(صوره نادره...إحتمال تكون صور).....أعجب عمليه!!!!!!!!!!!!

دى صوره نادره وصلتنى بالإميل....ما عارفه الزول ده بعملو ليهو فى عملية شنو؟؟؟

تربيزه مافى يختو فيها النقاله دى...؟؟

والدكتور ده بقعد فى الواطه لى زمن قدر شنو؟؟

ومساعد عمليه واحد بعد كل المقصات دى؟؟؟

وجزمة الدكتور أكل عليها الدهر وشرب!!!

والله يا إقبال صورة نادرة جداً ولكنها لا تدعو للعجب
لسبب بسيط ...
المشهد في الصورة لا تختلف كثيرا عن غرف العمليات الآن في بعض المستشفيات السودانية الريفية

كم من العمليات الخطيرة والعمليات القيصرية تجري بنور الفانوس وفي غرف غير مهيأة حتى لإجراء غيار وتضميد للجروح.
لك خالص مودتي

الأستاذ حبيب بلدو

تحياتى

كلامك صحيحيح....بس يمكن أنا طالت بى الغربه ساكت....

فى السودان مافى شئ ما متوقع.............



إقبال

اقبال
الصورة دى ماغريبة على .!!
هم تقريبا طلبة من كلية غردون بيتعلموا التشريح .. على ما اظن والصورة
دى كانت فى بوست هنا ..!!

سلام يا مزّمل

يعنى الزول ده ميت...قصدى فى لحظة الصوره....

والقايظنى إنو النقاله دى ما يختوها فى تربيزه...حتى الزمن داك لازم حاجه توريك إنو ده السودان!!!!

سلام ..

طيب ليه ماتكون صورة جنازة بيكفنوها ؟!!!

Quote: سلام .. طيب ليه ماتكون صورة جنازة بيكفنوها ؟!!!

سلام يا فايز

هى الجنازه دى الواطه ما راجياها...ما يرفعوها فى الطربيزه عشان تسهل على الناس ديل مهمتهم...

الدكتور ده كرعينو خدرن....

الأخت أقبال
بالرغم من انو الصورة تبدو من سنة (دو) الا ان الواقع الآن لم يتغير كثيرا.

وصورة وردي جاتك ... ؟

Quote: وصورة وردي جاتك ... ؟

دي ؟






تحاياي أُستاذة إقبال

العملية عملية ختان .. و النقالة على الأرض لأن المختون رجل.




____
لو كان المختون طفل
لوضعت النقالة على تربيزة.

الزول ده شكلو شمالى ...

يعنى ما حديث عهد بالإسلام عشان يختن على كبر!!!!

Quote: دي ؟

هي انت برضو جاتك ...
حكمتو بالغة ...





_________________________________
راجينك انت وصديق في اجتماع الرابطة يوم الجمعة

أخ لؤى

سلامات

بديك (ندى محمد عثمان)...ندى القلعه قبل ما تبقى ندى القلعه و قبل الشريف ههههه...

Quote: وصورة وردي جاتك ... ؟

الأستاذ عوض عكاشه

تحياتى

أظن الإميل ده حايم على العالم كلها...

أنا زاتى عملت ليه فورورد لى كم نفر....

تحياتى
إقبال

Quote: الأخت أقبال بالرغم من انو الصورة تبدو من سنة (دو) الا ان الواقع الآن لم يتغير كثيرا.

الأخ قلقو

تحياتى

الشئ المؤسف إنوالواقع ماشى للأسوأ عندنا فى حين أنو الناس التانيين ماشين لقدام...

ودى
إقبال

Quote: تربيزه مافى يختو فيها النقاله دى...؟؟ والدكتور ده بقعد فى الواطه لى زمن قدر شنو؟؟ ومساعد عمليه واحد بعد كل المقصات دى؟؟؟ وجزمة الدكتور أكل عليها الدهر وشرب!!!

سلامات يا إقبال
هى أظنها صورة لطلاب كلية كتشنر الطبية بتعلموا في التشريح
أظنها - وصور تماثلها عجباً - موجودة في بوست الزميل ماضي أبوالعزايم
لكن الألطف على الإطلاق
تعليقاتك
خاصة ( كرعين الدكتور الخدرن )

بس أوع يكون الطلبة ديل ( لاطشين الجثة ) من مختبر التشريح
وجابوها هنا
عشان ياخدوا راحتهم في المذاكرة بدون مزاحمة من الآخرين
قام واحد شافوهم صورهم ( متلبسين )

باين كدا بتدي تفسير لأسئلتك الحيرى دي ؟؟

Re: أعلام و أماكن صور نادرة (2)

الاخت إقبال و المتداخلين
سلام

أعتقد الصورة فى مستشفى و فى قسم الحوادث او العملية الصغيرة
و أعتقد الدكتور بركب فى قسطرة بول (إعتقاد)لانو رغم الادوات
مافى دم و على يسارة واضح وجود المطهر على و بالتأكيد
هى ما عملية ختان لانو الممرض الموجود على رأس المريض واضح
إنو بتاع تخدير (الختان ببنج موضعى)
المصدر بقول (عملية فى بداية القرن العشرين)
تحياتى

Quote: العملية عملية ختان .. و النقالة على الأرض لأن المختون رجل.

ختان في العين يا ملاسي؟؟

Quote: ختان في العين يا ملاسي؟؟

أستاذ نوفل

شكراً على المرور

سلام يا اقبال
وتحياتي
الصورة منشورة على الموقع الموضح في الاسفل
ووجدت هذا التعليق على الصورة

Quote: Text on typed sheet attached to verso: Exclusive feature set of the New York times. London: Great-Britain defeats the mosquitoes. The remotest medical station in world. The last ten years brought the gratest [sic] medical revolution for centuries in the Sudan which is comperatively perhaps more important than the discoveries and inventions of the greatest doctors of mankind. Ten years ago the Sudan was the center of horrible diseases threatening other continents because of the danger that the contagious dlseases would spread beyond her borders. Today she is the healthiest country in the world. This marvel of change was effected by a few men: the British doctors of the Sudan Medical Service. Their tremendous work started exactly ten years ago when the Egyptians left the Sudan and the Government became British. The first thing they did was the organisation of this medical service which immediately started a war against the mosquitoes and different germ [sic] hiding in the dirty houses of the natives, in the lakes and standing waters. In the remotest parts of the country they established medical stations which are run by native doctors or medical officers who were trained in the newly erected Lord Kitchener School of Medicine in Khartoum. Our ecxlusive [sic] pictures show the work in the most distant medical station of the S.M.S. in Gallabat, on the Abyssinian border, a place known as the unhealthiest among the unhealthy Sudanese villages, where malaria mosquitoes and Tse-tse flies rules [sic] for centuries. The theatre of operation in the Gallabat hospital. Though the equipment is primitive the conditions are proper. Summary Foreground: a man applying anaesthesia with a facemask. Left, a shelf of bottles on sheets of newspaper. Background, a young man with surgical instruments Cite as Wellcome Library no. 659877i

ارجو ان يكون قطع قول كل خطيب !!
لك التقدير

أستاذ شمس الدين

سلام

Quote: ختان في العين يا ملاسي؟؟

أسألو دبل....!!!

Quote: ختان في العين يا ملاسي؟؟

لووووووول عين شنو يا شمس الدين ولدي ؟؟؟!!
انا بفتكر دا الزول المخدر وهو يضع قطع من الشاش علي انف المريض
ويصب عليه قطرات من الماده المخدره كي يستنشقه المريض
بينما يقوم الجراح بالعمليه والتي لم اتبين الي الان نوعها

الأستاذ ماضي ابو العزائم

تحيه واحترام

أولاً متأسفه ما كنت عارفه الصوره فى بوستك مع أنى دخلتو كم مره



ما أفتكر إنها قسطره لأنو القسطره ما (بعتقد) إنها ببنج كامل...

إحتمال يكون لسه ما بدأ العمليه....!!!!


ودى
إقبال

Quote: سلامات يا إقبال هى أظنها صورة لطلاب كلية كتشنر الطبية بتعلموا في التشريح أظنها - وصور تماثلها عجباً - موجودة في بوست الزميل ماضي أبوالعزايم لكن الألطف على الإطلاق

عاطف سلامات

والله تحليلك يبدو منطقى....لولا إنو الجثه ما بخدروها....هههه ...دقست فى دى



لكن إنت فى لطشة الجثه ولا مرق النقاله دى من شجره مانعه التقول دايرين يشيلو فيها فيل...



ودى
إقبال

Quote: أولاً متأسفه ما كنت عارفه الصوره فى بوستك مع أنى دخلتو كم مره

ياستى الهدف واحد و فى النهاية الصور دى حق مشاع للكل
ودى

Quote: أستاذ نوفل شكراً على المرور

سلامات اقبال
ومعليش نسيت اسلم عليك .. تعليق السنونسي دا قطع مصاريني بالضحك
بخصوص الصوره - رغم انها مرت علي - لكن ما قدرت احللها
اذا افترضنا انها مستشفي ريفي او شفخانه تفتقر لبعض الاشياء الضروريه
بنلقي انه التحليل غير دقيق اذا نظرنا الي المبني والارضيه . وعملنا مقارنه بذلك الزمن
لكن اعتقد ان المريض يرقد علي ارضية عياده او معمل تحاليل او ماشابهه ذلك
وهذا لوجود كمية الادويه والعقارات الموجوده في الغرفه . وهي كما نعلم لها اماكن مخصصه
عموما انا بتستهويني صور السودان القديمه وبقعد ابحلق فيها طول الوقت واحفظ كل تفاصيلها
ووصلت لقناعة تامه انه السودانيين في الزمن القديم ارقي من الزمن الحالي
من ناحية النظام واتقان الاعمال وحتي المظهر والاناقه في الملبس
تحياتي

يا اخواننا احتمال تكون عملية ختان فى النخرة والزول اب جزمة بيعرفها هو براه ده بيعمل فى المخدر فى حتات عجيبة.. كل شى وارد فى السودان مش فى زول قبل كده عملوا ليه عملية بواسير فى عينه فى السودان ده !!

تحياتى يا اخت اقبال

وردى سلم أولا ثم أطرب ثانيا