Post: #1 Title: لبىّ بريدك ومجنون بيك ... وبالفصحي بحبك Author: عبد الناصر الخطيب Date: 11-16-2009, 10:10 AM
وصعب أتصور انو الناس ممكن تعيش حياته بدون حب بقلوب خالية و حياة كئبة وباردة بكونوا بضيعوا في اعمارهم وبفوتوا أحلى ما في الدنيا أمنياتي أن يغزو الحب قلوب الجميع فيعرفوا أجمل ما في الحياة لانو الحب الحياة نفسها حبو يرحمكم الله
------------- *لبىّ = قلبى ( أتختت كدة زيادة في التخصيص )
Post: #2 Title: Re: لبىّ بريدك ومجنون بيك ... وبالفصحي بحبك Author: عبد الناصر الخطيب Date: 11-16-2009, 10:49 AM Parent: #1
برجع وبقول ليكم بصدق وقلب مفتوح الحب هو الإحساس الوحيد البملاء حياتكم تفاؤل ورغبة في الحياة وبديكم القدرة تواجهوا ظروفكم مهما كانت بقدرة وثقة والبدي لشخصياتكم ملامحه واستقراره وقدرته وبخلى للحياة ألف معني تتعاش عشانوا حبو عشان تعيشوا الحياة بأبعاد أوقع وأعمق
Post: #4 Title: Re: لبىّ بريدك ومجنون بيك ... وبالفصحي بحبك Author: عبد الناصر الخطيب Date: 11-16-2009, 11:28 AM Parent: #3
العزيز / نادر أبوكدوك
تحية ببوست الحب النزلتو من غير سابق إنذر إلا بوست مجاور شائفوا بفترض أنو الحب أنفلونزه لازم الناس تاخد منها إحطيطاته وتتطعم أكيد صاحبت البوست بتكون بتهزر
لانو الحب ده المشاعر الوحيدة البتخلى الأنسان إنسان وقادر يتأثر ويأثر على الحياة حولو وبدي ثقة ما عادية في نفسوا
والبجد بخلي يتحمل الحياة مهما كانت ضغوطه حولوا وهو شاعر بقدرة ما عادية والابتسامة ما بتفارقوا بالجد صعب أتصور الحياة بلا حب
ومدام جبت ريماز والحب هنا اخترتوا لغة محائدة حتحتم على هنا أنزل مّهليت Emihlelu
___________ أكيد ودي
Post: #5 Title: Re: لبىّ بريدك ومجنون بيك ... وبالفصحي بحبك Author: عبد الناصر الخطيب Date: 11-16-2009, 11:47 AM Parent: #4
وليك كتير السلام والتحية -------------------------------------
Quote: يا اخوي انا قاعد في القيفة ومتحييييييييييير اقيف ولا انزل؟
والله يا عمر النزلة دي ما بتكون بقرار لانو أيامي المستمتع بوجودي على القيف وعامل فيها البحر ده ما حاقربوا لقيت الخلتني غطسته وما قلعته تاني وصدقني لما يجيك قدرك ده أصلو لا حتتردد ولا حتفكر كتير
بالجد أتوكل على الحي الذي لا يموت وأنزل على الاقل حيكون معاك البهتم لامرك في دنيتك وبياخد بالوا منك بمحبة
ويخلي السنين تمشي ختفه ومن حلاوته تكون ما عوزه تمش
العزيز / عمران حسن صالح ------------------------------
رائعة عثمان حسين الروعة بتظل في الخاطر وبمتد الكلام وبقول بلاحظ نحنه كسودانيين مشاعرنا بنحب نشفره ونخفيها وبنرفض نظهره وكأنها عيب أو جريمة
مر بخاطري معرفة بعزوا كتير أندهش من صورة كلامي مع زوجتى في التلفون علق البسمعك بقول بتحبوا بعض لسه ولاعرسان جداد طبعا الكلام ده أدهشني لابعد حد لانو المتزوجين مهما طال عهد زواجهم هم في النهاية ( أحباب ) ولولا بينهم مشاعر زي دي ماكان وصلوا لمرحلة انهم يتزوجوا تتويج للحب البينهم ما عارف لكين جاني إحساس أنو عندنا ثقافة زي دي ما عارفة خجل ولا بنحب ندس مشاعرنا!!! ولا تحفظ فايت الحد
وفي بالى برضوا بيظل الحب من أحلى الاقدار حتى لو مرينا بكوارث في وقلوبنا أتحطمت برضوا في الاخر الواحد حيقابل نصو الحيتفق معه ويدوم بينهم الحب وكل ما مره يوم حيزيد حبهم ويضيف لحياتهم وذكرياتهم ويقوي روابطهم عشان كدة بتمني الناس حتى مع مشاغل حياته وضغوطه ما ينسوا أنو زوجاتهم ديل في الاساس كانو الحبيبات الزمان ولازمك يفضلوا مشعرنهم بحبهم وأهتمامهم ومهما مر الزمن لازم تقولوا ليهم أنكم أهم وأغلى ما في حياتنا وأنهم كانو أهم شي حصل في العمر
في بالى الحبيبة الاقت انسان وافترضتوا انسان تاني ... خلاهوا يستغرب هل هو ده في حقيقتوا للحد الحذرة تبعد عن الخيال وتكون واقعية لانو الانسان البتفترضوا ما موجود مافي ( يلّم )
ما أخدت في باله ظلت مؤمنة بفكرته لحدي ما خلتوا يقبل التحدي ... أتفقوا تمرحل الانسان ده وكل ما حقق مرحلة .... أفتراضة تاني وصعّبت لى الافتراض ... فضلت هي تصّعب وهو يجتهد ...... وكل ما يتعب تفضل تصّر عليه وتدفعوا لحدي ما مرت كم سنة مشو زي لمحة ويوم ذكرتوا الانسان القال مافي أتفاجاء انها ( عملت ) إنسان أفضل من الافترضتو الزمان في كل حاجة وأصرت انوا موجود حتى وهو كان مافي مجرد إنسان موجود في خياله
ياجماعة إياكم والكفر بالاحساس البعمل المعجزات ده بالجد الحياة من غيروا صعب تتعاش حتبقي رحلة باهته وباردة شديد
Post: #21 Title: Re: لبىّ بريدك ومجنون بيك ... وبالفصحي بحبك Author: سارة علي Date: 11-17-2009, 00:11 AM Parent: #20
حملة مضادة... مرفوضة تماما..
Post: #22 Title: Re: لبىّ بريدك ومجنون بيك ... وبالفصحي بحبك Author: عبد الناصر الخطيب Date: 11-17-2009, 00:13 AM Parent: #18
المكرمة / مريم عبد الله
شكرا للحضور المميز محمد عبدو بيظل غناء بطعم خاص وبتظل لى أغنيات قديمة في الخاطر , شكرا كتير للإختيار
والخواطر بتزدحم لكين ببقي في البال نفس الطعم القديم والاحساس البتقابل بي حبيبتك .... والمهما مشت بينكم سنين حيظل بنفس طعم الدهشة الاولة ... واحمد المصطفي باغنياتوا البظل في الخاطر تملاء الخواطر حياتي حياتي وياعظيم وحبيبي انا فرحان فرحان بيك
بالجد بتمني الناس ما تكفر لحظة بالاحساس الممكن يوصلهم باب السماء ويخلى لحياتهم معني
Post: #23 Title: Re: لبىّ بريدك ومجنون بيك ... وبالفصحي بحبك Author: عبد الناصر الخطيب Date: 11-17-2009, 01:01 AM Parent: #22
المكرم / عماد الدين عبد الله
شكرا لمرورك الباذخ بالجمال عزة عبد العزيز داود البيظل علامة مميزة في الفن السوداني
يظل الحب قادر ان يعطي للمحب قدرة غير عادية وثقة في إن حياتهم تتجدد وتصبح اكثر جمال مهما اختبروه أو مروا به أو خذلوا يوما في إحساسهم يظل إيمانهم به عظيم
تاجست توصي أبنت خالتها أبابا في الاغنية القديمة
سعيد بحضوركم جميعا
Post: #24 Title: Re: لبىّ بريدك ومجنون بيك ... وبالفصحي بحبك Author: عبد الناصر الخطيب Date: 11-17-2009, 01:14 AM Parent: #23
المكرم / صديق مطر
------------------------------
تحية وتقدير
زي ما قالت أختنا سارة على ده البوست المضاد
وبتذكرني بزمن مره على كنت مؤمن جدا بنظريته
للحد الكان في حياتي زولة مجرد نسبة وتناسب وقراءت توافق بدون اى نوع من الاحساس
فقمته أكتشفته أنو الحكاية كدة ما بتلفق
في حاجة مهمة ناقصة مع اني كنت مخزول في قلبي للغاية ومابثق فيّ
لكين جيت في الأخر برضوا أعتزرته اواصل في القصة المنطقية
ويومه كنت منجذب لقصة كل القراب قالوا ما فيها منطق
قامت الايام أثبتت لى وليهم أنها أحسن خطوه أخده
لانو فيما بعد كل شي في حياتي اتبني على الخطوة دي
حتى لو لحظته كنت اعمي واطرش ما شائف إلا أنو دي الزولة الحتشاركني حياتي
حصل ولحدي الليلة بشكر اللحظة الإخترته فيها بإحساسي
وماندمته ولا حاندم
وكل يوم بزيد يقيني أكتر
عشان كدة بقولة بثقة ما عادية حبو يرحمكم الله
Post: #25 Title: Re: لبىّ بريدك ومجنون بيك ... وبالفصحي بحبك Author: عبد الناصر الخطيب Date: 11-17-2009, 01:38 AM Parent: #24
المكرمة / سارة على مساء الخير ,,,
بكتب ليك على أنغام انغام الاضافته مريم
فعليا ده بوست الحملة المضادة لاني من الناس البفتشوا على الناحية المشرقة في كل حاجة مهما تكون مؤلمة او محزنة او قاسية لاني بحب ليتل استيور
وأستيورد ده فار بتذكر اني لقيت عندوا حكم ما عادية
ما حاقوليك نظريتك غلط مره كانت نظريتي بس لما يسألوني عنها بقول ليهم منو القال كدة أنا ؟؟؟ ما متذكر
صدقيني حيجي يوم وما حتذكري
بهدي ليك غنية رافقتني زمن... وصدقيني في زمنه كانت مجرد غنية من دون توقع أنو الاماني العذبة دي حتتحقق
شكرا على مرورك وحملتنا متواصلة
Post: #26 Title: Re: لبىّ بريدك ومجنون بيك ... وبالفصحي بحبك Author: سارة علي Date: 11-17-2009, 04:50 AM Parent: #25
"مرض الحب" قد يؤدي الى الموت
Quote: العاشقون حياتهم قد تتحول الى جحيم منذ شهر فبراير 2005 والباحثون يخضعون "ظاهرة الحب" وإعراضه للدراسة والبحث، وخلصوا الى نتيجة مفادها ان آلام الحب تتساوى مع أعراض كثير من الإمراض العضوية الأخرى. وسجل فريق بحث أمريكي ارتفاع درجة تركز هرمونات الإعياء في الدم، مشيرين ان هذا التركز المرتفع في الشرايين يؤدي الى إرهاق عضلات القلب ويمكن ان يسبب اضرارا للقب وربما يؤدي الى توقف نبضاته، وفقا لما ورد في مقالة للباحث ايلان فيتستاين في مجلة "نيو انجيلاند" للطب. وقارن فيتستاين الحالة بوضع الإدمان. وأكدت ذلك تجارب اخرى من خلال الكشف على الدماغ أجريت في كل من الولايات المتحدة وبريطانيا. وتقول هذه التجارب بأنه في حالة ما إذا وقعت عيون إنسان عاشق متيم من الدرجة الأولى على صورة عشيقة، فإن دماغه يصبح في حالة تشبه حالات تعاطي الكوكايين. وعلى العكس من ذلك عندما سحبت صورة المعشوق، حيث تراجعت حالة الدماغ والأعضاء الى حالتها الطبيعية وكأنما صُب عليها ماء باردا. من جانبه قام فريق من الباحثين في جامعة تورينجن الألمانية، برئاسة الدكتور عارف نجيب، بالكشف عن أدمغة مجموعة من النساء التي هجرهن شركائهن قبيل وقت قصير. النتيجة كانت ملحوظة للعيان وهي ان انفصال هؤلاء النسوة عن شركائهن ترك أثارا على الدماغ لديهن، كما وأدى الى حدوث تغييرات في الأنسجة تساوي تلك التي تحدث عند ما يصاب المرء بحالة الإكتئاب النفسي. كما سجلت تغييرات ملحوظة في بؤرة الدماغ المركزية ( (amuygdala المسؤلة عن تحفيز المشاعر والدوافع) وكذلك في مناطق مهمة اخرى كثيرة في الدماغ.
منقوول.. للفائدة العامة..
ومن هنا اعلن عن توفر جرعات مجانية للتطعيم ضد داء الحب.. تعالوا علي في بوست..
Post: #27 Title: Re: لبىّ بريدك ومجنون بيك ... وبالفصحي بحبك Author: عبد الناصر الخطيب Date: 11-17-2009, 07:26 AM Parent: #26
المكرمة / سارة على صباح الورد ,,,
--------------------------
معقولة إقتباس زي ده في بوست المحبة !!!
Quote: مرض الحب" قد يؤدي الى الموت
عادي مش عمنا نزار كتب مرة قد مات شهيدا ياولدي من مات على دين المحبوب
- المرجع قارئة الفنجان _
خلاص سيبك من نظرية الفئران المتفألة وليكن شعارك داوها بالتي كانت هي الداء يعني ما تتخذي موقف متمترس بالعكس خلى نفسك عادية حتقوم تضربك أنفلونزتوا من غير ميعاد
والحب مرض لا شفاء له إن ما أصاب القلوب زي نزلت البرد لازم تظهر أعراضوا
ولك التحايا والدعوة للبورداب بمقاطعت بوستك في رواية أخري ما تقومي تضيعي الناس ساى
لانو عاجل او اجل الانفلونزه بتضربهم وبنسوا كل نظريات التمترس بتاعتهم
شعار حملتنا قال أستيورد مرة
أي شي مهما كان لازم يكون في جانب إيجابي ومشرق
و كل التحايا
Post: #28 Title: Re: لبىّ بريدك ومجنون بيك ... وبالفصحي بحبك Author: سارة علي Date: 11-17-2009, 07:38 AM Parent: #27
Quote: ولك التحايا والدعوة للبورداب بمقاطعت بوستك
إذن هي الحرب...
ــــــــــــــــــــــ وعلي نفسها جنت براقش
Post: #29 Title: Re: لبىّ بريدك ومجنون بيك ... وبالفصحي بحبك Author: عبد الناصر الخطيب Date: 11-17-2009, 08:08 AM Parent: #28
