الدنمارك توجه دعوة رسمية للبشير لحضور مؤتمر الأمم المتحدة للمناخ الشهر القادم!!

الدنمارك توجه دعوة رسمية للبشير لحضور مؤتمر الأمم المتحدة للمناخ الشهر القادم

العبوا غيرها
عمر بشير نجيد بكره بقول ليكم عشان الانتخابات وكدا لازم يكون فى الخرطوم
قال دعوة قال
الزول دا حدوا القاهرة شمال وجوبا جنوبا

الرئيس ما فاضي للمناخ...ببساطة لان الدعوة بتجيب هواء

البشير: قرار الجنائية أصبح في ” عداد الموتى”
18th, November 2009, 1:16 am
قطع رئيس الجمهورية المشير عمر حسن أحمد البشير بأن زيارته لولاية البحر الأحمر ليست للدعاية السياسية و الانتخابية، وقال لدى مخاطبته الحشود الجماهيرية بالولاية على شرف افتتاح عدد من المنشآت احتفالاً بعيد الشجرة القومي الـ(46) أمس(ما جيناكم عشان دعاية سياسية و طلب لأصواتكم) حاثا المواطنين الإسراع بتسجيل أسمائهم، مضيفاً: نرغب في انتخابات حرة و نزيهة بقوله (ما فيها تزوير و لا تدليس) و تعهد البشير لمواصلة التنمية بولاية البحر الأحمر بعد أن تخطت الولاية أهم عقبتين- على حد وصفه- تمثلتا في التعليم و المرض.


و في السياق وصف البشير قرار المحكمة الجنائية بأنه أصبح في (عداد الموتي) منذ أن تحدى رئيس ارتريا أفروقي قرارها بدعوته له بزيارة بلاده، و زاد: إن الزيارة كانت كـ (المسمار الذي اندق في نعش الجنائية) مؤكداً على ربط السودان و أرتريا عبر الطرق البرية لانسياب المواطنين و السلع و الخدمات، و أضاف: إن طريق طوكر قرورة يمثل أحد أهم المشروعات للعام القادم،من جانبه أكد الرئيس الأريتري أسياس أفورقي في زيارته المفاجئة للبلاد و المشاركة في احتفالات ولاية البحر الأحمر بأعياد الشجرة، و مهرجان السياحة الثالث، أكد على دعم السودان باعتباره خلفية استراتيجية لإرتريا، مؤكداً استمرار التعاون في مجال التجار الحدودية المشتركة و الاستثمار

اوكامبو : البشير يزداد تهميشا وتنقلاته محدودة حتى في الدول غير الموقعة على ميثاق روما


لاهاي - اعتبر المدعي العام للمحكمة الجنائية الدولية في لاهاي الاربعاء ان الرئيس السوداني عمر البشير الذي اصدرت المحكمة مذكرة باعتقاله لاتهامه بجرائم ابادة، يزداد تهميشا كما ان تنقلاته اصبحت محدودة.



وقال لويس مورينو اوكامبو في كلمة امام الجمعية السنوية للدول ال110 الموقعة على ميثاق روما المؤسس للمحكمة ان "عملية التهميش تتقدم".
واستنادا الى المدعي، فان اعتقال رئيس في السلطة "يتطلب عملية تهميش على المستوى الوطني والدولي"، مذكرا بحالة الرئيس اليوغوسلافي السابق سلوبودان ميلوشيفيتش الذي سلمته بلاده صربيا الى محكمة الجزاء الدولية ليوغوسلافيا السابقة العام 2000.

واشار اوكامبو الى ان عمر البشير اضطر الى العدول عن زيارات عدة بسبب مذكرة توقيفه التي اصدرتها المحكمة الجنائية الدولية في الرابع من اذار/مارس، مضيفا "حتى زيارته التي كانت مقررة في تشرين الثاني/نوفمبر الحالي الى دولة غير مشاركة في ميثاق روما، وهي تركيا، تم الغاؤها".

واكد ان الرئيس السوداني الذي رفض مذكرة الاعتقال وحصل على دعم العديد من الدول العربية والافريقية، اضطر ايضا الى الغاء زيارات لجنوب افريقيا واوغندا ونيجيريا وفنزويلا.
من جانبه، اشار رئيس المحكمة سانغ هيون سونغ الى "مسؤولية الدول في اعتقال وتسليم" الاشخاص السبعة الاخرين المطلوبين من المحكمة وهم اربعة اوغنديين وكونغولي وسودانيان.
والبشير متهم بجرائم حرب وجرائم ضد الانسانية في اقليم دارفور حيث ادى النزاع الى سقوط 300 الف قتيل ونزوح 2,7 مليون شخص حسب الامم المتحدة وعشرة الاف قتيل، وفقا للخرطوم.
واعلن مورينو اوكامبو الاربعاء ان 2,5 مليون من المدنيين في دارفور لا يزالون ضحية "جرائم خطيرة" في مخيمات النازحين.

بيدوهوا جبنة بوك لو جاهم؟



الدينماركيين طلعوا دمهم خفيف

هاشم مشتاقون و الله
اقترح علي ناس الحكومة ينكتوا موضوع
الرسوم الكاريكترية يلكزوا هيئة علماء
السودان تحرم علي المسلم السفر للدينمارك
خاصة اذا كان سبب حضور مؤتمر مناخ

يا ابو الفتوح
اي نعم مات لكن في احتمال يقوم بعاتي
عشان كدا الريس بيتحوط

Quote: هاشم مشتاقون و الله اقترح علي ناس الحكومة ينكتوا موضوع الرسوم الكاريكترية يلكزوا هيئة علماء السودان تحرم علي المسلم السفر للدينمارك خاصة اذا كان سبب حضور مؤتمر مناخ

ابداع يا نصار

-------
شكرا واصل الواصل.

البشير يصرح: بالله!!! هي تركيا أنا أبيت أمشيها... أمشي الدنمارك؟ قايلني عوير؟

فضايحنا بقت بجلاجل يا عاطف اخوي
اسع نصحناهم يستغله حكاية الرسوم
يقوموا يفتحوا درج فتاوي غلط
يرشوا ليك قصة المدرسة البريطانية
و الدبدوب و كله عند الهيئة صابون

إذا صدق الخبر يا أخوي Wasil Ali
فذلك يعني فيما يعني أن الدنمارك الدولة المعادية للسودان ما تزال تحترم الرئيس البشير وتعتبره الرئيس الشرعي للسودان

طيب المعارضة ما تعمل كده!!!

الاخ Wasil Ali التحايا و الاحترام
.
.

Quote: الدنمارك توجه دعوة رسمية للبشير لحضور مؤتمر الأمم المتحدة للمناخ الشهر القادم!!

اها الفرصة جات تاني عشان تثبت انك ( الاسد الحصور ) و تمثل السودان
و تمثلنا يا ( حارسنا ) و يا ( فارسنا) يا المافيش مثيلك اذهب و لا تخشى شيئ
اذهب و دعوات اهل دارفور ( ستصحبك ) اينما تذهب ... اها قصرنا معاك ؟!....



يا هشام هباني ياخوي عليك الله روق المنقة ياخ .. و ما تخوف الزول دا المرة دي كمان
خليه ( يمثلنا) فى هذا المحفل الدولي ..

خليه يمشي .. يمشي ... يمشي ياخ ...

Quote: البشير يصرح: بالله!!! هي تركيا أنا أبيت أمشيها... أمشي الدنمارك؟ قايلني عوير؟

بتاعة تركيا ارجاء ننتظر محنهم

العزيز واصل

يعنى فى داعى للحكة الشديدة الراجل خلى تركيا .. يوغندا دى ابى يمشيها كمان جابت ليها دنمارك عديييل الناس الوقعو وصادقوا على ميثاق روما قبل ما يسلك .. والناس العندها دستاتير اختصاصاتها بتطلع بره حدود الدنمارك فى جرائم الحرب والابادة والجرائم ضد الانسانية ..


انت عارف بعد هزيمة مصر رغم التشجيع الحكومى ليها السفر ليها تبقى ما مضمونة



لك الود

محمد

up

واصل لاحظ اللولوة دي..


Thomas Winkler, head of the Danish Foreign Ministry’s legal department, said that as the climate conference is a UN event, Denmark is obliged to invite all ######### of government without exception.
“But at the same time we would point out that Denmark is also obliged to comply with the Security Council’s resolution regarding Darfur,” Winkler was quoted by the Copenhagen Post.

Quote: إذا صدق الخبر يا أخوي Wasil Ali فذلك يعني فيما يعني أن الدنمارك الدولة المعادية للسودان ما تزال تحترم الرئيس البشير وتعتبره الرئيس الشرعي للسودان

تمام التمام يا الشفيع

طوالي تكلم البشير تقول ليهو الناس دي بتحترمك وحتى ناس المعارضة بس يكلم وداد تستف ليهو الشنطة ويتوكل على الله ويمشي الدنمارك الناس ديل بيحترمو شديد خلاص

Quote: . “But at the same time we would point out that Denmark is also obliged to comply with the Security Council’s resolution regarding Darfur,”

دا لكن ما سواها واضحة يا الصادق لووول

طيب بدل ما يمشي الدنمارك ما يمشي لاهاي عديل

Quote: و في السياق وصف البشير قرار المحكمة الجنائية بأنه أصبح في (عداد الموتي) منذ أن تحدى رئيس ارتريا أفروقي قرارها بدعوته له بزيارة بلاده،

بس جرائمك فى دارفور ياريس لسسسسسة حييييييية

تحياتى

شنوي يادكتور أنت قايلو خايف؟؟
هو بس مشغول بالإنتخابات
بعدين الشريك التاني ده غتيت
كل ما الرئيس يقول ماشي يسلم على صحبانو البيحترموا ومعترفين بيهو كرئيس شرعي عبر المتوسط
طوالي يقوموا يعملوا شكلة تخليهو يلغي السفر يقعد يحاجز

يالله الرئاسة دي حركة صعبة خلاس

ود العمدة

Quote: تمام التمام يا الشفيع

أفرض مشى وقبضوا يعني مشكلتكم ح تتحلى
علي الحرام نجيب ليكم نافع عشان يخليكم تآمنوا وتقولوا حليل البشير

بعدين إنتو ما عندكم صناديق الاقتراع دي ، ما تمشوا تسقطوهو زي ما سقطو الكيزان في الجامعة

Quote: أفرض مشى وقبضوا يعني مشكلتكم ح تتحلى علي الحرام نجيب ليكم نافع عشان يخليكم تآمنوا وتقولوا حليل البشير

Quote: أفرض مشى وقبضوا يعني مشكلتكم حتتحلى

أيوة حتتحلى , بس هو خلي يمشي

Quote: الدنمارك توجه دعوة رسمية للبشير لحضور مؤتمر الأمم المتحدة للمناخ الشهر القادم

ماني جاي ... ياهو < المناخ > هيل العام ... وياهو هيل عامن أول وياهو هيل أول عامن أول ... ياهو زاتو ... ما تغَير ... تاني النضمي والبوش في شنو؟

Quote: السودان يقلل من شأن المطالبة باعتقال البشير اذا شارك في قمة المناخ بالدانمارك الخرطوم - 21 - 11 (كونا) -- قللت الحكومة السودانية اليوم من شأن مطالبة منظمة العفو الدولية باعتقال الرئيس عمر البشير حال مشاركته في قمة المناخ المزمع عقدها الشهر المقبل بالدانمارك. وقال وزير الدولة بوزارة الاعلام السودانية كمال عبيد في تصريح صحافي هنا اليوم ان موقف المنظمة هو "تكرار لمواقفها المعادية للسودان" موضحا ان الدعوة وجهت للحكومة السودانية وليس لرئيس الجمهورية وان الحكومة لم تحدد مستوى مشاركتها في القمة حتى الآن. وكانت الحكومة الدانماركية وجهت دعوة للرئيس البشير لحضور قمة التغيرات المناخية في كوبنهاجن الشهر المقبل. واصدرت منظمة العفو الدولية بيانا امس طالبت فيه باعتقال الرئيس البشير في حال قدومه الى كوبنهاجن للمشاركة في القمة. يذكر ان محكمة الجنايات الدولية أصدرت مذكرة اعتقال بحق الرئيس البشير في مارس الماضي بعد اتهامه بالتورط في جرائم حرب في اقليم دارفور المضطرب غربي السودان. (النهاية

مصر أرتريا سعودية يمن بس

ريسنا البشير لا يزور دول الكفر والاستكبار

غايتو يا أمجد جنس نافع
لكن ده بيجيبوهو من سوق الجمعة؟؟؟؟

Quote: الدنمارك توجه دعوة رسمية للبشير لحضور مؤتمر الأمم المتحدة للمناخ الشهر القادم

بالطريقة دي و الله يمكن الشرك يقبض!!!!!!!!!

لكن الريس الايام دي شغال بنظرية (الحاج تاني عونكوليب بــــــــس)

يا شباب انتم شاهدين لي بالسبق في اقتراح الاختباء وراء
الرسوم الكرتونية مداعي لعدم سفر البشير للدينمارك
اول حاجة اثبت حقي الادبي و بدع كدا نشوف البترتب عليه

و ما دام الحكاية ماشية معاي انتقل الان لتبرير سفر
علي عثمان حلال بلال و البشير لا، علي يا سادة يا كرام
لم تعقد له الولاية الكبري حتي انه سلفا كير ولايته
اعلي منه يعني ح يمشي للدولة السيئة المسيئة غير
حاملا للواء الاسلام بل يحمل راية بيضاء و الفرق
بين الاسلام و الاستسلام واضح بين جلي في كل المذاهب
خاصة لو كانت الدولة المعنية تسمي في باب اخر
من ابواب شريعة الانقاذ دولة مانحة
فهي طيبة خير حين تمنح و خبيثة كافرة ملعونة
في عدا ذلك