Post: #1
Title: عمر البشير قائدنا و مبارك برضو رئيسنا..و الريس بوتفليقة نفداهو عديل بدمانا !!
Author: سيف النصر محي الدين محمد أحمد
Date: 11-18-2009, 03:34 PM
هكذا غنت ندى القلعة قبل قليل على شاشة تلفزيون السودان القومي !
غايتو . دي ما كانت مباراة كرة قدم دي .
|
Post: #2
Title: Re: عمر البشير قائدنا و مبارك برضو رئيسنا..و الريس بوتفليقة نفداهو عديل بدمانا !!
Author: HAIDER ALZAIN
Date: 11-18-2009, 03:46 PM
Parent: #1
اصلو ما غلطان صلاح عووضة ان قبل عليها ..
والله يا دكتور سيف عمــري ما شفت شعب بيمهزل نفسه بالطيبة والعباطة زينا نحن ديل ..
|
Post: #3
Title: Re: عمر البشير قائدنا و مبارك برضو رئيسنا..و الريس بوتفليقة نفداهو عديل بدمانا !!
Author: سيف النصر محي الدين محمد أحمد
Date: 11-18-2009, 03:54 PM
Parent: #2
تصدق يا حيدر انو اتعملت لقاءات مع كافة القيادات ابتداء من السيد الوالي مرورا بقيادة الشرطة و الدفاع المدني !
الوالي قال انهم عطلوا الدراسة هذا اليوم و انهوا يوم عمل الموظفين في الساعة الواحدة ظهرا !!
الناس ديل لو كانوا منظمين كاس العالم ظاتوووو.......كان عملوا شنو؟؟
|
Post: #4
Title: Re: عمر البشير قائدنا و مبارك برضو رئيسنا..و الريس بوتفليقة نفداهو عديل بدمانا !!
Author: سيف النصر محي الدين محمد أحمد
Date: 11-18-2009, 05:05 PM
Parent: #3
| Quote: عمر البشير قائدنا و مبارك برضو رئيسنا..و الريس بوتفليقة نفداهو عديل بدمانا !! |
الصحيح هو :
عمر البشير ريسنا و مبارك برضو رئيسنا و الريس بوتفليقة نفداهو عديل بنفوسنا .
________________________________________________________
عرضت هذه الاغنية الملحمة حوالي اربع مرات خلال ساعتين !!
|
Post: #5
Title: Re: عمر البشير قائدنا و مبارك برضو رئيسنا..و الريس بوتفليقة نفداهو عديل بدمانا !!
Author: abubakr
Date: 11-18-2009, 05:23 PM
Parent: #4
دولة فاشلة .. لا تقدر حتي علي اقامة مباراة كرة قدم بين دولتيين مجاورتيين .. ما يحدث الان علي مستويات الحكم والاعلام كما بينتم اعلاه وما يحدث بقفل المدارس والتعبيئة العامة للقوات النظامية من شرطة وامن وخلافهم فقط كمؤشرات كاملة لفشل الدولة ولقد صنفت اساسا في اعلي قائمة الدول الفاشلة لهذا العام واعوام سابقة ....اين الدولة والتي يتبجح قادتها بانهم سيهزمون العالم منذ عقديين من الزمان وهم غير قادرين علي استيعاب زحمة مباراة كرة قدم واحدة ...؟؟؟ فشلت الدولة والنظام ولكن سيكون الشعب السوداني علي قدر المسئولية متحملا اوزار ابنائه من حكام فاشليين وستمر الزوبعة فكم من كتاحات قاسية مرت علي هذا الشعب الصابر المحتسب.. ليس مبارك رئيس السودان ولا هنالك من سيفدي رئيسا للجزائر من اهل السودان بدمه وكفاك ارتزاقا علي حسابنا بمثل هذه الاغاني البائسة
|
Post: #6
Title: Re: عمر البشير قائدنا و مبارك برضو رئيسنا..و الريس بوتفليقة نفداهو عديل بدمانا !!
Author: Elawad
Date: 11-18-2009, 05:36 PM
Parent: #5
والله يا د. سيف دي مأساة دي... فعلا زي ما قال العم أبو بكر هذه دولة فاشلة... دي مباراة بين فريقين تلخبط كل الأمور كدا؟ و طيب كان بعد فترة نظمنا مباراة بين السعودية و قطر نجي نقول البشير ريسنا و الملك عبدالله تاج راسنا و الأمير حمد قائد عزتنا؟ والله فعلا زي ما قال باشمهندس أبو بكر نحن محتاجين نشجع السودان لكن البقنع الديك منو؟
|
Post: #7
Title: Re: عمر البشير قائدنا و مبارك برضو رئيسنا..و الريس بوتفليقة نفداهو عديل بدمانا !!
Author: Tragie Mustafa
Date: 11-18-2009, 05:41 PM
Parent: #6
| Quote: الناس ديل لو كانوا منظمين كاس العالم ظاتوووو.......كان عملوا شنو؟؟ |
كان سفوا التراب
هي دي دول بدوها كأس العالم
ما الناس عارفه البينا و العلينا.
غايتو الله يعين الشعب بس لحد ما تنتهي هذه المباره ويطيروا بسلامه لبلادهم.
|
Post: #8
Title: Re: عمر البشير قائدنا و مبارك برضو رئيسنا..و الريس بوتفليقة نفداهو عديل بدمانا !!
Author: سيف النصر محي الدين محمد أحمد
Date: 11-19-2009, 07:07 PM
Parent: #7
| Quote: فشلت الدولة والنظام ولكن سيكون الشعب السوداني علي قدر المسئولية متحملا اوزار ابنائه من حكام فاشليين وستمر الزوبعة فكم من كتاحات قاسية مرت علي هذا الشعب الصابر المحتسب.. ليس مبارك رئيس السودان ولا هنالك من سيفدي رئيسا للجزائر من اهل السودان بدمه وكفاك ارتزاقا علي حسابنا بمثل هذه الاغاني البائسة |
لك التحية يا باشمهندس ابوبكر .
|
Post: #9
Title: Re: عمر البشير قائدنا و مبارك برضو رئيسنا..و الريس بوتفليقة نفداهو عديل بدمانا !!
Author: سيف النصر محي الدين محمد أحمد
Date: 11-19-2009, 10:56 PM
Parent: #8
| Quote: و طيب كان بعد فترة نظمنا مباراة بين السعودية و قطر نجي نقول البشير ريسنا و الملك عبدالله تاج راسنا و الأمير حمد قائد عزتنا؟ |
و الله يا العوض ما تستبعد!! الكيزان ديل في الدجل ما بيتلحقوا...المصريين ذات نفسهم ما يقدروا
يلحقوهم.
|
Post: #10
Title: Re: عمر البشير قائدنا و مبارك برضو رئيسنا..و الريس بوتفليقة نفداهو عديل بدمانا !!
Author: سيف النصر محي الدين محمد أحمد
Date: 11-20-2009, 08:17 AM
Parent: #7
التراب ده يا تراجي ما سفيناهو من زماااان..
|
Post: #11
Title: Re: عمر البشير قائدنا و مبارك برضو رئيسنا..و الريس بوتفليقة نفداهو عديل بدمانا !!
Author: HAIDER ALZAIN
Date: 11-21-2009, 11:27 AM
Parent: #10
أغنيــة هزيلة .. وكلماتها مرتجلة وضعيفة .. ولحن يذكرني بتلحين اناشيد الابتدائي وأداء ما شفت اسواء منه إلا اداء نادر خضر ..
ورغم كدة أتمني انه التلفزيون يعيد بثها مرات ومرات زي ماكان بيعمل يوم المباراة عشان الناس تشوف طيبتنا كيف ..!
|
Post: #12
Title: Re: عمر البشير قائدنا و مبارك برضو رئيسنا..و الريس بوتفليقة نفداهو عديل بدمانا !!
Author: سيف النصر محي الدين محمد أحمد
Date: 11-22-2009, 11:40 PM
Parent: #11
| Quote: ورغم كدة أتمني انه التلفزيون يعيد بثها مرات ومرات زي ماكان بيعمل يوم المباراة عشان الناس تشوف طيبتنا كيف ..! |
لو عرضوها تاني يا حيدر غايتو زي ما قلت حتكون دليل مادي على الطيبة السودانية -تقرأ العباطة السودانية-
بعدين من ناحية الارتجال و الكلمات الضعيفة فده لازم كان يحصل عشان الاخت و المعاها يلحقوا السوق .
|
Post: #13
Title: Re: عمر البشير قائدنا و مبارك برضو رئيسنا..و الريس بوتفليقة نفداهو عديل بدمانا !!
Author: HAIDER ALZAIN
Date: 12-02-2009, 02:16 PM
Parent: #12
دكتور سيف النصر .. عيد مبارك ويعود باليمن والبركات ..
سؤال عبيط :
الاغنية دي بيكونوا دافعين فيها قروش هسع والا مجان ...
|
Post: #14
Title: Re: عمر البشير قائدنا و مبارك برضو رئيسنا..و الريس بوتفليقة نفداهو عديل بدمانا !!
Author: سيف النصر محي الدين محمد أحمد
Date: 12-02-2009, 11:13 PM
Parent: #13
| Quote: الاغنية دي بيكونوا دافعين فيها قروش هسع والا مجان |
العيد يتبارك عليكم يا حيدر الزين
غايتو ندى دي بدون كنجالات ما اظن تمسك المايك .
|
Post: #15
Title: Re: عمر البشير قائدنا و مبارك برضو رئيسنا..و الريس بوتفليقة نفداهو عديل بدمانا !!
Author: HAIDER ALZAIN
Date: 12-06-2009, 11:14 AM
Parent: #14
| Quote: غايتو ندى دي بدون كنجالات ما اظن تمسك المايك |
طيب دا ما إهدار موارد قومية ..
الأغنيــة دي اجزم انها اتالفت في 15 دقيقة
وتلحنت في نص ساعة وندوية القلعة دي ادتها بدون بروفات ولا اعادة تسجيل
وزمنها الاغنية يجي زي 12 دقيقة..
قامو بثوها على مدة خمسة ساعات بس .. وتاني يوم رموها في سلة المهملات
طيب مش كان مفروض يعملوا ليها اعادة تدوير وتصنيع بدل الاهمال دا ..
على العموم انا لسع منتظر اسمع الاوبريت العربي دا تاني 
|
Post: #16
Title: Re: عمر البشير قائدنا و مبارك برضو رئيسنا..و الريس بوتفليقة نفداهو عديل بدمانا !!
Author: hamid brgo
Date: 12-06-2009, 12:15 PM
Parent: #15
| Quote: عمر البشير قائدنا و مبارك برضو رئيسنا..و الريس بوتفليقة نفداهو عديل بدمانا |
يا دكتور سيف
سلامات
كان تزيد و تقول لينا: البشير قائدنا و مبارك برضو رئيسنا اوكامبو ود حلتنا.. بس هظارو خشن... شنبو خشن... دقنو خشن
|
|