Post: #1
Title: مالو لو سودانيزونلاين تدخل المولد بقاعدتها الضخمة وسط المثقفين وتتبني حملة عبدالله علي إبراهيم
Author: صباح حسين طه
Date: 11-17-2009, 07:40 PM
أولا زول ما مرتبط بي حزب غير السودان
لا امة لا اتحادي لا شيوعي لا جبهة لا جيش
زول من حر مالوا وبشجاعة نادرة ورغم ضعف آماله في التنافس نزل في الساحة وقال أنا بتحدي الرئيس
أكبر عقل مثقف وسياسي ينزل مرشح للرئاسة في تاريخ السودان
|
Post: #2
Title: Re: مالو لو سودانيزونلاين تدخل المولد بقاعدتها الضخمة وسط المثقفين وتتبني حملة عبدالله علي إبرا
Author: Tragie Mustafa
Date: 11-17-2009, 07:44 PM
Parent: #1
هو بلا المثقفين ديل الودنا في داهيه منو؟؟؟؟
| Quote: أكبر عقل مثقف وسياسي ينزل مرشح للرئاسة في تاريخ السودان |
فضلوا ينظروا لما الكيزان نطوا في ضهرنا.
وبعدين عبدلاكم هذا لسه ما قبلنا عليه
لانه عارفنه قصه فاضيه لا تستحق مناقشتها من اساسه.
اما ان تشوبروا قدر ده وعايزين تزوروا ارادتنا يسمكم.
ولسه عبد الله علي ابراهيم جاينه وحننكش ايام العسل
العاشها وهو يغازل في الانقاذ ويتودد اليها.
فكرننا شعب ما عندو ذاكره ولا شنو؟؟؟
قادر الله!!
|
Post: #3
Title: Re: مالو لو سودانيزونلاين تدخل المولد بقاعدتها الضخمة وسط المثقفين وتتبني حملة عبدالله علي إبرا
Author: صباح حسين طه
Date: 11-17-2009, 07:51 PM
Parent: #1
البقولوا ننتظر لحدي المعارضة كلها تتفق علي مرشح أقول ليهم دي أحلام ظلوط
الأحزاب المعارضة مش ما حتتفق علي مرشح واحد وبس بل وبتتآمر علي بعض وممكن كمان مع الحكومة
والحكومة من مصلحتها إنها تفركش المعارضة وبتنجح بكل السبل
بعدين يا أخواني لو المعارضة اتفقت علي زول مالوا نمشي كلنا وراه
لكن هسة د. عبدالله أحرج الحكومة والمعارضة معاً وختاهم جم الأمر الواقع
والداير يعمل شيئ أها دي الفرصة قدامه
الراجل مكالبنه بخمسطاشر الف موقع علي ترشيحه ولو سودانيز عملت حملة يلمهم في اسبوع
اها قلتوا شنو
|
Post: #4
Title: Re: مالو لو سودانيزونلاين تدخل المولد بقاعدتها الضخمة وسط المثقفين وتتبني حملة عبدالله علي إبرا
Author: صباح حسين طه
Date: 11-17-2009, 07:53 PM
Parent: #3
| Quote: هو بلا المثقفين ديل الودنا في داهيه منو؟؟؟؟ |
اسرائيل وعميلاتها
|
Post: #5
Title: Re: مالو لو سودانيزونلاين تدخل المولد بقاعدتها الضخمة وسط المثقفين وتتبني حملة عبدالله علي إبرا
Author: Ahmed musa
Date: 11-17-2009, 08:00 PM
Parent: #4
صباح مع إحترامي لك
ولـــ عبدالله علي إبراهيم
ولكنه ليس الشخص المقنع
ممكن نقرأ ليه كتاباته
ونستمتع بيها
لكن قصة رئيس دي حارة شوية
مع إحترامي لقناعاتك
وبعدين مسألة البورد يقود حملة دي فدي أحلام ظلوط زاتها
لأن البورد ده متعدد المشارب
ودمتي
اختي
|
Post: #6
Title: Re: مالو لو سودانيزونلاين تدخل المولد بقاعدتها الضخمة وسط المثقفين وتتبني حملة عبدالله علي إبرا
Author: صباح حسين طه
Date: 11-17-2009, 08:11 PM
Parent: #5
أخ أحمد انت ذي المن صف البشير ولا قول لي بديلك منو
كان للسياسة بفهم فيها أكتر من المؤتمر الوطني من رئيسه لحدي المنسيين فيه
كان للنزاهة أهو طارح نفسه بقروشه مش بقروش الشعب أو حزب
كان للوطنية هو نازل باسم السودان وزولكم نازل باسم المؤتمر الوطني
بعد دا بس لو الآن في الساحة الموجود البشير ود.عبدالله شنو البخلي البشير مناسب وعبدالله ما مناسب
العندو بديل أفضل يجيبه ويانا ما محزبين أي زول كويس نحن وراه
|
Post: #7
Title: Re: مالو لو سودانيزونلاين تدخل المولد بقاعدتها الضخمة وسط المثقفين وتتبني حملة عبدالله علي إبرا
Author: Ahmed musa
Date: 11-17-2009, 08:22 PM
Parent: #6
أختي صباح حسين
إنتي كتبتي
Quote: أخ أحمد انت ذي المن صف البشير ولا قول لي بديلك منو
كان للسياسة بفهم فيها أكتر من المؤتمر الوطني من رئيسه لحدي المنسيين فيه |
ودي مقبولة ومبلوعة لأنك ما بتعرفيني
وإحتمال تكوني صاح
وإحتمال تكوني غلط!!!!
أها طوالي في الجملة البعدها كتبتي
يعني فجأة كدا رجعتي
وأكدتي
أنو أنا من جماعةالبشير
وأنا بصراحة ما في زول قبل كدا سألني
لكن أجاوب ليك
أنا لو نزل البشير
وعدد من الأسماء الفي رأسي
فأنا بدي البشير
بما فيهم (زولكم) عبدالله ده
أما أنا من جماعة البشير
فعشان أريحك أنا (حالياً) ما منهم
|
Post: #8
Title: Re: مالو لو سودانيزونلاين تدخل المولد بقاعدتها الضخمة وسط المثقفين وتتبني حملة عبدالله علي إبرا
Author: Deng
Date: 11-17-2009, 10:01 PM
Parent: #7
ههههههههههه
|
Post: #9
Title: Re: مالو لو سودانيزونلاين تدخل المولد بقاعدتها الضخمة وسط المثقفين وتتبني حملة عبدالله علي إبرا
Author: د.نجاة محمود
Date: 11-18-2009, 01:21 AM
Parent: #8
الخيار الافضل الى الان للشعب السوداني
هو عبدالله على ابراهيم..
|
Post: #10
Title: Re: مالو لو سودانيزونلاين تدخل المولد بقاعدتها الضخمة وسط المثقفين وتتبني حملة عبدالله علي إبرا
Author: د.نجاة محمود
Date: 11-18-2009, 01:27 AM
Parent: #9
ازيك يا باح وكل سنة وانت طيبة
مع من تحبين وعيد سعيد
|
Post: #11
Title: Re: مالو لو سودانيزونلاين تدخل المولد بقاعدتها الضخمة وسط المثقفين وتتبني حملة عبدالله علي إبرا
Author: صباح حسين طه
Date: 11-18-2009, 02:40 AM
Parent: #10
تشكري يا نجاة ويا ريت لو تتكامل الجهود لدعم هذا الرجل القامة والذي يتطاول عليه من لا يساوي واحد في المية من علمه وخبرته السياسية
|
Post: #12
Title: Re: مالو لو سودانيزونلاين تدخل المولد بقاعدتها الضخمة وسط المثقفين وتتبني حملة عبدالله علي إبرا
Author: صباح حسين طه
Date: 11-18-2009, 02:42 AM
Parent: #11
المشكلة مداخلتك ما واضحة عشان كدا ماغ حأقدر أقول ليك غير شكراً لحدي ما توضح لينا معني المداخلة
|
Post: #13
Title: Re: مالو لو سودانيزونلاين تدخل المولد بقاعدتها الضخمة وسط المثقفين وتتبني حملة عبدالله علي إبرا
Author: Tragie Mustafa
Date: 11-18-2009, 03:56 AM
Parent: #12
شفتي يا اشتاذه عشان
قلة ادب العربوين الزيكم ديل
يشمها قدحه زولكم ده
وبعيدن احترمي روحك
انت جايه تشحدي اصواتنا
مش تقلي ادبك وتوصفينا بالعماله.
سودانيز دي عندنا فيها اكثر منك
وباقلامنا العمليه دي صنعنا منه قبله للشرفاء وقع لك.
مش زيك مداخلاتك كلها مجاملات اتحداك البعرفك شايته لوين
سياسيا هنا منو؟؟؟
قال التفوا حول عبد الله.
لعلمك مافي زول حيغطس حجره غيرك انت وحيدر قاسم
لانه مواقفكم مرخيه شديد تجاه قضايا مصيريه للامه.
وكملت الفيلم د.بيان
خلاص الراجل انتهيتوا منه منبريا.
|
Post: #14
Title: Re: مالو لو سودانيزونلاين تدخل المولد بقاعدتها الضخمة وسط المثقفين وتتبني حملة عبدالله علي إبرا
Author: د.نجاة محمود
Date: 11-18-2009, 05:03 AM
Parent: #13
| Quote: وباقلامنا العمليه دي صنعنا منه قبله للشرفاء وقع لك. |
باقلامنا نحنا ديل يا تراجي الرعيل الاول
بينياالبوردات دي
لغاية ما جيتو انتو وعملتو ليها هايجاكنق
وبوظتوهابالجهوية والقبلية والدعاوى الزائفة...
راي المنابر دي شوي الحوارات المحترمة الدارت فيها
بين كل الوان الطيف..
بعدين يا ستى موش اي زول حر يرشح العايزو؟
مشكلتك شنو انت؟
عايزة تحجري علينا خياراتنا؟
الضحك على الدقون واللعب بالقضايا وتفريغها من محتواها
دا ما بتفع معانا.
نرجو من كل المثقفين دعم عبدالله على ابراهيم
لخبرته السياسية ومعرفته العالية وثقافته الموسوعية وتنوع خبراته
ولانه عالم كبير..
اتى زمن الرئيس المتعلم المتحضر
منه الخلاص يبدأ..
ياثوار الاصبع البنفسجي
يدينا للبلد يدينا لعبدالله ابن الشعب الاغبش
ياثوار الاصبع البنفسجي
|
Post: #15
Title: Re: مالو لو سودانيزونلاين تدخل المولد بقاعدتها الضخمة وسط المثقفين وتتبني حملة عبدالله علي إبرا
Author: Hisham Osman
Date: 11-18-2009, 06:38 AM
Parent: #1
كنت من المداومين علي كتابات عبدالله واحاديثه وبعض المرويات عنه, ثم التقيته
في جلسة في واشنطن, لذلك لانحتاج لترجمة علي الشريط لادراك كنه الرجل,فقد
ابان حقيقته بنفسه وطرح علي الناس لواءه He showed his colours,
السودان يحتاج ان يبدا بشكل عاجل وفوري مسيرة اكمال البناء الوطني
Nation building, لخلق وعي ووجدان مشترك بين اقوامه المتنافرين,لذا اخر
مانحتاجه هو عبدالله علي ابراهيم, فالرجل بعد ان اعتنق ايدولوجيا
( اولاد العرب ),لم يعد شخصا مناسبا ليس فقط كمرشح رئاسي, بل اصبح من
الصعب التعامل معه كمثقف حقيقي, فهو paradigm لانحدار الوعي.
Quote:
أكبر عقل مثقف وسياسي ينزل مرشح للرئاسة في تاريخ السودان |
الاقتباس اعلاه يحكي عن افة من افات التفكير السوداني الكلاسيكي,الا
وهي ارسال الاحكام الجزافية ببداهة وعفوية بدون ضبط منهجي او احتراس .
|
Post: #16
Title: Re: مالو لو سودانيزونلاين تدخل المولد بقاعدتها الضخمة وسط المثقفين وتتبني حملة عبدالله علي إبرا
Author: صباح حسين طه
Date: 11-18-2009, 01:07 PM
Parent: #15
Quote: سودانيز دي عندنا فيها اكثر منك
وباقلامنا العمليه دي صنعنا منه قبله للشرفاء وقع لك. |
والله يا تراجي انت فاكاها في روحك جنس فكة
ما عارفة لمان تصحي علي صوت فرقعة البالونة الفاضيةالواهمة بيها نفسك عن أهمية المفكرة المناضلة العلم تراجي حتعملي شنو
انت يا تراجي ليس الا وهم كبير وتذكري كلامي دا كويس
انت صنعتي من سودانيز قبلة للشرفاء
دي ما سمع بيها حسن موسي
ههههههههههههههههههههههههههههههه
|
Post: #17
Title: Re: مالو لو سودانيزونلاين تدخل المولد بقاعدتها الضخمة وسط المثقفين وتتبني حملة عبدالله علي إبرا
Author: Abureesh
Date: 11-18-2009, 01:19 PM
Parent: #16
Quote: أولا زول ما مرتبط بي حزب غير السودان
لا امة لا اتحادي لا شيوعي لا جبهة لا جيش |
يا أخى العزيز، المهم المرشح يكون مؤهل، بعد داك يكون حزبى أو لا حزبى شئ ثانوى.. وما فى مانع
يكون من أحد الأحزاب لو كان فعلا مؤهلا لقيادة البلد.
بعدين القاعدة الضخمة دى أحسن تبعد منها، حتركبو التونسيـة!... قبل كدا كشفوا نومتو فى موضوع الوثائق
الفشنك التى أتى بها ضد د. مصـور خالد..
|
Post: #18
Title: Re: مالو لو سودانيزونلاين تدخل المولد بقاعدتها الضخمة وسط المثقفين وتتبني حملة عبدالله علي إبرا
Author: د.نجاة محمود
Date: 11-18-2009, 01:29 PM
Parent: #17
Quote: الاقتباس اعلاه يحكي عن افة من افات التفكير السوداني الكلاسيكي,الا
وهي ارسال الاحكام الجزافية ببداهة وعفوية بدون ضبط منهجي او احتراس . |
تحب نخاطبك باسمك التاني الكنت بتشتم بيه الناس هنا
وتألف فيهم القصص في سمعتهم
اسم "سوداني" آل
زمنك يا مهازل فامرحي...
سوداني يتكلم عن السودان والمناسب شنو للسودان...
وعن المنهج شنو
رجل كذاب وخائض في اعراض الناس وذممهم
باسم وهمي...
المنهج هين.
الكلام على الاخلاق والاحترام والصدق..
|
Post: #19
Title: Re: مالو لو سودانيزونلاين تدخل المولد بقاعدتها الضخمة وسط المثقفين وتتبني حملة عبدالله علي إبرا
Author: د.نجاة محمود
Date: 11-18-2009, 01:34 PM
Parent: #18
سلامات يا ود الخالة
لقد ورد اسم منصور خالد في تلك الوثيقة
حقا...
|
|