الانتخابات.....وهبشه خفيفه لمناوي ايضا! Author: الريح كودى Date: 11-26-2009, 06:39 AM Parent: #35
العزيز كبر تحياتى لك والاسره عيد مبارك ....
تراجى ما محتاجه لاى مط فهى بتمط فى رقبتها براها .. وتزداد سذاجه فكريه يوما بعد يوم فلا عليك بها ... هنالك الكثير من الاشكال المبتكره الجازبة لرفض كل ما هو قبيح .. كما تفضلت وتحدثت على التجربه اعلاه .. فى راى الشخصى انو هنالك الكثير من ثقافة وسلوك المراة السودانية متخلفة ومن المفترض انو امثال تراجى كمدعى استنارة وتقدمية وخلافة الوقوف ضد هذه الثقافة البالية المضرة..الجواهر والذهب وخلافة من حلى المراة شى جميل..لكن التعامل معه بفكرة تنميط للمراة فهذا منتهى التخلف..فى راى الشخصى جدا ان المراة التى عادة ما تتحدث عن ختان ابنتها هى نفس المراة التى تتحدث عن توب بريش او دقة اوكامبو لا فرق بينهم..والقصه معقدة يا عزيزى و زى نوع تراجى الشايت من غير اى فكرة ما منو فايدة..الحل الوحيد انك تديهو فوق دنقوسو
لك الود كبر ......... بالمناسبة شاهد الفيديو تانى وشوف كمية السذاجة والسطحية البتتكلم بيها هذا المسكينة عن انها تهدى نساء السودان دقة اوكامبو .. هذا المسكينة لا تعرف انو السودان حاليا به ثورة معرفية وثقافية تحارب مثل هذه الافكار المنمطة للمراة .. المسكينه ما عارفة انو السودان وبرغم المعاناة والظلم الا ان هنالك شابات واعيات تماما لحقوهن .. ويتمتعن بثقافى بعيده كل البعد عن الحنة وحفر الدخان .. وبرضو بسذاجة تقو ليك دقة اوكامبو .. يا لبؤسك يا تراجى
الريح كودى ..
Post: #40 Title: Re: فيديو(4) عن الانتخابات.....وهبشه خفيفه لمناوي ايضا! Author: الريح كودى Date: 11-26-2009, 06:10 AM Parent: #31
Quote: شايف يا الريح كودي الناس ولا شغاله بلغوك الفارغ ومركزين في الموضوع واشدوا كمان لا واحد لا اثنين مائات وقع لك؟؟؟
يلا حل عن سماءنا. كل واحد عايز يظهر يتشعبط فوق ضهرنا زمان مالسي ما خاطي عليك لما قال اخرج من جلباب اخيك. مسكين انت يا اخي.
وبعدين دخلك شنو بالحركه الشعبيه؟؟؟ ما انت عامل شيوعيي اخوك داك ناصري سابق!! كده دق صدرك واملأ لك فورم عضويه بعدين تعال اتفاصح مش فلسفه من منازلهم.
عارفه يا تراجى انت مشكلتك انك متخيله ان الاخرين اغبياء وسياتك بزكئك وعبقريتك حتخرجيهم من الظلمات الى النور وده وهم طبعا يا تراجى انت عايشه فيه لا اكثر فوق يا بريش ...