تذبذُبات مُفاجئة قبل قليل بأحياء مُتفرِّقة من الخرطوم تُؤدِّي لتلف الكثير من الأجهزة الكهربائية

حيث حدث تذبذُب مفاجيء و غريب و أصبح التيّار يتردّد ما بين قوي و ضعيف إلى أن إنفجرت كل لمبات المنزل تبِعها جهاز التلفزيون و الرسيفر و انا أُشاهد مذهولاً إنفجاره و تصاعد الدُخان الأبيض الكثيف منه ثم الثلاّجة ، خرجت فوجدت عدد من الجيران مُتجمِّعون ألمّ بهم نفس المُصاب.
بالمناسبة العقد البينا و إدارة الكهرباء إسمو عقد إذعان يعني تضرب عِندك أي حاجة تمشي تضرب رسك في الحيط
إنتهى

من سيتحمل ذلك التلف الذي حدث ويحدث كثيرا؟

واللهِ يا فتحي تلفزيوني قِدّام عيوني طرشق توووووووووووووف
ناس البيت لي هسي مخلوعين يعلم الله
و كل لمبات المنزِل و الكلام دة عااااااااااااااام في حتتنا

نعم المسؤول ؟؟؟؟؟؟
من الحاكم ؟؟ من المحكوم؟؟

نسأل الله ان نري يوما اسودا كيوم عاد وثمود في كل من تلاعب في حقوق اهلينا الضعاف.
الله المستعان

Quote: نسأل الله ان نري يوما اسودا كيوم عاد وثمود في كل من تلاعب في حقوق اهلينا الضعاف. الله المستعان

آميييييييييييييييييين و باليدين مرفوعات فوووووووووووووق
خاصة الزول العمل عقد الكهرباء عقد إذعان
يعني هسي لمباتي و تلفزيوني صاغِراً "مُذعِناً" أوديهم أقرب مكب زِبالة و أنفُض يديني و أجي راجِع
أنا غايتو أكلتها و جيت أكتِب و إتفشّى هِنا
واللهِ جيراني واقفين جمب الدُكّان وشيهم ينعل قفاهم و آخر نقنقة
لكن بكرة بلقاهم قِدّامي في مكب النفايات و كل واحد فينا يجي يفكِّر يجيب حق التلفزيون الجديد مِن وين

المِنطقة التي اتواجد فيها و بها عدد مُقدّر من المُتضرِّرين هي منطقة البراري (المحس – الدرايسة – أبو حشيش – اللاماب – الشريف - كوريا - ناصِر)

الجاتك في مالك سامحتك يا علاء.. كفارة ليك ولجميع من هم في حيّك

شكراً بنت الحُسيّن
غايتو لو سِمِعتي الطِرْشيقة كان إتخلعتي جِنِس خُلعة
والحمد لله على كُلِّ حال
هسي المُشكِلة نجيب تلفزيون جديد و و تلاجة ولاّ خروف العيد؟
ولو جِبنا خروف العيد إلا نعملو ربيد بعدم التلاّجة

احتسب ياصاحب..احتسب
قول الحمدلله انها جات فى الادوات الكهربائية .!!!

Quote: احتسب ياصاحب..احتسب

مُزمِّل
إنت حولوك الكهرباء

دة كلامُم ذاااااااتو

هسع يجوك محمد فرح وعمــر عثمان يقولوا متييين الكلام دا .. واجهزتكم دي تايلاندية ما اصيلة
والا الكهرباء مستقرة جداً ..



ـــ
بالجد كفارة والله يا علاء الدين وربنا يعوضك خيــر لكن بنظام عقودات كهربتنا دي ما ظنيت تلقي عوض منهم ..

والحمد لله الصابت الاجهزة وما في زول اضرر ..

تحياتي وتقديري

Quote: هسع يجوك محمد فرح وعمــر عثمان يقولوا متييين الكلام دا .. واجهزتكم دي تايلاندية ما اصيلة والا الكهرباء مستقرة جداً ..

ما تقول أنا اليومين ديل أصلاً سِمِّي فاير
كدي يجوا شان تاني ما يلقوني إلا ورا صطوفي
ياخ كمان أخوك خبير كوبي بيست ممكن صطوفي يجي ياخد دكتوراة عِندنا
واللهِ إلا يشردوا من المِنبر دة


_____________________

شكراً يا حيدر على النعي الحزين لتلفزيوني و لمباتي و إنشاء الله تلفزيونك و لمباتك ما يشوفن شر

Quote: بالمناسبة العقد البينا و إدارة الكهرباء إسمو عقد إذعان يعني تضرب عِندك أي حاجة تمشي تضرب رسك في الحيط

اخي علاء

مشتاقين شوق كهربائي عالي الفولتات,,

وحمدا لله سلامة وربنا يعوضك في دارا غير الدار,,

والحيط ماعندها ذنب ماتكسرا,,

وكل عام وانت بخير والخروف الطازج سمح بالحيل !!!(ما لاقي وشوش )

كن بخير..!!

Quote: مشتاقين شوق كهربائي عالي الفولتات,, وحمدا لله سلامة وربنا يعوضك في دارا غير الدار,,

شُكراً أستاذ عُمر صِدِّيق

يا عمكـ
يعني باقي إنت تطرشق بس!






_______
ربنا يعوضكـ خير يا حبيب!
ولا ننسى أن نحمل حكومة الشريكين المسؤولية كاملة!

االنجيضة

Quote: ولا ننسى أن نحمل حكومة الشريكين المسؤولية كاملة!

مرحبتين دكتور مجدي
شكر الله سعيكم ولا أراكم مكروهاً في تلفزيونٍ لديكم أو تلاّجة أو لمبات

Ala
put up the total cost
we'll help you out

أبو الشوش إحساسك الجميل دة نسّاني تلفزيوني و تلاجتي ذاتو
تسلم يا الحبيب
تسلم

Quote: أبو الشوش إحساسك الجميل دة نسّاني تلفزيوني و تلاجتي ذاتو

no seriously, you shouldn't deal with such matter by yourself
it is not your fault, and we all should help each others here
and you should not be so senssitive about it
everyone can help with whatever they can afford

sorry, i am using a different laptop with no arabic keyboard

أبو الشوش
يا راجِل يا راقي
إنت نسيت إنو عندنا مثل شعبي بيقول ليك الموت مع الجماعة عِرِس؟
واحد جارنا قِبطي قبل فترة بيتو كللللللللللللو إتحرق بسبب مُكيِّف غاز لكن الخطأ كان مِنُّو
هسي لقيتو في الشارع قال المروحة زادت سُرعتها بصورة غريبة و قلّت سُرعتها لُتعلِن توقُّف نهائي
جرى يلحق الأنوار لأنُّو إتنين ضربو و هو بيعاين ليهم التلفزيون طرشق جاري يأمِّن الكهرباء التلاّجة طرشقت
واللهِ دي من خشمو
فِنحن مع الجماعة يا حبيب
تسلم تسلم تسلم

Quote: فِنحن مع الجماعة يا حبيب

OK brother Ala
it is your call
but anything we can do to help
give us a shout

علاء الدين

كيفك ياخي وكفارة وربنا يعوضكم

الظاهر اجهزتكم دي صناعة مصرية


تحياتي

يا بكري
يا زول غايتو في بيتنا مافي حاجة مصرِيّة خشّت ولا بِتخُش غير البلاّط الجا ركّب السراميك
جبتو شان أسألوا من عُصمان
عُصمان البواب


تسلم يا الحبيب

علاء الدين يوسف علي محمد... الزول القيمة
ما تشوف شر إن شاء الله
وكفاااااااااااااااااااااااااااااارة ليك يازول
وكل المنبر كرامتك
والجاتك في مالك سامحتك
وقدر أخف من قدر






زعلت بالخبر والله

كفارة أخى علاء الدين , و زى ما بقولوا الجاتك فى مالك ســامحتك.

و لكن و حتى لا يتكرر ذلك أرجو عمل الآتى:

اذهب لناس الهيئة و اطلب منهم باصرار مراجعة توصيلات مخرج المحول الذى يغذى المنطقة المذكورة.

تحدث هذه الظاهرة عند ارتخاء صواميل توصيلات مخرج المحول خاصة ال Neutral مما يتســبب فى ارتفاع الفولت بشــكل كبير و يتســبب فى تلف الأجهزة بالصورة التى ذكرتها.

مرة ثانية كفارة لك و لكل من تضرر من جراء ذلك

أخوك
اسٍٍـــامة صديق