Post: #1
Title: دُعــــــاش ،،،،
Author: علي طاهر
Date: 11-18-2009, 05:35 PM
زمنك عَدى ..
روَح فات
ولساك واقف ..
بين الغيمة
و بين الصِدق
النابع مِنك
روحك تملا
الدنيا غناوي
و قلبك دافق
بالإحساس
الكايس عنك
ريحة المطره ..
دعاش الخُضرة
المالي أنوفنا ..
فاض و إدفق
و شال مِنْ حِنّك
راجي قِليبِك
ينبُض تاني
حتى وجيهك
فات ما جاني
أوعى عيونك
يوم تنساني
كايس ليك
زي ما شليل
كاسوه الشفع
لقيتو شليل
لكن ودرتو
و كتلت النبض
المالك جوفي
وبقيت يا حلوه
عليك أنا جاني
رِحم الواطه ..
الوالد الخُضرة
البالع المطره ..
يوم ببلعنا
ليه بنساكك
زيف الدنيا
وليه بنعاني؟!..
|
Post: #2
Title: Re: دُعــــــاش ،،،،
Author: نهلة محكر
Date: 11-18-2009, 05:59 PM
Parent: #1
Quote: ليه بنساكك
زيف الدنيا
وليه بنعاني؟!.. |
لو لقيت اجابة السؤال دة كلمني معاك
علي يا طاهر سلامات واشواق
يمكن لو الحروف صالحتني
ارجع ليك بجدعة للمكتوب دة
|
Post: #3
Title: Re: دُعــــــاش ،،،،
Author: علي طاهر
Date: 11-18-2009, 06:38 PM
Parent: #2
Quote: لو لقيت اجابة السؤال دة كلمني معاك
علي يا طاهر سلامات واشواق
يمكن لو الحروف صالحتني
ارجع ليك بجدعة للمكتوب دة |
و الله ما زال السؤال قائم
و لحدي هسي ما لاقي لي إجابة واحدة و مقنعة
و يا ريت حرفك يطاوعك و تجينا بجدعة حلوة
تسلمي يا نهلة على المرور ،،،
|
|