Post: #1
Title: درة .. بتي .. ومصر والجزائر .. والرياضيات واللورغثمات ..
Author: عفاف الصادق بابكر
Date: 11-18-2009, 01:21 PM
اتصلت عليها كالعاده .. اصلوا يوميابعمل تمام ..
زمن خلانا نعيش الاسرة الواحده افرادها كله زول في بلد ..
المهم اتصلته عليها اليوم الصباح اصلى عرفته شمار الاجازة من هنا ..
وكنت اظنها فرحانة بالاجازة .. اها سألتها الليله قالوا اجازة ..
عشان كده اتصلته عليك الصباح .. أصلاً انا بتصل المساء يومياً..
اعرف اخبار المدرسه شنو اليوم ..
كان ردها على طول .. يا ماما نحن ممتحنين نحن مالنا ومال الكورة ..
الجزائر .. ومصر ما يمشوا يلعبوا بعيد .. يعنى نحن نتاخر 7 حصص ..
عشان خاطر الكورة .. واها يا ماما يابا (ويابا ده جدها طبعاً) ..
كمان جاء راجع من المستشفى اها يا ماما حتى ناس المستشفى كمان ياجزو للكورة ..
والليله انا عندي شرح في الدرس الخاص بتاع لورغيثمات وانا كنت منتظره اليوم ده ..
اللورغيثمات دي بالذات معقدانى .. و و و و و و و .. المهم بعد خلصت قلت ليها ..
يا بتى زي ما بتقول الشفه حبوبتك قولي الشكيه لي الله ..
--------------------------------------------------------
بيني وبينكم كان في داعي يعني .. كان ناس الصف الثامن اساس زعلانين ..
الباقين يعملوا شنو .. غايتو الله يجيب العواقب سليمة من كورة الليله دي ..
|
Post: #2
Title: Re: درة .. بتي .. ومصر والجزائر .. والرياضيات واللورغثمات ..
Author: عفاف الصادق بابكر
Date: 11-18-2009, 01:31 PM
Parent: #1
وكمان آخر الاخبار عاملين فيها كابويات .. ربنا يستر
|
Post: #3
Title: Re: درة .. بتي .. ومصر والجزائر .. والرياضيات واللورغثمات ..
Author: مدثر قرجاج
Date: 11-18-2009, 03:12 PM
Parent: #2
عفاف يادفغه
والله بقرا فى كلامك فى مشجع جزائرى دخل الميدان
وجوهو ناس الامن والحكاية جايطه وربنا يستر بعد
الكورة لكن السودانيين ياعفاف مبسوطيين بالحدث
يمكن بحاولوا يتناسوا اخفاقاتنا وفضايحنا فى الكورة
ياعفاف الشعب السودان ده مسكين يتلمس الفرحه فى اوج
اوقات العتمه ورغم عواقب المباراه لكن نعمل شنو
مودتى الاكيده
|
Post: #4
Title: Re: درة .. بتي .. ومصر والجزائر .. والرياضيات واللورغثمات ..
Author: طارق ميرغني
Date: 11-18-2009, 06:05 PM
Parent: #3
يا دكتوره
دره بس ....وفي الخرطوم ؟
هسع انا باعياين في التلفزيون بيتكلموا مع الجماهير في مريسليا
والدوحه وجميع مدن العالم ......!!!!!
|
Post: #5
Title: Re: درة .. بتي .. ومصر والجزائر .. والرياضيات واللورغثمات ..
Author: طارق الكوتش
Date: 11-18-2009, 06:33 PM
Parent: #4
واجمل حاجه اعلامنا الوهم ده بقول السودانييين
ممكن يتعلموا الوطنيه من المصرييين و الجزايرييين
طيب انت يا اعلام الهنا و السرور وين دورك فى حتة الوطنيه ده
ولا انت كسلان ذى مابقولوا المصرييين و منتظر الناس يجوا بلدك و يعلموهم الوطنيه
مزيد من القرف وربنا يستر
بعدين تعليم شنو يا قريبتى الدائره تتكلمى فيهو .... انسى و عيشى
قال لوغريثمات قال .... انت بتحلمى
حليل زمن لو 10 = 1
ياخى فى الفتره الاخيره ده بقت فى عينة خريجين
لاتعرف تضحك و لا تعرف تبكى ..... الله يجازى الكان السبب
|
|