Post: #1
Title: صفاً واحد.... خلف مصر ....
Author: hanouf56
Date: 11-18-2009, 03:52 AM
انا خلف المنتخب مصر حتي النهاية
ما حبا في المصرين ولكن اعجابا وتقديرا للاعبي المنتخب المصري ولمدربهم القدير
للناس المامتابعين وبقي بشجعو كورة الايام دي
انا وواحد صاحبي لامن الجزائر جابت 7 نقاط قنا انو خلاص ... مصر تشرب ما تروي ...
الوضع كان كالاتي الجزائر 7 نقاط
ومباراتين في الجزائر
والاخيرة خارج الجزائر (في مصر)
فحسابيا 7 +6 = 13 ضمن التأهيل
مصر 4 نقاط
ولديها مباراتين خارج مصر
والاخيرة في مصر مع الجزائر ...
قنا في احسن افتراض يتعادلو في واحد ويفوز في التاني
يبقي 4+1+3 = 8 .... ويكونو ركبو التونسية
في الوضع الحرج دا ... انتفض المنتخب المصري وقدر يفوز في المباراتين الخارجيتن وبقي عندو 10 نقاط ...
والجزائر كذلك حققت الفوز في المباراتين في ارضها وبقت عندها 13 نقطة
ولاني قت انو مصر (تشرب ما تروي ) وهم اثبتو لي وللعالم انهم علي قدر التحدي انا معاهم
ياخي دي دروس مجانية في العزيمة والاصرار ....
شفتو كيف !!
يعني انا مع مصر لاني كنت متابع موقف المجموعة ومهتم بيه
عليكم الله كدي شوفي لي كم نفر في الناس الجايطة ديل عارف كان كيف في المجموعة دي !!!؟؟
وبخصوص المباراة ... ليه في مباراة فاصلة في المجموعة دي !!!؟؟
ما هي نظام نقاط واهداف !!؟؟ ليه الفيفا قال الا مباراة فاصلة ... ما حسابيا الجزائر متقدم علي مصر بعدد الاهداف المسجلة !!؟
روقو في علبكم ... وما تدخلو لينا السياسة وحلايب في الكورة
ديل شباب يستحقو الاحترام والتقدير حتي ولو خسرو مباراة بكرة
|
Post: #2
Title: Re: صفاً واحد.... خلف مصر ....
Author: hanouf56
Date: 11-18-2009, 12:29 PM
Parent: #1
*
|
Post: #3
Title: Re: صفاً واحد.... خلف مصر ....
Author: GamarBoBa
Date: 11-18-2009, 02:17 PM
Parent: #2
يا زول بلا مصر معاك عامل راسك الكبير ده
قبل شوية في السلام روتانا لاقيت زي 200مصري ومصرية معاهم الاهبل الاسمه سعد الصغير البغني انا بحبك يا حمار
الشهاده لله يا محمد وراه مزز كدة لابسات نضارات بشبهوا السمك بتاع الزينة داك
لكن والله كلو لم يحرك فيني ساكن...اتذكرت ليك عبود وبيعة حلفا قلت ليهم الليلة حيقطعوكم انشاء الله،حمروا لي حمرت ليهم
انا اكره مصر ولا اتمني لها الريادة في اي شي
|
Post: #4
Title: Re: صفاً واحد.... خلف مصر ....
Author: hanouf56
Date: 11-18-2009, 02:38 PM
Parent: #3
Quote: قبل شوية في السلام روتانا لاقيت زي 200مصري ومصرية معاهم الاهبل الاسمه سعد الصغير البغني انا بحبك يا حمار
الشهاده لله يا محمد وراه مزز كدة لابسات نضارات بشبهوا السمك بتاع الزينة داك |
لو سمحت يا ابو الشباب ...
صور صور
دي مباراة تاريخية والمزز برضهم تاريخين ... الصور للتاريخ ... ما عشانا نحن
|
Post: #5
Title: Re: صفاً واحد.... خلف مصر ....
Author: GamarBoBa
Date: 11-19-2009, 10:47 PM
Parent: #4
اها يا ابراس كبير
بعد طلعوا ليك استادك راكوبة يا مريخابي
ومطارك بيت بكا
وبلدك خرابة
ونحن قاعدين في السهلة
لساك في رأيك ياخوي؟؟
مش قلت ليك حركاتهم دي قديمة خالص
قبل يولدونا؟؟؟
|
|