Post: #1
Title: شنو يا جماعة انتو ده ( سودانيز اون لاين ) ولا (عكس الريح)؟؟!!
Author: وليد محمد المبارك
Date: 11-18-2009, 09:12 AM
والله بقيتو حنينين خلاس!!!
جنس ريده
وحنك
وحب
وجوه المسام
وفي حدقات العيون
ووووك وروووووووك
الله !!!
يعني نشوف لينا منبر تاني ولا شنو ؟
|
Post: #2
Title: Re: شنو يا جماعة انتو ده ( سودانيز اون لاين ) ولا (عكس الريح)؟؟!!
Author: Tabaldina
Date: 11-18-2009, 09:15 AM
Parent: #1
..
.
| Quote: يعني نشوف لينا منبر تاني ولا شنو ؟ |
المنبر بمر بمرحلة بتاعت مراهقة ..
________
وقد تكون متأخرة ..
قرقر قرقر قرقر
|
Post: #3
Title: Re: شنو يا جماعة انتو ده ( سودانيز اون لاين ) ولا (عكس الريح)؟؟!!
Author: وليد محمد المبارك
Date: 11-18-2009, 09:19 AM
Parent: #2
والله يا تبلدينا حيرونا
اخر بوست حق ريده قريتو في اون لاين قبلي خرتمية سنة
الاسبوع ده بوستات الريده النزلت هنا
قدر البوستات النزلت في المنبر من ما اسسوه
|
Post: #4
Title: Re: شنو يا جماعة انتو ده ( سودانيز اون لاين ) ولا (عكس الريح)؟؟!!
Author: نهلة محكر
Date: 11-18-2009, 09:41 AM
Parent: #3
الأخ وليد
مع إحترامي الشديد لك وأنت تعلم بهذا ..
لا أدري لم الزج باسم عكس الريح
وهل يعيبه أن يكون مكانا يتبادل فيه الناس
المشاعر الإنسانية النبيلة ..
وهل أصبح من المعيب أن ينشر الناس بعض الأحاسيس والعواطف النبيلة فيما بينهم هاهنا
أم هذا منبر للنقاش الحاد والتراشق بالكلمات واستعراض العضلات من خلف الكيبورد
ولا مكان فيه لأي إحساس أو إنفعال آخر ..
جانبك الصواب هذه المرة أخي ..
نحن أعضاء في المنبرين .. ونفتخر بإنتمائنا للإثنين
وكل مكان له نكهته
فلا نعيب هذا .. ولا نسيء لذاك
كامل الود والإحترام
|
Post: #5
Title: Re: شنو يا جماعة انتو ده ( سودانيز اون لاين ) ولا (عكس الريح)؟؟!!
Author: وليد محمد المبارك
Date: 11-18-2009, 10:32 AM
Parent: #4
الاخت نهلة محكر
وين الاساءة هنا يا نهلة
امرقيها لي !!!
بعد داك تعالي اكتبي كلامك ده
وين الاساءة هنا ؟؟؟
ها اولا
ثانيا كيف سمحت لنفسك انت تنصبيها قاضي عل ما اكتب ؟
لا اكر انني تدخلت في كتابات وحدد لك خيارات في الكتابة ؟
وارجو ان لا تفعلي
|
Post: #6
Title: Re: شنو يا جماعة انتو ده ( سودانيز اون لاين ) ولا (عكس الريح)؟؟!!
Author: وليد محمد المبارك
Date: 11-18-2009, 10:51 AM
Parent: #5
خرتموية بوست حق ريده
يا دكتور معز سجل معاك سوقهم راشي الحنينين كتروا هنا 
|
Post: #7
Title: Re: شنو يا جماعة انتو ده ( سودانيز اون لاين ) ولا (عكس الريح)؟؟!!
Author: Osama Mohammed
Date: 11-18-2009, 11:02 AM
Parent: #6
وليد بطل حركات
انت عقدت مقارنة بين اتنين والدليل ( ولا ) القاعدة في النص بين سودانيزاون لاين وعكس الريح...
امور اولاد الثورة دي اعملا لي واحد ما عندو حديدة( ثمح ) ؟
كرهتنا زاتو
مريخابي ، داير تدي البشير صوتك ، وقلبك ما فيه الحبة ... تاني نصاحبك كيف ؟
اسامة
|
Post: #8
Title: Re: شنو يا جماعة انتو ده ( سودانيز اون لاين ) ولا (عكس الريح)؟؟!!
Author: وليد محمد المبارك
Date: 11-18-2009, 11:05 AM
Parent: #7
اسامه يا كضاب
وين عزومتك
___________
بالنسبة للموضوع
وبما ناي عقدت مقارنة بين اتنين
هل تفتكر انه اي مقارنه بين اتني هل هي مقارنة بين خيير وسيئ ؟
يعني ما ممكن تكون في مقارنة بين خيير وخيير
يعني نقول فلان داك زول حربي ( بطريقة معينة )
وفلان التاني حربي بطريقة تانية
!!!!!!!
بعدين فنفرض انه كانت المقارنة بين خيير وسيئ
حسب وجهة نظرك انت السيئ منو في ديل
( عكس الريح ) ولا ( اون لاين )
|
Post: #12
Title: Re: شنو يا جماعة انتو ده ( سودانيز اون لاين ) ولا (عكس الريح)؟؟!!
Author: وليد محمد المبارك
Date: 11-18-2009, 11:29 AM
Parent: #11
يا ابو الريش
هاهاهاهاهاهاهاهاها
والله حاقد جنس
حقد
يا زول انا كنت نجم في عكس الريح قبلي ما افقد باس ويردو
بعدين اوع تقول لي اللخبت البوست داك من عكس الريح
هاهاهاهاهاهاهاهاهاهاها
هاهاهاهاهاهاهاهاها
|
Post: #13
Title: Re: شنو يا جماعة انتو ده ( سودانيز اون لاين ) ولا (عكس الريح)؟؟!!
Author: Osama Mohammed
Date: 11-18-2009, 11:33 AM
Parent: #8
وليد بطل جقلبة ..
المقارنة هنا بين فعلين ( ما يحدث في عكس الريح لا يحدث في سودانيز ( انت شكلك نسيت انو انا بتاع لغات )) عشان يعني ما قاعدين نفرد عضلاتنا ولا شنو ؟
المهم
انت مرقتها في ويلز وما قدرت تجي برايتون ؟ يعني الزول البعزم ده يجري ورا الناس عشان تجيهو ؟ ده غير انو سولارا كانت راقدة مستشفى في الزمن داك .. المهم المرة الجاية تعال وبرضو زوغ مننا ...وامشي السودان اكتب عجبنا الريف ..
المودة ليك وللجواكر التلاتة ..
وليد انا ما بلوم اي زول ... اسي في زول بارك لي ( نورة ) هنا في سودانيز ؟
نورة عمرها (50 يوم )
مودتي للجميع
اسامة
|
Post: #14
Title: Re: شنو يا جماعة انتو ده ( سودانيز اون لاين ) ولا (عكس الريح)؟؟!!
Author: وليد محمد المبارك
Date: 11-18-2009, 11:36 AM
Parent: #13
| Quote: المقارنة هنا بين فعلين ( ما يحدث في عكس الريح لا يحدث في سودانيز ( انت شكلك نسيت انو انا بتاع لغات )) عشان يعني ما قاعدين نفرد عضلاتنا ولا شنو ؟ |
يا اسامه
ديل هم الفعلين
عكس الريح حنينين
وسودانين اون لاين واضحين
اها
عيب لي واحد من الفعلين ديل
بعدين ما ممكن تكون في مقارنة بين فعلين خيير
يعني فلان داك صادق
وفلان داك شجاع
؟؟؟؟؟؟؟؟؟؟؟؟؟؟؟؟؟؟؟؟؟
شكلك قادي لغات يا معلم
| Quote: اسي في زول بارك لي ( نورة ) هنا في سودانيز ؟ |
يطرشني يا اسامه
يا زول الف مبروك
وتتربى في عزكم
نرسل ليك ليها خُمرة من هنا
ولا عندكم
|
Post: #9
Title: Re: شنو يا جماعة انتو ده ( سودانيز اون لاين ) ولا (عكس الريح)؟؟!!
Author: نهلة محكر
Date: 11-18-2009, 11:17 AM
Parent: #6
الأخ وليد ..
اولا أنا لم أنصب نفسي قاضيا لكتاباتك - حاشا لله - ولن افعل
ولم يحدث في يوم ان نصبت نفسي قاضيا وليس من حقي ذلك ابدا
ولم اقل من كلامي إن تمعنت فيه جيداً ... أنك أسأت
وما كتبته تحديداً في هذي الجملة
| Quote: فلا نعيب هذا .. ولا نسيء لذاك |
أتت في سياق الكلام الذي يسبقها .. ولم أقل انك أسأت أو لم تسيء
لا تتعجل يا أخي .. وأقرأ مداخلتي مرة أخرى بتأنٍ وتؤدة ..
وما دعاني للتداخل معك .. انك ذكرت "عكس الريح"
وهو منبر افخر بالإنتماء إليه كما هنا ..
وكان من الطبيعي أن يلفت نظري ذكر اسمه في أي مكان
ولأنك أيضاً عضو في "عكس الريح" .. استغربت كلامك الذي كتبت
وتساءلت في مداخلتي السابقة عن عدة أشياء ..
وما زلت أنتظر أن تجيبني عليها
فإن لم ترد الإجابة .. سأحترم رغبتك .. ولن اعود إلى هنا مرة أخرى
ولك كامل الإحترام والود
|
Post: #10
Title: Re: شنو يا جماعة انتو ده ( سودانيز اون لاين ) ولا (عكس الريح)؟؟!!
Author: وليد محمد المبارك
Date: 11-18-2009, 11:26 AM
Parent: #9
يا نهلة يا اختي
ما كان في داعي لاسئلتك اساسا
انا عضو زيك في عكس الريح
وعضو قديم وممكن اكون مؤسس
سادس عضو تقريبا
وعندي اصدقاء كُثر في عكس الريح لايمكن ان اسئ اليهم
ودكتور معذ احسب انه صديق لي بالتاكيد ما حا اسئ ليه
عكس الريح اخد من نفس دكتور مع
وهو بورد هين رومانسي وديع
اون لاين اخد من نفس تانية
بورد واضح وقاسي شوية
لا الرمانسيه والوداعة سبة ولا الوضوح كذلك
فما تحملي الاشياء اكثر من الذي تحتمله
وعكس الريح ما عنده حصانه عن الذكر
حتى نتحاسب بالمفرده عند ذكره
ولا سودانيز دي برضو
نذكر عكس الريح بكل الخير في مواضع ذكره
وان دعتنا الحاجة لنقده سننتقده ولا نلوي على شي
افتكر كده كلامي واضح
مع خالص ودي وتقديري الذي تعلميه
|
Post: #16
Title: Re: شنو يا جماعة انتو ده ( سودانيز اون لاين ) ولا (عكس الريح)؟؟!!
Author: طلحة عبدالله
Date: 11-18-2009, 12:05 PM
Parent: #10
Quote: عكس الريح اخد من نفس دكتور مع
وهو بورد هين رومانسي وديع
|
كان كدا ما عرفتهم يا وليد اخوي
ياخي مرة جا عمر اللايوق قال شروق شنو كدا ما بتعرف تغني
عليك الطلاق مرقنو كرعينو
وتاني جا واحد منو كدا عبدالغفار عمل فيها بتاع انو بهرش
وبقول الكلام الدايرو
وحاة خوتك لموا ليك فيهو الشفوت هناك تاني لي يوم الليلة
ما شمينا ريحتو
وبرضو تقول لي هين ولين والبعدو بجنن وحركات الغنا دي .
ديل الله لا وقع فيهم عزيز لديك .
|
Post: #21
Title: Re: شنو يا جماعة انتو ده ( سودانيز اون لاين ) ولا (عكس الريح)؟؟!!
Author: وليد محمد المبارك
Date: 11-22-2009, 11:39 AM
Parent: #16
عارف يا صحلة
من سن سنة المشاكل في عكس الريح كنت انا
عكس الريح انا احد اعضائه
لكن نست الباس ويرد ولا طردوني ما عارف
قدر ما حاولت ادخل غلبني
|
Post: #15
Title: Re: شنو يا جماعة انتو ده ( سودانيز اون لاين ) ولا (عكس الريح)؟؟!!
Author: محمد كابيلا
Date: 11-18-2009, 11:48 AM
Parent: #1
| Quote: يعني نشوف لينا منبر تاني ولا شنو ؟ |
ولا شنو .
يعنى نشوفك كيف .!!!؟
بتكلم مع الصورة يا وليد .!!
تحـــــــــــــياتى ...
|
Post: #17
Title: Re: شنو يا جماعة انتو ده ( سودانيز اون لاين ) ولا (عكس الريح)؟؟!!
Author: Nader Abu Kadouk
Date: 11-18-2009, 12:27 PM
Parent: #15
وليد يا حاقد
عليك الله احسن الريده المدوره دي ولا لبيع العكاكيز الكان مدور
زمان داك
لكن إنت عارف فقدنا قطامة حبيبنا تمبس
بقى حنين شديد
|
Post: #18
Title: Re: شنو يا جماعة انتو ده ( سودانيز اون لاين ) ولا (عكس الريح)؟؟!!
Author: وليد عبد اللطيف
Date: 11-18-2009, 01:03 PM
Parent: #17
Quote: والله بقيتو حنينين خلاس!!!
جنس ريده
وحنك
وحب |
كابتن وليد
والله تفتح بوست كورة قدم مافي واحد يشتغل بيك
ولكن لو تم فتحه من النصف الاخر تعال شوف
كلنا بنشجع مصر وكلنا بنشجع الجزائر
وبنشجع اللعبه الحلوه
-------------------------
وليد المبارك الريده والحنية بتخلي الانسان يبدع
|
Post: #19
Title: Re: شنو يا جماعة انتو ده ( سودانيز اون لاين ) ولا (عكس الريح)؟؟!!
Author: Dr. Moiz Bakhiet
Date: 11-19-2009, 10:32 AM
Parent: #18
يا شفوتي مفتقدمك والله في عكس الريح
طبعاً يا نهلة الشفت ده في عكس الريح تلاقيهو بس في بوستات المشاكل
ولما المشاكل اختفت.. اختفى معاها
وكمان لما أول مرة قابلتو
كان في قسم شرطة..
الزول ده الرومانسية ما بتنفع معاهو
من صورتو المقلوبة ديك.. 
|
Post: #20
Title: Re: شنو يا جماعة انتو ده ( سودانيز اون لاين ) ولا (عكس الريح)؟؟!!
Author: داليا الكباشى
Date: 11-19-2009, 10:40 AM
Parent: #19
انت يا شفوتي زعلان عشان اتعديت المراحل دي موش ..؟؟
والله ما تزعل ... انا متبرعه ليك بي تمااااااانيه بوستات تهنئه ..
بس انت اعمل دبل كليك ..!!
------------
كان قدرت
|
Post: #22
Title: Re: شنو يا جماعة انتو ده ( سودانيز اون لاين ) ولا (عكس الريح)؟؟!!
Author: عمر التاج
Date: 11-22-2009, 01:22 PM
Parent: #20
Quote: بس انت اعمل دبل كليك ..!!
|
بالعدم غير اتجاه ال ( قيتس )
|
Post: #23
Title: Re: شنو يا جماعة انتو ده ( سودانيز اون لاين ) ولا (عكس الريح)؟؟!!
Author: وليد محمد المبارك
Date: 11-24-2009, 12:48 PM
Parent: #15
يا كابيلا
شوفي في عز الجمر
هاهاهاهاهاهاهاهاها
المنبر قام بيك يا اخوي
|
|