Post: #1
Title: اللواء 21 مظلي
Author: DKEEN
Date: 11-18-2009, 06:22 AM
Parent: #0
(عاد 91 مصريا من العاملين في الجزائر واسرهم الى القاهرة بعد اعمال العنف التي وقعت ضد الجالية المصرية في الجزائر وماعارف انهم غادروا الجزائر بسبب الدعوات تالتي اطلقت في الجزائر للانتقام منهم بعدما تردد عن مقتل جزائريين بالقاهرة ... ....الخ )
جريدة الراية القطرية تاريخ امس
(وصول عشرة الف مشجع جزائري للخرطوم ....الخ )
الراية القطرية اليوم
لعل القليل الواصل فقط يعلم ان اختيار مصر للسودان لتكون ارضا للمبارة المؤهلة لكاس العالم لم يكن خبط عشواء او لاننا " يابن النيل " و"سمارة حبيبي " وما الى ذلك من اوصاف اعتدناها من المصريين.
بل هو امر سياسي خطط له بتدبير حريف وماهل وغير مسبوق..
كما هو واضح من واقع الحال فقد قام الاعلام المصري بشحن الجماهير المصرية قيبل المبارة الاخيرة بصورة مبالغ فيها وغير راشدة.
وادى ذلك التحميل الزائد على مشاعر الجمهور المغلوب الذي لا يجد وسيلة للتفريغ عن احوال البؤس التي يعيشها سوى الهتافات المجانية في الاستادات والمباح من كواريك وضرب اللعيبة ومظاهرات الميادين وتراشق الالفاظ والاشارات البذيئة بين جماهير الفريقين..ربما لم يكن اقلها الاشارات المعبرة غير اللطيفة التي ارسلتها المشجعة الجزائرية من اعلى المدرجات.
ادت الاحداث في مجملها الى ما ادت اليه من توترات حدثت بين الشعبين الجزائري والمصري والتصعيد الذي وصل الى درجة ان تم استدعاء السفراء والاستفسار وطلب حماية الرعايا في البلدين.
لم يكن من الحكمة ان يقبل السودان وزر هذا الغضب الكبير الذي طفق بين بلدين يعاني الشعب فيهما من اشكاليات اقتصادية واجتماعية ولايجد وسلية لافراغ مكبوت غضبه عن احواله سوى في كرة القدم.
وزي ماقال واحد صاحبنا "الاتحاد حيكسب من ورا الكورة دي دخل كبير ..سبحتك قوية يا شداد" ..فرد عليه الصاحب الاخر" لو حتغنينا ما عايزنها".. واضعا في باله امدرمان وهي تحترق او المصريين لامن يكسرو ركبة في شارع افريقيا ويقولو لي بعض " ياعم خلينا نفتح مطعم ونعمل لينا إرشين ..دول عالم بأر )...
اقول يعلم الكثير غير الواصل ان كل هذا التوتر المحموم وكل هذا الغضب الذي تم تحميله لشعب البلدين والذي تزايد خلال الاسبوع الاخير بسبب الشحن الاعلامي المصري غير الراشد كل هذا التوتر سيتم افراغة في استاذ المريخ وماحوله.
2 مليون مصري بالتاكيد لم يستطيعوا دخول الاستاذ لانه لايتسع لذلك.. وعشرة الف جزائيري الجزائريين الذين منحوا تاشيرات الدخول لن تسع الاستاد ايضا..ولكنها دون شك ستسع الشارع العريض ذي المرارات التي تراكمت عليه...
الفوضى التي قد تنتج من جراء غضب مليون واحد من الجمهور المصري الذي تعود التعالي على الجمهور السوداني والذي تعود مؤخرا على هوان حكومة السودان وخنوعها في مواقف كثيرة ليس اقلها حلايب وميدان مصطفى محمود..
كل هذا الغضب والتعالي من مليون مصري والعنف الذي قد يتسبب فيه مع جمهور جزائري جبلي الطبع وعنيف هي الفكرة التي اسس لها نافذون في مصر والسودان
ُقصد تصعيد الامر اعلاميا لشحن الجماهير في البلدين..
ومعلوم ان الجماهير السودانية معبأة ضد النظام الحاكم وقد تستغل الفوضى للتعبر عن مظالمها .
ومعلوم ان النظام في السودان يمر بازمة تناطح في كراسي الحكم..
ومعلوم ان اثر فاس الانقاذ على صلاح لايزال بائناً..كما ان صلته باجهزة الاستخبارات المصرية بحكم عمله السابق معلومة مارايحة من زول ..اضف الى ذلك ما تناوله الشارع في الاونة الاخيرة عن اسباب اقالته..
كما ان الفوضى التي ستنتج سيصعب السيطرة عليها من القوات النظامية التي ستكون كلها طرف العرضة ..
وان أي استخدام لاي رصاص او تهور قدر تؤدي الى ان يتفرق دم المصاب بها بين الجزائر ومصر والقبيلة ..
وان انتشار الفوضى امرٌ راجح طوال ليلة الاربعاء وحتى فجرالخميس ..
وفي ظل الفوضى الضاربة وقلبة امدرمان وغضب ستات الشاي القديم وسواقين الرقشات والتداعيات المنظورة وغير المنظورة وقلق الجزائر وغضب المصريين المغلوبين في الكورة سيقوم النظام المصري وبحجة محاولة حماية رعاياهم بارسال تعزيزات عسكرية كبيرة..
ستكون بالطبع غير مبررة للساسة السودانيين المندهشين منها وفي نفس الوقت لن يعلمها الشعب السوداني عشان يحتجو عليها لسبيين: اولا لانه سيكون مشغولا مندهشاً باعمال الشغب التي اجتاحت الشوارع من شعوب البحر المتوسط.
ثانياا لان الشعب اصلا وعلى الدوام اخر العالمين باحوال البلاد ..
تالتا لماذا يحتجوا اصلاً فكلو محصل بعضو..
بقو تلاتة اسباب معليش.. بس مابرجع امسح ..
هذه التعزيزات المصرية ستتزامن مع نفس الوقت الذي ستتحرك فيه اجنحة نافذة في القصر.. وسيجد النظام نفسه مابين سندان غضب ثلاثة شعوب.. متعصبين جزائرين ومتعصبين مصريين وجماهير القبايل سودانية قد ضاق بها الحال.
ومابين مطرقة الجناح الذي تحرك بتدبير حريف وقوات المصاروة الداعمة لتحرك جناح القصر(بغض النظر عن جناح منو) والمبررة بحماية الجالية المصرية..
بحلول مساء الاربعاء ستكون الامور قد صارت الى غير ماهي عليه..
المؤسف
المؤسف في هذا الامر انو عرس هيثم درار ممكن يتلغي في ظل الحاصل..
دكين
واحد من القليل الواصل
|
Post: #2
Title: Re: اللواء 21 مظلي
Author: حمزاوي
Date: 11-18-2009, 06:28 AM
Parent: #1
الرجال بانت
|
Post: #3
Title: Re: اللواء 21 مظلي
Author: د.نجاة محمود
Date: 11-18-2009, 06:29 AM
Parent: #1
والله بالجد كلام في المليان
الحريف بيصل القصر الجمهوري اول..
وتقتل طالب نقتل امك
هنتاف شماشي قديم مبدلا لمقتل طالب مقتل امة
|
Post: #4
Title: Re: اللواء 21 مظلي
Author: حمد فتح الرحمن
Date: 11-18-2009, 07:54 AM
Parent: #3
لا ابشرك عرس هيثم ممكن يتعمل في ام كرابيج ما بتلغي
|
Post: #5
Title: Re: اللواء 21 مظلي
Author: Tabaldina
Date: 11-18-2009, 08:17 AM
Parent: #4
..
.
Quote: لم يكن من الحكمة ان يقبل السودان وزر هذا الغضب الكبير الذي طفق بين بلدين يعاني الشعب
فيهما من اشكاليات اقتصادية واجتماعية ولايجد وسلية لافراغ مكبوت غضبه عن احواله سوى في كرة القدم. |
بل ثلاث شعوب ان اضفنا فقراء الله اصحاب الارض ..
___________
تحليل منطقى .. الى حد كبير
ومساء اليوم لناظره قريب ..
|
Post: #6
Title: Re: اللواء 21 مظلي
Author: Emad Abdulla
Date: 11-18-2009, 08:33 AM
Parent: #5
ده الكلام ..
عفارم عليك يا عز ..
........
ريحتني الله يريحك .
|
Post: #13
Title: Re: اللواء 21 مظلي
Author: DKEEN
Date: 11-18-2009, 04:50 PM
Parent: #7
يامعلم
البلد طبيعي عاملة مكهربة..
يعني ما يحتاج..
بس مسالة تغير مواقع..
:)
|
Post: #12
Title: Re: اللواء 21 مظلي
Author: DKEEN
Date: 11-18-2009, 04:48 PM
Parent: #6
عمدة سلامات
حين اقامت قطر دورةالعاب الاسياد (وانت عليم)
كانت تلك بداية لنهضة قطر وانشاءات لبنى تحتية وخدمية وانشاءات اخرى كبيرة لخدمة ضويف الدورة
وفعلا قامت فنادق وشوارع اقيمت وكباري ولاتزال الاحوال تسير على نهج رسم من ذاك الزمان..
يعني الامم صحي بتصرف في الامن والنظام والاستاند باي بس بيكون في الاخير في منجزات اقيمت يستفيد منها اصحاب الارض زي ماقال تبلدينا
اها انحنا بعيد عنك ..
اظنهم غير اشترو تاتشرات النظام العام وخراطيش موية مافي شي استجدا..
غايتو التلفزيون اليوم كلو اغاني عن عروبة السودان
والجزائيرين شابكننا يا سودانيين يا احرار!!
:)
وزي ماقال شول اشوال دينق زميلنا في البورد
امشو الى الحبشة فان فيها ملك لايظلم عنده احد
|
Post: #11
Title: Re: اللواء 21 مظلي
Author: DKEEN
Date: 11-18-2009, 04:42 PM
Parent: #5
تبلدينا
حين تنعدم مؤسسة الدولة يتفرق الشعب قبائل ونحل وعشائر ..
قال لي صديقي..
ياعزيز البلد كلها تاتشرات وخراطيش ..
يعني الفوضى امر متوقع..
غايتو الحريف بخلي عربتو في البيت
|
Post: #10
Title: Re: اللواء 21 مظلي
Author: DKEEN
Date: 11-18-2009, 04:38 PM
Parent: #4
الله يطمنك ياحمد ..
|
Post: #9
Title: Re: اللواء 21 مظلي
Author: DKEEN
Date: 11-18-2009, 04:38 PM
Parent: #3
د.نجاة
غايتو مولد وفاتنا في السودان
هسي لوحصل دواس كان الواحد مرق ليهو بي كم ملك يمين
|
Post: #8
Title: Re: اللواء 21 مظلي
Author: عبدالوهاب علي الحاج
Date: 11-18-2009, 09:41 AM
Parent: #1
| Quote: دكين دا احسن زول بكتب بالسهل الممتنع |
هاهاهاهاها
تحليلك دا اسي بالسهل ولا بالممتنع عشان الواحد يكون عارف .. ماممكن اكون عضو في المنبر دا اها هسه لو جاني واحد من طالبي العضوية وقال لي يا وهبة البطة دا كاتب بشنو ؟ اسكت ساي يعني اصم خشمي واقعد .. طبعا ما ممكن ... وانت اكيد ما بترضاها لي
تحليلك دا يا مستر دكين ضعيف ولا يخلو من سطحية وتعبت نفسك و كيبوردك في الفاضي قول لي كيف ؟
بجيك راجع ...
عزيزي القارئ انت موعود اليوم بمتعة غير مسبوقة بتحليل وتفكيك التحليل اعلاه ... فكونوا معناااااااااااااااااا
يتبع ...
____
وهبــة صائد البط الشهير ومخترع جهاز الانذار المبكر للصمرقع والوقاية منه
|
Post: #14
Title: Re: اللواء 21 مظلي
Author: هيثم درار
Date: 11-18-2009, 06:35 PM
Parent: #8
| Quote: المؤسف في هذا الامر انو عرس هيثم درار ممكن يتلغي في ظل الحاصل |
شايفنى الحكم ولا المدرب؟
مالى ومالم إن شاء الله يرقدو كربوج
|
Post: #15
Title: Re: اللواء 21 مظلي
Author: عبدالوهاب علي الحاج
Date: 11-19-2009, 08:55 AM
Parent: #14
| Quote: عزيزي القارئ انت موعود اليوم بمتعة غير مسبوقة بتحليل وتفكيك التحليل اعلاه ... |
ما تقول نسيتك !!!
_____
جاااااااااري التحليل ....
|
Post: #17
Title: Re: اللواء 21 مظلي
Author: اساسي
Date: 11-19-2009, 09:03 AM
Parent: #16
من واقع تصديقي للود دكين , بالامس وصلت السودان تسعة عشر طائرة حربية لنقل الجمهور المصري قامت اي طائرة باكثر من طلعة اعتقد جازما ان تلك الطائرات كانت محملة بجنود تم انزالهم في الخرطوم وعادت الطائرات بالجمهور المصري الي القاهرة تحت ستار مباراة الجزائر .
|
Post: #18
Title: Re: اللواء 21 مظلي
Author: عبدالوهاب علي الحاج
Date: 11-19-2009, 09:05 AM
Parent: #16
| Quote: عفوا وهبة دكين حتي الان تحليله كان فيه الكثير من القراءة (الكويسة) |
يعني يا اساسي ارخي الموضوع ؟
|
Post: #19
Title: Re: اللواء 21 مظلي
Author: اساسي
Date: 11-19-2009, 09:09 AM
Parent: #18
يعني ارخي دكين زاتو بعد كدا لانه الموضوع بدا ياخذ شكل ما لذيذ , وحيبدا يستهلك من ذواتكم واحترامي ليكم
من المهم ان يظل احترامي ليكم من الخطوط الحمراء لديكم
|
Post: #20
Title: Re: اللواء 21 مظلي
Author: عبدالوهاب علي الحاج
Date: 11-19-2009, 09:20 AM
Parent: #19
عشان خاطرك بس يا اساسي
لكن بحتفظ بحقي الكامل في الدفاع عن النفس
وبرضو لو لقيتو مدردق بضطر اشوت اسوي شنو يعني ؟ 
|
Post: #21
Title: Re: اللواء 21 مظلي
Author: Faisal Elrasheed
Date: 11-19-2009, 01:03 PM
Parent: #20
| Quote: من المهم ان يظل احترامي ليكم من الخطوط الحمراء لديكم |
|
Post: #22
Title: Re: اللواء 21 مظلي
Author: خضر حسين خليل
Date: 11-19-2009, 01:06 PM
Parent: #21
| Quote: المؤسف في هذا الامر انو عرس هيثم درار ممكن يتلغي في ظل الحاصل |
الكلام ده متين ياخ
|
Post: #23
Title: Re: اللواء 21 مظلي
Author: هيثم درار
Date: 11-19-2009, 04:49 PM
Quote:
Quote: المؤسف في هذا الامر انو عرس هيثم درار ممكن يتلغي في ظل الحاصل
الكلام ده متين ياخ |
خامس العيد يا خضر يعنى بعد 15 يوم نكون فى سرج واحد ، تانى بتقول شنو؟
|
Post: #24
Title: Re: اللواء 21 مظلي
Author: DKEEN
Date: 11-19-2009, 05:07 PM
| Quote: من المهم ان يظل احترامي ليكم |
اساسي
قول بلاي بالواضح كده ماذا تعني باحترامك ليهو؟
لانو بصراحة عدم احترامك لي ده انا بقدر افهمو بس احترامك لي المشاط ده بخليني اعيد ترتيب حاجاتي معاك..
تعرف ياخينا
رمي الكلام ساي كده يؤسس لي اتجاهات محددة بدون وعي الرامي..
كلمة" ليكم" دي لمتني في وجهة محددة مع زول مشاطة..
لو ان ثمةان هنالك بصيص من احترام كنتا قتا ليك زي مابقولو الناس "احترامك ليهو شي بخصك"
بس لانو الفكرة غير مقنعة ..ولانو احترامك ليهو القتو ده ماعجبني ليك ...
يعني لايظن الناظر الى صمتي في لغو وهبة انو المسالة دي ماقادر احسما..
او يؤسس الصمت الى ماتجري به عادة الصمت من ان الناس يعتقدون في المتكلم ولو تغوط لغوا..
ربما كانت غلطتي اني عملتا من وهبة ده بني ادم..
سميت بي اسمو بوست..
فاشتهر..فصار يردح بسواته وسيئاته ...
كان زول نكرة واطي الحس فعلا في حسه فصار نكرة ذا حس..
احترام شنو يا اساسي البتقول عليهو..
انتو مالكم عايزيننا نخت في نباهتكم دي راي..
يعني هسي انتا السبب البخليك تحترم وهبة ده شنو مثلا؟؟
شنو بخليك تنشر كلام زي القتو ده على الملا وانت غير مضطر..
بينك وبين نفسك كده انتا هسي لو اعدتا النظر فيما قلت، الا ترى انه كان من الافضل ان تستعيض بي عبارة "احترامي ليكم" دي اي عبارة تانية ؟؟
ماهي مسالة كتابة ما اكتر يا اساسي..يعني اي شي بتكتبو بمشي وبتقبل
وخيارات اللغة واسعة تبارك الله..
مالقيت إلا دي تختارها لي الشخص ده؟؟ الطالبك هنا جميل منو ؟؟
خلاص بقيت تكتب من طرف بدون تعرف انتا بتكتب شنو؟؟ زي ناس المروج الخضراء والخصل الذهبية والمياة الرقراقة وتل العمارنة؟!!
ده كلو كوم ..بعدين تعال لي الكوم التاني ..
| Quote: ارخي دكين زاتو بعد كدا لانه الموضوع بدا ياخذ شكل ما لذيذ , وحيبدا يستهلك من ذواتكمواحترامي ليكم |
جملة بدا ياخد" دي !!
بدا دي متين يعني بالضبط؟؟
هسي البوست ده شفتني فيهو رديت على وهبة؟؟
ولا اصلا شفتني رديت عليهو في بوست قريب؟؟
| Quote: "بدا ياخد شكل مالذيذ" |
ادت انطباع كده زي الساكين بعض من فجة قريبة..
تاكيد على انو انتا بقيت تقول كلام ساي..
كلام ساي واريتو كلام ساي في حتة بتاعة هرجلة..
بس زولك الطيرة ده بفتكر انو زول وبتفوت عليهو فرصة انو يبقى بني ادم سوى لامن يلقى واحد زيك واحدة طيرة دينا خالد ديك "راجع اخر ما قالته او اسالها قتي شنو" لو الموضوع بهمك..
تجي تقول لي (حيبدا بستهلك من ذواتكم واحترامي ليكم)؟؟
حيبدا دي متين يعني ؟؟
يعني لسع ما بدا؟؟
يعني احترامك لي ده الاستهلاك فيهو حيبدا من مداخلة وهبة الفوق في البوست ده تحديدا ولا كيف؟؟
وانا مالي هسي تستهلك احترامي عندك؟؟
اها انا وهبة ده مارديت عليهو منذ ان منذ الله علي بالرشد وزكيت الفطر ..
تجي تقول حيبدا؟؟
يعني القصة كلام بتقال والسلام يا اساسي ولا كيف؟؟
داير تشاكلو وغالبك ولا بس اخترتا الكلام هبتلي كده ساي؟؟
تعرف بقدر افهم وجود امثال وهبة في هذا المكان..ويعج بمثلة الكثير
لان العالم ليس مكانا مثالياً ولان بامثالهم يفرز الراشدون..وبمثله تتم المقرابات ويحمد الراشدون الله ..
تماما كمن يرى ابتلاء في مصاب ويتمم "اللهم لك الحمد"
بس المابقدر افهمو بل ومابقدر اقبلو انو القى زيك وغيرك من الذين تركت صحبتم آسيان مضطر بجملوا في الحاجات او بدهنسوا او برموا الكلام ساي كده دون نظر!!
دي مسالة غاية في الازعاج...ولست مضطرا لقبولها ..
وخلتني افكر جادي اني اكتفى بمعارف محددين واماكن محددة ..واحرد هذا السخف وهذه المـــعرصة
ماضطر زي مابجري في ظني انو انتا برضو وغيرك من الناس الحردتا عرفتم ما مضطرين اصلا تخوضوا فيها..
وهبة ليس السبب في رفضي لناس عرفتهم اضطروا لمجاملات ماعندها معنى وسخيفة..
فوهبة لايستوى عندي وقدر اؤلئك ولو ظن الناس انه اوحي له..
السبب انو احتمال الدجل ده شي مؤلم وسخيف..
سخيف ومؤلم وبقلل من احترامك لي الناس.. وببساطة انا ما مضطر لعرفة من هذه الشاكلة المجاملة ..
ثمةمتسع لناس نضيفين في هذا العالم..
وهامش العفانات ليس ضيقا الى حد اني اشغل بالي بها في هذا المكان..
ـــــــــــ
هسي بلاي كان في داعي تضطراني الى ماكتبت..واني ادقدق كي بورد في شان وهبة بعد ان عافاني الله..
تبا لك تخيب امالي..
|
Post: #25
Title: Re: اللواء 21 مظلي
Author: عبدالوهاب علي الحاج
Date: 11-19-2009, 05:43 PM
Parent: #24
| Quote: ..واني ادقدق كي بورد في شان وهبة |
تالله لأمسحن بك بلاط هذا البوست
انت شنو وكيبوردك شنو ؟
___
لاحظ عزيزي القارئ
هنا تنشأ خاصية الدفاع الشرعي عن النفس
ولا يعتبر ردي على هذا الكاتب (المتبرز) المدعو دكين
من باب نقض الاتفاق مع السيد اساسي المنبر العام
|
Post: #26
Title: Re: اللواء 21 مظلي
Author: احمد صديق
Date: 11-19-2009, 09:11 PM
Parent: #25
بوست أساسي وناقص ملاسي
|
Post: #27
Title: Re: اللواء 21 مظلي
Author: DKEEN
Date: 11-20-2009, 00:22 AM
Parent: #26
العزيز خضر حسين
انا مالاقيت زول منحوس زيك
ولكن النحس يعرف من ياتي من الرجال..لو انه قدر لغيرك لغادر دنيا الناس
ياخينا عرس هيثم قرب
لو هيثم صحبك ماقال ليك ..ماترجاني افتو ليك..
من وجهة نظري ..
انتا واحد من من احب ان اراهم في مناسبة تخص صديق عزيز...
اقنع هيثم يلمك في غمار المدعوين والتذكرة علي..
تقبل محبتي ايها التعس
|
Post: #28
Title: Re: اللواء 21 مظلي
Author: عبدالوهاب علي الحاج
Date: 11-20-2009, 10:45 AM
Parent: #24
| Quote: اقنع هيثم يلمك في غمار المدعوين والتذكرة علي.. |
ياحليل زمان
وايام زمان
واخيرا علا صوتك يا دكين ... ما علينا نرجع لموضوعنا
وبرضو موضوعنا ما بعيد من التذكرة علي دي الكلمة دي برضو لفتت نظري لكن نظرا لخاطر اساسي مشيتها وايضا لضآلتك
قبل كدا انا برضو احتجيت على احدى الزميلات لمن كتبت اسمي واسمك ولا تفصلنا سوى علامة (+) جات قالت لي دكين دا زول كويس تتخيل ؟
واحد قليل ادب ولا يحترم حتى حيائك من وين يبقى كويس ؟
واحد لم يحترم زميلتو الجامعية ولم يحترم علاقتها بصديقه كيف تنقى زول كويس ؟
وريني عليك الله كيف ؟
سبق لي صفك بأنك ظربان ونتن الرائحة لذا لذا انت لا تصلح الا ان تكون مادة لسخريتي ... Quote: ربما كانت غلطتي اني عملتا من وهبة ده بني ادم..
سميت بي اسمو بوست.. |
لم يكن بوست واحد يا دكين
بوستين ولا نسيت وتوعدت بثالث ورابع
البوستات الفتحتها ما فتحتها عشان تتغزل في وهبة ولا فتحتها لكي تعدد مآثري وتتحدث عن بطولاتي ابداً
انت فتحت البوستات دي عشان تعمل ليك بطولة باهانتي والتعريض بي
القصة كلها اخترتني من وسط اربعة وليد الشفت واساسي وياسر طيفور ومحمد البشرى في بوست طارق المكي ليه ؟
عشان ديلاك احتمال يمسحوا بيك الارض واخترت اضعفهم اللي هو انا
فما دريت يا مسكين انك وقعت في السم القدر غداك ارتد سحرك عليك اتمرمطت واتبعزقت كرامتك والبورد كلو ضحك عليك وبانت عورتك فخرجت من ذلك البوست خالي الوفاض يد ورا ويد قدام بعد ما جريت وخليت سروالك في ارض البوست وجريت لبكري عشان يحذف ليك البوست ... هاهاهاهاهااها كم انت مسكين يادكين انسان فاضي من جوة... حقيقي انا اشفق عليك
ثم قمت بفتح البوست التاني تبحث عن نصر وهمي وذكرتني بفربق الهلال اخد خمسة من مازيمبي وسط انصارو وفي ارضو وذهب يبحث عن نصر في ارض غيره المهم البوست التاني برضو اوسعتك ضربا وايضا كنت انت كالثعبان العحوز الذي حاول ان يلدغ فريسته ولدغ نفسه هاهاهاهاها اسوأ حاجة يا دكين انك تموت بسمك ....
وكانت التيجة شنو ؟
اشفق عليك اصدقائك وافترعوا خيوطا غريبة الشكل والمبنى على شاكلة : ارفعوا افلامكم عن دكين
حقيقي احسست بالذنب واشفقت عليك .. عندما ارى بوستاتك التي لا اتداخل فيها ما بتاخد خمسة دقائق وتمشي تفتشها في الصفحة التالتة هسه بوستيك المهبب دا على قلة الصوف الفيهو شوف لمن انا دخلت كتبت ليهو حياة جديدة وهبة دا زي غفة الانعاش (بالمناسبة البوست دا ذاتو انا جبتو من الصفحة التانية ) شفت وهبة دا عظيم لو شتمك انت المستفيد وانت اكيد استفدت البورد دا كلو كان بيضحك عليك في كتابتك بالانجليزي .. هل في واحد من اصحابك قال ليك ما تعمل كدا وحتى اصحابك ذاتم تندروا عليك وواحد منهم فتح ليك بوست عشان يضحك فيك .. شفت وهبة دا مفيد كيف ؟
كم انت موهوم ومسكين يا دكين Quote: هسي البوست ده شفتني فيهو رديت على وهبة؟؟
ولا اصلا شفتني رديت عليهو في بوست قريب؟؟ |
كاذب ورب البيت يا اخي انت بقيت لو ما جبت سيرة وهبة في بوست تدخلو ما بترتاح هاهاهااها قال شفتني رديت لوهبة قال يا اخي اختشي انت نسيت حكاية شنبي يقوم في وهبة ...
Quote: تعرف بقدر افهم وجود امثال وهبة في هذا المكان..ويعج بمثلة الكثير
لان العالم ليس مكانا مثالياً ولان بامثالهم يفرز الراشدون.. |
الراشدوووووون لووووووول الراشدون مربع كم ؟ 
والله انت بالجد عيان يا دكين اني آمنت بالله العلي العظيم .
انت قايل الراشدون دي بالعربية ولا شنو لا ياحبة دي شروط وسلوكيات معينة وتربية ورعاية وانت واضح جدا انك لم تتعرض لتلك النفحات انت قايل اي زول داير حاجة بقولها وبطلبها بخشمو ؟
لا لا وحاتك حاشا وكلا ... هسه انا داير العب في برشلونة تفتكر الحكاية دي ممكنة ؟
______________________________________
مشكلتك لقيتني مقلم الاظافر ودبت فيني شيخوخة مبكرة
لو لاقيتني زمان تصدق الزيك دا ما برد سلامو ذاتو .
والزيك دا لو لاقانا في الـ Main Road ممكن يحمل كل لمبات النيون الموجودة ويتلو على مسامعنا النشيد الوطني جيئة وذهاباً
سلام ياصاحبي ...
|
Post: #29
Title: Re: اللواء 21 مظلي
Author: عبدالوهاب علي الحاج
Date: 11-20-2009, 01:48 PM
Parent: #28
| Quote: سبق لي وصفك بأنك ظربان نتن الرائحة والدواخل لذا انت لا تصلح الا ان تكون مادة لسخريتي |
ومتنفسا ومعتفصاً مملوكا لي ملكا خاصا
لا اسمح بأن بشاركني فيك أحد آتيه حيثما اردت وكيفما شئت ... حتى ترشد
والبادي أظلم | Quote: بس زولك الطيرة ده بفتكر انو زول وبتفوت عليهو فرصة انو يبقى بني ادم سوى لامن يلقى واحد زيك واحدة طيرة دينا خالد ديك "راجع اخر ما قالته او اسالها قتي شنو" لو الموضوع بهمك.. |
مش لما تبقى انت بني آدم سوي في الاول كدى يراحة عشان المسألة
ما تبقى شتائم وقلة أدب ساي
منو المفروض يكون سوي أنا لا الزول الفلقو بكتاب ومشى شحد حبيبة صحبو ... انا بعيش الان في الربع الاخير من عمري والله الذي لا اله الا هو ليوم الليلة ما بعرف الواحد لما يجي يشحد بت بيقول ليها شنو ؟
ولا حديثك الدائم عن ال(.........)ــة والمعــرصين وما الى ذلك من الفاظ الشوارع والغريب انو المدريتر بتاع بكرى بيجذف الكلام دا وانت بتجتهد في اخراجها للملأ ليه انت بتعمل كدا ؟
انت بتفتكر شنو لما تكتب كلام زي دا ؟
بتكبر في عين الناس ؟
الفاشلون فقط هم من يفعلون ذلك ؟ جزء كبير من مرتادي ومعتادي الجريمة ينتهجون نفس الاسلوب من اجل ان يكونوا معروفين .
وشــوف دي كمان
اهــا رايك شنو ؟
هل زول زيك كدا بيقول زي الكلام الفوق دا مؤهل عشان يحكم على انسان بانو سوي او غير ذلك تبا لك وتب الم اقل لك يوما بانك فاقد تربوي ... ما علينا عشمي في الله كبير وهو قادر ان يلحقك بالصالحين امثالي واخونا اساسي وياعد بينك وبين من تسميهم اصدقاء انا في تقديري انت زول ممكن تبقى كويس لو شايف ان الانسان يكون حاجة كويسة اكيد حتصل .
وبدين يا دكين من امراضك برضو الانفة والانا المتورمة فيك دي
ليه كدا؟
انت شايف نفسك شنو ؟
اقصد المبرر الخلاك تعتقد انك مميز عن باقي اعضاء البورد شنو ؟ يعني انت هسه فرقك شنو من محمد عادل وبقال ودينق عاطف عبدون ووووو
عشان شنو افهم انا بس ؟
مغترب ؟ مليون واحد زيك
خريج جامعة ؟ شنو يعني
عندك عربية جديدة ؟ برضو ما مبرر
كاتب كبير لا اعتقد
ياخ لو انت كنت كاتب زي تاج السر الملك
ولا عماد عبدالله
او يحى فضل الله كان سويت شنو ؟
ما ياهو هرارك البتجي تهرو هنا دا فرقو شنو من بوستات الناس التانيين
وتاني صدقني اي كلام فارغ هنا دا بجي اخليك تخمو وتمشي واوعك تفتكر انك احسن من اي زول هنا ..
ودي آخر مرة اتكلم معاك فيها بالطريقة دي ... بس حاول اختلي بنفسك وفكر في كلامي دا اكيد حتستفيد كالعادة
______
تاني بجيك بالمسطرة
يحلل ليك كلامك وافككو واثبت ليك انك ما عندك فرق كبير
من اي عضو هنا .. فاهم
يللا سمعني نشيد العلم عشان انا ماشي
سلام يا صاحبي
يمكن اجي راجع ويمكن ما اجي
علي كيفي
..
..
وهبة بتاع البط
|
Post: #30
Title: Re: اللواء 21 مظلي
Author: عبدالوهاب علي الحاج
Date: 11-21-2009, 09:12 AM
Parent: #29
اسئلة مطروحة منذ منتصف نهار أمس الجمعة وتبحث عن إجابات
..
..
ليه انت شايف نفسك احسن من باقي الاعضاء ؟
ما هي المبررات او ما المبرر الذي قادك الى ذلك الاعتقاد ؟
ولو افترضنا - مجرد افتراض - انك كاتب كويس
وانك بتكتب احسن من
تاج السر الملك
او عماد عبدالله
او حمور زيادة
او يحى فضل الله
نقول انك بتكتب احسن من الفوق ديل - وهيهات - هل دا بديك مبرر انك تقل ادبك
لازلت في انتظار اجابتك
وسالاحقك بهذه الاسئلة الى يوم الدين
ملحوظة :
وسأقوم يوميا برفع هذا البوست ماحييت او اسقط دونه شهيدا
..
..
وهبة
|
|