|
Re: د.شيراز عبدالحى ....... محمد عبدالجليل (Re: فتحي الصديق)
|
ماضي ابو العزائم سلامات
محمد عبدالجليل في السودان ليهو اكتر من اسبوعين في قريتهم اسمها النوبة شمال أمدرمان و الظاهر لي النت لسا ما وصل هناك و لو وصل النت بتكون المشكلة الكهرباء لكن هو كويس جدا بنتلاقي بالتلفون ... انا مفروض امشي ليهو في النوبة لانو عندهم وفاة زول قريبهم لكن والله ما قدرت ....
| |
|
|
|
|
|
|
Re: د.شيراز عبدالحى ....... محمد عبدالجليل (Re: ماضي ابو العزائم)
|
أخونا حافظ تحياتى
Quote: بنتلاقي بالتلفون ... انا مفروض امشي ليهو في النوبة لانو عندهم وفاة زول قريبهم |
أولا بلغو حار التعازى و أكيد مادام فى السودان بعد غياب الواحد بكون مشغول بعدة إلتزامات الله إطمئنك ياخى بنعرف النوبة فى جنوب الخرطوم كمان جابت ليها نوبة شمال امدرمان ؟؟ (بينى و بينك إقوم محمد إحمبك)
| |
|
|
|
|
|
|
Re: د.شيراز عبدالحى ....... محمد عبدالجليل (Re: ماضي ابو العزائم)
|
Quote: عزيزي محمد عبد الجليل 000
تحيات دسمات يا شاهق
مع تمنيات مغلفات بكل باقات الجمال بقضاء عطلة جميلة
بين احضان الوطن
وبسمات امنة وولاء الجميلات
وفي انتظار عودتك محمل بزكريات
مدرس اطفال |
تحيات الاخ ماضي 00 محمد عبد الجليل في اجازة في السودان
في النوبة الامدرمانية
اما الزميلة شيراز عبد الحي فكانت في اجازة برضو واتمنى تكون رجعت بالسلامة
| |
|
|
|
|
|
|
Re: د.شيراز عبدالحى ....... محمد عبدالجليل (Re: محمد الجزولي)
|
الاخوان ياسر علي نايل خالد ود العبيد
تعرفوا لما عرفت إنهم الاتنين مشوا السودان فرحت شديد لانو بوست د.شيراز بتاع الانتفاضة فتح آفاق عجيبة و ماممكن تتكامل إلا بسفرة للسودان رغم أنو البوست كان بتاع شيراز لكن محمد عبدالجليل كان له القدح المعلى فهو (الراوى) حسب وصف الاستاذه عائشة موسى زوجة الشاعر محمد عبدالحى و والدة شيراز.إنشاء الله إكونوا لقوا وقت مع جرى السودان عشان إنجزوا ولو جزء من هذا العمل الجبار. لكما الود
| |
|
|
|
|
|
|
Re: د.شيراز عبدالحى ....... محمد عبدالجليل (Re: Solafa Alagib)
|
د.سلافا سلام
Quote: د:شيراز معانا هنا في السودان الايام دى وعندها مشاهدات جميلة جدا جدا على الفيس بووك |
أولا سلمى عليها كتير و التحايا أيضا للفضلى عائشةموسى أكيد مع زحمة السودان ما لاقية وقت للمنبر تعرفى ياسلافة الفيس بووك ده قدرما أرسلوا لى دعوات عامل أضان الحامل طرشا بس واضح إنو الواحد لازم إفكر فيهو بشكل جاد لك التحية و الشكرعلى الرد المطمئن
| |
|
|
|
|
|
|
Re: د.شيراز عبدالحى ....... محمد عبدالجليل (Re: محمد الجزولي)
|
Quote: ياأخي كدي سلم علينا زي ماسلمنا عليك بعدين نَظِر |
ياخوى سلام و دشمانات ما بتلاقن التسجيل ....... دشمانات الكورة ......... دشمانات حتى بوستات شقشفة العصافير و حفيف الرياح بالكوم و كل زول عامل بوست بنفس الاسم و بارقام متسلسلة كمين بوست لعودة عمر عثمان ..... جكس ساااااااااى بس زى البولونيز و الجنس الآرى عندكم لا بدورك ولا بحمل بلاك
محمد الجزولى إزيك
| |
|
|
|
|
|
|
Re: د.شيراز عبدالحى ....... محمد عبدالجليل (Re: ماضي ابو العزائم)
|
الصديق العزيز حقا ماضي.....
....الشكر أحره لسؤالك وانتباهك لغيابى....ولا يسأل عنك إلا من يعزك....
....والإحترام لشخصك الأصيل .....
...فعلا أخجلتنى...فقد انقطعت كثيرا عما ينفع الناس وعن الأصدقاء ... وغابت عنى الأساسيات لفتره من السباحه ال"مكعوجه" بين الداتى والموضوعى........................... ....تمكن منى المرض لفترة ليست بالقصيره....وانغمست فى تيار المئات من السابحين من وإلى الطبيب.... ....ثم....ههنا فى الخرطوم...ردت إلى عافيتى وبعض من قوتى....فقد تمددت بكل أمتاري فى سرير الوالده.... ونمت لفتره على دعواتها الخالصات...... ...ثم...اضف إلى دلك بعض الإشكالات الباسوورديه....مما دفع بى دفعا إلى الإنضمام لجمهور الفيس بوك....لمعرفة ما يدور.....
...ثم عاد بي إيميلك الدى وجدته مؤخرا وهدا البوست اليوم إلى حقائق وأرض واقعيه.... ...فليس لنا الحق يا ماضي أن نتمدد ونخلق العلاقات والصداقات ...ثم بلا تحدير أو استئدان,,,ننسحب .. دون خبر أو رساله... ...وليس لنا الحق أن "نضرب" طناش بعد أن اخترنا بكامل وعينا وادراكنا مسارا عاما.... ....تقبل اسفي يا ماضي...فقد اسئت إلى كل معارفي واصدقائي.....
..شكرى كبير وحار لسؤالك ول"اللكزه" المهمه جدا....ربما بعض من الترتيب لحيواتنا الشخصيه لا مفر منه...ولكن الإبتعاد لا مبرر له......
....انا الآن__ابشركم---بصحه وعافيه...أتنسم هواء العاصمه...واعيش مهازل التسجيل للإنتخابات يوما بيوم.... وأستعد لمواضيع توثيقيه هامه...واسعد كثيرا لرؤية أولادى "يتمرمغون" فى تراب الحله.... وسأكتب يا ماضي...سأكتب كثيرا...فقد تراءت لى ضرورة التوثيق ومزيد من التوثيق.......
...التحيه ليك يا صاحب....يا راجل يا نادر....
| |
|
|
|
|
|
|
Re: د.شيراز عبدالحى ....... محمد عبدالجليل (Re: Shiraz Abdelhai)
|
لكل من سأل فى هدا البوست وغيره....أعزائي وزملائي.....
شكرا لسؤالكم....لكونكم فقدتونى......
.....ولمحمد عبد الجليل آلاف التحايا والأشواق...
-------------- طيب يا حافظ حسين...البيك انعرفت....تعرف تزور محمد وتضرب ليهو..وتنسي العشره يا راجل!!؟؟؟؟؟؟ """ما منك ...من العليك""
| |
|
|
|
|
|
|
Re: د.شيراز عبدالحى ....... محمد عبدالجليل (Re: ismeil abbas)
|
Quote: ....والله يا يخوانا ...يعلم الله.... من زمان نفسي زول كده يقوم ينفعل ويفتح لى بوست كده يهز ويرز ....... يا سلام يا ماضي.....شكرا ياخ...فشيتنى !!! |
أنا فشيتك و إنتى فشيتى فشفاشنا
تعرفى بعد كل الهضربة دى حصلى مشكلة فى النت و ما قدرت أدخل لى 3 أيام لذلك ماشفت مداخىتك إلا اسى آخر معلومة عندى أنك مريضة و فى طور نقاهة .. ثم ... إنقطاع من البورد فقلت ياولد الله إكضب الشينة.. و ها أنتى تعودين بكل شحنات الوطن فمرحبا بك تحياتى للعيال وأبو العيال
| |
|
|
|
|
|
|
Re: د.شيراز عبدالحى ....... محمد عبدالجليل (Re: ماضي ابو العزائم)
|
قد أطمانينا علي د. شيراز و نحمد الله انها بخير, وتبقي محمد عبد الجليل, نسأل الله ان يكون هو أيضا بخير, قراءنا لهم في ارشيف المنبر كثيرا...... ونتمني عودتهم, شكراً ابو العزائم لفتح هذه النافذه التي نتفقد فيها بعضنا البعض, بروحنا السودانية الاصيلة.
| |
|
|
|
|
|
|
Re: د.شيراز عبدالحى ....... محمد عبدالجليل (Re: ماضي ابو العزائم)
|
الاعزاء-ماضي أبوالعزائم/ فتحي الصديق/سمية الحسن طلحة حافظ حسن إبراهيم/عفاف علي ميرغني/محمد المرتضى حامد/ خالد العبيد/محمد الجزولي/سلافا العاقب/اسماعيل عباس/ أحمد محمد بشير ..
العيد مبارك عليكم .. رجعت من السودان أول أمس الجمعة السودان بسلم عليكن كلكن .. وهو على حاله يحتضن وجعو وناسو ونيلو .. (وطن جميل رغم التناقض في أذقته) وحكامه المشغولين بكل شيء إلا معانة أهله.. ولا زال الناس يغنون بصوت عال (شعب السودان معليش ما دام حكمنا الديش).. ويحلمون بالحرية والحب .. فشكرا ماضي وجميع الزملاء ريثما أعود .. شيراز لا زالت في السودان وستحضر لتواصل ما انقطع .. ما أجمل الوطن عندما تهب رياح التغيير وإن بطريقة خطوة للأمام وأخرى للخلف .. فالخرطوم تعج بالبروفات التي تحي الآمل الزابل.. فهناك شباب وشابات يوزعون (قرفنا) على المارة في الطرقات .. وهناك محامون تركوا الخاص ليدفعوا في إتجاه وطن ديمقراطي .. وهنالك من يقاوم بالمسيرات وبالغناء وبالشعر وبالصمت والأرض تدور وستبقى تدور لا شيء يسد طريق النور ..
سؤالكم أفعم نفسي بالمعاني
| |
|
|
|
|
|
|
|