Post: #1
Title: أظرف حاجه(حوار الطرشان)بين شعب الجزائر و السودان في الخرطوم!!
Author: Tragie Mustafa
Date: 11-17-2009, 08:21 PM
غايتو ما متخيله الفيلم ده بيكون كيف
انا سمعته تصريحات لمشجعين جزائرين
لم افهم الا (البودي لانقوتش) زي ما بقولوا.
يعني شكلهم كانوا بشكرونا وقالوا شعب طيب
وانهم لم يتخيلونا ابدا هكذا!!
فهمت كل هذا من تعابير وجه المتحدث
لكن لو قلت لكم قدرت القط اي كلمه من (هدرته)
اكون كذابه.
اها هم الكلام بقول عليه (هدره) يبقى ممكن نفهم شنو؟؟؟
الاشفاق جاء عليهم من ذاكرتي مع المرحوم (عبد الله الطيب)
وهو يحكي عن(الحق ماطيشه) وقال مقصود بيها
علبة صلصه وانه في المغرب كان عايز صلصه حفى وعرى وما
عرف يفهمهم هو عايز شنو؟؟
لما لمحها في رف دكان وقال للراجل يا اخي انا عايز دي
فرد عليه (اااا انت تبغي حق ماطيشه) فقال البروف
بالله (علبة الصلصه عندكم اسمها حق ماطيشه؟؟؟)
اها يا عيني عليهم الجزائرين ديل ضيوفنا ترى من اين لهم بترجمان؟؟!!
الحقنا يا طارق جبريل مطلوب مترجم فوري
|
Post: #2
Title: Re: أظرف حاجه(حوار الطرشان)بين شعب الجزائر و السودان في الخرطوم!!
Author: Tragie Mustafa
Date: 11-17-2009, 08:33 PM
Parent: #1
اكرموا وفاداهم اخوتنا يا شباب....
عارفنكم ما بتقصروا وهم ضيوف
|
Post: #3
Title: Re: أظرف حاجه(حوار الطرشان)بين شعب الجزائر و السودان في الخرطوم!!
Author: Tabaldina
Date: 11-17-2009, 10:46 PM
Parent: #2
..
.
Quote: اكرموا وفاداهم اخوتنا يا شباب....
عارفنكم ما بتقصروا وهم ضيوف |
بالمناسبة بعيدا عن مواقف المصريين او من يشجع من ..!!
الناس دى ما بتعرف عربي الحته..
ما عارف عروبيتهم دي من ووين ؟؟
والاسواء شعب لئيم و عدائى بصورة غريبة يعنى من الان تحرشات
يا ريت مع المصريين برضو مع السودانيين .. بصورة مستفزة ..
بطريقتهم دى بكره يتغلبوا ويتجلدوا ..
__________
بس بصراحة جكسيهم الجوا صاقعة
كل من نوعية ديبورا فرانسوز وانتى طالعة
|
Post: #4
Title: Re: أظرف حاجه(حوار الطرشان)بين شعب الجزائر و السودان في الخرطوم!!
Author: hanouf56
Date: 11-17-2009, 10:49 PM
Parent: #3
Quote: بس بصراحة جكسيهم الجوا صاقعة
كل من نوعية ديبورا فرانسوز وانتى طالعة
|
الصور الصور
ولو بقت فيديو بكون احسن
|
Post: #8
Title: Re: أظرف حاجه(حوار الطرشان)بين شعب الجزائر و السودان في الخرطوم!!
Author: Tabaldina
Date: 11-17-2009, 11:01 PM
Parent: #4
..
.
يا هنوف ..
وين الزمن بيك !!؟
فيديو عديل كدا !!؟
غايتو بكره لو غلبوا بتجيك صور
لو العكس .. الا نجيب صور صالة المغادرة ..
___________
والله صدقنى .. كرنفال جمال وموضة
|
Post: #5
Title: Re: أظرف حاجه(حوار الطرشان)بين شعب الجزائر و السودان في الخرطوم!!
Author: العوض المسلمي
Date: 11-17-2009, 10:50 PM
Parent: #3
Quote: بس بصراحة جكسيهم الجوا صاقعة
كل من نوعية ديبورا فرانسوز وانتى طالعة |
لقيتك يا تبلدينا اصعب من وهبه ..
بيني وبينك الجكس ده نازل وين ؟؟؟
تراجي سلام ..
|
Post: #6
Title: Re: أظرف حاجه(حوار الطرشان)بين شعب الجزائر و السودان في الخرطوم!!
Author: Tragie Mustafa
Date: 11-17-2009, 10:53 PM
Parent: #5
الجكس نازل وين يا المسلمي يا مستهبل
(ههههههههههههههههههه)
عليك الله كان وريته يا تبلدينا
خليه مع البط المصري بتاعه قال مصر قال!!
(هههههههههههههههههههههههه)
لقيتك خطر يا شيخنا.
|
Post: #7
Title: Re: أظرف حاجه(حوار الطرشان)بين شعب الجزائر و السودان في الخرطوم!!
Author: Tabaldina
Date: 11-17-2009, 10:55 PM
Parent: #5
..
.
| Quote: بيني وبينك الجكس ده نازل وين ؟؟؟ |
عليك ببرج الفاتح يا زعيم
يمين تلقى شبيهات صوفى مارسو حايمات ..!!
___________
عموما الليلة سهرتهم صباحى
بس المشكلة اما انك تجيد الفرنسية
او تجيب معاك مترجم
|
Post: #9
Title: Re: أظرف حاجه(حوار الطرشان)بين شعب الجزائر و السودان في الخرطوم!!
Author: Amira Elsheikh
Date: 11-17-2009, 11:05 PM
Parent: #7
Quote: عموما الليلة سهرتهم صباحى
بس المشكلة اما انك تجيد الفرنسية
او تجيب معاك مترجم |
اها ياتبلدينا انت حتستعين بمنو??
ومع انك بشجع مصر عليك الله امشى جمب الهلتون بهناك وما تعرض بجاى...
ولاعلمك مع مصر وقلبك وعينك مع الجكس الجزائرى.....
تراجى ازيك وحمدلله بالشوفة......
غايتو المصريين ديل اكلو راسنا وخلوه قرعوبة.....
اسي لو ديل نحن لاعبين فى مصر كان حيعملو لينا القومة والقعدة دا??
|
Post: #11
Title: Re: أظرف حاجه(حوار الطرشان)بين شعب الجزائر و السودان في الخرطوم!!
Author: Tabaldina
Date: 11-17-2009, 11:22 PM
Parent: #9
..
.
| Quote: اها ياتبلدينا انت حتستعين بمنو?? |
بالاتنين شوية فرنسية ووايضا استعنت بصديق يجيدها ..
طبعا الهليتون ولا الفاتح تعتبر اماكن سودانية
يحق لى التنقل بينهما كما اشاء بحكم الجنسية ..
تحبى اوقع اجيب ليك اوتغراف من هناك ..
_________
ما بتسلمى على القرعوبة دى مالك..!!
|
Post: #14
Title: Re: أظرف حاجه(حوار الطرشان)بين شعب الجزائر و السودان في الخرطوم!!
Author: Amira Elsheikh
Date: 11-18-2009, 00:05 AM
Parent: #11
| Quote: ما بتسلمى على القرعوبة دى مالك..!! |
ياقرعوبة ازيك كيفك وشايفاك قارش ملحتى شديد
بما انى طولت من المنبر شكلى نسيت الاتيكيت خالص...
تراجى بكون لى سنة ماشفتها فبالتالى قلت اتحمدليها السلامة فانت ما تتحسس
ياودامى...اها بدل مساختك دى مش كان تسلم على برضو ??
خلينا نرجع لموضوع الجكس الجزائرى....تشيل العضم وتدينى التواقيع??اسوى بيها شنو??
والله الحركة دى كان بتنفع معاى لما كنت صغيرة وجاهلة لكن اسي توقيع شنو ورومانسية شنو ??
لو داير توقيع اى زول بس من بطلات العالم للتنس وانت ماشى ادينى خبر...
|
Post: #10
Title: Re: أظرف حاجه(حوار الطرشان)بين شعب الجزائر و السودان في الخرطوم!!
Author: Tragie Mustafa
Date: 11-17-2009, 11:19 PM
Parent: #3
تبلدينا اعمل حسابك باقي الجكس النضيف حيصل بكره...(هههههههه)
الا عارفنكم قالوا من رئيسكم مرورا بالوالي ذاته
كلكم قالوا (قليبي خفيف وما بقدر على الهبابي في عز الصيف)ّ(هههههههه)
Quote: الناس دى ما بتعرف عربي الحته..
ما عارف عروبيتهم دي من ووين ؟؟
والاسواء شعب لئيم و عدائى بصورة غريبة يعنى من الان تحرشات
يا ريت مع المصريين برضو مع السودانيين .. بصورة مستفزة ..
بطريقتهم دى بكره يتغلبوا ويتجلدوا ..
|
عربي شنو يا حبيب قلنا لكم ديل بربر وفي قولة آخرى امازيق
وشيء فرنسين!!
واللائمه دي حرارة قلب يا غالي..خليهم يعلموكم شويه!!
الا بكره ارجي المطار غايتو!!
|
Post: #12
Title: Re: أظرف حاجه(حوار الطرشان)بين شعب الجزائر و السودان في الخرطوم!!
Author: Tragie Mustafa
Date: 11-17-2009, 11:36 PM
Parent: #10
ترجمان ليه يا تبلدينا
Quote: عموما الليلة سهرتهم صباحى
بس المشكلة اما انك تجيد الفرنسية
او تجيب معاك مترجم |
ترجمان مافي بس شيخنا المسلمي
يسبل عيونه بس و الجكس الجزائري يرقد هبطرش...(ههههه)
هي المشاعر عازيه لغه يا تبلدينا يا اخي؟؟
صحيح معانا.
|
Post: #15
Title: Re: أظرف حاجه(حوار الطرشان)بين شعب الجزائر و السودان في الخرطوم!!
Author: Tragie Mustafa
Date: 11-18-2009, 04:00 AM
Parent: #13
شكرا يا انور على الفيديو
وبالله يا انور الرجاء دخول المواقع الجزائريه
واعلامهم اننا معهم.
|
Post: #16
Title: Re: أظرف حاجه(حوار الطرشان)بين شعب الجزائر و السودان في الخرطوم!!
Author: Hala Hassan
Date: 11-18-2009, 07:14 AM
Parent: #15
يا تراجى سلام،،
فعلا على قولك،
الموضوع إلا مترجم،
أنا ما محيرنى إلا المناصرين الجزائر يهتفوا معاهم يقولوا شنو؟؟؟
والله لقيت مصر دى حنينة بشكل،،،،
على قول المصرى واقف فى الشارع و الجزائريين بهتفوا ليه فى وشو،،،
أيوة يا خويا (هباهبا هبا هبا)))))،،،،
|
Post: #17
Title: Re: أظرف حاجه(حوار الطرشان)بين شعب الجزائر و السودان في الخرطوم!!
Author: Hala Hassan
Date: 11-18-2009, 07:23 AM
Parent: #16
يا جماعة فى زول شاف الجزائريين الدخلوا البلد ديل عاملين كيف؟؟
كلهم طول فى عرض
تقول داخلين معركة،
و بييييض (عينى باردة)،
وووووووو،،،،
مافى واحد فيهم شين ،،
الكلام لناس تلبدينا،،
الماشين يتحاوموا و ما عارفين الجكس محروس كيف،،،،،
|
Post: #18
Title: Re: أظرف حاجه(حوار الطرشان)بين شعب الجزائر و السودان في الخرطوم!!
Author: MOHAMMED ELSHEIKH
Date: 11-18-2009, 08:01 AM
Parent: #17
Quote: الكلام لناس تلبدينا،،
الماشين يتحاوموا و ما عارفين الجكس محروس كيف،،،،، |
تبلدينا والله عايز حماية
عليك الله يا تراجي توصي عليهو اصحابك الجزائريين الأمازيق ديل
|
Post: #19
Title: Re: أظرف حاجه(حوار الطرشان)بين شعب الجزائر و السودان في الخرطوم!!
Author: Tabaldina
Date: 11-18-2009, 09:08 AM
Parent: #17
..
.
Quote: كلهم طول فى عرض
تقول داخلين معركة، |
وكمان شروط الحصول لتاشيرة السفر لحضور المبارة
ان يكون قوى البنية ..
معقولة اتخيلوا يا ناس ..
والعجب اقبالهم على شراء الاسلحة البيضاء
الله ما خلو سكين ولا ساطور حايم
بس ربنا يلطف ..
_________
غايتو لو بالطريقة دي وطلعوا حمشين يا هاله الواحد لجكسيهم دا
الا يقف بعيد فى اطراف السنط ويعاين
|
Post: #21
Title: Re: أظرف حاجه(حوار الطرشان)بين شعب الجزائر و السودان في الخرطوم!!
Author: رشا سالم
Date: 11-18-2009, 11:12 AM
Parent: #20
تراجي وتبلدينا واميرة الشيخ وكل الشباب...مشتاقة ليكم شديد والله
لي زمن الباسورد بتاعي ضايع وما لاقية لي فرقة ارسل لبكري..
اها النحكي ليكم بموضوع الجزائر ومصر ديل ..
المصريين مستهبلين ودي ما دايرة ليها درس عصر..لكن الجزائريين
ديل لا بنعرفهم كويس ولا بيعرفونا كويس وبرضو بيتفاصحو علينا..
هسه انا كنت بحضر في الmbc 1 برنامج صباح الخير ياعرب..جايبين بث مباشر
من استاد المريخ للفعاليات المصاحبة..ومستضيفين واحد جزائري اسمو حيدر ........
الراجل من غير اي مناسبة قال السودانيين مبسوطين لانهم اليوم عندهم نص دوام
لأنهم كسلانيين!!!!!!!!!
واحد زي دا يقولو عليهو شنو؟؟
ياخي انت الكسلان لأنك بتأخد الافكار الجاهزة وما بتحاول تجتهد ولا تكون تجربة
ولا معرفة خاصة بيك ..وبتاخد افكارك الجاهزة دي من المصريين نفسهم المزعلينك ديل..
الزول دا دبرس بي شديد وحسسني بانو السودان دا حيكون مظلوم كدا لابد الأبدين..
|
Post: #22
Title: Re: أظرف حاجه(حوار الطرشان)بين شعب الجزائر و السودان في الخرطوم!!
Author: Tabaldina
Date: 11-18-2009, 11:14 AM
Parent: #20
..
.
صراحة يا هالة عندى تذكرة مقصورة
عارضها براس ماله 300
والحالة راس المال زاتو كان من السوق الاسود ..
_________
جنس السواطير والبنية الجسدية دى
احسن نشاهد من منازلهم
|
Post: #23
Title: Re: أظرف حاجه(حوار الطرشان)بين شعب الجزائر و السودان في الخرطوم!!
Author: حمد عبد الغفار عمر
Date: 11-18-2009, 11:29 AM
Parent: #22
تراجي سلام وكمان ضيوفك
تعرفي المباراة دي ذكرتني المثل بتاح بخيتة البقول:
بخيته في حق الناس نشيطة وفي حقها ماسكاها الخبيتة
طبعا واضح انها بتشتغل في مناسبات الناس و بتنوم في مناسبات بيتها
يلعب الفريق السوداني الخبر في التلفزيون يكون نص دقيقة بس
واهوانت شايفة لينا اسبوع مع المباراة دي كل المستويات وكل مقدرات السودان تحت الخدمة
غايتو انا مبسوط للرحمة الجات للناس من التذاكر دي اشتري بعشرة دولار ويبيع بـ400 دولار
يعني حق العيد مرق بخروفو. وكمان برنامج للناس امرقهم من الرتابة العايشنها دي وزي ما قال ليك تبلدينا الجكس يرد الروح
نتمنى انها تمر على خير
|
Post: #24
Title: Re: أظرف حاجه(حوار الطرشان)بين شعب الجزائر و السودان في الخرطوم!!
Author: Tabaldina
Date: 11-18-2009, 11:38 AM
Parent: #23
..
.
Quote: الراجل من غير اي مناسبة قال السودانيين مبسوطين لانهم اليوم عندهم نص دوام
لأنهم كسلانيين!!!!!!!!!
واحد زي دا يقولو عليهو شنو؟؟ |
سلام يا رشا
وحمدلله على السلامة
ياخى الجزائرين ديل تافهين بمعنى اللكلمة
واستفزازيين و بالجد ممكن نلقى تفسير لكره المصريين للسودانيين والعكس
لكن ديل مع منو ؟؟
غير يجدعوا ويجيبوا الحجار فى الفارغة
| Quote: ياخي انت الكسلان لأنك بتأخد الافكار الجاهزة وما بتحاول تجتهد ولا تكون تجربة |
والله لو كنت محل المزيع كنت افحمته
على الاقل خبتو بالمايك فى راسو
_________
بلا جزائر بلا مليون عولاق زاتوو
|
|