Post: #1
Title: الي فريقي الجزائر ومصر لا تعولو علي الجمهور السوداني
Author: khaleel
Date: 11-18-2009, 08:05 AM
Parent: #0
سيشجعكم الجمهور اول عشرة دقائق
وبعدها ستحول الي مدربين
حسن شحاتة ما مفروض يلعب وائل جمعة واحمد حسن ما بطلع
وما كان يغامر بحسني عبده ربه المصاب
ولو لعب خليفة مكان اسامة التعاون كان الهلال غلب مازيمبي
وعيييييييييييييييك
|
Post: #2
Title: Re: الي فريقي الجزائر ومصر لا تعولو علي الجمهور السوداني
Author: khaleel
Date: 11-18-2009, 08:12 AM
Parent: #1
الجمهور السوداني لا يطلع منو يتيم ممسح
|
Post: #3
Title: Re: الي فريقي الجزائر ومصر لا تعولو علي الجمهور السوداني
Author: khaleel
Date: 11-18-2009, 08:14 AM
Parent: #2
يا ليتنا نتعلم حب المنتخب
من الجماهير المصرية والجزائرية
قطعو الاف الاميال ونامو علي الارض
ليشجعو منتخبهم
|
Post: #4
Title: Re: الي فريقي الجزائر ومصر لا تعولو علي الجمهور السوداني
Author: كمال عباس
Date: 11-18-2009, 08:24 AM
Parent: #2
صدقت ياخليل!!
| Quote: سيشجعكم الجمهور اول عشرة دقائق وبعدها ستحول الي مدربين |
أغلب الجمهور يشجعك حينما تمتعه وتبدع وتفنن وتحاور وترقص وتصمد
وتقاتل.... ولكن حينما تكون تعبان ومضغوط ومتجرس ومحتاج فعلا لتشجيع
حا يخزلوك ويخلوك براك!!
ومرات كتيرة بقوموا يشجعوا الفريق الخصم إذا عجبهم أو حبو يقيظوا
فريقهم!!
يا أخي ديل لسة بكرهوا شواطين لأنو راقب بيلية وحرمهم من المتعة!!
00 الجمهورالسوداني لايشجع -غالبا-لايشجع عند الحوجة ولا يهتف حسب الطلب
أو بصورة مصطنعة ولوماأديتوا كورة ما بيصفق ليك!! عشان كدة الضيوف
ديل ما يفتكرونا شريط كا سيت بتاع تشجيع يفتح ويهتف بصورة الية!!
|
Post: #5
Title: Re: الي فريقي الجزائر ومصر لا تعولو علي الجمهور السوداني
Author: khaleel
Date: 11-18-2009, 08:28 AM
Parent: #4
Quote: يا أخي ديل لسة بكرهوا شواطين لأنو راقب بيلية وحرمهم من المتعة!!
00 الجمهورالسوداني لايشجع -غالبا-لايشجع عند الحوجة ولا يهتف حسب الطلب
أو بصورة مصطنعة ولوماأديتوا كورة ما بيصفق ليك!! عشان كدة الضيوف
ديل ما يفتكرونا شريط كا سيت بتاع تشجيع يفتح ويهتف بصورة الية!! |
كمال الافكاتو
نحن كلنا ساسة ومدربين وبتاعين فيزياء وتجار شطار
اعتقد ان الجمهور يحضر للاستاد تقضية وقت فقط وليس للتشجيع
|
Post: #6
Title: Re: الي فريقي الجزائر ومصر لا تعولو علي الجمهور السوداني
Author: khaleel
Date: 11-18-2009, 08:36 AM
Parent: #5
يمكن ترك التشجيع للقوات النظامية وبالاوامر العسكرية
|
Post: #7
Title: Re: الي فريقي الجزائر ومصر لا تعولو علي الجمهور السوداني
Author: عبدالكريم الامين احمد
Date: 11-18-2009, 08:37 AM
Parent: #5
الجرعة الاستلابية المصرية يا خليل في العقل الشعبي السوداني كبيرة وعميقة ومتجذرة
وصعب ان يتخلص منها القوم ..
فالجمهور السوداني عارف مثلا ابوتريكة جاء الاهلي من امبي ولا من كوم امبو..
وعارف مثلا تاريخ الحضري ومنذ بداياته في حواري وازقة القاهرة..
المسلسل مصري
المثقفين السودانين ومنذ ايامات قديمة يتوزعون علي توزيعات مثقفي مصر.
احزابنا التي شكلت الوعي السياسي الايدلوجي جات مصر (الشيوعي وهنري كوهين...الاخوان المسلمين وحسن البنا)..
فالقصة ورغم حلايبها الا ان الاستلاب والشهقة نحو مصر حاصلة ومنذ ايامات قديمة ياخي..
ولكن سنهرب من رقابة هذا الاستلاب الحاصل فينا
وسنشجع الجزائر في معركتها اليوم
|
Post: #8
Title: Re: الي فريقي الجزائر ومصر لا تعولو علي الجمهور السوداني
Author: قلقو
Date: 11-18-2009, 08:53 AM
Parent: #7
تعرف ياخليل انا ماخايف من الشغب الذى يمكن ان يحدث بعد المباراة من اى من جمهور الفريقين المصرى او الجزائرى ,انما كل خوفى ينحصر فى الشغب الذى سيحدثه الجمهور السودانى من مناصرى كل فريق فى بعضه البعض وكما يقول المثل ( اهل البكا استغفروا والجيران كفروا).
وصدقنى نحن بعد نهاية المباراة سوف نتلقى الشتائم من الطرفين الغالب والمغلوب على حد سواء بعد ان يعودوا الى ديارهم. وحتشوف .
وفى الحالتين انا ضائع كما يقول فرفور.
مع تحياتى .
|
Post: #10
Title: Re: الي فريقي الجزائر ومصر لا تعولو علي الجمهور السوداني
Author: khaleel
Date: 11-18-2009, 04:18 PM
Quote: وصدقنى نحن بعد نهاية المباراة سوف نتلقى الشتائم من الطرفين الغالب والمغلوب على حد سواء بعد ان يعودوا الى ديارهم. وحتشوف .
وفى الحالتين انا ضائع كما يقول فرفور.
|
قلقو
طبعا لازم يحللو قروشهم
|
Post: #9
Title: Re: الي فريقي الجزائر ومصر لا تعولو علي الجمهور السوداني
Author: khaleel
Date: 11-18-2009, 04:17 PM
Parent: #7
Quote: الجرعة الاستلابية المصرية يا خليل في العقل الشعبي السوداني كبيرة وعميقة ومتجذرة
وصعب ان يتخلص منها القوم ..
|
بمناسبة الاستلاب المصري
ياكيكي
اول الكهرباء دخلت الحلة اولاد عمك تمبك بقو اتكلمو مصري
ازاي واحشني وانا في ديك الساعة
عمك تمبك قال ليهم هووووي اكعب شي (.......) العبيد
|
Post: #11
Title: Re: الي فريقي الجزائر ومصر لا تعولو علي الجمهور السوداني
Author: عبدالكريم الامين احمد
Date: 11-18-2009, 04:21 PM
Parent: #9
Quote: اول الكهرباء دخلت الحلة اولاد عمك تمبك بقو اتكلمو مصري
ازاي واحشني وانا في ديك الساعة
عمك تمبك قال ليهم هووووي اكعب شي (.......) العبيد |
لووووول
المشكلة حسع يا خليل زي ما قال ليك قلقو بقت في المشجعين بتاعنا
البقو سياد البكاء ظااتو..
وقال الما بشجع مصر عميل
والخوف المصريين والجزائريين يقعدو يتفرجوا علي الكاسوري السوداني - السوداني كما العادة
|
Post: #12
Title: Re: الي فريقي الجزائر ومصر لا تعولو علي الجمهور السوداني
Author: khaleel
Date: 11-18-2009, 04:24 PM
Parent: #11
Quote: وقال الما بشجع مصر عميل
والخوف المصريين والجزائريين يقعدو يتفرجوا علي الكاسوري السوداني - السوداني كما العادة |
ونسمع شعارات
طيشاب ومازيمباب
الله يستر
|
Post: #13
Title: Re: الي فريقي الجزائر ومصر لا تعولو علي الجمهور السوداني
Author: Tragie Mustafa
Date: 11-18-2009, 04:33 PM
Parent: #11
خليل كيفيك
يا اخي حرام عليك....وحياتك نحن مشجعين اوفياء
زمان ونحن طلبه بالاسكندريه
قالوا الفريق السوداني جاي
انا لا بعرفه هلال ولا مريخ المهم بعرفه سوداني
يازول اتحمسنا ودفعنا من قريشاتنا واجرنا بصات لاستاد القاهره
وناس المنصوره والزقازيق وطنطا و الصعايده بتوع سوهاج واسيوط
من كل الحامعات جئنا وفاء للسودان....انا شخصيا لا بعرف
ضربة الجزاء من الفاول...لكن ظليت اصرخ لنهاية المباراه
وطبعا يعجبوك لعيبتنا كالعاده قضوا الليه القبلها في ملاهي مصر
وتعال شوف ثاني يوم اللياقه فضحونا فضيحه الرجال بتوقعوا بلا سبب!!
وانا كنت ما فاهمه
والقى لك زملائنا الشباب و البعرفوا للكوره يسبوا عليهم
حرام عليكم يعني النسوان كانت حتطير!!(وجه مندهش)!!
واتاريهم يقصدون ان اللعيبه قضوى ليلة حمراء وهاهي النتيجه
جري ما قادرين يجروا!!
وبعدها فهمنا اتن هذا ما تفعله مصر دوما مع لعيبتنا.
ولان ما عندنا انضباط و اللاعيبه ما بيسمعوا كلام المدرب
والنتيجه ملطشه.
لكن نحن كمشجعين كنا اوفياء...وقلت لك ظلينا نشجع وطبل وزمر لآخر
المباراه التي للاسف انتهت 3 /صفر وهي اول وآخر مباره احضرها في
حياتي في استاد!
شوف الحماس كان بيودينا لوين؟؟!!
يجي زمن يشكوكوا في وطنيتنا....!!
الجمهور صحيح مجانين الكوره قد يكونوا متخصصين تنظير
لكن المتحمسين ساي ديل ما اظنهم.
وفوق من اجل الجزائر.
تحياتي.
|
|